Hindenburg: ਇਸ ਵਾਰ ਸੇਬੀ 'ਤੇ ਹੋਇਆ ਹਿੰਡਨਬਰਗ ਦਾ ਸਿੱਧਾ ਹਮਲਾ, Chairperson 'ਤੇ ਲੱਗੇ ਗੰਭੀਰ ਦੋਸ਼
SEBI: ਹਿੰਡਨਬਰਗ ਨੇ ਅੱਜ ਸਵੇਰੇ ਸਭ ਦੇ ਹੋਸ਼ ਉੱਡਾ ਦਿੱਤੇ ਸੀ ਇੱਕ ਟਵੀਟ ਕਰਕੇ। ਹੁਣ ਇਸ ਤੋਂ ਪਰਦਾ ਉੱਠ ਗਿਆ ਹੈ ਕਿ ਹਿੰਡਨਬਰਗ ਦਾ ਅੱਗਲਾ ਨਿਸ਼ਾਨਾ ਕੌਣ ਹੈ। ਜੀ ਹਾਂ ਹਿੰਡਨਬਰਗ ਨੇ ਇਸ ਵਾਰ ਮਾਰਕੀਟ ਰੈਗੂਲੇਟਰੀ ਸੇਬੀ (SEBI) 'ਤੇ ਸਿੱਧਾ ਹਮਲਾ
SEBI: ਪਿਛਲੀ ਵਾਰ ਅਡਾਨੀ ਸਮੂਹ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਹਿੰਡਨਬਰਗ ਨੇ ਇਸ ਵਾਰ ਮਾਰਕੀਟ ਰੈਗੂਲੇਟਰੀ ਸੇਬੀ (SEBI) 'ਤੇ ਸਿੱਧਾ ਹਮਲਾ ਕੀਤਾ ਹੈ। ਹਿੰਡਨਬਰਗ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਸੇਬੀ ਦੇ ਚੇਅਰਪਰਸਨ ਦੀ ਵੀ ਅਡਾਨੀ ਸਮੂਹ ਨਾਲ ਮਿਲੀਭੁਗਤ ਹੈ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ 18 ਮਹੀਨਿਆਂ 'ਚ ਵੀ ਅਡਾਨੀ ਗਰੁੱਪ ਖਿਲਾਫ ਕਾਰਵਾਈ ਨਹੀਂ ਕੀਤੀ।
ਹਿੰਡਨਬਰਗ ਰਿਸਰਚ ਨੇ ਸਵੇਰੇ ਸੋਸ਼ਲ ਮੀਡੀਆ ਐਕਸ 'ਤੇ ਇਸ ਖੁਲਾਸੇ ਦਾ ਐਲਾਨ ਕੀਤਾ ਸੀ। ਆਖਿਰ ਇਕ ਵਾਰ ਫਿਰ ਅਡਾਨੀ ਗਰੁੱਪ ਹਿੰਡਨਬਰਗ ਦੇ ਨਿਸ਼ਾਨੇ 'ਤੇ ਹੈ। ਗੁਪਤ ਦਸਤਾਵੇਜ਼ਾਂ ਦਾ ਹਵਾਲਾ ਦਿੰਦੇ ਹੋਏ, ਹਿੰਡਨਬਰਗ ਰਿਸਰਚ ਨੇ ਕਿਹਾ ਹੈ ਕਿ ਸੇਬੀ ਦੇ ਚੇਅਰਪਰਸਨ ਦੀ ਅਡਾਨੀ ਘੁਟਾਲੇ ਵਿਚ ਵਰਤੀਆਂ ਗਈਆਂ ਆਫਸ਼ੋਰ ਇਕਾਈਆਂ ਵਿਚ ਹਿੱਸੇਦਾਰੀ ਸੀ। ਏਬੀਪੀ ਸਾਂਝਾ ਉਨ੍ਹਾਂ ਦਸਤਾਵੇਜ਼ਾਂ ਦੀ ਪੁਸ਼ਟੀ ਨਹੀਂ ਕਰਦਾ ਜਿਨ੍ਹਾਂ ਦੇ ਆਧਾਰ 'ਤੇ ਹਿੰਡਨਬਰਗ ਨੇ ਸੇਬੀ ਦੇ ਚੇਅਰਪਰਸਨ 'ਤੇ ਇਹ ਦੋਸ਼ ਲਗਾਏ ਹਨ।
