ਭਾਰਤ ਦੇ ਵਪਾਰੀਆਂ ਨੇ ਚੀਨ ਖਿਲਾਫ ਛੇੜੀ ਵਪਾਰਕ ਜੰਗ, 500 ਤੋਂ ਵੱਧ ਚੀਜ਼ਾਂ ਦੇ ਬਾਈਕਾਟ ਦਾ ਐਲਾਨ

ਸੀਆਈਏਟੀ ਨੇ ਕਿਹਾ ਕਿ ਇਸ ਦਾ ਉਦੇਸ਼ ਚੀਨੀ ਤਿਆਰ ਮਾਲ ਦੀ ਦਰਾਮਦ ਨੂੰ ਦਸੰਬਰ 2021 ਤਕ 13 ਅਰਬ ਡਾਲਰ ਜਾਂ ਤਕਰੀਬਨ 1 ਲੱਖ ਕਰੋੜ ਰੁਪਏ ਘੱਟ ਕਰਨਾ ਹੈ। ਸੋਮਵਾਰ ਨੂੰ ਲੱਦਾਖ ਦੀ ਗਲਵਾਨ ਘਾਟੀ ਨੇੜੇ ਭਾਰਤ-ਚੀਨ ਟਕਰਾਅ ਤੋਂ ਬਾਅਦ ਸੀਏਟੀ ਨੇ ਇਹ ਕਦਮ ਚੁੱਕਿਆ ਹੈ।

ਨਵੀਂ ਦਿੱਲੀ: ਪੂਰਬੀ ਲੱਦਾਖ ਵਿਚ ਅਸਲ ਕੰਟਰੋਲ ਰੇਖਾ ਦੇ ਨਾਲ ਚੀਨ ਦੀ ਸੈਨਿਕ ਹਮਲੇ ਦੀ ਨਿੰਦਾ ਕਰਦਿਆਂ ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟ੍ਰੇਡਰਜ਼ (ਸੀਆਈਏਟੀ) ਨੇ ਚੀਨੀ ਸਾਮਾਨ ਦਾ ਬਾਈਕਾਟ ਕਰਨ ਦੀ ਮੰਗ ਕੀਤੀ ਹੈ। ਸੀਏਟੀ ਨੇ ਤਕਰੀਬਨ 500 ਆਯਾਤ ਵਸਤਾਂ ਦੀ ਸੂਚੀ ਵੀ ਤਿਆਰ ਕੀਤੀ ਹੈ। ਕੈਟ ਵੱਲੋਂ ਤਿਆਰ ਕੀਤੀ ਇਸ ਸੂਚੀ ਵਿਚ ਰੋਜ਼ਾਨਾ ਦੀਆਂ ਚੀਜ਼ਾਂ ਜਿਵੇਂ ਕਿ ਖਿਡੌਣੇ, ਫਰਨੀਸ਼ਿੰਗ ਫੈਬਰਿਕ, ਬਿਲਡਰ ਹਾਰਡਵੇਅਰ, ਫੁਟਵੀਅਰ, ਗਾਰਮੈਂਚਸ, ਰਸੋਈ ਦਾ ਸਮਾਨ, ਹੈਂਡ ਬੈਗ, ਭੋਜਨ, ਘੜੀਆਂ, ਜੈਮ ਤੇ ਗਹਿਣਿਆਂ, ਕੱਪੜੇ, ਸਟੇਸ਼ਨਰੀ, ਕਾਗਜ਼, ਘਰੇਲੂ ਚੀਜ਼ਾਂ, ਫਰਨੀਚਰ, ਲਾਈਟਿੰਗ, ਸਿਹਤ ਉਤਪਾਦ, ਪੈਕਿੰਗ ਉਤਪਾਦ, ਆਟੋ ਪਾਰਟਸ, ਸ਼ਿੰਗਾਰ ਦਾ ਸਾਮਾਨ ਸ਼ਾਮਲ ਹੈ। ਕੈਟ ਦੇ ਰਾਸ਼ਟਰੀ ਪ੍ਰਧਾਨ ਬੀਸੀ ਭਰਤੀਆ ਤੇ ਰਾਸ਼ਟਰੀ ਜਨਰਲ ਸਕੱਤਰ ਪ੍ਰਵੀਨ ਖੰਡੇਲਵਾਲ ਨੇ ਇਸ ਮੁਹਿੰਮ ਬਾਰੇ ਕਿਹਾ, “ਚੀਨ ਤੋਂ ਭਾਰਤ ਦੀ ਦਰਾਮਦ ਤਕਰੀਬਨ 5.25 ਲੱਖ ਕਰੋੜ ਹੈ, ਯਾਨੀ ਸਾਲਾਨਾ ਦਾ 70 ਬਿਲੀਅਨ ਡਾਲਰ। ਸੀਏਆਈਟੀ ਨੇ ਸ਼ੁਰੂਆਤੀ ਪੜਾਅ ਵਿਚ 3,000 ਤੋਂ ਵੱਧ ਉਤਪਾਦਾਂ ਦੀ ਚੋਣ ਕੀਤੀ ਹੈ, ਜੋ ਭਾਰਤ ਵਿਚ ਵੀ ਬਣਦੀਆਂ ਹਨ, ਪਰ ਇਹ ਚੀਜ਼ਾਂ ਘੱਟ ਕੀਮਤ ਦੇ ਲਾਲਚ ਵਿਚ ਚੀਨ ਤੋਂ ਆਯਾਤ ਕੀਤੀਆਂ ਜਾ ਰਹੀਆਂ ਹਨ। ਇਨ੍ਹਾਂ ਚੀਨੀ ਚੀਜ਼ਾਂ ਦੀ ਥਾਂ ਭਾਰਤ ਵਿੱਚ ਬਣੀਆਂ ਚੀਜ਼ਾਂ ਦੀ ਵਰਤੋਂ ਕਾਫ਼ੀ ਆਸਾਨੀ ਨਾਲ ਕੀਤੀ ਜਾ ਸਕਦੀ ਹੈ।' ਉਨ੍ਹਾਂ ਨੇ ਅੱਗੇ ਕਿਹਾ, 'ਜਿਹੜੀਆਂ ਚੀਜ਼ਾਂ ਤਕਨਾਲੋਜੀ ਦੀ ਮਹੱਤਤਾ ਰੱਖਦੀਆਂ ਹਨ, ਉਹ ਅਜੇ ਤੱਕ ਬਾਈਕਾਟ ਵਿਚ ਸ਼ਾਮਲ ਨਹੀਂ ਕੀਤੀ ਜਾਣਗੀਆਂ, ਜਦੋਂ ਤਕ ਇਸ ਕਿਸਮ ਦੀ ਟੈਕਨਾਲੌਜੀ ਦਾ ਵਿਕਲਪ ਭਾਰਤ ਵਿਚ ਵਿਕਸਤ ਨਹੀਂ ਹੁੰਦਾ ਜਾਂ ਭਾਰਤ ਦੇ ਇੱਕ ਮਿੱਤਰ ਦੇਸ਼ ਦੁਆਰਾ ਨਿਰਮਿਤ ਨਹੀਂ ਹੁੰਦੀ। ਉਧਰ ਉਸ ਕਿਸਮ ਦੀ ਤਕਨਾਲੋਜੀ ਦੀਆਂ ਚੀਜ਼ਾਂ ਦੀ ਵਰਤੋਂ ਕਰਨ ਤੋਂ ਇਲਾਵਾ ਹੋਰ ਕੋਈ ਵਿਕਲਪ ਨਹੀਂ ਹੈ।' ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904