Income Tax: ਕੀ ਤੁਹਾਡੇ ਬੈਂਕ ਖਾਤੇ 'ਚ ਵੀ ਇੰਨਾ ਪੈਸਾ, ਇਨਕਮ ਟੈਕਸ ਅਧਿਕਾਰੀ ਭੇਜਣਗੇ ਨੋਟਿਸ, ਜਾਣੋ ਨਿਯਮ?
Money Deposit Limit In Bank Account: ਵਿੱਤੀ ਸਾਲ 'ਚ ਕਿਸੇ ਗਾਹਕ ਦੇ ਖਾਤੇ 'ਚ 10 ਲੱਖ ਰੁਪਏ ਤੋਂ ਜ਼ਿਆਦਾ ਜਮ੍ਹਾ ਹੁੰਦੇ ਹਨ ਤਾਂ ਇਸ ਦੀ ਸੂਚਨਾ ਇਨਕਮ ਟੈਕਸ ਵਿਭਾਗ ਨੂੰ ਦਿੱਤੀ ਜਾਵੇ।
Avoid Income Tax Notice By Money Deposit Limit In Bank Account: ਅੱਜਕੱਲ੍ਹ, ਆਨਲਾਈਨ ਭੁਗਤਾਨ ਇੰਨਾ ਮਸ਼ਹੂਰ ਹੋ ਗਿਆ ਹੈ ਕਿ ਲੋਕਾਂ ਨੇ ਆਪਣੇ ਕੋਲ ਨਕਦੀ ਰੱਖਣ ਦੀ ਮਾਤਰਾ ਨੂੰ ਘਟਾ ਦਿੱਤਾ ਹੈ। ਲੋਕ ਆਨਲਾਈਨ ਭੁਗਤਾਨ ਨੂੰ ਨਾ ਸਿਰਫ਼ ਸੁਵਿਧਾਜਨਕ ਸਮਝਦੇ ਹਨ, ਸਗੋਂ ਸੁਰੱਖਿਅਤ ਵੀ ਮੰਨਦੇ ਹਨ। ਇਸ ਕਾਰਨ ਉਹ ਯਕੀਨੀ ਤੌਰ 'ਤੇ ਆਪਣੇ ਬੈਂਕ ਖਾਤੇ ਵਿੱਚ ਪੈਸੇ ਰੱਖਦੇ ਹਨ। ਬੈਂਕ ਖਾਤੇ ਵਿੱਚ ਪੈਸੇ ਦੀ ਬਚਤ ਵੀ ਹੁੰਦੀ ਹੈ ਤੇ ਇਸ ਦੇ ਨਾਲ ਹੀ ਜਮ੍ਹਾ ਪੈਸਿਆਂ 'ਤੇ ਵਿਆਜ ਵੀ ਮਿਲਦਾ ਹੈ। ਇਸ ਦੌਰਾਨ ਕਈ ਵਾਰ ਲੋਕ ਆਪਣੇ ਬੈਂਕ ਖਾਤਿਆਂ 'ਚ ਲੱਖਾਂ ਰੁਪਏ ਜਮ੍ਹਾ ਕਰਵਾਉਂਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੇਕਰ ਤੁਹਾਡੇ ਕੋਲ ਸੀਮਾ ਤੋਂ ਜ਼ਿਆਦਾ ਜਮ੍ਹਾਂ ਰਾਸ਼ੀ ਹੈ ਤਾਂ ਤੁਹਾਨੂੰ ਇਨਕਮ ਟੈਕਸ ਦਾ ਨੋਟਿਸ ਮਿਲ ਸਕਦਾ ਹੈ? ਜਾਣੋ ਨਿਯਮ ਕੀ ਕਹਿੰਦੇ ਹਨ।
ਇਨਕਮ ਟੈਕਸ ਬਾਰੇ ਜਾਣਨਾ ਜ਼ਰੂਰੀ
