ਮਹਿੰਗਾਈ ਦਾ ਝਟਕਾ : ਦੁੱਧ ਦੀਆਂ ਕੀਮਤਾਂ ਨੂੰ ਲੈ ਕੇ ਆਈ ਅਜਿਹੀ ਖ਼ਬਰ, ਜੋ ਵਧਾ ਦੇਵੇਗੀ ਤੁਹਾਡੀ ਚਿੰਤਾ, ਕੀ ਫਿਰ ਵੱਧਣਗੇ ਰੇਟ ?

Milk Prices : ਦੇਸ਼ ਦੇ ਲੋਕਾਂ ਲਈ ਇਸ ਸਮੇਂ ਮਹਿੰਗਾਈ ਦੇ ਝਟਕੇ ਲਗਾਤਾਰ ਜਾਰੀ ਹਨ। ਜਿੱਥੇ ਰੋਜ਼ਾਨਾ ਖਾਣ-ਪੀਣ ਦੀਆਂ ਵਸਤੂਆਂ ਲਗਾਤਾਰ ਮਹਿੰਗੀਆਂ ਹੁੰਦੀਆਂ ਜਾ ਰਹੀਆਂ ਹਨ, ਉੱਥੇ ਆਉਣ ਵਾਲੇ ਸਮੇਂ ਵਿੱਚ ਇਨ੍ਹਾਂ ਦੀ

Milk Prices

Milk Prices : ਦੇਸ਼ ਦੇ ਲੋਕਾਂ ਲਈ ਇਸ ਸਮੇਂ ਮਹਿੰਗਾਈ ਦੇ ਝਟਕੇ ਲਗਾਤਾਰ ਜਾਰੀ ਹਨ। ਜਿੱਥੇ ਰੋਜ਼ਾਨਾ ਖਾਣ-ਪੀਣ ਦੀਆਂ ਵਸਤੂਆਂ ਲਗਾਤਾਰ ਮਹਿੰਗੀਆਂ ਹੁੰਦੀਆਂ ਜਾ ਰਹੀਆਂ ਹਨ, ਉੱਥੇ ਆਉਣ ਵਾਲੇ ਸਮੇਂ ਵਿੱਚ ਇਨ੍ਹਾਂ ਦੀਆਂ ਕੀਮਤਾਂ ਘੱਟਣਗੀਆਂ - ਅਜਿਹੇ ਮੌਕੇ ਵੀ ਘੱਟ ਨਜ਼ਰ ਆ ਰਹੇ ਹਨ। ਹੁਣ ਦੁੱਧ ਦੀਆਂ ਕੀਮਤਾਂ ਨੂੰ ਲੈ ਕੇ ਅਜਿਹੀ ਰਿਪੋਰਟ ਆਈ ਹੈ ,ਜੋ ਤੁਹਾਡੀ ਚਿੰਤਾ ਨੂੰ ਹੋਰ ਵਧਾ ਸਕਦੀ ਹੈ।

 

ਇਹ ਵੀ  ਪੜ੍ਹੋ : ਅੰਮ੍ਰਿਤਪਾਲ ਸਿੰਘ ਦੇ ਹੱਕ 'ਚ ਨੈਸ਼ਨਲ ਹਾਈਵੇ ਜਾਮ ਕਰਨ ਦੀ ਕਾਲ ਦੇਣ ਵਾਲੇ 2 ਨੌਜਵਾਨ ਗ੍ਰਿਫ਼ਤਾਰ

MK ਗਲੋਬਲ ਫਾਈਨਾਂਸ਼ੀਅਲ ਸਰਵਿਸਿਜ਼ ਦੀ ਰਿਪੋਰਟ 'ਚ ਦੱਸੀ ਗਈ ਵੱਡੀ ਗੱਲ

ਐਮਕੇ ਗਲੋਬਲ ਫਾਈਨੈਂਸ਼ੀਅਲ ਸਰਵਿਸਿਜ਼ ਦੀ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਪਿਛਲੇ ਛੇ ਮਹੀਨਿਆਂ ਵਿਚ ਦੁੱਧ ਦੀਆਂ ਕੀਮਤਾਂ ਵਿਚ ਤੇਜ਼ੀ ਦੇਖੀ ਗਈ ਹੈ ਅਤੇ ਵੱਧ ਮੰਗ ਦੇ ਸੀਜ਼ਨ ਵਿਚ ਦੁੱਧ ਦੀ ਕਮੀ ਕਾਰਨ ਇਹ ਵਧਣਾ ਜਾਰੀ ਰਹੇਗਾ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਦੁੱਧ ਅਤੇ ਦੁੱਧ ਉਤਪਾਦਾਂ 'ਚ ਪਿਛਲੇ 12 ਮਹੀਨਿਆਂ 'ਚ ਸਾਲਾਨਾ ਆਧਾਰ 'ਤੇ 6.5 ਫੀਸਦੀ ਮਹਿੰਗਾਈ ਦੇਖੀ ਗਈ ਹੈ।

