(Source: ECI/ABP News)
Flipkart: ਫਲਿੱਪਕਾਰਟ ਨੂੰ ਲੱਗਿਆ ਵੱਡਾ ਝਟਕਾ, 41 ਹਜ਼ਾਰ ਕਰੋੜ ਰੁਪਏ ਹੋਈ ਮਾਰਕਿਟ ਵੈਲਿਊ
Flipkart Market Value: ਇਸ ਗਿਰਾਵਟ ਦਾ ਦੋਸ਼ PhonePe ਨੂੰ ਵੱਖਰੀ ਕੰਪਨੀ ਬਣਾਉਣ 'ਤੇ ਲਗਾਇਆ ਜਾ ਰਿਹਾ ਹੈ। ਹਾਲਾਂਕਿ ਫਲਿੱਪਕਾਰਟ ਨੇ ਕਿਹਾ ਹੈ ਕਿ ਮਾਰਕਿਟ ਵੈਲਿਊ ਨੂੰ ਇਦਾਂ ਦੇਖਣਾ ਗ਼ਲਤ ਹੈ।
Flipkart Market Value: ਦਿੱਗਜ ਈ-ਕਾਮਰਸ ਕੰਪਨੀ ਫਲਿੱਪਕਾਰਟ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਪਿਛਲੇ 2 ਸਾਲਾਂ 'ਚ ਕੰਪਨੀ ਦੀ ਮਾਰਕਿਟ ਵੈਲਿਊ 'ਚ ਲਗਭਗ 41 ਹਜ਼ਾਰ ਕਰੋੜ ਰੁਪਏ (5 ਅਰਬ ਡਾਲਰ) ਦੀ ਕਮੀ ਆਈ ਹੈ। ਇਹ ਅੰਕੜਾ ਜਨਵਰੀ 2022 ਤੋਂ ਜਨਵਰੀ 2024 ਵਿਚਕਾਰ ਦੇ ਹਨ।
ਇਹ ਜਾਣਕਾਰੀ ਫਲਿੱਪਕਾਰਟ ਦੀ ਮੂਲ ਕੰਪਨੀ ਵਾਲਮਾਰਟ ਦੁਆਰਾ ਕੀਤੇ ਗਏ ਇਕਵਿਟੀ ਟਰਾਂਜ਼ੈਕਸ਼ਨ ਤੋਂ ਮਿਲੀ ਹੈ। ਇਹ ਗਿਰਾਵਟ ਫਲਿੱਪਕਾਰਟ ਵਲੋਂ ਆਪਣੀ ਫਿਨਟੇਕ ਫਰਮ PhonePe ਨੂੰ ਇੱਕ ਵੱਖਰੀ ਕੰਪਨੀ ਬਣਾਉਣ ਕਾਰਨ ਆਈ ਹੈ।
ਫੋਨਪੇ ਨੂੰ ਫਲਿੱਪਕਾਰਟ ਤੋਂ ਹਟਾਉਣ ਕਰਕੇ ਆਈ ਕਮੀ
ਵਾਲਮਾਰਟ ਵਲੋਂ ਇਕੁਇਟੀ ਢਾਂਚੇ ਵਿੱਚ ਕੀਤੇ ਗਏ ਬਦਲਾਅ ਤੋਂ ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ, 31 ਜਨਵਰੀ 2022 ਨੂੰ ਖ਼ਤਮ ਹੋਏ ਵਿੱਤੀ ਸਾਲ ਵਿੱਚ ਫਲਿੱਪਕਾਰਟ ਦਾ ਮੁੱਲ 40 ਬਿਲੀਅਨ ਡਾਲਰ ਸੀ, ਜੋ 31 ਜਨਵਰੀ 2024 ਨੂੰ ਘੱਟ ਕੇ 35 ਬਿਲੀਅਨ ਡਾਲਰ ਰਹਿ ਗਿਆ ਹੈ। ਇਹ ਕਮੀ PhonePe ਨੂੰ ਫਲਿੱਪਕਾਰਟ ਤੋਂ ਹਟਾਏ ਜਾਣ ਕਾਰਨ ਆਈ ਹੈ।
