ਮਾਰਕ ਜ਼ੁਕਰਬਰਗ ਦੀ ਸਿਕਿਊਰਿਟੀ 'ਤੇ ਹੈਰਾਨ ਕਰਨ ਵਾਲਾ ਖੁਲਾਸਾ, ਤਿੰਨ ਸਾਲਾਂ 'ਚ ਖਰਚ ਹੋਏ ਕਰੋੜਾਂ ਡਾਲਰ
ਮੇਟਾ ਨੇ ਆਪਣੇ ਸੀਈਓ ਦੀ ਸਿਕਿਊਰਿਟੀ 'ਤੇ ਲੱਖਾਂ ਡਾਲਰ ਖਰਚ ਕਰ ਦਿੱਤੇ ਹਨ। ਪਿਛਲੇ ਤਿੰਨ ਸਾਲਾਂ ਦੌਰਾਨ ਮਾਰਕ ਜ਼ੁਕਰਬਰਗ ਦੀ ਸੁਰੱਖਿਆ ਦੇ ਖਰਚੇ ਵਿੱਚ ਵਾਧਾ ਹੋਇਆ ਹੈ।
Marke Zuckerberg: ਮੇਟਾ ਨੇ ਪਿਛਲੇ ਤਿੰਨ ਸਾਲਾਂ ਵਿੱਚ ਸੀਈਓ ਮਾਰਕ ਜ਼ੁਕਰਬਰਗ ਦੀ ਨਿੱਜੀ ਸੁਰੱਖਿਆ 'ਤੇ $40 ਮਿਲੀਅਨ ਤੋਂ ਵੱਧ ਖਰਚ ਕੀਤੇ ਗਏ ਹਨ। ਜਦਕਿ ਜ਼ੁਕਰਬਰਗ ਦੇ ਪਰਿਵਾਰ ਵੱਲੋਂ ਚਲਾਏ ਜਾ ਰਹੇ ਫਾਊਂਡੇਸ਼ਨ ਨੇ ਵੀ ਲੱਖਾਂ ਡਾਲਰ ਉਨ੍ਹਾਂ ਸਮੂਹਾਂ ਨੂੰ ਦਾਨ ਕੀਤੇ ਹਨ ਜੋ 'ਪੁਲਿਸ ਨੂੰ ਬਦਨਾਮ' ਕਰਨਾ ਚਾਹੁੰਦੇ ਹਨ ਅਤੇ ਇਹ ਐਂਟੀ ਪੁਲਿਸ ਗਰੁੱਪ ਹੈ। ਇਹ ਦਾਅਵਾ ‘ਦਿ ਨਿਊਯਾਰਕ ਪੋਸਟ’ ਵੱਲੋਂ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿੱਚ ਕੀਤਾ ਗਿਆ ਹੈ।
ਕੰਪਨੀ ਦੀ ਫਰਵਰੀ ਫਾਈਲਿੰਗ ਵਿੱਚ ਕਿਹਾ ਗਿਆ ਹੈ ਕਿ CZI ਨੇ ਮਾਰਕ ਜ਼ੁਕਰਬਰਗ ਦੀ ਨਿੱਜੀ ਸੁਰੱਖਿਆ 'ਤੇ 4 ਮਿਲੀਅਨ ਡਾਲਰ ਦਾ ਵਾਧਾ ਕੀਤਾ ਹੈ। 2023 ਵਿੱਚ ਮੈਟਾ ਸੀਈਓ ਲਈ ਨਿੱਜੀ ਸੁਰੱਖਿਆ ਦੀ ਲਾਗਤ $14 ਮਿਲੀਅਨ ਸੀ। ਜਦੋਂ ਕਿ ਪਿਛਲੇ ਸਾਲ ਇਹ 10 ਮਿਲੀਅਨ ਡਾਲਰ ਸੀ। ਕੰਪਨੀ ਨੇ ਕਿਹਾ ਕਿ ਮਾਰਕ ਜ਼ੁਕਰਬਰਗ ਦੀ ਸੁਰੱਖਿਆ 'ਤੇ ਖਰਚ ਉਨ੍ਹਾਂ ਦੀ ਸਥਿਤੀ ਅਤੇ ਮੇਟਾ ਕਾਰਨ ਵਧਿਆ ਹੈ।
ਸਾਲ 2021 ਵਿੱਚ 27 ਮਿਲੀਅਨ ਡਾਲਰ ਸੀ ਸਿਕਿਊਰਿਟੀ ਦਾ ਪੈਕੇਜ
ਰਿਪੋਰਟ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਜ਼ੁਕਰਬਰਗ ਨੇ ਬਿਨਾਂ ਕਿਸੇ ਬੋਨਸ ਭੁਗਤਾਨ, ਇਕੁਇਟੀ ਗਿਫ਼ਟ ਅਤੇ ਕਿਸੇ ਹੋਰ ਮੁਆਵਜ਼ੇ ਦੇ ਸਾਲਾਨਾ ਤਨਖਾਹ ਵਿੱਚ ਸਿਰਫ਼ ਇੱਕ ਡਾਲਰ ਪ੍ਰਾਪਤ ਕਰਨ ਦੀ ਬੇਨਤੀ ਕੀਤੀ ਹੈ। ਮਹੱਤਵਪੂਰਨ ਤੌਰ 'ਤੇ ਮੇਟਾ ਨੇ ਕਥਿਤ ਤੌਰ 'ਤੇ ਮਾਰਕ ਜ਼ੁਕਰਬਰਗ, ਚੈਨ ਅਤੇ ਉਨ੍ਹਾਂ ਦੀਆਂ ਧੀਆਂ ਦੀ ਸੁਰੱਖਿਆ ਲਈ 2021 ਵਿੱਚ ਲਗਭਗ $27 ਮਿਲੀਅਨ ਦਾ ਸੁਰੱਖਿਆ ਪੈਕੇਜ ਤੈਅ ਕੀਤਾ ਸੀ।
