Share Market Opening 2 August: ਗਲੋਬਲ ਦਬਾਅ ਕਰਕੇ ਖਿਲਰਿਆ ਬਾਜ਼ਾਰ, ਖੁੱਲ੍ਹਦਿਆਂ ਹੀ ਮਚੀ ਹਾਹਾਕਾਰ, ਸੈਂਸੈਕਸ 700 ਅੰਕ ਤੋਂ ਵੱਧ ਡਾਊਨ
Share Market Open Today: ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਘਰੇਲੂ ਬਾਜ਼ਾਰ ਨੇ ਨਵਾਂ ਇਤਿਹਾਸ ਰਚਿਆ ਸੀ ਅਤੇ ਦੋਵੇਂ ਪ੍ਰਮੁੱਖ ਸੂਚਕਾਂਕ ਸੈਂਸੈਕਸ-ਨਿਫਟੀ ਨਵੇਂ ਇਤਿਹਾਸਕ ਹਾਈ ਲੈਵਲ 'ਤੇ ਪਹੁੰਚਣ 'ਚ ਕਾਮਯਾਬ ਰਹੇ ਸਨ।
Share Market Opening 2 August: ਇਕ ਦਿਨ ਪਹਿਲਾਂ ਨਵਾਂ ਇਤਿਹਾਸ ਰਚਣ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਖੁੱਲ੍ਹਦਿਆਂ ਹੀ ਘਰੇਲੂ ਬਾਜ਼ਾਰ 'ਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ। ਅੱਜ ਗਲੋਬਲ ਬਾਜ਼ਾਰਾਂ 'ਚ ਗਿਰਾਵਟ ਦਾ ਸਾਫ ਅਸਰ ਘਰੇਲੂ ਬਾਜ਼ਾਰ 'ਤੇ ਦਿਖਾਈ ਦੇ ਰਿਹਾ ਹੈ। BSE ਸੈਂਸੈਕਸ ਖੁੱਲ੍ਹਦਿਆਂ ਹੀ 700 ਤੋਂ ਵੱਧ ਅੰਕ ਡਿੱਗ ਗਿਆ, ਜਦੋਂ ਕਿ ਨਿਫਟੀ ਨੇ ਲਗਭਗ 200 ਅੰਕਾਂ ਦੇ ਨੁਕਸਾਨ ਨਾਲ ਕਾਰੋਬਾਰ ਸ਼ੁਰੂ ਕੀਤਾ।
ਬਾਜ਼ਾਰ ਵਿੱਚ ਗਿਰਾਵਟ ਦੇ ਸੰਕੇਤ
ਬਾਜ਼ਾਰ ਖੁੱਲ੍ਹਣ ਤੋਂ ਪਹਿਲਾਂ ਗਿਫਟ ਸਿਟੀ ਵਿੱਚ ਨਿਫਟੀ ਦਾ ਵਾਇਦਾ ਭਾਰੀ ਡਿਸਕਾਊਂਟ 'ਤੇ ਟ੍ਰੇਡ ਕਰ ਰਿਹਾ ਸੀ। ਨਿਫਟੀ ਫਿਊਚਰਜ਼ ਲਗਭਗ 215 ਅੰਕ ਡਿੱਗ ਕੇ 24,820 ਅੰਕਾਂ ਦੇ ਨੇੜੇ ਆ ਗਿਆ ਸੀ। ਪ੍ਰੀ-ਓਪਨ ਸੈਸ਼ਨ 'ਚ ਬਾਜ਼ਾਰ 'ਚ ਭਾਰੀ ਗਿਰਾਵਟ ਦੇ ਸੰਕੇਤ ਮਿਲ ਰਹੇ ਸਨ। ਬੀਐਸਈ ਸੈਂਸੈਕਸ ਪ੍ਰੀ-ਓਪਨ ਸੈਸ਼ਨ ਵਿੱਚ 700 ਤੋਂ ਵੱਧ ਅੰਕਾਂ ਦੇ ਨੁਕਸਾਨ ਦੇ ਨਾਲ 81,160 ਅੰਕਾਂ ਦੇ ਨੇੜੇ ਸੀ। ਨਿਫਟੀ 220 ਤੋਂ ਜ਼ਿਆਦਾ ਅੰਕ ਡਿੱਗ ਕੇ 24,790 ਅੰਕਾਂ ਤੋਂ ਹੇਠਾਂ ਆ ਗਿਆ ਸੀ।
ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਨਵੇਂ ਮਹੀਨੇ ਦੇ ਪਹਿਲੇ ਦਿਨ ਘਰੇਲੂ ਬਾਜ਼ਾਰ ਨੇ ਨਵਾਂ ਰਿਕਾਰਡ ਬਣਾਇਆ ਸੀ। ਕੱਲ੍ਹ ਦੇ ਕਾਰੋਬਾਰ ਵਿੱਚ, ਸੈਂਸੈਕਸ ਪਹਿਲੀ ਵਾਰ 82 ਹਜ਼ਾਰ ਅੰਕ ਦੇ ਪੱਧਰ ਨੂੰ ਪਾਰ ਕਰਨ ਵਿੱਚ ਸਫਲ ਰਿਹਾ ਸੀ ਅਤੇ 82,129.49 ਅੰਕਾਂ ਦੇ ਨਵੇਂ ਆਲਟਾਈਮ ਹਾਈ 'ਤੇ ਪਹੁੰਚ ਗਿਆ ਸੀ। ਕਾਰੋਬਾਰ ਦੀ ਸਮਾਪਤੀ ਤੋਂ ਬਾਅਦ ਸੈਂਸੈਕਸ 126.20 ਅੰਕ (0.15 ਫੀਸਦੀ) ਦੇ ਵਾਧੇ ਨਾਲ 81,867.55 ਅੰਕ 'ਤੇ ਰਿਹਾ।
ਵੀਰਵਾਰ ਨੂੰ ਨਿਫਟੀ ਨੇ ਇਤਿਹਾਸ 'ਚ ਪਹਿਲੀ ਵਾਰ 25 ਹਜ਼ਾਰ ਅੰਕ ਦੇ ਪੱਧਰ ਨੂੰ ਪਾਰ ਕੀਤਾ ਸੀ ਅਤੇ 25,078.30 ਅੰਕਾਂ ਦੇ ਨਵੇਂ ਆਲਟਾਈਮ ਹਾਈ 'ਤੇ ਪਹੁੰਚ ਗਿਆ ਸੀ। ਕਾਰੋਬਾਰ ਦੀ ਸਮਾਪਤੀ ਤੋਂ ਬਾਅਦ NSE ਦਾ ਨਿਫਟੀ50 ਸੂਚਕਾਂਕ 59.75 ਅੰਕ (0.24 ਫੀਸਦੀ) ਦੇ ਵਾਧੇ ਨਾਲ 25,010.90 ਅੰਕਾਂ 'ਤੇ ਬੰਦ ਹੋਇਆ।
ਅਮਰੀਕੀ ਬਾਜ਼ਾਰ ਦੀ ਤੇਜ਼ੀ 'ਤੇ ਲੱਗਿਆ ਬ੍ਰੇਕ
ਵੀਰਵਾਰ ਨੂੰ ਅਮਰੀਕੀ ਬਾਜ਼ਾਰ ਲਾਲ ਰੰਗ 'ਤੇ ਰਹੇ ਸਨ। ਵਾਲ ਸਟ੍ਰੀਟ 'ਤੇ ਡਾਓ ਜੋਂਸ ਇੰਡਸਟਰੀਅਲ ਐਵਰੇਜ 1.21 ਫੀਸਦੀ ਦੇ ਨੁਕਸਾਨ 'ਤੇ ਰਿਹਾ ਸੀ। ਇਸੇ ਤਰ੍ਹਾਂ S&P 500 ਵਿੱਚ 1.37 ਫੀਸਦੀ ਅਤੇ ਨਾਸਡੈਕ ਕੰਪੋਜ਼ਿਟ ਇੰਡੈਕਸ ਵਿੱਚ 2.30 ਫੀਸਦੀ ਦੀ ਭਾਰੀ ਗਿਰਾਵਟ ਦਰਜ ਕੀਤੀ ਗਈ। ਏਸ਼ੀਆਈ ਬਾਜ਼ਾਰ ਵੀ ਅੱਜ ਘਾਟੇ 'ਚ ਕਾਰੋਬਾਰ ਕਰ ਰਹੇ ਹਨ। ਜਾਪਾਨ ਦਾ ਨਿੱਕੇਈ ਲਗਭਗ 5 ਫੀਸਦੀ ਹੇਠਾਂ ਹੈ, ਜਦੋਂ ਕਿ ਟੌਪਿਕਸ 5 ਫੀਸਦੀ ਤੋਂ ਜ਼ਿਆਦਾ ਦੇ ਨੁਕਸਾਨ ਨਾਲ ਕਾਰੋਬਾਰ ਕਰ ਰਿਹਾ ਹੈ। ਦੱਖਣੀ ਕੋਰੀਆ ਦਾ ਕੋਸਪੀ 2.60 ਫੀਸਦੀ ਅਤੇ ਕੋਸਡੈਕ 2.56 ਫੀਸਦੀ ਦੇ ਨੁਕਸਾਨ 'ਚ ਹੈ। ਹਾਂਗਕਾਂਗ ਦਾ ਹੈਂਗਸੇਂਗ ਵੀ ਸ਼ੁਰੂਆਤੀ ਨੁਕਸਾਨ ਦੇ ਸੰਕੇਤ ਦੇ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
