Fake investing websites: ਧੋਖਾਧੜੀ ਤੋਂ ਬਚਾਉਣ ਲਈ ਸਰਕਾਰ ਨੇ 980 ਕੰਪਨੀਆਂ ਦੀ ਸੂਚੀ ਜਾਰੀ, ਸਿਰਫ਼ ਇਹਨਾਂ 'ਤੇ ਹੀ ਕਰੋ ਭਰੋਸਾ, ਬਾਕੀ ਤੁਹਾਡਾ ਖਾਤਾ ਕਰ ਸਕਦੀਆਂ ਖਾਲੀ
Fake investing websites: ਇਨ੍ਹੀਂ ਦਿਨੀਂ ਫੇਸਬੁੱਕ, ਇੰਸਟਾਗ੍ਰਾਮ, ਗੂਗਲ ਅਤੇ ਟੈਲੀਗ੍ਰਾਮ ਸਮੇਤ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮ ਅਜਿਹੇ ਇਸ਼ਤਿਹਾਰਾਂ ਅਤੇ ਵੀਡੀਓਜ਼ ਨਾਲ ਭਰੇ ਪਏ ਹਨ ਜੋ ਗਾਹਕਾਂ ਨੂੰ ਮੋਟੇ ਮੁਨਾਫੇ...
Fake investing websites: ਇਨ੍ਹੀਂ ਦਿਨੀਂ ਫੇਸਬੁੱਕ, ਇੰਸਟਾਗ੍ਰਾਮ, ਗੂਗਲ ਅਤੇ ਟੈਲੀਗ੍ਰਾਮ ਸਮੇਤ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮ ਅਜਿਹੇ ਇਸ਼ਤਿਹਾਰਾਂ ਅਤੇ ਵੀਡੀਓਜ਼ ਨਾਲ ਭਰੇ ਪਏ ਹਨ ਜੋ ਗਾਹਕਾਂ ਨੂੰ ਮੋਟੇ ਮੁਨਾਫੇ ਦਾ ਲਾਲਚ ਦੇ ਕੇ ਧੋਖਾ ਦੇ ਰਹੇ ਹਨ। ਨਿਵੇਸ਼ ਲਈ ਬਕਾਇਦਾ ਤੌਰ ਵੈੱਬਸਾਈਟਾਂ ਅਤੇ ਐਪਸ ਬਣਾਈਆਂ ਹੋਈਆਂ ਹਨ।
ਅਜਿਹੀਆਂ ਕੰਪਨੀਆਂ ਕੁਝ ਸਮੇਂ ਲਈ ਮੁਨਾਫਾ ਕਮਾਉਣ ਤੋਂ ਬਾਅਦ ਰਾਤੋ-ਰਾਤ ਆਪਣਾ ਕੰਮਕਾਜ ਬੰਦ ਕਰਕੇ ਗਾਇਬ ਹੋ ਜਾਂਦੀਆਂ ਹਨ। ਗ੍ਰਹਿ ਮੰਤਰਾਲੇ ਨੇ ਇਸ ਨਾਲ ਨਜਿੱਠਣ ਲਈ ਨਵਾਂ ਤੰਤਰ ਬਣਾਇਆ ਹੈ। ਲੋਕ ਖੁਦ ਜਾਣ ਸਕਣਗੇ ਕਿ ਉਹ ਜਿਸ ਵੈੱਬਸਾਈਟ 'ਤੇ ਨਿਵੇਸ਼ ਕਰਨ ਜਾ ਰਹੇ ਹਨ, ਉਹ ਅਸਲੀ ਹੈ ਜਾਂ ਨਕਲੀ।
ਮੰਤਰਾਲੇ ਦੀਆਂ ਹਦਾਇਤਾਂ 'ਤੇ ਸੇਬੀ ਨੇ ਸ਼ੇਅਰ ਬਾਜ਼ਾਰ 'ਚ ਨਿਵੇਸ਼ ਕਰਨ ਵਾਲੀਆਂ ਸਾਰੀਆਂ 980 ਰਜਿਸਟਰਡ ਕੰਪਨੀਆਂ ਦੇ ਵੇਰਵੇ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਪਾ ਦਿੱਤੇ ਹਨ। ਇਸ ਦੇ ਨਾਲ ਹੀ ਸਾਈਬਰ ਕ੍ਰਾਈਮ ਪੋਰਟਲ ਅਤੇ ਸੇਬੀ ਨੇ ਅਜਿਹੇ ਅਪਰਾਧਾਂ ਨੂੰ ਰੋਕਣ ਲਈ ਇੱਕ ਵੱਖਰਾ ਤੰਤਰ ਵੀ ਬਣਾਇਆ ਹੈ। ਜੇਕਰ ਕੋਈ ਇਸ ਤਰ੍ਹਾਂ ਦੀ ਧੋਖਾਧੜੀ ਵਿੱਚ ਸ਼ਾਮਲ ਹੈ ਤਾਂ ਉਹ ਸਾਈਬਰ ਕ੍ਰਾਈਮ ਪੋਰਟਲ ਜਾਂ ਸੇਬੀ ਦੀ ਵੈੱਬਸਾਈਟ 'ਤੇ ਇਸ ਦੀ ਸ਼ਿਕਾਇਤ ਕਰ ਸਕਦਾ ਹੈ। ਜਿਸ ਤੋਂ ਬਾਅਦ ਕੰਪਨੀ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।
