ਕਰਜ਼ ਲੈਣ ਵਾਲਿਆਂ ਨੂੰ ਸਟੇਟ ਬੈਂਕ ਦਾ ਝਟਕਾ! ਦੂਜੇ ਬੈਂਕਾਂ ਦਾ ਕਰਜ਼ ਹੋਏਗਾ ਮਹਿੰਗਾ
ਦੇਸ਼ ਦੇ ਸਭ ਤੋਂ ਵੱਡੇ ‘ਭਾਰਤੀ ਸਟੇਟ ਬੈਂਕ’ (SBI) ਨੇ ਹੋਮ ਲੋਨ ਦੀ ਆਪਣੀ ਘੱਟੋ-ਘੱਟ ਵਿਆਜ ਦਰ ਚੌਥਾਈ ਫ਼ੀ ਸਦੀ ਵਧਾ ਦਿੱਤੀ ਹੈ। ਹੁਣ ਇਹ ਦਰ 6.70 ਤੋਂ ਵਧ ਕੇ 6.95 ਫ਼ੀ ਸਦੀ ਹੋ ਗਈ ਹੈ।
ਨਵੀਂ ਦਿੱਲੀ: ਦੇਸ਼ ਦੇ ਸਭ ਤੋਂ ਵੱਡੇ ‘ਭਾਰਤੀ ਸਟੇਟ ਬੈਂਕ’ (SBI) ਨੇ ਹੋਮ ਲੋਨ ਦੀ ਆਪਣੀ ਘੱਟੋ-ਘੱਟ ਵਿਆਜ ਦਰ ਚੌਥਾਈ ਫ਼ੀ ਸਦੀ ਵਧਾ ਦਿੱਤੀ ਹੈ। ਹੁਣ ਇਹ ਦਰ 6.70 ਤੋਂ ਵਧ ਕੇ 6.95 ਫ਼ੀ ਸਦੀ ਹੋ ਗਈ ਹੈ। ਇਹ ਵਿਆਜ ਦਰ 1 ਅਪ੍ਰੈਲ, 2021 ਤੋਂ ਲਾਗੂ ਹੋ ਗਈ ਹੈ। ਐਸਬੀਆਈ ਦੇ ਇਸ ਕਦਮ ਤੋਂ ਬਾਅਦ ਦੂਜੇ ਬੈਂਕਾਂ ਵੱਲੋਂ ਵੀ ਹੋਮ ਲੋਨ ਦੀਆਂ ਘੱਟੋ-ਘੱਟ ਵਿਆਜ ਦਰਾਂ ਵਿੱਚ ਵਾਧੇ ਦੀ ਸੰਭਾਵਨਾ ਬਣ ਗਈ ਹੈ। ਇਸ ਤੋਂ ਇਹ ਵੀ ਸੰਕੇਤ ਮਿਲ ਰਿਹਾ ਹੈ ਕਿ ਆਉਣ ਵਾਲੇ ਦਿਨਾਂ ’ਚ ਹੋਮ ਲੋਨ ਦੀਆਂ ਸਾਰੀਆਂ ਦਰਾਂ ਵਿੱਚ ਵਾਧਾ ਹੋ ਸਕਦਾ ਹੈ।
ਬੈਂਕ ਨੇ ਨਾ ਸਿਰਫ਼ ਘੱਟੋ-ਘੱਟ ਵਿਆਜ ਦਰ ਵਧਾਈ ਹੈ, ਸਗੋਂ ਸਾਰੇ ਹੋਮ ਲੋਨ ਵਿੱਚ ਪ੍ਰੋਸੈਸਿੰਗ ਫ਼ੀਸ ਵੀ ਜੋੜ ਦਿੱਤੀ ਹੈ। ਇਹ ਨਿਯਮ 1 ਅਪ੍ਰੈਲ, 2021 ਤੋਂ ਲਾਗੂ ਹੋ ਗਿਆ ਹੈ। ਐਸਬੀਆਈ ਪ੍ਰੋਸੈਸਿੰਗ ਫ਼ੀਸ ਵਜੋਂ ਲੋਨ ਨਾਲ 0.40 ਤੱਕ ਰਾਸ਼ੀ ਲੈ ਸਕਦਾ ਹੈ। ਇਹ ਰਾਸ਼ੀ ਘੱਟੋ-ਘੱਟ 10 ਹਜ਼ਾਰ ਰੁਪਏ ਤੇ ਵੱਧ ਤੋਂ ਵੱਧ 30 ਹਜ਼ਾਰ ਰੁਪਏ ਤੱਕ ਹੋ ਸਕਦੀ ਹੈ। 1 ਮਾਰਚ ਨੂੰ ਐੱਸਬੀਆਈ ਨੇ ਹੋਮ ਲੋਨ ਦੀ ਘੱਟੋ-ਘੱਟ ਵਿਆਜ ਦਰ 6.80 ਤੋਂ ਘਟਾ ਕੇ 6.70 ਫ਼ੀਸਦੀ ਕਰ ਦਿੱਤੀ ਸੀ। ਭਾਵੇਂ ਬੈਂਕ ਦੀ ਇਹ ਪੇਸ਼ਕਸ਼ ਘਰ ਖ਼ਰੀਦਣ ਵਾਲਿਆਂ ਨੂੰ ਖਿੱਚਣ ਲਈ ਖ਼ਾਸ ਆਫ਼ਰ ਸੀ।