ਹਾਲਾਂਕਿ, ਸੂਤਰਾਂ ਨੇ ਦਾਅਵਾ ਕੀਤਾ ਹੈ ਕਿ ਇਸ ਸਮੇਂ ਫਲਿੱਪਕਾਰਟ ਦੀ ਮਾਰਕੀਟ ਵੈਲਿਊ ਲਗਭਗ 40 ਬਿਲੀਅਨ ਡਾਲਰ ਹੈ। ਵਾਲਮਾਰਟ ਨੇ ਵਿੱਤੀ ਸਾਲ 2022 'ਚ 3.2 ਅਰਬ ਡਾਲਰ 'ਚ 8 ਫੀਸਦੀ ਹਿੱਸੇਦਾਰੀ ਵੇਚੀ ਸੀ। ਅਮਰੀਕੀ ਰਿਟੇਲ ਦਿੱਗਜ ਵਾਲਮਾਰਟ ਨੇ ਵਿੱਤੀ ਸਾਲ 2023-24 'ਚ ਫਲਿੱਪਕਾਰਟ ਨੂੰ 3.5 ਅਰਬ ਡਾਲਰ ਦਾ ਭੁਗਤਾਨ ਕਰਕੇ ਕੰਪਨੀ 'ਚ ਆਪਣੀ ਹਿੱਸੇਦਾਰੀ 10 ਫੀਸਦੀ ਵਧਾ ਕੇ 85 ਫੀਸਦੀ ਕਰ ਦਿੱਤੀ ਸੀ।
ਇਹ ਵੀ ਪੜ੍ਹੋ: Lok Sabha Election: ਚੋਣਾਂ ਦੇ ਚੱਲਦੇ ਬੰਦ ਰਹੇਗਾ ਸ਼ੇਅਰ ਬਾਜ਼ਾਰ, ਜਾਣੋ ਕਦੋਂ-ਕਦੋਂ ਨਹੀਂ ਹੋਵੇਗਾ ਕਾਰੋਬਾਰ
'ਮਾਰਕਿਟ ਵੈਲਿਊ ਨੂੰ ਇਦਾਂ ਦੇਖਣਾ ਗ਼ਲਤ'
ਫਲਿੱਪਕਾਰਟ ਨੂੰ ਵਿੱਤੀ ਸਾਲ 2023 'ਚ 4,846 ਕਰੋੜ ਰੁਪਏ ਦਾ ਘਾਟਾ ਹੋਇਆ ਸੀ। ਨਾਲ ਹੀ, ਈ-ਕਾਮਰਸ ਕੰਪਨੀ ਦੀ ਕੁੱਲ ਆਮਦਨ 56,012.8 ਕਰੋੜ ਰੁਪਏ ਰਹੀ। ਪਿਛਲੇ ਵਿੱਤੀ ਸਾਲ 'ਚ ਕੰਪਨੀ ਦਾ ਕੁੱਲ ਖਰਚ 60,858 ਕਰੋੜ ਰੁਪਏ ਸੀ।
ਦੂਜੇ ਪਾਸੇ ਫਲਿੱਪਕਾਰਟ ਨੇ ਵਾਲਮਾਰਟ ਦੀ ਰਿਪੋਰਟ 'ਤੇ ਆਧਾਰਿਤ ਮੁੱਲ ਨਿਰਧਾਰਨ ਨੂੰ ਰੱਦ ਕਰ ਦਿੱਤਾ ਹੈ। ਫਲਿੱਪਕਾਰਟ ਦੇ ਬੁਲਾਰੇ ਨੇ ਕਿਹਾ ਕਿ ਬਾਜ਼ਾਰ ਮੁੱਲ ਨੂੰ ਇਸ ਤਰ੍ਹਾਂ ਦੇਖਣਾ ਗ਼ਲਤ ਹੈ। ਅਸੀਂ ਸਾਲ 2023 ਵਿੱਚ PhonePe ਨੂੰ ਵੱਖ ਕੀਤਾ ਸੀ। ਇਸ ਕਾਰਨ ਮਾਰਕਿਟ ਵੈਲਿਊ ਵਿੱਚ ਐਡਜਸਮੈਂਟ ਹੋਈ ਹੈ। ਸੂਤਰਾਂ ਮੁਤਾਬਕ ਕੰਪਨੀ ਦਾ ਆਖਰੀ ਮੁੱਲਾਂਕਣ ਸਾਲ 2021 'ਚ ਕੀਤਾ ਗਿਆ ਸੀ। ਉਸ ਵੇਲੇ ਈ-ਕਾਮਰਸ ਕੰਪਨੀ ਦੇ ਕੁੱਲ ਮੁੱਲ ਵਿੱਚ ਫਿਨਟੇਕ ਫਰਮ PhonePe ਦਾ ਮੁੱਲ ਵੀ ਸ਼ਾਮਲ ਸੀ। ਕੰਪਨੀ ਦੇ ਮੁਲਾਂਕਣ 'ਚ ਕੋਈ ਕਮੀ ਨਹੀਂ ਆਈ ਹੈ। ਜਨਰਲ ਅਟਲਾਂਟਿਕ, ਟਾਈਗਰ ਗਲੋਬਲ, ਰਿਬਿਟ ਕੈਪੀਟਲ ਅਤੇ TVS ਕੈਪੀਟਲ ਫੰਡ ਦੁਆਰਾ ਇਸ ਸਮੇਂ PhonePe ਦਾ ਬਾਜ਼ਾਰ ਮੁੱਲ $12 ਬਿਲੀਅਨ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
