(Source: ECI/ABP News)
SpiceJet ਦਾ ਵੱਡਾ ਐਲਾਨ: ਇਨ੍ਹਾਂ ਅੱਠ ਸ਼ਹਿਰਾਂ ਤੋਂ ਸ਼ੁਰੂ ਹੋਣਗੀਆਂ ਅਯੁੱਧਿਆ ਲਈ ਉਡਾਣਾਂ
Ayodhya: ਜੇ ਤੁਸੀਂ ਵੀ ਪਵਿੱਤਰ ਰਾਮ ਮੰਦਰ ਦੇ ਦਰਸ਼ਨਾਂ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਸਪਾਈਸਜੈੱਟ ਨੇ ਇਨ੍ਹਾਂ ਸ਼ਹਿਰਾਂ ਤੋਂ ਅਯੁੱਧਿਆ ਲਈ ਉਡਾਣਾਂ ਚਲਾਉਣ ਦਾ ਐਲਾਨ ਕੀਤਾ ਹੈ ਤਾਂ ਜੋ ਤੁਸੀਂ ਇੱਥੇ ਆਸਾਨੀ ਨਾਲ ਜਾ ਸਕੋ।
SpiceJet: ਕਈ ਏਅਰਲਾਈਨਜ਼ (airlines) ਨੇ ਦੇਸ਼ ਦੇ ਵੱਖ-ਵੱਖ ਸ਼ਹਿਰਾਂ ਤੋਂ ਅਯੁੱਧਿਆ (Ayodhya) ਲਈ ਉਡਾਣਾਂ ਦਾ ਐਲਾਨ ਵੀ ਕੀਤਾ ਹੈ। ਹੁਣ ਇਸ ਸੂਚੀ 'ਚ ਸਪਾਈਸਜੈੱਟ (SpiceJet) ਦਾ ਨਾਮ ਵੀ ਜੁੜ ਗਿਆ ਹੈ। ਸ਼ੁੱਕਰਵਾਰ ਨੂੰ ਵੱਡੀ ਖਬਰ ਦਿੰਦੇ ਹੋਏ ਕੰਪਨੀ ਨੇ ਕੁੱਲ ਅੱਠ ਰੂਟਾਂ 'ਤੇ ਫਲਾਈਟ ਸੇਵਾਵਾਂ ਸ਼ੁਰੂ (flight service started) ਕਰਨ ਦਾ ਐਲਾਨ ਕੀਤਾ ਹੈ। ਦਿੱਲੀ, ਅਹਿਮਦਾਬਾਦ, ਜੈਪੁਰ, ਪਟਨਾ, ਦਰਭੰਗਾ ਤੋਂ ਅਯੁੱਧਿਆ ਵਿਚਕਾਰ ਉਡਾਣਾਂ (flights) ਚੱਲਣਗੀਆਂ। ਇਸ ਤੋਂ ਪਹਿਲਾਂ, ਏਅਰਲਾਈਨਜ਼ ਨੇ ਚੇਨਈ, ਮੁੰਬਈ ਅਤੇ ਬੈਂਗਲੁਰੂ ਤੋਂ ਸਿੱਧੀ ਉਡਾਣ ਸੇਵਾਵਾਂ ਦਾ ਐਲਾਨ ਕੀਤਾ ਸੀ। ਸਾਰੀਆਂ ਉਡਾਣਾਂ 1 ਫਰਵਰੀ 2024 ਨੂੰ ਚੱਲਣਗੀਆਂ।
22 ਜਨਵਰੀ ਨੂੰ ਸਪਾਈਸਜੈੱਟ ਸ਼ੁਰੂ ਕਰ ਰਿਹੈ ਵਿਸ਼ੇਸ਼ ਉਡਾਣਾਂ
22 ਜਨਵਰੀ ਨੂੰ ਅਯੁੱਧਿਆ ਵਿੱਚ ਰਾਮ ਮੰਦਰ ਪ੍ਰਾਣ ਪ੍ਰਤੀਸਥਾ ਪ੍ਰੋਗਰਾਮ ਦੇ ਮੱਦੇਨਜ਼ਰ, ਸਪਾਈਸ ਜੈੱਟ ਨੇ ਪਹਿਲਾਂ ਹੀ 21 ਜਨਵਰੀ ਨੂੰ ਦਿੱਲੀ ਅਤੇ ਅਯੁੱਧਿਆ ਵਿਚਕਾਰ ਇੱਕ ਵਿਸ਼ੇਸ਼ ਉਡਾਣ ਚਲਾਉਣ ਦਾ ਐਲਾਨ ਕੀਤਾ ਸੀ। 21 ਜਨਵਰੀ ਨੂੰ ਸਪਾਈਸ ਜੈੱਟ ਦੀ ਇੱਕ ਵਿਸ਼ੇਸ਼ ਉਡਾਣ ਰਾਮ ਮੰਦਰ ਦੇ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਜਾ ਰਹੇ ਸ਼ਰਧਾਲੂਆਂ ਲਈ ਦਿੱਲੀ ਅਤੇ ਅਯੁੱਧਿਆ ਵਿਚਕਾਰ ਉਡਾਣ ਭਰੇਗੀ।
