Stock Market Crash: ਸ਼ੇਅਰ ਬਾਜ਼ਾਰ ਦਾ ਮੂਡ ਹੋਇਆ ਖ਼ਰਾਬ, 900 ਅੰਕ ਡਿੱਗ ਕੇ ਬੰਦ ਹੋਇਆ ਸੈਂਸਕਸ, ਨਿਵੇਸ਼ਕਾਂ ਨੂੰ ਹੋਇਆ ਇੰਨਾ ਨੁਕਸਾਨ
Share Market Update: ਸ਼ੇਅਰ ਬਾਜ਼ਾਰ 'ਚ ਅੱਜ ਆਈ ਗਿਰਾਵਟ ਕਾਰਨ ਨਿਵੇਸ਼ਕਾਂ ਨੂੰ 4 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ।
Stock Market Closing On 22nd February 2023: ਬੁੱਧਵਾਰ ਦਾ ਕਾਰੋਬਾਰੀ ਸੈਸ਼ਨ ਭਾਰਤੀ ਸ਼ੇਅਰ ਬਾਜ਼ਾਰ ਲਈ ਬੇਹੱਦ ਨਿਰਾਸ਼ਾਜਨਕ ਰਿਹਾ। ਨਿਵੇਸ਼ਕਾਂ ਦੀ ਮੁਨਾਫਾਵਸੂਲੀ ਅਤੇ ਵਿਕਰੀ ਕਾਰਨ ਸੈਂਸੈਕਸ 1,000 ਤੋਂ ਵੱਧ ਅੰਕ ਡਿੱਗ ਗਿਆ, ਜਦੋਂ ਕਿ ਨਿਫਟੀ 300 ਤੋਂ ਵੱਧ ਅੰਕ ਡਿੱਗ ਗਿਆ। ਕੋਈ ਵੀ ਸੈਕਟਰ ਬਿਕਵਾਲੀ ਦੇ ਪ੍ਰਭਾਵ ਤੋਂ ਬਚ ਨਹੀਂ ਸਕਿਆ। ਅੱਜ ਦੇ ਕਾਰੋਬਾਰ ਦੇ ਅੰਤ 'ਤੇ ਬੀ.ਐੱਸ.ਈ. ਦਾ ਸੈਂਸੈਕਸ 912 ਅੰਕ ਡਿੱਗ ਕੇ 60,000 ਦੇ ਪੱਧਰ ਤੋਂ ਹੇਠਾਂ 59,755 'ਤੇ ਬੰਦ ਹੋਇਆ, ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 275 ਅੰਕ ਹੇਠਾਂ 17,550 'ਤੇ ਬੰਦ ਹੋਇਆ।
ਸੈਕਟਰ ਅਪਡੇਟ
ਅੱਜ ਦੇ ਕਾਰੋਬਾਰੀ ਸੈਸ਼ਨ 'ਚ ਬਾਜ਼ਾਰ 'ਚ ਸਾਰੇ ਸੈਕਟਰਾਂ ਦੇ ਸ਼ੇਅਰਾਂ 'ਚ ਗਿਰਾਵਟ ਦਰਜ ਕੀਤੀ ਗਈ। ਬੈਂਕਿੰਗ, ਆਈ.ਟੀ., ਆਟੋ, ਧਾਤੂ, ਫਾਰਮਾ, ਐਨਰਜੀ, ਇਨਫਰਾ ਕੰਜ਼ਿਊਮਰ ਡਿਊਰੇਬਲਸ ਸੈਕਟਰ ਦੇ ਸ਼ੇਅਰ ਡਿੱਗ ਕੇ ਬੰਦ ਹੋਏ। ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰ ਵੀ ਘਾਟੇ ਨਾਲ ਬੰਦ ਹੋਏ ਹਨ। ਨਿਫਟੀ ਦੇ 50 ਸਟਾਕਾਂ 'ਚੋਂ 47 ਸ਼ੇਅਰਾਂ 'ਚ ਗਿਰਾਵਟ ਦਰਜ ਕੀਤੀ ਗਈ, ਜਦਕਿ ਸਿਰਫ 3 ਸਟਾਕ ਵਾਧੇ ਨਾਲ ਬੰਦ ਹੋਏ। ਸੈਂਸੈਕਸ ਦੇ 30 ਸਟਾਕਾਂ ਵਿਚੋਂ, ਸਿਰਫ 1 ਸਟਾਕ ਵਿਚ ਤੇਜ਼ੀ ਆਈ ਜਦੋਂ ਕਿ 29 ਸਟਾਕ ਬੰਦ ਹੋਏ। ਬੈਂਕ ਨਿਫਟੀ 'ਚ ਸਭ ਤੋਂ ਜ਼ਿਆਦਾ ਗਿਰਾਵਟ ਦਰਜ ਕੀਤੀ ਗਈ ਅਤੇ ਇਹ ਸੂਚਕਾਂਕ 1.73 ਫੀਸਦੀ ਦੀ ਗਿਰਾਵਟ ਨਾਲ 39,974 ਅੰਕ 'ਤੇ ਬੰਦ ਹੋਇਆ। ਅੱਜ ਬਾਜ਼ਾਰ 'ਚ ਕੁੱਲ 3606 ਸ਼ੇਅਰਾਂ 'ਚੋਂ ਸਿਰਫ 953 ਸ਼ੇਅਰ ਹੀ ਵਾਧੇ ਨਾਲ ਬੰਦ ਹੋਏ ਜਦਕਿ 2520 ਸ਼ੇਅਰਾਂ 'ਚ ਗਿਰਾਵਟ ਦਰਜ ਕੀਤੀ ਗਈ।
ਇਹ ਵੀ ਪੜ੍ਹੋ: Gold Silver Rate: ਅੱਜ ਸਸਤੇ ਹੋਏ ਸੋਨਾ-ਚਾਂਦੀ, ਜਾਣੋ ਸੋਨੇ-ਚਾਂਦੀ ਦੇ ਭਾਅ
ਚੜ੍ਹਾਅ-ਉਤਰਾਅ ਵਾਲੇ ਸ਼ੇਅਰ
ਅੱਜ ਦੇ ਕਾਰੋਬਾਰੀ ਸੈਸ਼ਨ 'ਚ ਸਿਰਫ ਆਈ.ਟੀ.ਸੀ. ਦੇ ਸ਼ੇਅਰ 0.42 ਫੀਸਦੀ, ਬਜਾਜ ਆਟੋ 0.09 ਫੀਸਦੀ ਅਤੇ ਡਿਵੀਸ ਲੈਬ ਦੇ ਸ਼ੇਅਰ 0.07 ਫੀਸਦੀ ਵਧ ਕੇ ਬੰਦ ਹੋਏ। ਜਦੋਂ ਕਿ ਅਡਾਨੀ ਐਂਟਰਪ੍ਰਾਈਜਿਜ਼ 10.58 ਫੀਸਦੀ, ਅਡਾਨੀ ਪੋਰਟਸ 6.19 ਫੀਸਦੀ, ਗ੍ਰਾਸੀਮ 3.61 ਫੀਸਦੀ, ਬਜਾਜ ਫਾਈਨਾਂਸ 2.83 ਫੀਸਦੀ ਡਿੱਗ ਕੇ ਬੰਦ ਹੋਏ।
ਨਿਵੇਸ਼ਕਾਂ ਨੂੰ ਨੁਕਸਾਨ
ਅੱਜ ਦੇ ਕਾਰੋਬਾਰੀ ਸੈਸ਼ਨ 'ਚ ਨਿਵੇਸ਼ਕਾਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ। ਇੱਕ ਵਪਾਰਕ ਸੈਸ਼ਨ ਵਿੱਚ ਨਿਵੇਸ਼ਕਾਂ ਨੂੰ 4 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। BSE 'ਤੇ ਸੂਚੀਬੱਧ ਕੰਪਨੀਆਂ ਦਾ ਮਾਰਕੀਟ ਕੈਪ ਮੰਗਲਵਾਰ ਨੂੰ 265.23 ਲੱਖ ਕਰੋੜ ਰੁਪਏ ਤੋਂ ਘਟ ਕੇ 261.34 ਲੱਖ ਕਰੋੜ ਰੁਪਏ ਰਹਿ ਗਿਆ। ਯਾਨੀ ਨਿਵੇਸ਼ਕਾਂ ਨੂੰ ਕੁੱਲ 3.91 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ।
ਇਹ ਵੀ ਪੜ੍ਹੋ: FD Rates: HDFC ਬੈਂਕ ਨੇ ਇੱਕ ਵਾਰ ਫਿਰ FD 'ਤੇ ਵਿਆਜ ਵਧਾਇਆ; ਜਾਣੋ SBI, PNB ਦੇ ਮੁਕਾਬਲੇ ਕਿੰਨਾ ਵਿਆਜ ਮਿਲ ਰਿਹਾ ਹੈ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
