![ABP Premium](https://cdn.abplive.com/imagebank/Premium-ad-Icon.png)
Reliance Share: ਰਿਲਾਇੰਸ 'ਤੇ ਭਰੋਸਾ ਦਿਖਾਉਣ ਵਾਲੇ ਹੋਏ ਮਾਲਾਮਾਲ, 5500 ਫੀਸਦੀ ਵਧੀ ਨਿਵੇਸ਼ਕਾਂ ਦੀ ਦੌਲਤ
RIL Share Return: ਦੇਸ਼ ਦੀ ਸਭ ਤੋਂ ਵੱਡੀ ਕੰਪਨੀ ਰਿਲਾਇੰਸ ਇੰਡਸਟਰੀਜ਼ ਨੇ ਮੁਕੇਸ਼ ਅੰਬਾਨੀ ਦੇ ਨਾਲ-ਨਾਲ ਆਪਣੇ ਸਾਰੇ ਨਿਵੇਸ਼ਕਾਂ ਨੂੰ ਬਹੁਤ ਅਮੀਰ ਬਣਾ ਦਿੱਤਾ ਹੈ...
![Reliance Share: ਰਿਲਾਇੰਸ 'ਤੇ ਭਰੋਸਾ ਦਿਖਾਉਣ ਵਾਲੇ ਹੋਏ ਮਾਲਾਮਾਲ, 5500 ਫੀਸਦੀ ਵਧੀ ਨਿਵੇਸ਼ਕਾਂ ਦੀ ਦੌਲਤ reliance industries of mukesh ambani ril shares make investors rich over years know details Reliance Share: ਰਿਲਾਇੰਸ 'ਤੇ ਭਰੋਸਾ ਦਿਖਾਉਣ ਵਾਲੇ ਹੋਏ ਮਾਲਾਮਾਲ, 5500 ਫੀਸਦੀ ਵਧੀ ਨਿਵੇਸ਼ਕਾਂ ਦੀ ਦੌਲਤ](https://feeds.abplive.com/onecms/images/uploaded-images/2023/09/08/281f5c015381c74c26001c6a15bde6cd1694167814853402_original.jpg?impolicy=abp_cdn&imwidth=1200&height=675)
ਭਾਰਤੀ ਸ਼ੇਅਰ ਬਾਜ਼ਾਰ (indian stock market) ਦੀ ਸਭ ਤੋਂ ਵੱਡੀ ਕੰਪਨੀ ਰਿਲਾਇੰਸ ਇੰਡਸਟਰੀਜ਼ (Company Reliance Industries) ਦੇ ਨਾਂ ਇੱਕ ਹੋਰ ਨਵਾਂ ਰਿਕਾਰਡ ਦਰਜ ਹੋ ਗਿਆ ਹੈ। ਭਾਰਤ ਅਤੇ ਏਸ਼ੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਮੁਕੇਸ਼ ਅੰਬਾਨੀ (Mukesh Ambani) ਦੀ ਕੰਪਨੀ ਪਹਿਲੀ ਭਾਰਤੀ ਕੰਪਨੀ (Indian company) ਬਣ ਗਈ ਹੈ ਜਿਸਦਾ ਮਾਰਕੀਟ ਕੈਪ 20 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਹੈ। ਇਸ ਸ਼ਾਨਦਾਰ ਰਿਕਾਰਡ ਤੱਕ ਪਹੁੰਚਣ ਦੀ ਯਾਤਰਾ 'ਚ ਰਿਲਾਇੰਸ ਇੰਡਸਟਰੀਜ਼ (Reliance Industries) ਨੇ ਮੁਕੇਸ਼ ਅੰਬਾਨੀ (Mukesh Ambani) ਦੇ ਨਾਲ-ਨਾਲ ਆਪਣੇ ਨਿਵੇਸ਼ਕਾਂ ਨੂੰ ਵੀ ਅਮੀਰ ਬਣਾ ਦਿੱਤਾ ਹੈ।
20 ਸਾਲ ਵਿੱਚ 20 ਗੁਣਾ ਵਧਿਆ
