![ABP Premium](https://cdn.abplive.com/imagebank/Premium-ad-Icon.png)
RBI MPC Meet: ਅੱਜ ਤੋਂ ਸ਼ੁਰੂ ਹੋਵੇਗੀ RBI ਦੀ ਮੀਟਿੰਗ, 3 ਦਿਨਾਂ ਬਾਅਦ ਹੋ ਸਕਦੇ ਹਨ ਮਹਿੰਗੇ ਕਰਜ਼ੇ ਅਤੇ EMI, ਆਮ ਜਨਤਾ 'ਤੇ ਪਵੇਗਾ ਸਿੱਧਾ ਅਸਰ!
Repo Rate Hike Again: RBI ਦੀ ਮੁਦਰਾ ਨੀਤੀ ਦੀ ਬੈਠਕ ਸੋਮਵਾਰ ਨੂੰ ਸ਼ੁਰੂ ਹੋਵੇਗੀ। ਇਹ ਮੀਟਿੰਗ 3 ਦਿਨ ਤੱਕ ਚੱਲੇਗੀ।
![RBI MPC Meet: ਅੱਜ ਤੋਂ ਸ਼ੁਰੂ ਹੋਵੇਗੀ RBI ਦੀ ਮੀਟਿੰਗ, 3 ਦਿਨਾਂ ਬਾਅਦ ਹੋ ਸਕਦੇ ਹਨ ਮਹਿੰਗੇ ਕਰਜ਼ੇ ਅਤੇ EMI, ਆਮ ਜਨਤਾ 'ਤੇ ਪਵੇਗਾ ਸਿੱਧਾ ਅਸਰ! RBI MPC Meet starts from today on 6 june to 8 june Repo Rate Hike Again RBI MPC Meet: ਅੱਜ ਤੋਂ ਸ਼ੁਰੂ ਹੋਵੇਗੀ RBI ਦੀ ਮੀਟਿੰਗ, 3 ਦਿਨਾਂ ਬਾਅਦ ਹੋ ਸਕਦੇ ਹਨ ਮਹਿੰਗੇ ਕਰਜ਼ੇ ਅਤੇ EMI, ਆਮ ਜਨਤਾ 'ਤੇ ਪਵੇਗਾ ਸਿੱਧਾ ਅਸਰ!](https://feeds.abplive.com/onecms/images/uploaded-images/2022/04/08/22711cef916c2f0ffd451b8db328aec9_original.jpg?impolicy=abp_cdn&imwidth=1200&height=675)
RBI MPC Meet Today: ਦੇਸ਼ ਭਰ ਵਿੱਚ ਮਹਿੰਗਾਈ ਆਪਣੇ ਸਿਖਰ 'ਤੇ ਪਹੁੰਚ ਗਈ ਹੈ। ਅਜਿਹੇ 'ਚ ਇਸ ਨੂੰ ਘੱਟ ਕਰਨ ਦੀਆਂ ਕਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। RBI ਦੀ ਮੁਦਰਾ ਨੀਤੀ ਮੀਟਿੰਗ (Monetary Policy Meeting) ਸੋਮਵਾਰ ਨੂੰ ਸ਼ੁਰੂ ਹੋਵੇਗੀ। ਇਹ ਮੀਟਿੰਗ 3 ਦਿਨ ਤੱਕ ਚੱਲੇਗੀ। ਬੁੱਧਵਾਰ ਨੂੰ, ਭਾਰਤੀ ਰਿਜ਼ਰਵ ਬੈਂਕ ਨੀਤੀਗਤ ਦਰਾਂ ਵਿੱਚ ਵਾਧੇ ਜਾਂ ਕਟੌਤੀ ਦਾ ਐਲਾਨ ਕਰੇਗਾ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਬੈਠਕ 'ਚ ਗਵਰਨਰ ਸ਼ਕਤੀਕਾਂਤ ਦਾਸ ਵਿਆਜ ਦਰਾਂ 'ਚ 40 ਬੇਸਿਸ ਪੁਆਇੰਟ ਦਾ ਵਾਧਾ ਕਰਨਗੇ।
ਮਹਿੰਗੀ ਹੋ ਸਕਦੀ ਹੈ EMI
RBI ਇੱਕ ਵਾਰ ਫਿਰ ਨੀਤੀਗਤ ਵਿਆਜ ਦਰਾਂ ਵਿੱਚ ਵਾਧਾ ਕਰ ਸਕਦਾ ਹੈ। ਇਸ ਦਾ ਅਸਰ ਇਹ ਹੋਵੇਗਾ ਕਿ ਲੋਨ ਦੀ EMI ਇੱਕ ਵਾਰ ਫਿਰ ਮਹਿੰਗੀ ਹੋ ਸਕਦੀ ਹੈ। ਜੇਕਰ ਤੁਸੀਂ ਪਹਿਲਾਂ ਹੀ ਲੋਨ ਲੈ ਲਿਆ ਹੈ, ਤਾਂ ਤੁਹਾਡੀ EMI ਵਧ ਜਾਵੇਗੀ ਅਤੇ ਜੇਕਰ ਤੁਸੀਂ ਅੱਗੇ ਲੋਨ ਲੈਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਨੂੰ ਜ਼ਿਆਦਾ ਵਿਆਜ ਦੇਣਾ ਪਵੇਗਾ।
ਬੈਂਕ ਕਰਜ਼ੇ ਦੀਆਂ ਦਰਾਂ ਵੀ ਵਧਾ ਦਿੰਦੇ ਹਨ
ਦੱਸ ਦੇਈਏ ਕਿ ਆਰਬੀਆਈ ਵੱਲੋਂ ਰੇਪੋ ਦਰਾਂ ਵਧਾਉਣ ਤੋਂ ਬਾਅਦ ਸਾਰੇ ਨਿੱਜੀ ਅਤੇ ਸਰਕਾਰੀ ਬੈਂਕ ਕਰਜ਼ਿਆਂ ਦੀਆਂ ਵਿਆਜ ਦਰਾਂ ਵਧਾ ਦਿੰਦੇ ਹਨ, ਜਿਸ ਦਾ ਸਿੱਧਾ ਅਸਰ ਆਮ ਜਨਤਾ 'ਤੇ ਪੈਂਦਾ ਹੈ।
ਪਿਛਲੀ ਮੀਟਿੰਗ ਵਿੱਚ ਵੀ ਕੀਤਾ ਗਿਆ ਸੀ ਦਰਾਂ ਵਿੱਚ ਵਾਧਾ
ਕੇਂਦਰੀ ਬੈਂਕ ਨੇ ਪਿਛਲੇ ਮਹੀਨੇ ਬਿਨਾਂ ਸਮਾਂ-ਸਾਰਣੀ ਦੇ ਹੋਈ ਮੁਦਰਾ ਨੀਤੀ ਕਮੇਟੀ (ਐੱਮਪੀਸੀ) ਦੀ ਬੈਠਕ 'ਚ ਰੈਪੋ ਦਰ 'ਚ 0.40 ਫੀਸਦੀ ਦਾ ਵਾਧਾ ਕੀਤਾ ਸੀ। 4 ਮਈ ਨੂੰ ਮੁਦਰਾ ਨੀਤੀ ਦੀ ਮੀਟਿੰਗ ਤੋਂ ਬਾਅਦ, ਆਰਬੀਆਈ ਨੇ ਅਚਾਨਕ ਰੈਪੋ ਦਰ ਨੂੰ 40 ਅਧਾਰ ਅੰਕ ਵਧਾ ਕੇ 4.40 ਪ੍ਰਤੀਸ਼ਤ ਅਤੇ ਨਕਦ ਰਾਖਵਾਂ ਅਨੁਪਾਤ 50 ਅਧਾਰ ਅੰਕ ਵਧਾ ਕੇ 4 ਪ੍ਰਤੀਸ਼ਤ ਤੋਂ ਵਧਾ ਕੇ 4.50 ਪ੍ਰਤੀਸ਼ਤ ਕਰ ਦਿੱਤਾ।