ਮਾਧਬੀ ਪੁਰੀ ਬੁਚ ਨੇ ਆਪਣੇ ਸ਼ੇਅਰ ਆਪਣੇ ਪਤੀ ਨੂੰ ਟਰਾਂਸਫਰ ਕਰ ਦਿੱਤੇ
ਹਿੰਡਨਬਰਗ ਰਿਸਰਚ ਨੇ ਆਪਣੇ ਦੋਸ਼ਾਂ 'ਚ ਕਿਹਾ ਹੈ ਕਿ ਅਪ੍ਰੈਲ 2017 ਤੋਂ ਮਾਰਚ 2022 ਤੱਕ ਮਾਧਬੀ ਪੁਰੀ ਬੁਚ ਸੇਬੀ ਦੀ ਪੂਰਣ-ਕਾਲੀ ਮੈਂਬਰ ਅਤੇ ਚੇਅਰਪਰਸਨ ਸੀ। ਸਿੰਗਾਪੁਰ ਵਿੱਚ ਐਗੋਰਾ ਪਾਰਟਨਰਜ਼ ਨਾਮ ਦੀ ਇੱਕ ਸਲਾਹਕਾਰ ਫਰਮ ਵਿੱਚ ਉਸਦੀ 100 ਪ੍ਰਤੀਸ਼ਤ ਹਿੱਸੇਦਾਰੀ ਸੀ। 16 ਮਾਰਚ, 2022 ਨੂੰ ਸੇਬੀ ਦੀ ਚੇਅਰਪਰਸਨ ਵਜੋਂ ਆਪਣੀ ਨਿਯੁਕਤੀ ਤੋਂ ਦੋ ਹਫ਼ਤੇ ਪਹਿਲਾਂ, ਉਸਨੇ ਕੰਪਨੀ ਵਿੱਚ ਆਪਣੇ ਸ਼ੇਅਰ ਆਪਣੇ ਪਤੀ ਦੇ ਨਾਮ ਤਬਦੀਲ ਕਰ ਦਿੱਤੇ।
NEW FROM US:
— Hindenburg Research (@HindenburgRes) August 10, 2024
Whistleblower Documents Reveal SEBI’s Chairperson Had Stake In Obscure Offshore Entities Used In Adani Money Siphoning Scandalhttps://t.co/3ULOLxxhkU
18 ਮਹੀਨੇ ਪਹਿਲਾਂ ਦਿੱਤੀ ਸਾਰੀ ਜਾਣਕਾਰੀ, ਫਿਰ ਵੀ ਕੋਈ ਕਾਰਵਾਈ ਨਹੀਂ ਹੋਈ
ਹਿੰਡਨਬਰਗ ਨੇ ਆਪਣੇ ਖੁਲਾਸੇ 'ਚ ਕਿਹਾ ਕਿ ਪਿਛਲੇ ਸਾਲ ਅਡਾਨੀ ਗਰੁੱਪ ਦੇ ਖਿਲਾਫ ਰਿਪੋਰਟ ਨੂੰ 18 ਮਹੀਨੇ ਬੀਤ ਜਾਣ ਦੇ ਬਾਵਜੂਦ ਸੇਬੀ ਨੇ ਕਾਰਵਾਈ ਕਰਨ 'ਚ ਕੋਈ ਦਿਲਚਸਪੀ ਨਹੀਂ ਦਿਖਾਈ ਹੈ। ਮਾਰੀਸ਼ਸ 'ਚ ਅਡਾਨੀ ਗਰੁੱਪ ਦੇ ਕਾਲੇ ਧਨ ਦੇ ਨੈੱਟਵਰਕ ਦੀ ਪੂਰੀ ਜਾਣਕਾਰੀ ਦੇਣ ਤੋਂ ਬਾਅਦ ਵੀ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
