Stock Market Closing: ਭਾਰਤੀ ਸ਼ੇਅਰ ਬਾਜ਼ਾਰ ਮਾਮੂਲੀ ਵਾਧੇ ਦੇ ਨਾਲ ਹੋਇਆ ਬੰਦ, ਬੈਂਕਿੰਗ ਸਟਾਕਾਂ 'ਚ ਅੱਜ ਵੀ ਜਾਰੀ ਰਹੀ ਤੇਜ਼ੀ
Stock Market Update: ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਦਾ ਮੁੱਖ ਕਾਰਨ ਬੈਂਕਿੰਗ ਸਟਾਕ ਹਨ। ਖਾਸ ਤੌਰ 'ਤੇ ਜਨਤਕ ਖੇਤਰ ਦੇ ਬੈਂਕਾਂ 'ਚ ਸ਼ਾਨਦਾਰ ਉਛਾਲ ਦੇਖਣ ਨੂੰ ਮਿਲ ਰਿਹੈ।
Stock Market Closing On 23rd November 2022: ਭਾਰਤੀ ਸ਼ੇਅਰ ਬਾਜ਼ਾਰ ਮਾਮੂਲੀ ਵਾਧੇ ਨਾਲ ਬੰਦ ਹੋਇਆ ਹੈ। ਦਿਨ ਦੇ ਕਾਰੋਬਾਰ 'ਚ ਬਾਜ਼ਾਰ 'ਚ ਚੰਗਾ ਉਛਾਲ ਦੇਖਣ ਨੂੰ ਮਿਲਿਆ। ਸੈਂਸੈਕਸ 363 ਅੰਕਾਂ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਸੀ ਜਦਕਿ ਨਿਫਟੀ 80 ਅੰਕਾਂ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਸੀ। ਪਰ ਬਾਜ਼ਾਰ ਬੰਦ ਹੋਣ ਤੋਂ ਪਹਿਲਾਂ ਹੀ ਮੁਨਾਫਾ-ਬੁਕਿੰਗ ਵਾਪਸ ਆ ਗਈ, ਜਿਸ ਕਾਰਨ ਮੁੰਬਈ ਸਟਾਕ ਐਕਸਚੇਂਜ ਦਾ ਸੂਚਕ ਅੰਕ ਸੈਂਸੈਕਸ 91 ਅੰਕਾਂ ਦੇ ਵਾਧੇ ਨਾਲ 61,510 ਅੰਕਾਂ 'ਤੇ ਬੰਦ ਹੋਇਆ, ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 23 ਅੰਕਾਂ ਦੇ ਮਾਮੂਲੀ ਵਾਧੇ ਨਾਲ 18,267 ਅੰਕਾਂ 'ਤੇ ਬੰਦ ਹੋਇਆ।
ਸੈਕਟਰਾਂ ਦੀ ਸਥਿਤੀ
ਬਾਜ਼ਾਰ 'ਚ ਧਾਤੂ, ਆਈਟੀ, ਇਨਫਰਾ ਅਤੇ ਕੰਜ਼ਿਊਮਰ ਡਿਊਰੇਬਲ ਸੈਕਟਰ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰਾਂ ਦੇ ਸ਼ੇਅਰਾਂ 'ਚ ਤੇਜ਼ੀ ਰਹੀ। ਬੈਂਕਿੰਗ, ਆਟੋ, PSU, ਫਾਰਮਾ, ਮੀਡੀਆ ਵਰਗੇ ਸੈਕਟਰ ਦੇ ਸ਼ੇਅਰ ਤੇਜ਼ੀ ਨਾਲ ਬੰਦ ਹੋਏ। ਮਿਡ ਕੈਪ ਅਤੇ ਸਮਾਲ ਕੈਪ ਸ਼ੇਅਰ ਵੀ ਤੇਜ਼ੀ ਨਾਲ ਬੰਦ ਹੋਏ। ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 24 ਵਾਧੇ ਦੇ ਨਾਲ ਬੰਦ ਹੋਏ ਜਦਕਿ 26 ਘਾਟੇ ਨਾਲ ਬੰਦ ਹੋਏ। ਦੂਜੇ ਪਾਸੇ ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 13 ਸ਼ੇਅਰ ਤੇਜ਼ੀ ਨਾਲ ਬੰਦ ਹੋਏ ਅਤੇ 17 ਸ਼ੇਅਰ ਲਾਲ ਨਿਸ਼ਾਨ 'ਤੇ ਬੰਦ ਹੋਏ।
ਤੇਜ਼ੀ ਨਾਲ ਵਧ ਰਹੇ ਸਟਾਕ
ਜੇਕਰ ਅਸੀਂ ਉਨ੍ਹਾਂ ਸ਼ੇਅਰਾਂ 'ਤੇ ਨਜ਼ਰ ਮਾਰੀਏ ਜਿਨ੍ਹਾਂ 'ਚ ਖਰੀਦਦਾਰੀ ਦੇਖਣ ਨੂੰ ਮਿਲੀ ਤਾਂ ਐੱਸ.ਬੀ.ਆਈ. 1.44%, ਬਜਾਜ ਫਾਈਨਾਂਸ 1.43%, ਡਾ. ਰੈੱਡੀਜ਼ ਲੈਬ 1.31%, ਕੋਟਕ ਮਹਿੰਦਰਾ 0.85%, ਸਨ ਫਾਰਮਾ 0.76%, ਮਾਰੂਤੀ ਸੁਜ਼ੂਕੀ 0.74%, NTPC 0.60%, ਐਕਸਿਸ ਬੈਂਕ 0.5% , ICICI ਬੈਂਕ 0.45 ਫੀਸਦੀ, HDFC 0.43 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਇਆ।
ਡਿੱਗ ਰਹੇ ਸਟਾਕ
ਜੇਕਰ ਤੁਸੀਂ ਮੁਨਾਫਾ ਬੁਕਿੰਗ ਦੇ ਸਟਾਕਾਂ 'ਤੇ ਨਜ਼ਰ ਮਾਰੀਏ ਤਾਂ ਪਾਵਰ ਗਰਿੱਡ 1.08 ਫੀਸਦੀ, ਟੈਕ ਮਹਿੰਦਰਾ 0.66 ਫੀਸਦੀ, ਭਾਰਤੀ ਏਅਰਟੈੱਲ 0.54 ਫੀਸਦੀ, ਬਜਾਜ ਫਿਨਸਰਵ 0.51 ਫੀਸਦੀ, ਅਲਟਰਾਟੈਕ ਸੀਮੈਂਟ 0.50 ਫੀਸਦੀ, ਐਚਯੂਐਲ 0.45 ਫੀਸਦੀ, ਐੱਚ.ਯੂ.ਐਲ. , ਰਿਲਾਇੰਸ 0.31 ਫੀਸਦੀ, ਨੇਸਲੇ 0.31 ਫੀਸਦੀ ਟੀਸੀਐਸ 0.28 ਫੀਸਦੀ ਦੀ ਗਿਰਾਵਟ ਨਾਲ ਬੰਦ ਹੋਏ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
