ਦਿੱਲੀ-NCR 'ਚ ਫਿਰ ਲਾਗੂ GRAP-3 ਪਾਬੰਦੀਆਂ, ਵਧਦੇ ਪ੍ਰਦੂਸ਼ਣ ਦੇ ਮੱਦੇਨਜ਼ਰ ਲਿਆ ਗਿਆ ਫੈਸਲਾ
GRAP-3 in Delhi: ਦਿੱਲੀ-ਐਨਸੀਆਰ ਵਿੱਚ ਹਵਾ ਦੀ ਗੁਣਵੱਤਾ (AQI) ਦੇ ਵਿਗੜਨ ਤੋਂ ਬਾਅਦ, GRAP (GRAP-3) ਦਾ ਤੀਜਾ ਪੜਾਅ ਵੀਰਵਾਰ ਯਾਨੀਕਿ ਅੱਜ 9 ਜਨਵਰੀ ਨੂੰ ਫਿਰ ਤੋਂ ਲਾਗੂ ਕੀਤਾ ਗਿਆ ਹੈ।
GRAP-3 in Delhi: ਦਿੱਲੀ-ਐਨਸੀਆਰ ਵਿੱਚ ਹਵਾ ਦੀ ਗੁਣਵੱਤਾ (AQI) ਦੇ ਵਿਗੜਨ ਤੋਂ ਬਾਅਦ, GRAP (GRAP-3) ਦਾ ਤੀਜਾ ਪੜਾਅ ਵੀਰਵਾਰ ਯਾਨੀਕਿ ਅੱਜ 9 ਜਨਵਰੀ ਨੂੰ ਫਿਰ ਤੋਂ ਲਾਗੂ ਕੀਤਾ ਗਿਆ ਹੈ। ਕਮਿਸ਼ਨ ਫਾਰ ਏਅਰ ਕੁਆਲਿਟੀ ਮੈਨੇਜਮੈਂਟ ਨੇ ਇਸ ਲਈ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ।
ਜਾਰੀ ਨੋਟੀਫਿਕੇਸ਼ਨ ਵਿੱਚ ਗ੍ਰੇਪ 3 ਅਤੇ ਗ੍ਰੇਪ 4 ਨੂੰ ਲਾਗੂ ਕਰਨ ਦੇ ਨਿਯਮਾਂ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਕਮਿਸ਼ਨ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ, ਜੇਕਰ ਦਿੱਲੀ-ਐਨਸੀਆਰ ਵਿੱਚ AQI 350 ਤੋਂ ਉੱਪਰ ਜਾਂਦਾ ਹੈ, ਤਾਂ GRAP-3 ਨੂੰ ਸਾਵਧਾਨੀ ਦੇ ਤੌਰ 'ਤੇ ਲਾਗੂ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ ਜੇਕਰ ਉਸੇ ਦਿਨ ਹਵਾ ਦੀ ਗੁਣਵੱਤਾ 400 ਨੂੰ ਪਾਰ ਕਰ ਜਾਂਦੀ ਹੈ ਤਾਂ ਗ੍ਰੇਪ-4 ਦੀਆਂ ਪਾਬੰਦੀਆਂ ਫਿਰ ਤੋਂ ਲਾਗੂ ਹੋ ਜਾਣਗੀਆਂ।
9 ਜਨਵਰੀ ਨੂੰ AQI 357
ਨੋਟੀਫਿਕੇਸ਼ਨ ਵਿੱਚ ਦੱਸਿਆ ਗਿਆ ਹੈ ਕਿ ਮੌਜੂਦਾ ਸਮੇਂ ਵਿੱਚ 8 ਜਨਵਰੀ 2025 ਨੂੰ 297 AQI ਦਰਜ ਕੀਤਾ ਗਿਆ ਸੀ। ਸ਼ਾਂਤ ਹਵਾਵਾਂ ਅਤੇ ਧੁੰਦ ਵਾਲੀ ਸਥਿਤੀ ਦੇ ਕਾਰਨ, ਇਹ ਤੇਜ਼ੀ ਨਾਲ ਵਧਿਆ ਅਤੇ 9 ਜਨਵਰੀ, 2025 ਨੂੰ ਸ਼ਾਮ 4.00 ਵਜੇ ਤੱਕ, AQI 357 ਤੱਕ ਪਹੁੰਚ ਗਿਆ।
Grape-3 ਵਿੱਚ ਕੀ ਪਾਬੰਦੀਆਂ ਹਨ?
1. ਦਿੱਲੀ ਵਿੱਚ ਮਾਲ ਢੋਆ-ਢੁਆਈ ਲਈ BS-4 ਡੀਜ਼ਲ ਇੰਜਣਾਂ ਵਾਲੇ ਮੱਧਮ ਮਾਲ ਵਾਹਨਾਂ (MGVs) 'ਤੇ ਪਾਬੰਦੀ ਹੋਵੇਗੀ। ਇਸ ਪਾਬੰਦੀ ਵਿੱਚ ਸਿਰਫ਼ ਐਮਰਜੈਂਸੀ ਅਤੇ ਜ਼ਰੂਰੀ ਸੇਵਾਵਾਂ ਲਈ ਛੋਟ ਹੋਵੇਗੀ।
2. ਦਿੱਲੀ ਤੋਂ ਬਾਹਰ ਰਜਿਸਟਰਡ BS-4 ਜਾਂ ਘੱਟ ਮਿਆਰ ਵਾਲੇ ਵਾਹਨਾਂ ਨੂੰ ਦਿੱਲੀ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਪਹਿਲਾਂ ਇਹ ਨਿਯਮ ਜੀਆਰਏਪੀ-4 ਵਿੱਚ ਸ਼ਾਮਲ ਕੀਤਾ ਗਿਆ ਸੀ, ਜਿਸ ਨੂੰ ਤੀਜੇ ਪੜਾਅ ਵਿੱਚ ਵੀ ਲਾਗੂ ਕੀਤਾ ਗਿਆ ਹੈ।
3. ਦਿੱਲੀ ਵਿੱਚ BS-4 ਜਾਂ ਪੁਰਾਣੇ ਮਾਪਦੰਡਾਂ ਦੇ ਗੈਰ-ਜ਼ਰੂਰੀ ਡੀਜ਼ਲ MGVs 'ਤੇ ਪਾਬੰਦੀ ਹੈ।
4. ਦਿੱਲੀ-ਐਨਸੀਆਰ ਦੇ ਸਕੂਲਾਂ ਵਿੱਚ 5ਵੀਂ ਜਮਾਤ ਤੱਕ ਦੀ ਪੜ੍ਹਾਈ ਹਾਈਬ੍ਰਿਡ ਮੋਡ ਵਿੱਚ ਕਰਵਾਈ ਜਾ ਸਕਦੀ ਹੈ। ਮਾਪਿਆਂ ਕੋਲ ਆਨਲਾਈਨ ਜਾਂ ਆਫ਼ਲਾਈਨ ਕਲਾਸਾਂ ਦੀ ਚੋਣ ਕਰਨ ਦਾ ਵਿਕਲਪ ਹੁੰਦਾ ਹੈ।
5. GRAP-3 ਵਿੱਚ, ਦਿੱਲੀ ਅਤੇ NCR ਨਾਲ ਸਬੰਧਤ ਰਾਜ ਸਰਕਾਰਾਂ ਸਰਕਾਰੀ ਦਫ਼ਤਰਾਂ ਦਾ ਸਮਾਂ ਬਦਲ ਸਕਦੀਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
