Microsoft ਦੇ Outage ਕਾਰਨ ਕਾਰੋਬਾਰ ਹੋਏ ਤਬਾਹ, ਇਨ੍ਹਾਂ ਸੈਕਟਰਾਂ ਨੂੰ ਹੋਇਆ ਸਭ ਤੋਂ ਵੱਧ ਨੁਕਸਾਨ
Microsoft Server Down: ਸ਼ੁੱਕਰਵਾਰ ਨੂੰ ਮਾਈਕ੍ਰੋਸਾਫਟ ਦੇ ਵਿੰਡੋਜ਼ 10 ਆਪਰੇਟਿੰਗ ਸਿਸਟਮ ਵਿੱਚ ਬਲੂ ਸਕਰੀਨ ਦੀ Error ਦਾ ਆਮ ਉਪਭੋਗਤਾਵਾਂ ਦੇ ਨਾਲ-ਨਾਲ ਕਾਰਪੋਰੇਟ ਕੰਪਨੀਆਂ 'ਤੇ ਵੀ ਡੂੰਘਾ ਅਸਰ ਪਿਆ...
ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਕੰਪਨੀਆਂ 'ਚੋਂ ਇੱਕ ਮਾਈਕ੍ਰੋਸਾਫਟ ਦੀਆਂ ਸੇਵਾਵਾਂ ਸ਼ੁੱਕਰਵਾਰ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈਆਂ। ਇਸ ਦੇ ਆਪਰੇਟਿੰਗ ਸਿਸਟਮ ਵਿੰਡੋਜ਼ 10 ਨੂੰ ਪ੍ਰਭਾਵਿਤ ਕਰਨ ਵਾਲੇ ਇੱਕ ਸਾਫਟਵੇਅਰ ਅਪਡੇਟ ਦੇ ਕਾਰਨ ਨਾ ਸਿਰਫ ਆਮ ਲੋਕ ਪ੍ਰੇਸ਼ਾਨ ਹੋਏ, ਸਗੋਂ ਦੁਨੀਆ ਭਰ ਦੇ ਵੱਖ-ਵੱਖ ਸੈਕਟਰਾਂ ਦੀਆਂ ਕਈ ਕੰਪਨੀਆਂ ਦੇ ਕੰਮਕਾਜ 'ਤੇ ਵੀ ਬੁਰਾ ਅਸਰ ਪਿਆ।
ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ ਇਹ ਸੈਕਟਰ
ਮਾਈਕ੍ਰੋਸਾਫਟ ਦੀ ਇਸ ਗਲੋਬਲ ਆਊਟੇਜ ਨਾਲ ਦੁਨੀਆ ਭਰ ਵਿੱਚ ਸਭ ਤੋਂ ਵੱਧ ਪ੍ਰਭਾਵਿਤ ਸੇਵਾਵਾਂ ਵਿੱਚ ਏਅਰਲਾਈਨਜ਼, ਰੇਲਵੇ, ਬੈਂਕਿੰਗ ਅਤੇ ਵਿੱਤ, ਸਟਾਕ ਐਕਸਚੇਂਜ, ਮੀਡੀਆ ਤੇ ਟੀਵੀ ਚੈਨਲ, ਔਨਲਾਈਨ ਸਟੋਰ, ਹਸਪਤਾਲ ਅਤੇ ਇੱਥੋਂ ਤੱਕ ਕਿ ਆਈਟੀ ਸੈਕਟਰ ਵੀ ਸ਼ਾਮਲ ਹਨ।
ਦਰਅਸਲ, ਦੁਨੀਆ ਭਰ ਦੇ ਜ਼ਿਆਦਾਤਰ ਕੰਪਿਊਟਰ ਤੇ ਲੈਪਟਾਪ ਮਾਈਕ੍ਰੋਸਾਫਟ ਦੇ ਆਪਰੇਟਿੰਗ ਸਿਸਟਮ 'ਤੇ ਚੱਲਦੇ ਹਨ। ਅਜਿਹੇ 'ਚ ਜਦੋਂ OS 'ਚ ਖਰਾਬੀ ਆਈ ਤਾਂ ਇਸ 'ਤੇ ਕੰਮ ਕਰਨ ਵਾਲੇ ਸਾਰੇ ਸਿਸਟਮ ਠੱਪ ਹੋ ਗਏ ਅਤੇ ਕੰਪਨੀਆਂ ਦਾ ਕੰਮ ਠੱਪ ਹੋ ਗਿਆ।