ਪਿਛਲੀ ਵਾਰ ਦਰਾਂ ਵਧਣ ਕਾਰਨ ਈਐਮਆਈ ਹੋ ਗਈ ਸੀ ਮਹਿੰਗੀ
ਆਰਬੀਆਈ ਨੇ 4 ਮਈ ਨੂੰ ਰੈਪੋ ਦਰ ਵਿੱਚ 40 ਆਧਾਰ ਅੰਕ ਵਾਧੇ ਦਾ ਐਲਾਨ ਕੀਤਾ ਸੀ, ਜਿਸ ਤੋਂ ਬਾਅਦ ਜਨਤਕ-ਨਿੱਜੀ ਬੈਂਕਾਂ ਤੋਂ ਲੈ ਕੇ ਹਾਊਸਿੰਗ ਫਾਈਨਾਂਸ ਕੰਪਨੀਆਂ ਤੱਕ, ਹੋਮ ਲੋਨ ਤੋਂ ਲੈ ਕੇ ਹੋਰ ਤਰ੍ਹਾਂ ਦੇ ਕਰਜ਼ੇ ਮਹਿੰਗੇ ਹੁੰਦੇ ਜਾ ਰਹੇ ਹਨ। ਇਸ ਲਈ ਜਿਨ੍ਹਾਂ ਗਾਹਕਾਂ ਨੇ ਪਹਿਲਾਂ ਹੀ ਕਰਜ਼ਾ ਲਿਆ ਹੈ, ਉਨ੍ਹਾਂ ਦੀ ਈਐਮਆਈ ਮਹਿੰਗੀ ਹੋ ਰਹੀ ਹੈ। ਅਤੇ EMI ਮਹਿੰਗਾ ਹੋਣ ਦੀ ਪ੍ਰਕਿਰਿਆ ਇੱਥੇ ਰੁਕਣ ਵਾਲੀ ਨਹੀਂ ਹੈ। ਜੂਨ 'ਚ ਮੁਦਰਾ ਨੀਤੀ ਕਮੇਟੀ ਦੀ ਬੈਠਕ ਤੋਂ ਬਾਅਦ ਕਰਜ਼ਦਾਰਾਂ ਨੂੰ ਫਿਰ ਤੋਂ ਝਟਕਾ ਲੱਗ ਸਕਦਾ ਹੈ।
ਮਹਿੰਗਾਈ 8 ਸਾਲਾਂ ਦੇ ਰਿਕਾਰਡ ਉੱਚ ਪੱਧਰ 'ਤੇ
ਪ੍ਰਚੂਨ ਮਹਿੰਗਾਈ ਅਪ੍ਰੈਲ 'ਚ ਲਗਾਤਾਰ ਸੱਤਵੇਂ ਮਹੀਨੇ ਵਧ ਕੇ 7.79 ਫੀਸਦੀ ਦੇ ਅੱਠ ਸਾਲਾਂ ਦੇ ਉੱਚੇ ਪੱਧਰ 'ਤੇ ਪਹੁੰਚ ਗਈ। ਇਸ ਦਾ ਮੁੱਖ ਕਾਰਨ ਯੂਕਰੇਨ-ਰੂਸ ਜੰਗ ਕਾਰਨ ਈਂਧਨ ਸਮੇਤ ਹੋਰ ਵਸਤੂਆਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੈ। ਥੋਕ ਕੀਮਤਾਂ 'ਤੇ ਆਧਾਰਿਤ ਮਹਿੰਗਾਈ 13 ਮਹੀਨਿਆਂ ਤੋਂ ਦੋਹਰੇ ਅੰਕਾਂ 'ਚ ਬਣੀ ਹੋਈ ਹੈ ਅਤੇ ਅਪ੍ਰੈਲ 'ਚ 15.08 ਫੀਸਦੀ ਦੇ ਰਿਕਾਰਡ ਉੱਚ ਪੱਧਰ ਨੂੰ ਛੂਹ ਗਈ ਹੈ।
ਇਹ ਵੀ ਪੜ੍ਹੋ: Satyendra Jain's Residence: ਸਵੇਰੇ ਸਵੇਰੇ ਦਿੱਲੀ 'ਚ ਈਡੀ ਦੀ ਵੱਡੀ ਕਾਰਵਾਈ, ਮੰਤਰੀ ਸਤੇਂਦਰ ਜੈਨ ਦੇ ਘਰ ਛਾਪਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)