ਲੱਖ ਕਰੋੜ ਰੁਪਏ ਦੀਆਂ ਕੰਪਨੀਆਂ ਦੇ ਕਲੱਬ 'ਚ ਰਿਲਾਇੰਸ ਇੰਡਸਟਰੀਜ਼ ਦੀ ਐਂਟਰੀ ਕਰੀਬ 20 ਸਾਲ ਪਹਿਲਾਂ ਹੋਈ ਸੀ। ਪਹਿਲੀ ਵਾਰ ਰਿਲਾਇੰਸ ਇੰਡਸਟਰੀਜ਼ ਨੇ 2005 ਵਿੱਚ 1 ਲੱਖ ਕਰੋੜ ਰੁਪਏ ਦਾ MCAP ਹਾਸਲ ਕੀਤਾ ਸੀ। ਫਿਲਹਾਲ ਕੰਪਨੀ ਦੀ ਕੀਮਤ 20 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਚੁੱਕੀ ਹੈ। 1 ਲੱਖ ਕਰੋੜ ਰੁਪਏ ਤੋਂ 20 ਲੱਖ ਕਰੋੜ ਰੁਪਏ ਤੱਕ ਦੇ ਇਸ ਸਫਰ 'ਚ ਰਿਲਾਇੰਸ ਇੰਡਸਟਰੀਜ਼ ਨੇ ਆਪਣੇ ਨਿਵੇਸ਼ਕਾਂ ਨੂੰ ਲਗਭਗ 30 ਗੁਣਾ ਰਿਟਰਨ ਦਿੱਤਾ ਹੈ।
3000 ਰੁਪਏ ਦੇ ਕਰੀਬ ਪਹੁੰਚ ਭਾਅ
ਅੱਜ ਦੇ ਕਾਰੋਬਾਰ 'ਚ ਰਿਲਾਇੰਸ ਦੇ ਸ਼ੇਅਰਾਂ 'ਚ ਕੁਝ ਗਿਰਾਵਟ ਦਰਜ ਕੀਤੀ ਗਈ ਹੈ। ਸ਼ੁਰੂਆਤੀ ਸੈਸ਼ਨ 'ਚ ਇਹ 0.53 ਫੀਸਦੀ ਦੇ ਨੁਕਸਾਨ ਨਾਲ 2,945 ਰੁਪਏ ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਸੀ। ਅੱਜ ਦੀ ਮਾਮੂਲੀ ਗਿਰਾਵਟ ਕਾਰਨ ਕੰਪਨੀ ਦਾ ਐਮਕੈਪ ਵੀ 20 ਲੱਖ ਕਰੋੜ ਰੁਪਏ ਤੋਂ ਘੱਟ ਕੇ 19.93 ਲੱਖ ਕਰੋੜ ਰੁਪਏ 'ਤੇ ਆ ਗਿਆ ਹੈ। ਹਾਲਾਂਕਿ, ਇੱਕ ਦਿਨ ਪਹਿਲਾਂ ਇਹ ਸ਼ੇਅਰ 2,969.45 ਰੁਪਏ ਦੇ 52 ਹਫ਼ਤੇ ਦੇ ਉੱਚ ਪੱਧਰ 'ਤੇ ਪਹੁੰਚ ਗਿਆ ਸੀ ਅਤੇ ਐਮਕੈਪ 20 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਸੀ।
ਸਿਰਫ 53 ਰੁਪਏ ਸੀ ਇੱਕ ਸ਼ੇਅਰ
ਕਰੀਬ 20 ਸਾਲ ਪਹਿਲਾਂ ਰਿਲਾਇੰਸ ਇੰਡਸਟਰੀਜ਼ ਦੇ ਇਕ ਸ਼ੇਅਰ ਦੀ ਕੀਮਤ ਸਿਰਫ 110 ਰੁਪਏ ਦੇ ਕਰੀਬ ਸੀ। ਜੇ ਇੰਝ ਦੇਖੀਏ ਤਾਂ ਫਰਵਰੀ 2005 ਤੋਂ ਹੁਣ ਤੱਕ ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ ਦੀ ਕੀਮਤ 2,600 ਫੀਸਦੀ ਵਧੀ ਹੈ। ਭਾਵ ਸ਼ੇਅਰਾਂ ਦੀਆਂ ਕੀਮਤਾਂ 27 ਗੁਣਾ ਵਧ ਗਈਆਂ ਹਨ। ਜੁਲਾਈ 2002 ਤੋਂ ਹੁਣ ਤੱਕ, ਸਟਾਕ ਲਗਭਗ 5,500 ਪ੍ਰਤੀਸ਼ਤ ਭਾਵ 56 ਗੁਣਾ ਮਜ਼ਬੂਤ ਹੋਇਆ ਹੈ। ਉਸ ਸਮੇਂ ਰਿਲਾਇੰਸ ਇੰਡਸਟਰੀਜ਼ ਦੇ ਇਕ ਸ਼ੇਅਰ ਦੀ ਕੀਮਤ ਸਿਰਫ 53 ਰੁਪਏ ਸੀ।
Disclaimer: ਇੱਥੇ ਦਿੱਤੀ ਗਈ ਜਾਣਕਾਰੀ ਸਿਰਫ ਜਾਣਕਾਰੀ ਲਈ ਦਿੱਤੀ ਜਾ ਰਹੀ ਹੈ। ਇੱਥੇ ਇਹ ਦੱਸਣਾ ਜ਼ਰੂਰੀ ਹੈ ਕਿ ਮਾਰਕੀਟ ਵਿੱਚ ਨਿਵੇਸ਼ ਕਰਨਾ ਮਾਰਕੀਟ ਜੋਖਮਾਂ ਦੇ ਅਧੀਨ ਹੈ। ਇੱਕ ਨਿਵੇਸ਼ਕ ਹੋਣ ਦੇ ਨਾਤੇ, ਪੈਸੇ ਦਾ ਨਿਵੇਸ਼ ਕਰਨ ਤੋਂ ਪਹਿਲਾਂ ਹਮੇਸ਼ਾਂ ਇੱਕ ਮਾਹਰ ਨਾਲ ਸਲਾਹ ਕਰੋ। ABPLive.com ਕਦੇ ਵੀ ਕਿਸੇ ਨੂੰ ਕੋਈ ਪੈਸਾ ਨਿਵੇਸ਼ ਕਰਨ ਦੀ ਸਲਾਹ ਨਹੀਂ ਦਿੰਦਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)