ਜੇ ਅਸੀਂ ਹਵਾਬਾਜ਼ੀ ਖੇਤਰ 'ਤੇ ਨਜ਼ਰ ਮਾਰੀਏ ਤਾਂ ਇਸ ਆਊਟਰੇਜ ਨੇ ਭਾਰਤ ਦੀਆਂ ਲਗਭਗ ਸਾਰੀਆਂ ਵੱਡੀਆਂ ਕੰਪਨੀਆਂ ਦੇ ਕੰਮਕਾਜ ਨੂੰ ਪ੍ਰਭਾਵਿਤ ਕੀਤਾ ਹੈ। ਅਕਾਸਾ, ਇੰਡੀਗੋ, ਏਅਰ ਇੰਡੀਆ, ਵਿਸਤਾਰਾ, ਸਪਾਈਸ ਜੈਟ ਆਦਿ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮਾਈਕ੍ਰੋਸਾਫਟ ਵਿੰਡੋਜ਼ ਆਊਟਰੇਜ ਕਾਰਨ ਉਨ੍ਹਾਂ ਦਾ ਕੰਮ ਪ੍ਰਭਾਵਿਤ ਹੋਇਆ ਹੈ। ਏਅਰਲਾਈਨਾਂ ਤੋਂ ਇਲਾਵਾ ਹਵਾਈ ਅੱਡਿਆਂ ਨੂੰ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਕਾਰਨ ਦਿੱਲੀ ਹਵਾਈ ਅੱਡੇ ਦੀਆਂ ਸੇਵਾਵਾਂ ਪ੍ਰਭਾਵਿਤ ਹੋਈਆਂ। ਅੰਤਰਰਾਸ਼ਟਰੀ ਪੱਧਰ 'ਤੇ ਕਈ ਹਵਾਬਾਜ਼ੀ ਕੰਪਨੀਆਂ ਵੀ ਪ੍ਰਭਾਵਿਤ ਹੋਈਆਂ ਹਨ। ਅਮਰੀਕਾ ਵਿੱਚ ਫਰੰਟੀਅਰ ਏਅਰਲਾਈਨਜ਼, ਐਲੀਜਿਐਂਟ, ਸਨ ਕੰਟਰੀ ਆਦਿ ਨੇ ਆਪਣੇ ਕੰਮ ਪ੍ਰਭਾਵਿਤ ਹੋਣ ਦੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਦਰਅਸਲ, ਮਾਈਕ੍ਰੋਸਾਫਟ ਦੇ ਸਿਸਟਮ ਵਿੱਚ ਨੀਲੀ ਸਕ੍ਰੀਨ ਨੂੰ ਆਮ ਨਹੀਂ ਮੰਨਿਆ ਜਾਂਦਾ ਹੈ। ਇਹ Error ਸਾਫਟਵੇਅਰ ਜਾਂ ਹਾਰਡਵੇਅਰ ਵਿੱਚ ਕਿਸੇ ਗੰਭੀਰ ਸਮੱਸਿਆ ਕਾਰਨ ਹੁੰਦੀ ਹੈ। ਜਦੋਂ ਸਿਸਟਮ ਅਜਿਹੀ ਕਿਸੇ ਸਮੱਸਿਆ ਦਾ ਪਤਾ ਲਗਾਉਂਦਾ ਹੈ, ਤਾਂ ਇਹ ਆਪਣੇ ਆਪ ਬੰਦ ਜਾਂ ਰੀਸਟਾਰਟ ਕਮਾਂਡ ਲੈਂਦਾ ਹੈ। ਅਜਿਹੇ 'ਚ ਸਿਸਟਮ ਠੀਕ ਤਰ੍ਹਾਂ ਨਾਲ ਲੋਡ ਨਹੀਂ ਹੋ ਪਾ ਰਿਹਾ ਹੈ।
ਇਸ ਆਊਟਰੇਜ ਕਾਰਨ ਮਾਈਕ੍ਰੋਸਾਫਟ ਦੀਆਂ ਕਈ ਸੇਵਾਵਾਂ ਵਿੱਚ ਵਿਘਨ ਪਿਆ ਹੈ। ਮਾਈਕ੍ਰੋਸਾਫਟ ਦੀ ਕਲਾਊਡ ਸੇਵਾਵਾਂ ਅਜ਼ੂਰ ਦੇ ਉਪਭੋਗਤਾਵਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਬਹੁਤ ਸਾਰੇ ਕਾਰਪੋਰੇਟ ਗਾਹਕ ਇਸ ਸੇਵਾ ਦੀ ਵਰਤੋਂ ਕਰਦੇ ਹਨ। ਇਸ ਤੋਂ ਇਲਾਵਾ ਕਾਰਪੋਰੇਟ ਗਾਹਕਾਂ ਵਿੱਚ ਪ੍ਰਸਿੱਧ ਪਾਵਰਬੇ, ਮਾਈਕ੍ਰੋਸਾਫਟ ਫੈਬਰਿਕ, ਮਾਈਕ੍ਰੋਸਾਫਟ ਟੀਮ, ਮਾਈਕ੍ਰੋਸਾਫਟ 365 ਐਡਮਿਨ ਸੈਂਟਰ, ਮਾਈਕ੍ਰੋਸਾਫਟ ਵਿਊ, ਵੀਵਾ ਐਂਗੇਜ ਵਰਗੀਆਂ ਮਾਈਕ੍ਰੋਸਾਫਟ ਸੇਵਾਵਾਂ ਵੀ ਅੱਜ ਪ੍ਰਭਾਵਿਤ ਹੋਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
