Stock Market Opening: ਸ਼ੇਅਰ ਬਾਜ਼ਾਰ 'ਚ ਕੋਹਰਾਮ, ਸੈਂਸੈਕਸ 1466 ਅੰਕ ਡਿੱਗ ਕੇ 57367 'ਤੇ ਖੁੱਲ੍ਹਿਆ, ਨਿਫਟੀ 17200 ਤੋਂ ਹੇਠਾਂ ਖਿਸਕਿਆ

ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਅੱਜ ਇੰਨੀ ਵੱਡੀ ਗਿਰਾਵਟ ਨਾਲ ਕਾਰੋਬਾਰ ਸ਼ੁਰੂ ਹੋਇਆ ਹੈ ਕਿ ਦਲਾਲ ਸਟਰੀਟ ਲਾਲ ਹੋ ਗਈ ਹੈ। ਬਜ਼ਾਰ ਖੁੱਲ੍ਹਣ ਤੋਂ ਪਹਿਲਾਂ ਹੀ ਪ੍ਰੀ-ਓਪਨਿੰਗ 'ਚ ਇਹ 2 ਫੀਸਦੀ ਤੋਂ ਜ਼ਿਆਦਾ ਟੁੱਟ ਗਿਆ ਸੀ।

By : ਏਬੀਪੀ ਸਾਂਝਾ | Edited By: shankerd | Updated at : 29 Aug 2022 10:33 AM (IST)

Stock Market

Share Market Opening : ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਅੱਜ ਇੰਨੀ ਵੱਡੀ ਗਿਰਾਵਟ ਨਾਲ ਕਾਰੋਬਾਰ ਸ਼ੁਰੂ ਹੋਇਆ ਹੈ ਕਿ ਦਲਾਲ ਸਟਰੀਟ ਲਾਲ ਹੋ ਗਈ ਹੈ। ਬਜ਼ਾਰ ਖੁੱਲ੍ਹਣ ਤੋਂ ਪਹਿਲਾਂ ਹੀ ਪ੍ਰੀ-ਓਪਨਿੰਗ 'ਚ ਇਹ 2 ਫੀਸਦੀ ਤੋਂ ਜ਼ਿਆਦਾ ਟੁੱਟ ਗਿਆ ਸੀ। ਅੱਜ ਸੈਂਸੈਕਸ ਲਗਭਗ 1500 ਅੰਕ ਹੇਠਾਂ ਹੈ ਅਤੇ ਨਿਫਟੀ 370 ਅੰਕਾਂ ਦੀ ਗਿਰਾਵਟ ਨਾਲ ਖੁੱਲ੍ਹਿਆ ਹੈ। ਆਈਟੀ ਇੰਡੈਕਸ 1000 ਤੋਂ ਜ਼ਿਆਦਾ ਅੰਕਾਂ ਦੀ ਗਿਰਾਵਟ ਨਾਲ ਖੁੱਲ੍ਹਿਆ ਹੈ। ਰੁਪਿਆ ਆਪਣੇ ਸਭ ਤੋਂ ਹੇਠਲੇ ਪੱਧਰ 80.12 'ਤੇ ਪਹੁੰਚ ਗਿਆ ਹੈ, ਜੋ ਘਬਰਾਹਟ ਨੂੰ ਹੋਰ ਵਧਾ ਰਿਹਾ ਹੈ।

ਕਿਵੇਂ ਖੁੱਲ੍ਹਿਆ ਬਾਜ਼ਾਰ

ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਸੂਚਕ ਅੰਕ ਸੈਂਸੈਕਸ 1,466 ਅੰਕ ਭਾਵ 2.49 ਫੀਸਦੀ ਦੀ ਗਿਰਾਵਟ ਨਾਲ 57,367 'ਤੇ ਖੁੱਲ੍ਹਿਆ। NSE ਦਾ 50 ਸ਼ੇਅਰਾਂ ਵਾਲਾ ਸੂਚਕਾਂਕ ਨਿਫਟੀ 370 ਅੰਕ ਭਾਵ 2.11 ਫੀਸਦੀ ਦੀ ਭਾਰੀ ਗਿਰਾਵਟ ਦੇ ਨਾਲ 17,188.65 'ਤੇ ਖੁੱਲ੍ਹਿਆ ਅਤੇ ਇਸ ਤਰ੍ਹਾਂ 17200 ਦੇ ਹੇਠਾਂ ਖਿਸਕ ਗਿਆ ਹੈ।

ਸੈਂਸੈਕਸ ਅਤੇ ਨਿਫਟੀ ਦਾ ਹਾਲ

ਨਿਫਟੀ ਦੇ 50 ਵਿੱਚੋਂ 50 ਸਟਾਕ ਗਿਰਾਵਟ ਦੇ ਲਾਲ ਨਿਸ਼ਾਨ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ। ਸੈਂਸੈਕਸ ਦੇ 30 'ਚੋਂ 30 ਸ਼ੇਅਰਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ ਅਤੇ ਬੀਐੱਸਈ ਦੇ ਸਾਰੇ ਸੈਕਟਰ ਵੀ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਬੈਂਕ ਨਿਫਟੀ 823 ਅੰਕ ਯਾਨੀ 2.13 ਫੀਸਦੀ ਡਿੱਗ ਕੇ 38154 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਨਿਫਟੀ ਆਈਟੀ ਇੰਡੈਕਸ 'ਚ 4.20 ਫੀਸਦੀ ਦੀ ਜ਼ਬਰਦਸਤ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।