 

 

ਇਹ ਵੀ  ਪੜ੍ਹੋ : ਖੰਨਾ ਪੁਲਿਸ ਨੇ ਅਮਰੀਕਾ 'ਚ ਬੈਠੇ ਗੈਂਗਸਟਰ ਲਵਜੀਤ ਕੰਗ ਦੇ ਇੱਕ ਹੋਰ ਸਾਥੀ ਨੂੰ ਕੀਤਾ ਗ੍ਰਿਫਤਾਰ , ਨਜਾਇਜ਼ ਹਥਿਆਰ ਵੀ ਬਰਾਮਦ

 

ਪਿਛਲੇ ਪੰਜ ਮਹੀਨਿਆਂ 'ਚ ਦੁੱਧ ਦੀਆਂ ਕੀਮਤਾਂ 'ਚ 8.1 ਫੀਸਦੀ ਦਾ ਵਾਧਾ 

ਜੇਕਰ ਅਸੀਂ ਪਿਛਲੇ ਪੰਜ ਮਹੀਨਿਆਂ 'ਤੇ ਨਜ਼ਰ ਮਾਰੀਏ ਤਾਂ ਇਹ ਵਧ ਕੇ 8.1 ਫੀਸਦੀ ਹੋ ਜਾਂਦੀ  ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਮਾਸਿਕ ਰਫਤਾਰ 0.8 ਫੀਸਦੀ ਰਹੀ ਹੈ। ਮਹਾਂਮਾਰੀ ਤੋਂ ਪਹਿਲਾਂ ਦੀ ਪੰਜ ਸਾਲਾਂ ਦੀ ਔਸਤ 0.3 ਪ੍ਰਤੀਸ਼ਤ ਨਾਲੋਂ ਦੁੱਗਣੀ ਤੋਂ ਵੱਧ, ਜਦੋਂ ਕਿ ਓਵਰਆਲ ਹੈਡਲਾਈਨ ਮਹਿੰਗਾਈ ਦਰ ਵਿੱਚ ਇਸਦਾ ਯੋਗਦਾਨ 6 ਪ੍ਰਤੀਸ਼ਤ ਤੱਕ ਮਹਾਂਮਾਰੀ ਤੋਂ ਬਾਅਦ ਟਿਕ ਗਿਆ ਹੈ। ਇਸ ਤੋਂ ਇਲਾਵਾ ਪਿਛਲੇ ਤਿੰਨ ਸਾਲਾਂ ਵਿੱਚ ਭਾਰਤ ਦੇ ਡੇਅਰੀ ਉਤਪਾਦਾਂ ਦੇ ਨਿਰਯਾਤ ਵਿੱਚ ਵੀ ਕਾਫ਼ੀ ਵਾਧਾ ਹੋਇਆ ਹੈ, ਜਿਸ ਨਾਲ ਘਰੇਲੂ ਘਾਟ ਵਿੱਚ ਵਾਧਾ ਹੋਇਆ ਹੈ। ਡੇਅਰੀ ਨਿਰਯਾਤ FY21 ਤੋਂ FY22 ਤੱਕ ਦੁੱਗਣਾ ਹੋ ਗਿਆ, ਮੁੱਖ ਤੌਰ 'ਤੇ ਅੰਤਰਰਾਸ਼ਟਰੀ ਕੀਮਤਾਂ ਦੇ ਵਾਧੇ ਕਾਰਨ ਅਤੇ FY23 ਵਿੱਚ ਹੋਰ ਵਧਣ ਦੀ ਰਫ਼ਤਾਰ 'ਤੇ ਹੈ।

 

 ਕਿਉਂ ਵਧ ਰਹੀਆਂ ਹਨ ਦੁੱਧ ਦੀਆਂ ਕੀਮਤਾਂ ?

ਦੁੱਧ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਜਾਰੀ ਵਾਧੇ ਦੇ ਕਈ ਕਾਰਨ ਹਨ, ਜਿਸ ਵਿੱਚ ਵਧਦੀ ਲਾਗਤ , ਮਹਾਂਮਾਰੀ ਦੇ ਕਾਰਨ ਰੁਕਾਵਟਾਂ ਅਤੇ ਅੰਤਰਰਾਸ਼ਟਰੀ ਕੀਮਤਾਂ ਸ਼ਾਮਲ ਹਨ। ਰਿਪੋਰਟ ਮੁਤਾਬਕ ਸਭ ਤੋਂ ਵੱਡਾ ਕਾਰਨ ਪਸ਼ੂ ਖੁਰਾਕ ਦੀਆਂ ਕੀਮਤਾਂ 'ਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਫਰਵਰੀ 2022 ਤੋਂ ਚਾਰੇ ਦੀਆਂ ਕੀਮਤਾਂ ਦੋਹਰੇ ਅੰਕਾਂ 'ਤੇ ਵੱਧ ਰਹੀਆਂ ਹਨ ਅਤੇ ਅਸਲ ਵਿੱਚ ਮਈ ਤੋਂ ਸਾਲ ਦਰ ਸਾਲ ਕੀਮਤ ਵਿੱਚ ਬਦਲਾਅ 20 ਪ੍ਰਤੀਸ਼ਤ ਤੋਂ ਹੇਠਾਂ ਨਹੀਂ ਆਇਆ। ਪਿਛਲੇ ਤਿੰਨ ਮਹੀਨਿਆਂ ਵਿੱਚ ਪਸ਼ੂਆਂ ਦੇ ਚਾਰੇ ਦੀਆਂ ਕੀਮਤਾਂ ਵਿੱਚ ਕੁਝ ਕਮੀ ਆਈ ਹੈ ਪਰ ਪਿਛਲੇ ਸਾਲ ਨਾਲੋਂ ਔਸਤਨ 6% ਤੋਂ ਵੱਧ ਹੈ।