ਦੇਸ਼ ਭਰ ਵਿੱਚ ਜ਼ਿਆਦਾਤਰ ਲੋਕਾਂ ਦਾ ਬਚਤ ਖਾਤਾ ਹੁੰਦਾ ਹੈ ਜਿਸ ਵਿੱਚ ਉਹ ਆਪਣੇ ਪੈਸੇ ਦੀ ਬਚਤ ਕਰਦੇ ਹਨ ਤੇ ਜ਼ਿਆਦਾਤਰ ਲੈਣ-ਦੇਣ ਇਸ ਖਾਤੇ ਤੋਂ ਹੀ ਕੀਤੇ ਜਾਂਦੇ ਹਨ। ਕੋਈ ਵਿਅਕਤੀ ਇਸ ਖਾਤੇ ਵਿੱਚ ਜਿੰਨਾ ਚਾਹੇ ਪੈਸਾ ਰੱਖ ਸਕਦਾ ਹੈ ਪਰ ਇੱਕ ਸ਼ਰਤ ਹੈ ਕਿ ਜਮ੍ਹਾਂ ਕੀਤੀ ਗਈ ਰਕਮ ਆਮਦਨ ਕਰ ਦੇ ਦਾਇਰੇ ਵਿੱਚ ਨਹੀਂ ਆਉਣੀ ਚਾਹੀਦੀ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਸ ਨਾਲ ਜੁੜੀ ਜਾਣਕਾਰੀ ਇਨਕਮ ਟੈਕਸ ਵਿਭਾਗ ਨੂੰ ਦੇਣੀ ਪਵੇਗੀ।
ਜੇਕਰ ਤੁਹਾਡੇ ਕੋਲ ਲੱਖਾਂ ਤੋਂ ਵੱਧ ਪੈਸੇ
ਤੁਹਾਨੂੰ ਦੱਸ ਦੇਈਏ ਕਿ ITR ਵਿਭਾਗ ਕੋਲ ਇਸ ਗੱਲ ਦੀ ਜਾਣਕਾਰੀ ਹੈ ਕਿ ਹਰ ਬੈਂਕ ਵਿੱਚ ਹਰ ਗਾਹਕ ਦੇ ਖਾਤੇ ਵਿੱਚ ਕਿੰਨੇ ਪੈਸੇ ਜਮ੍ਹਾਂ ਹਨ। ਅਜਿਹੇ 'ਚ ਕੇਂਦਰੀ ਪ੍ਰਤੱਖ ਕਰ ਬੋਰਡ ਨੇ ਇਹ ਯਕੀਨੀ ਬਣਾਇਆ ਹੈ ਕਿ ਜੇਕਰ ਕਿਸੇ ਵਿੱਤੀ ਸਾਲ 'ਚ ਕਿਸੇ ਗਾਹਕ ਦੇ ਖਾਤੇ 'ਚ 10 ਲੱਖ ਰੁਪਏ ਤੋਂ ਜ਼ਿਆਦਾ ਜਮ੍ਹਾ ਹੁੰਦੇ ਹਨ ਤਾਂ ਇਸ ਦੀ ਸੂਚਨਾ ਇਨਕਮ ਟੈਕਸ ਵਿਭਾਗ ਨੂੰ ਦਿੱਤੀ ਜਾਵੇ। 10 ਲੱਖ ਰੁਪਏ ਦੀ ਇਹ ਸੀਮਾ ਮਿਉਚੁਅਲ ਫੰਡਾਂ, ਨਕਦ ਜਮ੍ਹਾਂ, ਬਾਂਡ ਤੇ ਸ਼ੇਅਰਾਂ ਵਿੱਚ ਨਿਵੇਸ਼ ਤੇ ਵਿਦੇਸ਼ੀ ਮੁਦਰਾ ਦੀ ਖਰੀਦ ਜਿਵੇਂ ਕਿ ਟਰੈਵਲਰਜ਼ ਚੈਕ, ਫਾਰੇਕਸ ਕਾਰਡ ਤੇ ਹੋਰ ਅਜਿਹੀਆਂ ਚੀਜ਼ਾਂ 'ਤੇ ਵੀ ਲਾਗੂ ਹੁੰਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