ਇਹ ਵੀ ਪੜ੍ਹੋ : Ayodhya Ram temple Pran Pratistha: 22 ਜਨਵਰੀ ਨੂੰ ਬਾਜ਼ਾਰ, ਸਕੂਲ, ਦਫ਼ਤਰ, ਬੈਂਕ ਰਹਿਣਗੇ ਬੰਦ, ਜਾਣੋ ਕੀ ਖੁੱਲ੍ਹਾ ਤੇ ਕੀ ਰਹੇਗਾ ਬੰਦ
ਇਨ੍ਹਾਂ ਏਅਰਲਾਈਨਾਂ ਨੇ ਵੀ ਉਡਾਣਾਂ ਸ਼ੁਰੂ ਕਰਨ ਦਾ ਕੀਤਾ ਹੈ ਐਲਾਨ
ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨਜ਼ ਇੰਡੀਗੋ (Airlines Company Indigo) ਅਤੇ ਏਅਰ ਇੰਡੀਆ ਐਕਸਪ੍ਰੈੱਸ (Air India Express) ਨੇ ਵੀ ਵੱਖ-ਵੱਖ ਸ਼ਹਿਰਾਂ ਤੋਂ ਅਯੁੱਧਿਆ ਲਈ ਉਡਾਣ ਸੇਵਾ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇੰਡੀਗੋ ਨੇ ਦਿੱਲੀ, ਅਹਿਮਦਾਬਾਦ ਅਤੇ ਮੁੰਬਈ ਤੋਂ ਅਯੁੱਧਿਆ ਲਈ ਉਡਾਣਾਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਏਅਰ ਇੰਡੀਆ ਐਕਸਪ੍ਰੈਸ ਨੇ ਵੀ ਦਿੱਲੀ, ਮੁੰਬਈ ਅਤੇ ਅਹਿਮਦਾਬਾਦ ਤੋਂ ਅਯੁੱਧਿਆ ਵਿਚਕਾਰ ਉਡਾਣਾਂ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ।
ਅਕਾਸਾ ਏਅਰ ਵੀ ਅਯੁੱਧਿਆ ਲਈ ਸ਼ੁਰੂ ਕਰ ਰਿਹੈ ਉਡਾਣਾਂ
ਅਕਾਸਾ ਏਅਰ ਨੇ ਵੀ ਅਯੁੱਧਿਆ ਲਈ ਉਡਾਣਾਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਏਅਰਲਾਈਨਜ਼ ਪੁਣੇ ਤੋਂ ਅਯੁੱਧਿਆ ਵਾਇਆ ਦਿੱਲੀ ਤੱਕ ਉਡਾਣਾਂ ਸ਼ੁਰੂ ਕਰਨ ਜਾ ਰਹੀਆਂ ਹਨ। ਪੁਣੇ ਅਤੇ ਅਯੁੱਧਿਆ ਵਿਚਕਾਰ ਇਹ ਉਡਾਣ 15 ਫਰਵਰੀ 2024 ਤੋਂ ਸ਼ੁਰੂ ਹੋਵੇਗੀ। ਲਾਈਵ ਮਿੰਟ ਦੀ ਰਿਪੋਰਟ ਦੇ ਅਨੁਸਾਰ, ਫਲਾਈਟ ਪੁਣੇ ਤੋਂ ਸਵੇਰੇ 8.50 ਵਜੇ ਉਡਾਣ ਭਰੇਗੀ ਅਤੇ 12.55 ਵਜੇ ਅਯੁੱਧਿਆ ਪਹੁੰਚੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
