Foreign Exchange Reserves: ਵਿਦੇਸ਼ੀ ਮੁਦਰਾ ਭੰਡਾਰ 8.895 ਅਰਬ ਡਾਲਰ ਵਧ ਕੇ 642.453 ਅਰਬ ਡਾਲਰ ਦੇ ਰਿਕਾਰਡ ਪੱਧਰ 'ਤੇ ਪਹੁੰਚਿਆ

Foreign Exchange Reserves: ਇਹ ਜਾਣਕਾਰੀ ਆਰਬੀਆਈ ਦੇ 3 ਸਤੰਬਰ ਨੂੰ ਸਮਾਪਤ ਹੋਏ ਹਫ਼ਤੇ ਦੇ ਅੰਕੜਿਆਂ ਤੋਂ ਹਾਸਲ ਹੋਈ ਹੈ। ਵਿਦੇਸ਼ੀ ਮੁਦਰਾ ਭੰਡਾਰ ਵਿੱਚ ਇਹ ਵਾਧਾ ਐਫਸੀਏ ਵਿੱਚ ਵਾਧੇ ਦੇ ਕਾਰਨ ਵੇਖਿਆ ਗਿਆ ਹੈ।

By : ਏਬੀਪੀ ਸਾਂਝਾ | Edited By: Punjabi ABP Khabar | Updated at : 11 Sep 2021 09:58 AM (IST)

Foreign_Exchange_Reserves

Foreign Exchange Reserves: ਦੇਸ਼ ਦਾ ਵਿਦੇਸ਼ੀ ਮੁਦਰਾ ਭੰਡਾਰ ਆਪਣੇ ਰਿਕਾਰਡ ਉੱਚੇ ਪੱਧਰ 'ਤੇ ਪਹੁੰਚ ਗਿਆ ਹੈ। 3 ਸਤੰਬਰ ਨੂੰ ਖ਼ਤਮ ਹੋਏ ਹਫਤੇ ਵਿੱਚ ਇਹ ਲਗਪਗ 654 ਅਰਬ ਰੁਪਏ (8.895 ਅਰਬ ਡਾਲਰ) ਤੋਂ ਵਧ ਕੇ ਲਗਪਗ 4,72.37 ਖਰਬ ਰੁਪਏ (642.453 ਅਰਬ ਡਾਲਰ) ਦੇ ਰਿਕਾਰਡ ਪੱਧਰ ਤੱਕ ਪਹੁੰਚ ਗਿਆ। ਇਹ ਜਾਣਕਾਰੀ ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੇ ਅੰਕੜਿਆਂ ਤੋਂ ਹਾਸਲ ਹੋਈ ਹੈ। ਇਸ ਤੋਂ ਪਹਿਲਾਂ 27 ਅਗਸਤ ਨੂੰ ਖ਼ਤਮ ਹੋਏ ਹਫ਼ਤੇ ਵਿੱਚ ਦੇਸ਼ ਦਾ ਵਿਦੇਸ਼ੀ ਮੁਦਰਾ ਭੰਡਾਰ ਲਗਪਗ 12.25 ਅਰਬ ਰੁਪਏ (16.663 ਅਰਬ ਡਾਲਰ) ਤੋਂ ਵਧ ਕੇ ਲਗਪਗ 4,65.83 ਖਰਬ ਰੁਪਏ (633.558 ਅਰਬ ਡਾਲਰ) ਹੋ ਗਿਆ ਸੀ।

