Gold Price Hike: ਕੀ ਸੋਨਾ ਹੋਏਗਾ ਲੱਖਾਂ ਰੁਪਏ ਤੋਂ ਪਾਰ? 2025 ਵਿੱਚ ਹੁਣ ਤੱਕ ਲਗਭਗ 12000 ਰੁਪਏ ਵਧੀ ਕੀਮਤ
ਕੀ ਸੋਨੇ ਦੀ ਕੀਮਤ ਲੱਖ ਰੁਪਏ ਪਾਰ ਜਾਣ ਵਾਲੀ ਹੈ? ਇਹ ਸਵਾਲ ਇਸ ਲਈ ਉੱਠ ਰਹੇ ਹਨ ਕਿਉਂਕਿ ਹਰ ਰੋਜ਼ ਸੋਨੇ ਦੀ ਕੀਮਤ ਨਵੇਂ ਇਤਿਹਾਸਕ ਰਿਕਾਰਡ ਨੂੰ ਛੂ ਰਹੀ ਹੈ। ਅਮਰੀਕੀ ਟੈਰਿਫ਼ ਨੂੰ ਲੈ ਕੇ ਅਣਿਸ਼ਚਿਤਤਾ...
Gold Price Hike: ਕੀ ਸੋਨੇ ਦੀ ਕੀਮਤ ਲੱਖ ਰੁਪਏ ਪਾਰ ਜਾਣ ਵਾਲੀ ਹੈ? ਇਹ ਸਵਾਲ ਇਸ ਲਈ ਉੱਠ ਰਹੇ ਹਨ ਕਿਉਂਕਿ ਹਰ ਰੋਜ਼ ਸੋਨੇ ਦੀ ਕੀਮਤ ਨਵੇਂ ਇਤਿਹਾਸਕ ਰਿਕਾਰਡ ਨੂੰ ਛੂ ਰਹੀ ਹੈ। ਅਮਰੀਕੀ ਟੈਰਿਫ਼ ਨੂੰ ਲੈ ਕੇ ਅਣਿਸ਼ਚਿਤਤਾ, ਵਪਾਰਕ ਤਣਾਅ ਅਤੇ ਫੈਡਰਲ ਰਿਜ਼ਰਵ ਵੱਲੋਂ ਮੋਦਰੀ ਨੀਤੀ ਵਿੱਚ ਢੀਲ ਦੀ ਉਮੀਦ ਵਧਣ ਕਰਕੇ ਵਿਸ਼ਵ ਪੱਧਰ 'ਤੇ ਮਜ਼ਬੂਤ ਰੁਝਾਨ ਦੇ ਚਲਦੇ ਸਰਾਫ਼ਾ ਬਾਜ਼ਾਰ ਵਿੱਚ ਸੋਨੇ ਦੀ ਕੀਮਤ ਨਵੇਂ ਚੋਟੀ ਦੇ ਪੱਧਰ ਤੇ ਪਹੁੰਚ ਗਈ ਹੈ। ਸੋਨੇ ਦੀ ਕੀਮਤ 1,300 ਰੁਪਏ ਦੇ ਉਛਾਲ ਨਾਲ 90,750 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਨਵੇਂ ਆਲ ਟਾਈਮ ਹਾਈ 'ਤੇ ਪਹੁੰਚ ਗਈ, ਜੋ ਪਿਛਲੇ ਕਾਰੋਬਾਰੀ ਦਿਨ 89,450 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਬੰਦ ਹੋਈ ਸੀ।
ਅਖਿਲ ਭਾਰਤੀ ਸਰਾਫ਼ਾ ਸੰਘ ਦੇ ਅਨੁਸਾਰ, 99.9 ਫੀਸਦੀ ਖ਼ਾਲਸਤਾ ਵਾਲੇ ਸੋਨੇ ਦੀ ਕੀਮਤ 1,300 ਰੁਪਏ ਦੇ ਉਛਾਲ ਨਾਲ 90,750 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਨਵੇਂ ਉੱਚ ਪੱਧਰ 'ਤੇ ਪਹੁੰਚ ਗਈ। ਪਿਛਲੇ ਕਾਰੋਬਾਰੀ ਦਿਨ ਇਹ 89,450 ਰੁਪਏ ਪ੍ਰਤੀ 10 ਗ੍ਰਾਮ ਸੀ। HDFC ਸਿਕਿਊਰਿਟੀਜ਼ ਦੇ ਸੀਨੀਅਰ ਵਿਸ਼ਲੇਸ਼ਕ-ਜਿੰਸ ਸੌਮਿਲ ਗਾਂਧੀ ਦੇ ਅਨੁਸਾਰ, ਕਈ ਕਾਰਕਾਂ ਨੇ ਕੀਮਤੀ ਧਾਤਾਂ ਦੀ ਇਸ ਰਿਕਾਰਡ ਤੋੜ ਤੀਬਰਤਾ ਵਿੱਚ ਯੋਗਦਾਨ ਪਾਇਆ ਹੈ, ਜਿਵੇਂ ਕਿ ਕੇਂਦਰੀ ਬੈਂਕਾਂ ਵੱਲੋਂ ਖਰੀਦ ਅਤੇ ਵਿਸ਼ਵ ਪੱਧਰੀ ਆਰਥਿਕ ਅਸਥਿਰਤਾ। ਉਨ੍ਹਾਂ ਨੇ ਕਿਹਾ ਕਿ ਇਸ ਤੋਂ ਇਲਾਵਾ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਵਪਾਰਕ ਅਤੇ ਆਰਥਿਕ ਨੀਤੀਆਂ ਕਰਕੇ ਭਰੋਸੇਯੋਗ ਮੰਨੀਆਂ ਜਾਂਦੀਆਂ ਐਸੈੱਟਸ ਦੀ ਮੰਗ ਵਧੀ ਹੈ। ਇਸ ਸਾਲ ਹੁਣ ਤੱਕ, ਸੋਨੇ ਦੀ ਕੀਮਤ 1 ਜਨਵਰੀ ਨੂੰ 79,390 ਰੁਪਏ ਪ੍ਰਤੀ 10 ਗ੍ਰਾਮ ਤੋਂ 11,360 ਰੁਪਏ ਜਾਂ 14.31 ਫੀਸਦੀ ਵਧ ਕੇ 90,750 ਰੁਪਏ ਹੋ ਚੁੱਕੀ ਹੈ।
ਚਾਂਦੀ ਦੀ ਚਮਕ ਕਾਇਮ
ਲੱਖ ਰੁਪਏ ਦੇ ਪਾਰ ਜਾਣ ਤੋਂ ਬਾਅਦ ਵੀ ਚਾਂਦੀ ਦੀ ਚਮਕ ਕਾਇਮ ਹੈ। ਚਾਂਦੀ ਦੀਆਂ ਕੀਮਤਾਂ ਵੀ 1,300 ਰੁਪਏ ਵਧ ਕੇ 1,02,500 ਰੁਪਏ ਪ੍ਰਤੀ ਕਿਲੋ ਦੇ ਨਵੇਂ ਸਭ ਤੋਂ ਉੱਚ ਪੱਧਰ 'ਤੇ ਪਹੁੰਚ ਗਈਆਂ। ਪਿਛਲੇ ਸੈਸ਼ਨ ਵਿੱਚ ਚਾਂਦੀ 1,01,200 ਰੁਪਏ ਪ੍ਰਤੀ ਕਿਲੋ 'ਤੇ ਬੰਦ ਹੋਈ ਸੀ। ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ, ਹਾਜ਼ਿਰ ਸੋਨਾ 14.48 ਡਾਲਰ ਵਧ ਕੇ 2,998.90 ਡਾਲਰ ਪ੍ਰਤੀ ਔਂਸ ਹੋ ਗਿਆ। ਸ਼ੁੱਕਰਵਾਰ 14 ਮਾਰਚ ਨੂੰ ਸੋਨੇ ਨੇ 3,000 ਡਾਲਰ ਪ੍ਰਤੀ ਔਂਸ ਦੇ ਮਨੋਵਿਗਿਆਨੀ ਪੱਧਰ ਨੂੰ ਪਾਰ ਕਰ ਲਿਆ ਸੀ। ਸ਼ੁੱਕਰਵਾਰ ਨੂੰ ਇਸਨੇ 3,017.10 ਡਾਲਰ ਪ੍ਰਤੀ ਔਂਸ ਦਾ ਰਿਕਾਰਡ ਉੱਚ ਪੱਧਰ ਛੂਹ ਲਿਆ ਸੀ।
ਅਬੰਸ ਫਾਇਨੈਂਸ਼ੀਅਲ ਸਰਵਿਸਿਜ਼ ਲਿਮਟਿਡ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਚਿੰਤਨ ਮਹਿਤਾ ਨੇ ਕਿਹਾ, ‘‘ਮਹਿੰਗਾਈ ਘਟਣ ਕਾਰਨ ਅਮਰੀਕੀ ਫੈਡਰਲ ਰਿਜ਼ਰਵ ਵੱਲੋਂ ਵਿਆਜ ਦਰਾਂ ਵਿੱਚ ਹੋਰ ਕਟੌਤੀ ਦੀ ਉਮੀਦ ਵਧਣ ਕਰਕੇ ਸੋਨੇ ਦੀਆਂ ਕੀਮਤਾਂ ਰਿਕਾਰਡ ਉੱਚਾਈ ਦੇ ਨੇੜੇ ਬਣੀਆਂ ਹੋਈਆਂ ਹਨ।’’ ਮਹਿਤਾ ਨੇ ਕਿਹਾ ਕਿ ਭੂ-ਰਾਜਨੀਤਕ ਖ਼ਤਰੇ ਵੀ ਸੋਨੇ ਦੀ ਕੀਮਤ ਨੂੰ ਮਜ਼ਬੂਤੀ ਦੇ ਰਹੇ ਹਨ, ਕਿਉਂਕਿ ਅਮਰੀਕਾ ਨੇ ਪੁਸ਼ਟੀ ਕੀਤੀ ਹੈ ਕਿ ਜਦ ਤੱਕ ਯਮਨ ਦੇ ਹੂਤੀ ਲਾਲ ਸਮੁੰਦਰ ਵਿੱਚ ਜਹਾਜ਼ਾਂ 'ਤੇ ਹਮਲੇ ਬੰਦ ਨਹੀਂ ਕਰਦੇ, ਉਹ ਆਪਣੇ ਹਮਲੇ ਜਾਰੀ ਰੱਖੇਗਾ, ਜਿਸ ਨਾਲ ਖੇਤਰ ਵਿੱਚ ਤਣਾਅ ਵਧ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