ਇਹ ਵੀ ਪੜ੍ਹੋ: ਕੰਮ ਦੀ ਗੱਲ! ਵਿਅਕਤੀ ਦੀ ਮੌਤ ਤੋਂ ਬਾਅਦ ਆਧਾਰ, ਪੈਨ, ਵੋਟਰ ਆਈਡੀ ਵਰਗੇ ਦਸਤਾਵੇਜ਼ਾਂ ਦਾ ਕੀ ਕਰੀਏ? ਜਾਣੋ ਪੂਰੀ ਡਿਟੇਲ
ਕਿਹੜੇ ਐਂਟੀ ਪੁਲਿਸ ਗਰੁੱਪ ਨੂੰ ਕੀਤਾ ਕਿੰਨਾ ਦਾਨ
ਇਸ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ 2020 ਤੋਂ DefundPolice.org ਦੇ ਪਿੱਛੇ ਦੀ ਸੰਸਥਾ, PolicyLink ਨੇ ਚੈਨ ਜ਼ੁਕਰਬਰਗ ਈਨੀਸ਼ੀਏਟਿਵ ਤੋਂ $3 ਮਿਲੀਅਨ ਦਾਨ ਪ੍ਰਾਪਤ ਕੀਤੇ ਹਨ। ਇਹ ਜਥੇਬੰਦੀ ਪੁਲਿਸ ਵਿਰੋਧੀ ਹੈ। ਇਸ ਤੋਂ ਇਲਾਵਾ ਮਾਰਕ ਜ਼ੁਕਰਬਰਗ ਅਤੇ ਉਨ੍ਹਾਂ ਦੀ ਪਤਨੀ ਪ੍ਰਿਸਿਲਾ ਚੈਨ ਦੀ CZI ਨੇ ਵੀ 'ਸੋਲਿਡੇਅਰ' ਨਾਮਕ ਇਕ ਹੋਰ ਐਂਟੀ-ਕਾਰਪ ਗਰੁੱਪ ਨੂੰ $ 2.5 ਮਿਲੀਅਨ ਦੀ ਸਹਾਇਤਾ ਦੀ ਪੇਸ਼ਕਸ਼ ਕੀਤੀ ਹੈ।
ਜ਼ੁਕਰਬਰਗ ਨੂੰ ਕਿੰਨਾ ਫਾਇਦਾ
ਮੈਟਾ ਦੇ ਸੀਈਓ ਦੀ ਆਮਦਨ ਪਿਛਲੇ ਕੁਝ ਸਾਲਾਂ ਵਿੱਚ ਬਹੁਤ ਵਧੀ ਹੈ। ਮਾਰਕ ਜ਼ੁਕਰਬਰਗ ਨੇ ਇਸ ਸਾਲ 30 ਜੂਨ ਤੱਕ 58.9 ਬਿਲੀਅਨ ਡਾਲਰ ਕਮਾਏ ਹਨ। ਬਲੂਮਬਰਗ ਬਿਲੀਨੇਅਰਜ਼ ਇੰਡੈਕਸ ਦੇ ਅਨੁਸਾਰ, ਮਾਰਕ ਜ਼ੁਕਰਬਰਗ ਦੀ ਕੁੱਲ ਆਮਦਨ $ 106 ਬਿਲੀਅਨ ਤੱਕ ਪਹੁੰਚ ਗਈ ਹੈ। ਉਨ੍ਹਾਂ ਨੂੰ ਸਿਰਫ਼ ਇੱਕ ਦਿਨ ਵਿੱਚ 562 ਮਿਲੀਅਨ ਡਾਲਰ ਦਾ ਨੁਕਸਾਨ ਹੋਇਆ ਹੈ। ਦੁਨੀਆ ਦੇ ਅਮੀਰਾਂ ਦੀ ਸੂਚੀ 'ਚ ਮਾਰਕ ਜ਼ੁਕਰਬਰਗ 9ਵੇਂ ਸਭ ਤੋਂ ਅਮੀਰ ਵਿਅਕਤੀ ਹਨ।
ਇਹ ਵੀ ਪੜ੍ਹੋ: ਕੰਮ ਦੀ ਗੱਲ: ਬੱਚਤ ਖਾਤੇ 'ਚ ਕਿੰਨਾ ਪੈਸਾ ਰੱਖਣਾ ਚਾਹੀਦਾ? ਲਿਮਟ ਤੋਂ ਜ਼ਿਆਦਾ ਪੈਸੇ ਰੱਖਣ 'ਤੇ ਆਏਗਾ ਇਨਕਮ ਟੈਕਸ ਦਾ ਨੋਟਿਸ, ਜਾਣੋ ਨਿਯਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
