IGI Airport: ਏਅਰ ਇੰਡੀਆ ਖ਼ਿਲਾਫ਼ ਫੁੱਟਿਆ ਯਾਤਰੀਆਂ ਦਾ ਗੁੱਸਾ, T-3 'ਚ ਭਾਰੀ ਹੰਗਾਮਾ, 'We want justice' ਦੇ ਲੱਗੇ ਨਾਅਰੇ, ਵੇਖੋ ਵੀਡੀਓ

Air India: ਇਸ ਵਾਰ ਹੰਗਾਮੇ ਦਾ ਕਾਰਨ ਏਅਰ ਇੰਡੀਆ (Air India's flight) ਦੀ ਟੋਰਾਂਟੋ (Toronto) ਜਾਣ ਵਾਲੀ ਫਲਾਈਟ ਸੀ। ਇਸ ਫਲਾਈਟ ਦੀ ਵੱਧ ਰਹੀ ਦੇਰੀ ਅਤੇ ਏਅਰਲਾਈਨ ਸਟਾਫ ਦੇ ਰਵੱਈਏ ਤੋਂ ਯਾਤਰੀ ਨਾਰਾਜ਼ ਸਨ।

Air India

Air India: ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ (Delhi's Indira Gandhi International Airport) 'ਤੇ ਵੀਰਵਾਰ ਦੇਰ ਰਾਤ ਇੱਕ ਵਾਰ ਫਿਰ ਤੋਂ ਹੰਗਾਮਾ ਹੋਇਆ। ਇਸ ਵਾਰ ਹੰਗਾਮੇ ਦਾ ਕਾਰਨ ਏਅਰ ਇੰਡੀਆ (Air India's flight) ਦੀ ਟੋਰਾਂਟੋ (Toronto) ਜਾਣ ਵਾਲੀ ਫਲਾਈਟ ਸੀ। ਇਸ ਫਲਾਈਟ ਦੀ ਵੱਧ ਰਹੀ ਦੇਰੀ ਅਤੇ ਏਅਰਲਾਈਨ ਸਟਾਫ ਦੇ ਰਵੱਈਏ ਤੋਂ ਯਾਤਰੀ ਨਾਰਾਜ਼ ਸਨ। ਸਥਿਤੀ ਇੱਥੋਂ ਤੱਕ ਪਹੁੰਚ ਗਈ ਕਿ ਯਾਤਰੀਆਂ ਨੇ ਟਰਮੀਨਲ ਦੇ ਬੋਰਡਿੰਗ ਗੇਟ ਨੰਬਰ 20ਏ ਨੂੰ ਘੇਰ ਲਿਆ ਅਤੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ। ਯਾਤਰੀ ਲਗਾਤਾਰ ਏਅਰ ਇੰਡੀਆ ਦੇ ਖਿਲਾਫ਼ 'We want justice' ਦੇ ਨਾਅਰੇ ਲਾ ਰਹੇ ਸਨ।

ਹਵਾਈ ਅੱਡੇ ਦੇ ਸੂਤਰਾਂ ਅਨੁਸਾਰ ਏਅਰ ਇੰਡੀਆ ਦੀ ਫਲਾਈਟ ਏਆਈ-187 (Air India flight AI-187) ਨੇ ਵੀਰਵਾਰ ਨੂੰ ਤੜਕੇ 2:55 ਵਜੇ ਆਈਜੀਆਈ ਏਅਰਪੋਰਟ (IGI Airport) ਤੋਂ ਟੋਰਾਂਟੋ ਲਈ ਰਵਾਨਾ ਹੋਣਾ ਸੀ। ਇਸ ਫਲਾਈਟ 'ਚ ਟੋਰਾਂਟੋ ਲਈ ਰਵਾਨਾ ਹੋਏ ਕਰੀਬ 300 ਯਾਤਰੀ ਸਮੇਂ 'ਤੇ ਹਵਾਈ ਅੱਡੇ 'ਤੇ ਪਹੁੰਚ ਗਏ। ਏਅਰਪੋਰਟ 'ਤੇ ਚੈਕ-ਇਨ, ਇਮੀਗ੍ਰੇਸ਼ਨ ਅਤੇ ਸੁਰੱਖਿਆ ਪ੍ਰਕਿਰਿਆ ਪੂਰੀ ਕਰਨ ਤੋਂ ਬਾਅਦ ਜਦੋਂ ਯਾਤਰੀ ਬੋਰਡਿੰਗ ਗੇਟ ਖੇਤਰ 'ਚ ਪਹੁੰਚੇ ਤਾਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਦੀ ਫਲਾਈਟ ਟੋਰਾਂਟੋ ਲਈ ਕੁਝ ਘੰਟੇ ਲੇਟ ਹੋਵੇਗੀ।