ਐੱਸਬੀਆਈ ਨੇ ਸਪੱਸ਼ਟ ਕੀਤਾ ਹੈ ਕਿ ਅਜਿਹੇ ਲੋਨ ਜਿਨ੍ਹਾਂ ਵਿੱਚ ਬਿਲਡਰ ਟਾਈ–ਅੱਪ ਪ੍ਰੋਜੈਕਟ ਜਿਨ੍ਹਾਂ ਵਿੱਚ ਟਾਈਟਲ ਇਨਵੈਸਟੀਗੇਸ਼ਨ ਰਿਪੋਰਟ ਤੇ ਵੈਲਿਊਏਸ਼ਨ ਦੀ ਜ਼ਰੂਰਤ ਨਹੀਂ ਪੈਂਦੀ ਹੈ। ਉਨ੍ਹਾਂ ਵਿੱਚ ਪ੍ਰੋਸੈਸਿੰਗ ਫ਼ੀਸ ਕੁੱਲ ਲੋਨ ਰਾਸ਼ੀ ਦਾ 0.40 ਫ਼ੀ ਸਦੀ ਹੋਵੇਗੀ। ਇਹ 10 ਹਜ਼ਾਰ ਰੁਪਏ ਤੇ ਜੀਐਸਟੀ ਤੋਂ ਜ਼ਿਆਦਾ ਨਹੀਂ ਹੋਵੇਗੀ। ਜਿੱਥੇ ਟਾਈਟਲ ਇਨਵੈਸਟੀਗੇਸ਼ਨ ਰਿਪੋਰਟ ਦੀ ਜ਼ਰੂਰ ਹੁੰਦੀ ਹੈ, ਉਸ ਵਿੱਚ ਪਹਿਲਾਂ ਵਾਂਗ ਹੀ ਨਾਰਮਲ ਚਾਰਜ ਲੱਗੇਗਾ। ਬੈਂਕ ਨੇ 31 ਮਾਰਚ, 2021 ਤੱਕ ਹੋਮ ਲੋਨ ਪ੍ਰੋਸੈਸਿੰਗ ਫ਼ੀਸ ਉੱਤੇ ਰੋਕ ਲਾ ਦਿੱਤੀ ਸੀ।
ਪਿਛਲੇ ਮਹੀਨੇ ਐੱਸਬੀਆਈ ਨੇ ਕਿਹਾ ਸੀ ਕਿ ਇਸ ਦਾ ਹੋਮ ਲੋਨ ਪੋਰਟਫ਼ੋਲੀਓ ਪੰਜ ਲੱਖ ਕਰੋੜ ਰੁਪਏ ਦਾ ਹੈ। ਇਹ ਦੇਸ਼ ਦਾ ਸਭ ਤੋਂ ਵੱਡਾ ਹੋਮ ਲੋਨ ਪੋਰਟਫ਼ੋਲੀਓ ਹੈ। SBI ਦਾ ਦਾਅਵਾ ਹੈ ਕਿ ਉਹ ਇਸ ਸੈਗਮੈਂਟ ਵਿੱਚ ਮਾਰਕਿਟ ਲੀਡਰ ਹੈ। ਐੱਸਬੀਆਈ ਵੱਲੋਂ ਹੋਮ ਲੋਨ ਦੀਆਂ ਦਰਾਂ ਹੋਰ ਵਧਣ ਦਾ ਸੰਭਾਵਨਾ ਹੈ। ਜੇ SBI ਨੇ ਇਹ ਦਰਾਂ ਵਧਾਈਆਂ, ਤਾਂ HDFC ਬੈਂਕ, ICICI ਬੈਂਕ ਅਤੇ ਬੈਂਕ ਆਫ਼ ਬੜੌਦਾ ਵੀ ਹੋਮ ਲੋਨ ਦੀਆਂ ਵਿਆਜ ਦਰਾਂ ਵਧਾ ਸਕਦੇ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
