FMCG Products: ਮਹਿੰਗਾਈ ਤੋਂ ਕਦੋਂ ਮਿਲੇਗੀ ਰਾਹਤ! ਹੁਣ FMCG ਕੰਪਨੀਆਂ ਚੁੱਕਣ ਜਾ ਰਹੀਆਂ ਨੇ ਇਹ ਕਦਮ
Inflation in India: FMCG ਕੰਪਨੀਆਂ ਇਸ ਸਾਲ ਚੰਗੇ ਵਾਧੇ ਲਈ ਵੱਖ-ਵੱਖ ਉਤਪਾਦਾਂ ਦੀਆਂ ਕੀਮਤਾਂ ਵਧਾਉਣ ਦੀ ਤਿਆਰੀ ਕਰ ਰਹੀਆਂ ਹਨ। ਇਸ ਨਾਲ ਆਮ ਲੋਕਾਂ ਦਾ ਬਜਟ ਪ੍ਰਭਾਵਿਤ ਹੋ ਸਕਦਾ ਹੈ।
ਮਹਿੰਗਾਈ ਤੋਂ ਰਾਹਤ (Relief From Inflation) ਦੀ ਉਡੀਕ ਕਰ ਰਹੇ ਆਮ ਲੋਕ ਨਿਰਾਸ਼ ਹੋ ਸਕਦੇ ਹਨ। ਇੱਕ ਪਾਸੇ ਜਿੱਥੇ ਖਾਣ-ਪੀਣ ਦੀਆਂ ਵਸਤੂਆਂ ਦੀ ਮਹਿੰਗਾਈ (Inflation Of Food Items) ਵਿੱਚ ਕਮੀ ਆ ਰਹੀ ਹੈ, ਉੱਥੇ ਹੀ ਦੂਜੇ ਪਾਸੇ ਐਫਐਮਸੀਜੀ ਕੰਪਨੀਆਂ ਮਹਿੰਗਾਈ (FMCG Companies Inflation) ਦੇ ਨਵੇਂ ਪੱਧਰ ਨੂੰ ਛੂਹਣ ਦੀ ਤਿਆਰੀ ਵਿੱਚ ਹਨ। ਰਿਪੋਰਟਾਂ ਮੁਤਾਬਕ FMCG ਕੰਪਨੀਆਂ ਆਉਣ ਵਾਲੇ ਦਿਨਾਂ 'ਚ ਆਪਣੇ ਵੱਖ-ਵੱਖ ਉਤਪਾਦਾਂ ਦੀਆਂ ਕੀਮਤਾਂ ਵਧਾਉਣ ਦੀ ਤਿਆਰੀ ਕਰ ਰਹੀਆਂ ਹਨ।
2 ਤੋਂ 4 ਫੀਸਦੀ ਤੱਕ ਵਧ ਸਕਦੇ ਨੇ ਰੇਟ
ET ਦੀ ਰਿਪੋਰਟ ਮੁਤਾਬਕ ਗੋਦਰੇਜ ਕੰਜ਼ਿਊਮਰ ਪ੍ਰੋਡਕਟਸ, ਡਾਬਰ ਅਤੇ ਇਮਾਮੀ ਸਮੇਤ ਕਈ FCG ਕੰਪਨੀਆਂ ਆਪਣੇ ਵੱਖ-ਵੱਖ ਉਤਪਾਦਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀਆਂ ਹਨ। ਇਹ ਕੰਪਨੀਆਂ ਇਸ ਸਾਲ ਆਪਣੇ ਉਤਪਾਦਾਂ ਦੀਆਂ ਕੀਮਤਾਂ 'ਚ 2 ਤੋਂ 4 ਫੀਸਦੀ ਤੱਕ ਦਾ ਵਾਧਾ ਕਰ ਸਕਦੀਆਂ ਹਨ। ਕੰਪਨੀਆਂ ਨੂੰ ਉਮੀਦ ਹੈ ਕਿ ਵਧਦੀਆਂ ਕੀਮਤਾਂ ਇਸ ਸਾਲ ਦੌਰਾਨ ਉਨ੍ਹਾਂ ਦੇ ਵਾਧੇ ਨੂੰ ਸਮਰਥਨ ਦੇਣਗੀਆਂ।
ਪਿਛਲੇ ਸਾਲ ਪ੍ਰਭਾਵਿਤ ਹੋਇਆ ਸੀ ਵਿਕਾਸ