ਕੋਰੋਨਾ ਨੇ ਵੀ ਦਿਖਾਇਆ ਆਪਣਾ ਅਸਰ  

ਸਭ ਤੋਂ ਮਹੱਤਵਪੂਰਨ ਕਾਰਨ ਕੋਵਿਡ ਤੋਂ ਬਾਅਦ ਉਤਪਾਦਨ ਵਿੱਚ ਗਿਰਾਵਟ ਰਿਹਾ ਹੈ। ਮਹਾਂਮਾਰੀ ਦੌਰਾਨ ਰੈਸਟੋਰੈਂਟਾਂ, ਹੋਟਲਾਂ, ਮਠਿਆਈਆਂ ਦੀਆਂ ਦੁਕਾਨਾਂ, ਵਿਆਹਾਂ ਆਦਿ ਦੀ ਮੰਗ ਘਟਣ ਕਾਰਨ ਕੀਮਤਾਂ ਘਟ ਗਈਆਂ, ਜਿਸ ਕਾਰਨ ਡੇਅਰੀਆਂ ਨੇ ਕਿਸਾਨਾਂ ਤੋਂ ਦੁੱਧ ਖਰੀਦਣ ਵਿੱਚ ਕਟੌਤੀ ਕੀਤੀ। ਇਸ ਦੌਰਾਨ ਸਕਿਮ ਮਿਲਕ ਪਾਊਡਰ (ਐਸਐਮਪੀ), ਮੱਖਣ ਅਤੇ ਘਿਓ ਦੀਆਂ ਕੀਮਤਾਂ ਵਿੱਚ ਵੀ ਕਟੌਤੀ ਕੀਤੀ ਗਈ। 

 

ਦੁੱਧ ਦੀ ਪੈਦਾਵਾਰ ਘੱਟ ਗਈ

 

ਰਿਪੋਰਟ ਮੁਤਾਬਕ ਕੋਵਿਡ ਕਾਲ ਦੇ ਕੁਪੋਸ਼ਿਤ ਬੱਚੇ ਅੱਜ ਦੁੱਧ ਉਤਪਾਦਕ ਗਾਵਾਂ ਹਨ। ਦੁੱਧ ਦੀ ਪੈਦਾਵਾਰ ਵਿੱਚ ਗਿਰਾਵਟ ਆਈ ਹੈ ਅਤੇ ਡੇਅਰੀਆਂ ਸਾਲ ਭਰ ਵਿੱਚ ਘੱਟ ਦੁੱਧ ਖਰੀਦ ਦੀ ਰਿਪੋਰਟ ਕਰ ਰਹੀਆਂ ਹਨ। ਇਹ ਵੀ ਨੋਟ ਕੀਤਾ ਜਾਣਾ ਚਾਹੀਦਾ ਹੈ ਕਿ ਭਾਰਤੀ ਪਸ਼ੂ ਵਿਸ਼ਵ ਔਸਤ ਦੇ ਮੁਕਾਬਲੇ ਘੱਟ ਦੁੱਧ ਦਿੰਦੇ ਹਨ।

 

ਦੀਵਾਲੀ ਤੱਕ ਦੁੱਧ ਦੀਆਂ ਕੀਮਤਾਂ ਵਧਣਗੀਆਂ

 

ਇਸ ਲਈ ਮੌਜੂਦਾ ਸਥਿਤੀ ਗਰਮੀਆਂ ਦੇ ਮਹੀਨਿਆਂ ਵਿੱਚ ਜਾਰੀ ਰਹਿ ਸਕਦੀ ਹੈ ਕਿਉਂਕਿ ਦੁੱਧ ਦੀ ਕਮੀ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਦੀਵਾਲੀ ਤੱਕ ਦੁੱਧ ਦੀਆਂ ਕੀਮਤਾਂ 'ਚ ਵਾਧਾ ਜਾਰੀ ਰਹੇਗਾ।