ਮਾਰਚ 'ਚ ਆਮ ਲੋਕਾਂ ਨੂੰ ਲੱਗ ਰਹੇ ਮਹਿੰਗਾਈ ਦੇ ਝਟਕੇ, ਗੈਸ ਸਿਲੰਡਰ, ਪੈਟਰੋਲ-ਡੀਜ਼ਲ ਸਣੇ 6 ਚੀਜ਼ਾਂ ਹੋਈਆਂ ਮਹਿੰਗੀਆਂ

LPG Price Hike: ਮਹਿੰਗਾਈ ਦਾ ਅਸਰ ਆਮ ਲੋਕਾਂ 'ਤੇ ਵਧਦਾ ਹੀ ਜਾ ਰਿਹਾ ਹੈ। ਦੁੱਧ, ਚਾਹ-ਕੌਫੀ ਤੇ ਮੈਗੀ ਤੋਂ ਬਾਅਦ ਹੁਣ ਐਲਪੀਜੀ ਗੈਸ ਸਿਲੰਡਰ, ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਵੀ ਵਾਧਾ ਹੋਇਆ ਹੈ।

ਮਹਿੰਗਾਈ

LPG Price Hike: ਮਹਿੰਗਾਈ ਦਾ ਅਸਰ ਆਮ ਲੋਕਾਂ 'ਤੇ ਵਧਦਾ ਹੀ ਜਾ ਰਿਹਾ ਹੈ। ਦੁੱਧ, ਚਾਹ-ਕੌਫੀ ਤੇ ਮੈਗੀ ਤੋਂ ਬਾਅਦ ਹੁਣ ਐਲਪੀਜੀ ਗੈਸ ਸਿਲੰਡਰ, ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਵੀ ਵਾਧਾ ਹੋਇਆ ਹੈ। ਸਰਕਾਰੀ ਤੇਲ ਕੰਪਨੀਆਂ ਨੇ ਪੈਟਰੋਲ ਤੇ ਡੀਜ਼ਲ ਦੇ ਨਾਲ ਗੈਸ ਸਿਲੰਡਰ ਦੀਆਂ ਕੀਮਤਾਂ 'ਚ 50 ਰੁਪਏ ਦਾ ਵਾਧਾ ਕਰ ਦਿੱਤਾ ਹੈ। ਮਾਰਚ ਮਹੀਨੇ 'ਚ ਆਮ ਜਨਤਾ 'ਤੇ ਮਹਿੰਗਾਈ ਦਾ ਬੋਝ ਵਧਦਾ ਜਾ ਰਿਹਾ ਹੈ।

ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਮਾਰਚ ਮਹੀਨੇ 'ਚ ਕਿਹੜੇ-ਕਿਹੜੇ ਸਾਮਾਨ ਦੀਆਂ ਕੀਮਤਾਂ 'ਚ ਵਾਧਾ ਹੋਇਆ ਹੈ?

ਗੈਸ ਸਿਲੰਡਰ ਹੋਇਆ ਮਹਿੰਗਾ
ਸਰਕਾਰੀ ਤੇਲ ਕੰਪਨੀਆਂ ਨੇ ਮੰਗਲਵਾਰ ਨੂੰ ਐਲਪੀਜੀ ਗੈਸ ਸਿਲੰਡਰ ਦੀਆਂ ਕੀਮਤਾਂ 'ਚ 50 ਰੁਪਏ ਦਾ ਵਾਧਾ ਕੀਤਾ ਹੈ। ਇਸ ਵਾਧੇ ਤੋਂ ਬਾਅਦ ਐਲਪੀਜੀ ਸਿਲੰਡਰ ਦੀ ਕੀਮਤ 949.50 ਰੁਪਏ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਦਿੱਲੀ 'ਚ 14.2 ਕਿਲੋ ਸਿਲੰਡਰ ਦੀ ਕੀਮਤ 899.50 ਰੁਪਏ ਸੀ। ਇਸ ਦੇ ਨਾਲ ਹੀ ਪਟਨਾ 'ਚ ਸਿਲੰਡਰ ਦੀ ਕੀਮਤ 1039.50 ਰੁਪਏ ਹੋ ਗਈ ਹੈ।

ਪੈਟਰੋਲ ਹੋਇਆ ਮਹਿੰਗਾ
ਇਸ ਤੋਂ ਇਲਾਵਾ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ 'ਚ 80 ਪੈਸੇ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਵਾਧੇ ਤੋਂ ਬਾਅਦ ਦਿੱਲੀ 'ਚ 1 ਲੀਟਰ ਪੈਟਰੋਲ ਦੀ ਕੀਮਤ 96.21 ਰੁਪਏ ਹੋ ਗਈ ਹੈ। ਇਸ ਦੇ ਨਾਲ ਹੀ ਡੀਜ਼ਲ ਦੀ ਕੀਮਤ 87.47 ਰੁਪਏ 'ਤੇ ਪਹੁੰਚ ਗਈ ਹੈ।

ਥੋਕ ਡੀਜ਼ਲ 25 ਰੁਪਏ ਹੋਇਆ ਮਹਿੰਗਾ
ਇਸ ਤੋਂ ਇਲਾਵਾ ਥੋਕ ਡੀਜ਼ਲ ਦੀਆਂ ਕੀਮਤਾਂ 'ਚ 25 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਹੋਇਆ ਹੈ। ਥੋਕ ਖਪਤਕਾਰ ਪੈਟਰੋਲ ਪੰਪਾਂ ਤੋਂ ਖਰੀਦ ਰਹੇ ਹਨ। ਇਸ ਕਾਰਨ ਇਨ੍ਹਾਂ ਰਿਟੇਲਰਾਂ ਦਾ ਘਾਟਾ ਵਧਦਾ ਜਾ ਰਿਹਾ ਹੈ। ਮੁੰਬਈ 'ਚ ਬਲਕ ਖਪਤਕਾਰਾਂ ਲਈ ਡੀਜ਼ਲ ਦੀ ਕੀਮਤ 122.05 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ।

ਸੀਐਨਜੀ ਦੇ ਰੇਟ ਵਧੇ
ਇਸ ਤੋਂ ਇਲਾਵਾ ਸਰਕਾਰੀ ਤੇਲ ਕੰਪਨੀਆਂ ਨੇ ਸੀਐਨਜੀ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਦਿੱਲੀ NCR ਸਮੇਤ ਕਈ ਸ਼ਹਿਰਾਂ 'ਚ CNG ਦੀਆਂ ਕੀਮਤਾਂ ਵੱਧ ਗਈਆਂ ਹਨ। ਰਾਜਧਾਨੀ 'ਚ ਸੀਐਨਜੀ ਦੀ ਕੀਮਤ 'ਚ 50 ਪੈਸੇ ਦਾ ਵਾਧਾ ਹੋਇਆ ਹੈ। ਇਸ ਤੋਂ ਇਲਾਵਾ ਨੋਇਡਾ ਅਤੇ ਗਾਜ਼ੀਆਬਾਦ ਦੀ ਗੱਲ ਕਰੀਏ ਤਾਂ ਇੱਥੇ 1 ਰੁਪਏ ਪ੍ਰਤੀ ਕਿੱਲੋ ਦਾ ਵਾਧਾ ਹੋਇਆ ਹੈ।

ਮੈਗੀ ਹੋ ਗਈ ਮਹਿੰਗੀ
ਮਹਿੰਗਾਈ ਦੀ ਮਾਰ ਮੈਗੀ (maggi price list) ਅਤੇ ਚਾਹ-ਕੌਫੀ 'ਤੇ ਵੀ ਪਈ ਹੈ। 12 ਰੁਪਏ ਵਾਲੀ ਮੈਗੀ ਹੁਣ ਤੁਹਾਨੂੰ ਖਰੀਦਣ ਲਈ ਜ਼ਿਆਦਾ ਪੈਸੇ ਖਰਚ ਕਰਨੇ ਪੈਣਗੇ। ਮੈਗੀ ਦਾ 70 ਗ੍ਰਾਮ ਦਾ ਪੈਕੇਟ ਹੁਣ 12 ਰੁਪਏ ਦੀ ਬਜਾਏ 14 ਰੁਪਏ 'ਚ ਮਿਲੇਗਾ। ਮੈਗੀ ਦੀਆਂ ਕੀਮਤਾਂ 'ਚ 5 ਰੁਪਏ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਮੈਗੀ ਦੇ 140 ਗ੍ਰਾਮ ਪੈਕੇਟ ਦੀ ਕੀਮਤ 'ਚ 3 ਰੁਪਏ ਅਤੇ 560 ਗ੍ਰਾਮ ਦੇ ਪੈਕੇਟ ਦੀ ਕੀਮਤ 'ਚ ਕਰੀਬ 9.4 ਫ਼ੀਸਦੀ ਦਾ ਵਾਧਾ ਹੋਇਆ ਹੈ।

ਚਾਹ ਤੇ ਕੌਫੀ ਵੀ ਹੋਈ ਮਹਿੰਗੀ
ਇਸ ਤੋਂ ਇਲਾਵਾ ਜੇਕਰ ਚਾਹ ਅਤੇ ਕੌਫੀ ਦੀਆਂ ਕੀਮਤਾਂ ਦੀ ਗੱਲ ਕਰੀਏ ਤਾਂ Bru ਦੀਆਂ ਕੀਮਤਾਂ 'ਚ 3 ਤੋਂ 7 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਤੋਂ ਇਲਾਵਾ ਬਰੂ ਗੋਲਡ ਕੌਫੀ ਦੇ ਜਾਰ ਦੀ ਕੀਮਤ 'ਚ 3 ਤੋਂ 4 ਫ਼ੀਸਦੀ ਦਾ ਵਾਧਾ ਹੋਇਆ ਹੈ।