Rupee-Dollar: ਡਾਲਰ ਦੇ ਮੁਕਾਬਲੇ ਰੁਪਏ ਵਿੱਚ ਇਤਿਹਾਸਕ ਗਿਰਾਵਟ, 82.33 ਦੇ ਪੱਧਰ 'ਤੇ ਹੋਇਆ ਬਾਜ਼ਾਰ ਬੰਦ
ਰੁਪਿਆ ਸਵੇਰੇ 82.20 ਦੇ ਪੱਧਰ 'ਤੇ ਖੁੱਲ੍ਹਿਆ ਅਤੇ 82.42 ਦੇ ਪੱਧਰ 'ਤੇ ਚਲਾ ਗਿਆ। ਪਰ ਹੇਠਲੇ ਪੱਧਰਾਂ ਤੋਂ ਮਾਮੂਲੀ ਰਿਕਵਰੀ ਤੋਂ ਬਾਅਦ ਇਹ 82.33 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।
Rupee-Dollar:: ਸ਼ੁੱਕਰਵਾਰ ਨੂੰ ਰੁਪਿਆ ਡਾਲਰ ਦੇ ਮੁਕਾਬਲੇ ਇਤਿਹਾਸਕ ਗਿਰਾਵਟ ਨਾਲ ਬੰਦ ਹੋਇਆ। ਕਰੰਸੀ ਬਾਜ਼ਾਰ 'ਚ ਪਹਿਲੀ ਵਾਰ ਰੁਪਿਆ 82.33 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਅੱਜ ਸਵੇਰੇ ਰੁਪਿਆ 82.20 ਦੇ ਪੱਧਰ 'ਤੇ ਖੁੱਲ੍ਹਿਆ ਅਤੇ ਡਿੱਗ ਕੇ 82.42 ਦੇ ਪੱਧਰ 'ਤੇ ਆ ਗਿਆ। ਪਰ ਹੇਠਲੇ ਪੱਧਰ ਤੋਂ ਮਾਮੂਲੀ ਰਿਕਵਰੀ ਤੋਂ ਬਾਅਦ ਰੁਪਿਆ 82.33 'ਤੇ ਬੰਦ ਹੋਇਆ ਹੈ।
ਕਿਉਂ ਡਿੱਗਿਆ ਰੁਪਿਆ
ਇਸ ਤੋਂ ਪਹਿਲਾਂ ਅੱਜ ਦੇ ਕਾਰੋਬਾਰ ਦੌਰਾਨ ਰੁਪਿਆ ਸਵੇਰੇ 82.20 ਦੇ ਪੱਧਰ 'ਤੇ ਖੁੱਲ੍ਹਿਆ ਅਤੇ 82.42 ਦੇ ਪੱਧਰ 'ਤੇ ਚਲਾ ਗਿਆ। ਪਰ ਹੇਠਲੇ ਪੱਧਰਾਂ ਤੋਂ ਮਾਮੂਲੀ ਰਿਕਵਰੀ ਤੋਂ ਬਾਅਦ ਇਹ 82.33 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਡਾਲਰ ਦੀ ਭਾਰੀ ਮੰਗ ਅਤੇ ਨਿਵੇਸ਼ਕਾਂ ਵੱਲੋਂ ਮੁਨਾਫਾ-ਬੁਕਿੰਗ ਕਾਰਨ ਰੁਪਿਆ ਕਮਜ਼ੋਰ ਹੋਇਆ ਹੈ। ਬਾਜ਼ਾਰ ਨੂੰ ਡਰ ਹੈ ਕਿ ਅਮਰੀਕੀ ਫੈਡਰਲ ਰਿਜ਼ਰਵ ਮੁੜ ਵਿਆਜ਼ ਦਰਾਂ ਵਧਾ ਸਕਦਾ ਹੈ। ਜਿਸ ਕਾਰਨ ਡਾਲਰ 'ਚ ਮਜ਼ਬੂਤੀ ਦਿਖਾਈ ਦੇ ਰਹੀ ਹੈ। ਰੁਪਏ ਦੀ ਇਸ ਕਮਜ਼ੋਰੀ 'ਤੇ ਐਲਕੇਪੀ ਸਕਿਓਰਿਟੀਜ਼ ਦੇ ਵੀਪੀ ਰਿਸਰਚ ਐਨਾਲਿਸਟ ਜਤਿਨ ਤ੍ਰਿਵੇਦੀ ਨੇ ਕਿਹਾ ਕਿ ਰੁਪਏ 'ਚ ਕਮਜ਼ੋਰੀ ਤੋਂ ਬਾਅਦ ਇਹ 82.25 'ਤੇ ਆ ਗਿਆ। ਡਾਲਰ ਸੂਚਕਾਂਕ $112 'ਤੇ ਵਪਾਰ ਕਰ ਰਿਹਾ ਹੈ ਅਤੇ $100 'ਤੇ ਸਪੋਰਟ ਲੈ ਚੁੱਕਾ ਹੈ, ਜਿਸ ਨਾਲ ਬਾਕੀ ਮੁਦਰਾ ਕਮਜ਼ੋਰ ਹੋ ਗਈ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਰੁਪਿਆ 81.50 ਦੇ ਹੇਠਾਂ ਕਾਰੋਬਾਰ ਕਰਦਾ ਹੈ, ਇਹ ਕਮਜ਼ੋਰ ਰਹੇਗਾ ਅਤੇ ਰੁਪਿਆ 81.15 ਤੋਂ 82.75 ਦੇ ਵਿਚਕਾਰ ਰਹੇਗਾ।