ਅੱਜ ਦੇ ਚੜ੍ਹਨ ਵਾਲੇ -ਡਿਗਣ ਵਾਲੇ ਸ਼ੇਅਰ

ਸੈਂਸੈਕਸ ਦੇ 30 ਵਿੱਚੋਂ ਸਾਰੇ 30 ਸਟਾਕ ਲਾਲ ਰੇਂਜ ਵਿੱਚ ਹਨ ਅਤੇ ਨਿਫਟੀ ਦੇ 50 ਵਿੱਚੋਂ 2 ਹਰੇ ਨਿਸ਼ਾਨ ਵਿੱਚ ਵਾਪਸ ਆ ਗਏ ਹਨ। ਇਹ ਬ੍ਰਿਟਾਨੀਆ ਇੰਡਸਟਰੀਜ਼ ਹੈ ਜੋ 0.92 ਪ੍ਰਤੀਸ਼ਤ ਅਤੇ ਅਪੋਲੋ ਹਸਪਤਾਲ ਜੋ 0.79 ਪ੍ਰਤੀਸ਼ਤ ਵੱਧ ਹੈ। ਨਿਫਟੀ ਦੇ ਡਿੱਗਦੇ ਸ਼ੇਅਰਾਂ 'ਚ ਸਭ ਤੋਂ ਜ਼ਿਆਦਾ 5.53 ਫੀਸਦੀ ਦੀ ਗਿਰਾਵਟ 'ਚ ਟੇਕ ਮਹਿੰਦਰਾ ਹੈ। ਇੰਫੋਸਿਸ 4.35 ਫੀਸਦੀ, ਐਚਸੀਐਲ ਟੈਕ 3.87 ਫੀਸਦੀ ਫਿਸਲਿਆ ਹੈ। ਹਿੰਡਾਲਕੋ 'ਚ 3.67 ਫੀਸਦੀ ਅਤੇ ਵਿਪਰੋ 'ਚ 3.10 ਫੀਸਦੀ ਨੀਚੇ ਹੈ।

ਸੈਕਟਰਲ ਇੰਡੈਕਸ ਦੀ ਬੁਰੀ ਹਾਲਤ

ਸਾਰੇ ਸੈਕਟਰਲ ਸੂਚਕਾਂਕ ਮਜ਼ਬੂਤ ਗਿਰਾਵਟ 'ਤੇ ਹਨ ਅਤੇ ਆਈਟੀ ਸੂਚਕਾਂਕ 4.20 ਫੀਸਦੀ ਹੇਠਾਂ ਹੈ। PSU ਬੈਂਕ ਇੰਡੈਕਸ 'ਚ 2.51 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਮੈਟਲ ਇੰਡੈਕਸ 'ਚ 2.44 ਫੀਸਦੀ ਦੀ ਕਮਜ਼ੋਰੀ ਦੇਖਣ ਨੂੰ ਮਿਲ ਰਹੀ ਹੈ। ਬੈਂਕ ਨਿਫਟੀ ਅਤੇ ਰੀਅਲਟੀ ਇੰਡੈਕਸ 2.10 ਫੀਸਦੀ ਦੀ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ। ਆਟੋ ਸੈਕਟਰ 'ਚ 2 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ।

ਪ੍ਰੀ-ਓਪਨਿੰਗ ਵਿੱਚ ਕਿਵੇਂ ਰਹੀ ਬਾਜ਼ਾਰ ਦੀ ਚਾਲ

ਅੱਜ ਦੇ ਕਾਰੋਬਾਰ ਵਿੱਚ ਪ੍ਰੀ-ਓਪਨਿੰਗ ਟ੍ਰੇਂਡ 'ਚ ਵੀ ਲਾਲ ਹੀ ਨਿਸ਼ਾਨ ਛਾਇਆ ਹੋਇਆ ਹੈ। ਪ੍ਰੀ-ਓਪਨ 'ਚ ਹੀ ਬਾਜ਼ਾਰ 2 ਫੀਸਦੀ ਤੋਂ ਜ਼ਿਆਦਾ ਫਿਸਲ ਗਿਆ ਹੈ। ਬੀਐਸਈ ਦੇ ਸਾਰੇ ਸੈਕਟਰਲ ਸੂਚਕਾਂਕ ਵਿੱਚ ਗਿਰਾਵਟ ਆਈ ਹੈ। ਪ੍ਰੀ-ਓਪਨ 'ਚ ਸੈਂਸੈਕਸ 'ਚ ਕਰੀਬ 1500 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।