ਆਰਬੀਆਈ ਨੇ ਸ਼ੁੱਕਰਵਾਰ ਨੂੰ ਆਪਣੇ ਹਫਤਾਵਾਰੀ ਅੰਕੜੇ ਜਾਰੀ ਕੀਤੇ। ਇਨ੍ਹਾਂ ਅੰਕੜਿਆਂ ਦੇ ਮੁਤਾਬਕ, ਵਿਦੇਸ਼ੀ ਮੁਦਰਾ ਸੰਪਤੀਆਂ (ਐਫਸੀਏ) ਵਿੱਚ ਵਾਧੇ ਕਾਰਨ ਇਹ ਵਾਧਾ ਦੇਸ਼ ਦੇ ਵਿਦੇਸ਼ੀ ਮੁਦਰਾ ਭੰਡਾਰ ਵਿੱਚ ਦੇਖਿਆ ਗਿਆ। ਦੱਸ ਦੇਈਏ ਕਿ ਐਫਸੀਏ ਕੁੱਲ ਮੁਦਰਾ ਭੰਡਾਰ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ।

ਐਫਸੀਏ ਵਿੱਚ ਲਗਪਗ 6,03 ਅਰਬ ਰੁਪਏ ਦਾ ਵਾਧਾ

ਆਰਬੀਆਈ ਦੇ ਅੰਕੜਿਆਂ ਮੁਤਾਬਕ, ਪਿਛਲੇ ਹਫ਼ਤੇ ਐਫਸੀਏ ਲਗਪਗ 6,03 ਅਰਬ ਰੁਪਏ (8.213 ਅਰਬ ਡਾਲਰ ਵਧ ਕੇ) ਲਗਪਗ 4,26.31 ਖਰਬ ਰੁਪਏ (579.813 ਅਰਬ ਡਾਲਰ) ਤੱਕ ਪਹੁੰਚ ਗਿਆ ਹੈ। ਦੱਸ ਦੇਈਏ ਕਿ ਐਫਸੀਏ ਨੂੰ ਡਾਲਰ ਦੇ ਮੁਤਾਬਕ ਹੀ ਰਿਕਾਰਡ ਵਿੱਚ ਦਰਜ ਕੀਤਾ ਜਾਂਦਾ ਹੈ। ਹਾਲਾਂਕਿ, ਇਹ ਡਾਲਰ ਦੇ ਇਲਾਵਾ ਹੋਰ ਵਿਦੇਸ਼ੀ ਮੁਦਰਾ ਦੇ ਮੁੱਲ ਵਿੱਚ ਕਮੀ ਜਾਂ ਵਾਧੇ ਦੇ ਅਧਾਰ 'ਤੇ ਨਿਰਧਾਰਤ ਕੀਤਾ ਜਾਂਦਾ ਹੈ, ਜਿਸ ਵਿੱਚ ਯੂਰੋ, ਪੌਂਡ ਅਤੇ ਯੇਨ ਸ਼ਾਮਲ ਹਨ।

ਅੰਕੜਿਆਂ ਮੁਤਾਬਕ, ਪਿਛਲੇ ਹਫ਼ਤੇ ਦੇਸ਼ ਦਾ ਸੋਨਾ ਭੰਡਾਰ ਲਗਪਗ 47 ਅਰਬ 2037 ਲੱਖ ਰੁਪਏ (642 ਮਿਲੀਅਨ ਡਾਲਰ) ਤੋਂ ਵਧ ਕੇ ਲਗਪਗ 280 ਖਰਬ ਰੁਪਏ (38.083 ਬਿਲਿਅਨ ਡਾਲਰ) ਹੋ ਗਿਆ ਹੈ। ਆਈਐਮਐਫ ਦੇ ਨਾਲ ਦੇਸ਼ ਦੇ ਵਿਸ਼ੇਸ਼ ਡਰਾਇੰਗ ਅਧਿਕਾਰ (ਐਸਡੀਆਰ) 2.9 ਕਰੋੜ ਡਾਲਰ ਵਧ ਕੇ 19.437 ਅਰਬ ਡਾਲਰ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਆਈਐਮਐਫ ਵਿੱਚ ਦੇਸ਼ ਦਾ ਵਿਦੇਸ਼ੀ ਮੁਦਰਾ ਭੰਡਾਰ 1.1 ਕਰੋੜ ਡਾਲਰ ਵਧ ਕੇ 5.121 ਅਰਬ ਡਾਲਰ ਹੋ ਗਿਆ।