ਮਹਿੰਗੇ ਡਾਲਰ ਦਾ ਕੀ ਹੋਵੇਗਾ ਅਸਰ
ਭਾਰਤ ਨੂੰ ਮਹਿੰਗੇ ਡਾਲਰ ਦਾ ਵੱਡਾ ਖਮਿਆਜ਼ਾ ਭੁਗਤਣਾ ਪਵੇਗਾ। ਸਰਕਾਰੀ ਤੇਲ ਕੰਪਨੀਆਂ ਡਾਲਰ ਵਿੱਚ ਭੁਗਤਾਨ ਕਰਕੇ ਕੱਚਾ ਤੇਲ ਖਰੀਦਦੀਆਂ ਹਨ। ਜੇ ਰੁਪਏ ਦੇ ਮੁਕਾਬਲੇ ਡਾਲਰ ਮਹਿੰਗਾ ਹੋ ਜਾਂਦਾ ਹੈ ਅਤੇ ਰੁਪਏ ਦੀ ਕੀਮਤ ਘਟਦੀ ਹੈ ਤਾਂ ਸਰਕਾਰੀ ਤੇਲ ਕੰਪਨੀਆਂ ਨੂੰ ਕਰੂਡ ਖਰੀਦਣ ਲਈ ਹੋਰ ਡਾਲਰ ਦੇਣੇ ਪੈਣਗੇ। ਇਸ ਨਾਲ ਦਰਾਮਦ ਮਹਿੰਗਾ ਹੋ ਜਾਵੇਗਾ ਅਤੇ ਆਮ ਖਪਤਕਾਰਾਂ ਨੂੰ ਪੈਟਰੋਲ ਅਤੇ ਡੀਜ਼ਲ ਲਈ ਵੱਧ ਕੀਮਤ ਚੁਕਾਉਣੀ ਪਵੇਗੀ। ਤੁਹਾਨੂੰ ਦੱਸ ਦੇਈਏ ਕਿ 23 ਫਰਵਰੀ 2022 ਨੂੰ ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਡਾਲਰ ਦੇ ਮੁਕਾਬਲੇ ਰੁਪਿਆ 74.62 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ।
ਭਾਰਤ ਤੋਂ ਲੱਖਾਂ ਬੱਚੇ ਵਿਦੇਸ਼ਾਂ ਵਿੱਚ ਪੜ੍ਹ ਰਹੇ ਹਨ, ਜਿਨ੍ਹਾਂ ਦੇ ਮਾਪੇ ਫੀਸਾਂ ਤੋਂ ਲੈ ਕੇ ਰਹਿਣ-ਸਹਿਣ ਦੇ ਖਰਚੇ ਭੇਜਦੇ ਹਨ। ਉਨ੍ਹਾਂ ਦੀ ਵਿਦੇਸ਼ ਪੜ੍ਹਾਈ ਮਹਿੰਗੀ ਹੋ ਜਾਵੇਗੀ। ਕਿਉਂਕਿ ਮਾਪਿਆਂ ਨੂੰ ਹੋਰ ਪੈਸੇ ਦੇ ਕੇ ਡਾਲਰ ਖਰੀਦਣੇ ਪੈਣਗੇ ਤਾਂ ਜੋ ਉਹ ਫੀਸਾਂ ਭਰ ਸਕਣ। ਮਾਪਿਆਂ ਨੂੰ ਮਹਿੰਗੇ ਡਾਲਰਾਂ ਦੀ ਮਾਰ ਝੱਲਣੀ ਪੈ ਰਹੀ ਹੈ।
ਖਾਣ ਵਾਲਾ ਤੇਲ ਪਹਿਲਾਂ ਹੀ ਮਹਿੰਗਾ ਹੈ। ਜੇਕਰ ਡਾਲਰ ਇਸ ਤੋਂ ਵੀ ਮਹਿੰਗਾ ਹੋ ਗਿਆ ਤਾਂ ਖਾਣ ਵਾਲੇ ਤੇਲ ਦੀ ਦਰਾਮਦ ਕਰਨਾ ਹੋਰ ਵੀ ਮਹਿੰਗਾ ਹੋ ਜਾਵੇਗਾ। ਖਾਣ ਵਾਲੇ ਤੇਲ ਦੀ ਦਰਾਮਦ ਲਈ ਜ਼ਿਆਦਾ ਵਿਦੇਸ਼ੀ ਮੁਦਰਾ ਖਰਚ ਕਰਨਾ ਪਵੇਗਾ। ਜਿਸ ਕਾਰਨ ਖਾਣ ਵਾਲਾ ਤੇਲ ਮਹਿੰਗਾ ਹੋਣ ਦੀ ਸੰਭਾਵਨਾ ਹੈ।
ਕੰਜ਼ਿਊਮਰ ਡਿਊਰੇਬਲਸ, ਮੋਬਾਈਲ ਤੋਂ ਲੈ ਕੇ ਆਟੋਮੋਬਾਈਲ ਕੰਪਨੀਆਂ ਤੱਕ, ਉਨ੍ਹਾਂ ਦੇ ਬਹੁਤ ਸਾਰੇ ਪਾਰਟਸ ਵਿਦੇਸ਼ਾਂ ਤੋਂ ਆਯਾਤ ਕੀਤੇ ਜਾਂਦੇ ਹਨ। ਡਾਲਰ ਮਹਿੰਗਾ ਹੋਣ ਕਾਰਨ ਇਨ੍ਹਾਂ ਕੰਪਨੀਆਂ ਲਈ ਦਰਾਮਦ ਕਰਨਾ ਮਹਿੰਗਾ ਹੋ ਜਾਵੇਗਾ, ਜਿਸ ਕਾਰਨ ਇਨ੍ਹਾਂ ਵਸਤਾਂ ਦੀਆਂ ਕੀਮਤਾਂ ਵਧ ਸਕਦੀਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
