Stock Market Opening: ਬਾਜ਼ਾਰ 'ਚ ਦਿਖੀ ਰੌਣਕ, ਸੈਂਸੈਕਸ 260 ਅੰਕ ਵਧ ਕੇ 54,000 ਦੇ ਪਾਰ, ਨਿਫਟੀ ਵਿੱਚ ਦਰਜ ਕੀਤਾ ਗਿਆ ਇੰਨਾ ਵਾਧਾ
Share Market Opening: ਬੀਤੇ ਦੋ ਦਿਨ ਬਾਜ਼ਾਰ ਲਈ ਚੰਗੇ ਨਹੀਂ ਰਹੇ। ਮੰਗਲਵਾਰ ਨੂੰ ਕਾਰੋਬਾਰ ਖਤਮ ਹੋਣ ਤੋਂ ਪਹਿਲਾਂ ਸੈਂਸੈਕਸ ਵਿੱਚ ਕਰੀਬ 508.62 ਅੰਕ ਦੀ ਗਿਰਾਵਟ ਦਰਜ ਕੀਤੀ ਅਤੇ 53,886.61 'ਤੇ ਬੰਦ ਹੋਇਆ।
Stock Market Opening: ਇਸ ਦਿਨ ਯਾਨੀ 13 ਜੁਲਾਈ, 2022 ਨੂੰ ਸ਼ੇਅਰ ਬਾਜ਼ਾਰ 'ਚ ਚਮਕ ਨਜ਼ਰ ਆ ਰਹੀ ਹੈ। ਅੱਜ ਸੈਂਸੈਕਸ-ਨਿਫਟੀ ਹਰੇ ਨਿਸ਼ਾਨ ਨਾਲ ਖੁੱਲ੍ਹਿਆ ਹੈ। ਗਲੋਬਲ ਸਿਗਨਲ ਅੱਜ ਮਜ਼ਬੂਤ ਨਜ਼ਰ ਆ ਰਹੇ ਹਨ ਅਤੇ ਇਸ ਦਾ ਅਸਰ ਅੱਜ ਭਾਰਤੀ ਬਾਜ਼ਾਰਾਂ 'ਤੇ ਸਾਫ ਦਿਖਾਈ ਦੇ ਰਿਹਾ ਹੈ। ਇਸ ਦੇ ਨਾਲ ਹੀ ਇਸ ਦਾ ਸਕਾਰਾਤਮਕ ਅਸਰ ਏਸ਼ੀਆਈ ਬਾਜ਼ਾਰਾਂ 'ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਅੱਜ ਉਮੀਦ ਕੀਤੀ ਜਾ ਰਹੀ ਹੈ ਕਿ ਹਫਤੇ ਦੀ ਸ਼ੁਰੂਆਤ 'ਚ ਵੱਡੇ ਨੁਕਸਾਨ ਤੋਂ ਬਾਅਦ ਏਸ਼ੀਆਈ ਬਾਜ਼ਾਰਾਂ 'ਚ ਕੁਝ ਵਾਧੇ ਦੀ ਉਮੀਦ ਹੈ।
ਕਿਵੇਂ ਹੋਈ ਅੱਜ ਬਾਜ਼ਾਰ ਦੀ ਸ਼ੁਰੂਆਤ?
ਅੱਜ ਬਾਜ਼ਾਰ ਦੀ ਸ਼ੁਰੂਆਤ ਹਰੇ ਨਿਸ਼ਾਨ ਨਾਲ ਹੋਈ ਹੈ। BSE ਸੈਂਸੈਕਸ 260 ਅੰਕ ਵਧ ਕੇ 54,146 'ਤੇ ਖੁੱਲ੍ਹਿਆ। ਦੂਜੇ ਪਾਸੇ, ਨਿਫਟੀ 61.10 ਅੰਕਾਂ ਦੇ ਵਾਧੇ ਤੋਂ ਬਾਅਦ 16,100 ਦੇ ਉੱਤੇ ਟਰੈਂਡ ਕਰ ਰਿਹਾ ਹੈ।
ਹਫਤੇ ਦੀ ਸ਼ੁਰੂਆਤ ਖਰਾਬ
ਦੱਸ ਦੇਈਏ ਕਿ ਪਹਿਲੇ ਦੋ ਦਿਨ ਬਾਜ਼ਾਰ ਦੇ ਲਿਹਾਜ਼ ਨਾਲ ਚੰਗੇ ਨਹੀਂ ਰਹੇ ਹਨ। ਮੰਗਲਵਾਰ ਨੂੰ ਕਾਰੋਬਾਰ ਖ਼ਤਮ ਹੋਣ ਤੋਂ ਪਹਿਲਾਂ ਸੈਂਸੈਕਸ ਨੇ 508.62 ਅੰਕ ਦੀ ਗਿਰਾਵਟ ਦਰਜ ਕੀਤੀ ਅਤੇ 53,886.61 'ਤੇ ਬੰਦ ਹੋਇਆ। ਇਸ ਨਾਲ ਹੀ ਨਿਫਟੀ ਵੀ 157.70 ਅੰਕ ਡਿੱਗ ਕੇ 16,058 'ਤੇ ਬੰਦ ਹੋਇਆ ਹੈ। ਬੀਤੇ ਦੋ ਹਫ਼ਤਿਆਂ ਦੇ ਵਾਧੇ ਤੋਂ ਬਾਅਦ, ਇਸ ਹਫ਼ਤੇ ਵਿੱਚ ਕਾਫੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਏਸ਼ੀਆਈ ਬਾਜ਼ਾਰਾਂ 'ਚ ਦੇਖਣ ਨੂੰ ਮਿਲ ਸਕਦੀ ਹੈ ਰਿਕਵਰੀ
ਦੱਸਣਯੋਗ ਹੈ ਕਿ ਪਿਛਲੇ ਕੁਝ ਸਮੇਂ ਤੋਂ ਏਸ਼ੀਆਈ ਬਾਜ਼ਾਰਾਂ 'ਚ ਬਿਕਵਾਲੀ ਦਾ ਦੌਰ ਦੇਖਣ ਨੂੰ ਮਿਲ ਰਿਹਾ ਹੈ ਪਰ ਅੱਜ ਬਾਜ਼ਾਰ 'ਚ ਰਿਕਵਰੀ ਦੇਖਣ ਨੂੰ ਮਿਲ ਰਹੀ ਹੈ। ਜਾਪਾਨ ਦਾ ਨਿੱਕੇਈ (Nikkei) 0.33 ਫੀਸਦੀ ਦੇ ਵਾਧੇ ਦੇ ਨਾਲ ਟ੍ਰੈਂਡ ਕਰ ਰਿਹਾ ਹੈ, ਜਦਕਿ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ (Shanghai Composite) ਵਿੱਚ 0.36 ਫੀਸਦੀ ਦੀ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਜਦੋਂ ਕਿ ਹਾਂਗਕਾਂਗ ਦੇ Hangseng 'ਚ 0.78 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