ਯਾਤਰੀਆਂ ਨੇ ਏਅਰਲਾਈਨ ਉੱਤੇ ਲਾਏ ਦੋਸ਼

ਯਾਤਰੀਆਂ ਦਾ ਦੋਸ਼ ਹੈ ਕਿ ਫਲਾਈਟ ਦੇ ਦੇਰੀ ਬਾਰੇ ਏਅਰਲਾਈਨਜ਼ ਵੱਲੋਂ ਉਨ੍ਹਾਂ ਨੂੰ ਕੋਈ ਪਹਿਲਾਂ ਤੋਂ ਸੂਚਨਾ ਨਹੀਂ ਦਿੱਤੀ ਗਈ ਸੀ। ਬੋਰਡਿੰਗ ਗੇਟ 'ਤੇ ਪਹੁੰਚਣ ਤੋਂ ਬਾਅਦ ਵੀ ਏਅਰਲਾਈਨਜ਼ ਦਾ ਸਟਾਫ ਫਲਾਈਟ ਨਾਲ ਜੁੜੀ ਜਾਣਕਾਰੀ ਦੇਣ ਦੀ ਸਥਿਤੀ 'ਚ ਨਹੀਂ ਸੀ। ਹਵਾਈ ਅੱਡੇ 'ਤੇ ਕਈ ਘੰਟੇ ਬੀਤ ਗਏ, ਫਿਰ ਵੀ ਏਅਰਲਾਈਨਜ਼ ਨੇ ਨਾ ਤਾਂ ਯਾਤਰੀਆਂ ਨੂੰ ਹੋਟਲ ਮੁਹੱਈਆ ਕਰਵਾਏ ਅਤੇ ਨਾ ਹੀ ਕਿਸੇ ਤਰ੍ਹਾਂ ਦੀ ਸਹੂਲਤ ਦਿੱਤੀ। ਜਿਸ ਕਾਰਨ ਹਵਾਈ ਅੱਡੇ 'ਤੇ ਯਾਤਰੀਆਂ ਦਾ ਦੁੱਖ ਅਸਹਿ ਹੋ ਗਿਆ।

 

@airindia @JM_Scindia @Gen_VKSingh @JM_Scindia Scenes at Delhi Airport today. AIR INDIA DEL-YYZ flight delayed by over 20 hours and no proper departure time has been communicated. We need refund or compensation for inconvenience as i have exam on friday in college. pic.twitter.com/lJc95Zdrtz

— Utsav Patel (@utsavpatel972) February 1, 2024

 

22 ਘੰਟੇ ਦੇਰੀ ਨਾਲ ਆਪਣੀ ਮੰਜ਼ਿਲ ਲਈ ਰਵਾਨਾ ਹੋਈ ਫਲਾਈਟ 

ਇਸੇ ਫਲਾਈਟ 'ਚ ਸਫਰ ਕਰ ਰਹੇ ਇੱਕ ਹੋਰ ਯਾਤਰੀ ਨੇ ਏਅਰਲਾਈਨਜ਼ 'ਤੇ ਦੋਸ਼ ਲਗਾਇਆ ਹੈ ਕਿ 24 ਘੰਟੇ ਦੀ ਦੇਰੀ ਦੇ ਬਾਵਜੂਦ ਏਅਰਲਾਈਨਜ਼ ਵਲੋਂ ਨਾ ਤਾਂ ਕੋਈ ਸੰਪਰਕ ਕੀਤਾ ਗਿਆ ਹੈ ਅਤੇ ਨਾ ਹੀ ਰਿਹਾਇਸ਼ ਦਾ ਕੋਈ ਪ੍ਰਬੰਧ ਕੀਤਾ ਗਿਆ ਹੈ। ਏਅਰਲਾਈਨਜ਼ ਦੇ ਇਸ ਰਵੱਈਏ ਕਾਰਨ ਬੱਚੇ ਅਤੇ ਬਜ਼ੁਰਗ ਨਾ ਸਿਰਫ਼ ਤਣਾਅ ਵਿਚ ਹਨ, ਸਗੋਂ ਬੀਮਾਰ ਵੀ ਹੋ ਰਹੇ ਹਨ। ਇਸ ਦੇ ਨਾਲ ਹੀ ਫਲਾਈਟ 'ਚ ਦੇਰੀ ਤੋਂ ਨਾਰਾਜ਼ ਕਈ ਯਾਤਰੀ ਏਅਰਲਾਈਨਜ਼ ਤੋਂ ਰਿਫੰਡ ਦੀ ਮੰਗ ਕਰ ਰਹੇ ਸਨ। ਜ਼ਿਕਰਯੋਗ ਹੈ ਕਿ ਯਾਤਰੀਆਂ ਦੇ ਭਾਰੀ ਹੰਗਾਮੇ ਤੋਂ ਬਾਅਦ ਏਅਰ ਇੰਡੀਆ ਦੀ ਇਹ ਉਡਾਣ ਸ਼ੁੱਕਰਵਾਰ ਤੜਕੇ ਆਪਣੇ ਨਿਰਧਾਰਤ ਸਮੇਂ ਤੋਂ ਕਰੀਬ 22 ਘੰਟੇ ਦੇਰੀ ਨਾਲ ਆਪਣੀ ਮੰਜ਼ਿਲ ਲਈ ਰਵਾਨਾ ਹੋਈ।