ਐਫਐਮਸੀਜੀ ਕੰਪਨੀਆਂ (FMCG Companies) ਨੇ ਪਿਛਲੇ ਸਾਲ ਕੀਮਤਾਂ ਘਟਾਈਆਂ ਸਨ। ਰਿਪੋਰਟ ਦੇ ਅਨੁਸਾਰ, ਇਨਪੁਟ ਸਮੱਗਰੀ ਦੀਆਂ ਕੀਮਤਾਂ ਵਿੱਚ ਤਿੱਖੀ ਗਿਰਾਵਟ ਕਾਰਨ, ਐਫਐਮਸੀਜੀ ਕੰਪਨੀਆਂ ਨੇ ਪਿਛਲੇ ਸਾਲ ਆਪਣੇ ਉਤਪਾਦਾਂ ਦੀਆਂ ਕੀਮਤਾਂ ਵਿੱਚ ਕਟੌਤੀ ਕੀਤੀ ਸੀ, ਜਿਸ ਨਾਲ ਐਫਐਮਸੀਜੀ ਉਦਯੋਗ ਦੀ ਮੁੱਲ ਵਿਕਾਸ ਦਰ ਪ੍ਰਭਾਵਿਤ ਹੋਈ ਸੀ। ਇਸ ਸਾਲ ਕੀਮਤਾਂ ਵਧਣ ਕਾਰਨ ਵਿਕਾਸ ਦੀ ਰਫ਼ਤਾਰ ਵੀ ਵਧਣ ਦੀ ਉਮੀਦ ਹੈ।
ਇਨ੍ਹਾਂ ਵਸਤਾਂ ਦੀਆਂ ਕੀਮਤਾਂ ਸਕਦੀਆਂ ਹਨ ਵਧ
ਐਫਐਮਸੀਜੀ ਉਤਪਾਦ ਭਾਵ ਫਾਸਟ ਮੂਵਿੰਗ ਕੰਜ਼ਿਊਮਰ ਗੁਡਸ (Fast Moving Consumer Goods) ਉਹ ਉਤਪਾਦ ਹਨ ਜੋ ਲੋਕ ਰੋਜ਼ਾਨਾ ਦੇ ਆਧਾਰ 'ਤੇ ਵਰਤਦੇ ਹਨ। ਸਾਬਣ, ਸ਼ੈਂਪੂ, ਟੂਥਪੇਸਟ, ਟੂਥਬਰਸ਼ ਤੋਂ ਲੈ ਕੇ ਪ੍ਰੋਸੈਸਡ ਭੋਜਨ ਅਤੇ ਸਾਫਟ ਡਰਿੰਕਸ ਆਦਿ ਨੂੰ ਐਫਐਮਸੀਜੀ ਉਤਪਾਦਾਂ ਵਜੋਂ ਗਿਣਿਆ ਜਾਂਦਾ ਹੈ। ਇਨ੍ਹਾਂ ਦੀਆਂ ਕੀਮਤਾਂ ਵਿਚ ਵਾਧਾ ਹਰ ਕਿਸੇ ਦੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰਦਾ ਹੈ ਅਤੇ ਹਰ ਘਰ ਦਾ ਬਜਟ ਵਿਗਾੜਦਾ ਹੈ, ਕਿਉਂਕਿ ਅੱਜ ਲਗਭਗ ਹਰ ਕੋਈ ਇਨ੍ਹਾਂ ਚੀਜ਼ਾਂ ਦੀ ਵਰਤੋਂ ਕਰ ਰਿਹਾ ਹੈ।
ਅਜੇ ਟਲਿਆ ਨਹੀਂ ਹੈ ਮਹਿੰਗਾਈ ਦਾ ਖ਼ਤਰਾ
ਭਾਰਤ 'ਚ ਮਹਿੰਗਾਈ ਦੀ ਗੱਲ ਕਰੀਏ ਤਾਂ ਪਿਛਲੇ ਮਹੀਨੇ ਇਸ 'ਚ ਕੁਝ ਨਰਮੀ ਦੇਖਣ ਨੂੰ ਮਿਲੀ। ਜਨਵਰੀ ਮਹੀਨੇ 'ਚ ਪ੍ਰਚੂਨ ਮਹਿੰਗਾਈ ਦਰ 5.1 ਫੀਸਦੀ 'ਤੇ ਆ ਗਈ, ਜੋ ਤਿੰਨ ਮਹੀਨਿਆਂ 'ਚ ਸਭ ਤੋਂ ਘੱਟ ਹੈ। ਹਾਲਾਂਕਿ ਇਹ ਅਜੇ ਵੀ ਰਿਜ਼ਰਵ ਬੈਂਕ ਨੂੰ ਦਿੱਤੇ ਗਏ 4 ਫੀਸਦੀ ਦੇ ਟੀਚੇ ਤੋਂ ਉਪਰ ਹੈ। ਇਹੀ ਕਾਰਨ ਹੈ ਕਿ ਫਰਵਰੀ ਮਹੀਨੇ 'ਚ ਹੋਈ MPC ਦੀ ਬੈਠਕ 'ਚ ਵੀ ਰਿਜ਼ਰਵ ਬੈਂਕ ਨੇ ਵਿਆਜ ਦਰਾਂ 'ਚ ਬਦਲਾਅ ਨਾ ਕਰਨ ਦਾ ਫੈਸਲਾ ਕੀਤਾ ਸੀ। ਰਿਜ਼ਰਵ ਬੈਂਕ ਅਜੇ ਵੀ ਮਹਿੰਗਾਈ ਤੋਂ ਚੁਣੌਤੀਆਂ ਦਾ ਸਾਹਮਣਾ ਕਰ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