ਲੋਕ ਇਸ ਤਰ੍ਹਾਂ ਹੋ ਰਹੇ ਠੱਗੀ ਦਾ ਸ਼ਿਕਾਰ
ਦਿੱਲੀ ਦੇ ਮਨੋਜ ਕੁਮਾਰ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਐਪ ਦਾ ਇਸ਼ਤਿਹਾਰ ਦੇਖਿਆ ਜਿਸ ਵਿੱਚ ਬੌਟ ਰਾਹੀਂ ਟ੍ਰੇਡਿੰਗ ਕਰਨ ਦਾ ਦਾਅਵਾ ਕੀਤਾ ਗਿਆ ਸੀ। ਕੰਪਨੀ ਨੇ ਮਨੋਜ ਨੂੰ ਹਰ ਮਹੀਨੇ ਨਿਵੇਸ਼ 'ਤੇ 5-7% ਰਿਟਰਨ ਦੇਣ ਦਾ ਵਾਅਦਾ ਕੀਤਾ ਸੀ। ਮਨੋਜ ਨੇ ਇਸ 'ਤੇ ਨਿਵੇਸ਼ ਕਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਸ਼ੁਰੂਆਤੀ ਨਿਵੇਸ਼ 'ਤੇ ਰਿਟਰਨ ਆਇਆ ਤਾਂ ਮਨੋਜ ਨਿਵੇਸ਼ ਵਧਾਉਂਦਾ ਰਿਹਾ। ਉਸ ਨੇ ਆਪਣੇ ਰਿਸ਼ਤੇਦਾਰਾਂ ਨੂੰ ਵੀ ਸ਼ਾਮਲ ਕੀਤਾ। ਬਾਅਦ ਵਿੱਚ ਕੰਪਨੀ ਗਾਇਬ ਹੋ ਗਈ।
ਹਰਿਆਣਾ ਦੇ ਇੱਕ ਵਿਅਕਤੀ ਨੇ ਟ੍ਰੇਡਿੰਗ ਐਪ ਏਵੀਏਟਰ 'ਤੇ ਨਿਵੇਸ਼ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸ 'ਤੇ 50 ਗੁਣਾ ਤੱਕ ਰਿਟਰਨ ਦਾ ਦਾਅਵਾ ਕੀਤਾ ਗਿਆ ਸੀ। ਪੀੜਤ ਨੇ ਐਪ 'ਤੇ ਨਿਵੇਸ਼ ਕੀਤਾ ਪਰ ਆਪਣੀ ਸਾਰੀ ਕਮਾਈ ਗੁਆ ਦਿੱਤੀ।
ਮੇਰਠ ਦੇ ਇੱਕ ਪੀੜਤ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਇਸ਼ਤਿਹਾਰ ਦੇਖਿਆ ਜਿਸ ਵਿੱਚ ਐਪ ਵਿੱਚ ਲੌਗਇਨ ਕਰਦੇ ਹੀ 2,000 ਰੁਪਏ ਦਾ ਕਰੈਡਿਟ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ। ਜਿਵੇਂ ਹੀ ਉਸਨੇ ਐਪ ਨੂੰ ਡਾਊਨਲੋਡ ਕੀਤਾ ਅਤੇ ਲੌਗਇਨ ਕੀਤਾ, ਉਸਦੇ ਖਾਤੇ ਵਿਚੋਂ ਸਾਰੀ ਰਕਮ ਖਾਲੀ ਕਰ ਦਿੱਤੀ ਗਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
