Ukraine-Russia War effects: ਰੂਸ-ਯੂਕੇਰਨ ਜੰਗ ਨਾਲ ਭਾਰਤ ਨੂੰ ਲੱਗੇਗਾ ਵੱਡਾ ਝਟਕਾ, ਦਰਾਮਦ ਬਿੱਲ 600 ਅਰਬ ਡਾਲਰ ਤੱਕ ਵਧਣ ਦੀ ਸੰਭਾਵਨਾ: ਰਿਪੋਰਟ
Import Bill Increase indication: ਯੂਕਰੇਨ 'ਚ ਚੱਲ ਰਹੇ ਸੰਕਟ ਕਾਰਨ ਭਾਰਤ ਨੂੰ ਵੱਡਾ ਆਰਥਿਕ ਝਟਕਾ ਲੱਗ ਸਕਦਾ ਹੈ। ਮਾਹਿਰਾਂ ਮੁਤਾਬਕ ਮੌਜੂਦਾ ਵਿੱਤੀ ਸਾਲ 'ਚ ਦੇਸ਼ ਦਾ ਆਯਾਤ ਬਿੱਲ 600 ਅਰਬ ਅਮਰੀਕੀ ਡਾਲਰ ਤੱਕ ਵਧ ਸਕਦਾ ਹੈ
Import Bill Increase indication: ਯੂਕਰੇਨ 'ਚ ਚੱਲ ਰਹੇ ਸੰਕਟ ਕਾਰਨ ਭਾਰਤ ਨੂੰ ਵੱਡਾ ਆਰਥਿਕ ਝਟਕਾ ਲੱਗ ਸਕਦਾ ਹੈ। ਮਾਹਿਰਾਂ ਮੁਤਾਬਕ ਮੌਜੂਦਾ ਵਿੱਤੀ ਸਾਲ 'ਚ ਦੇਸ਼ ਦਾ ਆਯਾਤ ਬਿੱਲ 600 ਅਰਬ ਅਮਰੀਕੀ ਡਾਲਰ ਤੱਕ ਵਧ ਸਕਦਾ ਹੈ। ਇਸ ਦਾ ਕਾਰਨ ਕੱਚੇ ਤੇਲ, ਕੁਦਰਤੀ ਗੈਸ, ਰਤਨ ਤੇ ਗਹਿਣਿਆਂ, ਖਾਣ ਵਾਲੇ ਤੇਲ ਤੇ ਖਾਦਾਂ ਦੀ ਦਰਾਮਦ 'ਤੇ ਭਾਰਤ ਦੀ ਨਿਰਭਰਤਾ ਤੇ ਰੁਪਏ ਦੀ ਗਿਰਾਵਟ ਹੈ। ਇਸ ਨਾਲ ਮਹਿੰਗਾਈ ਤੇ ਚਾਲੂ ਖਾਤੇ ਦਾ ਘਾਟਾ ਵਧਣ ਦੀ ਸੰਭਾਵਨਾ ਹੈ।
ਇੰਡੀਆ ਰੇਟਿੰਗਜ਼ ਨੇ ਆਪਣੀ ਰਿਪੋਰਟ 'ਚ ਖਦਸ਼ਾ ਪ੍ਰਗਟਾਇਆ
ਰੇਟਿੰਗ ਏਜੰਸੀ ਇੰਡੀਆ ਰੇਟਿੰਗਸ ਨੇ ਮੰਗਲਵਾਰ ਨੂੰ ਇੱਕ ਰਿਪੋਰਟ 'ਚ ਇਹ ਗੱਲ ਕਹੀ ਹੈ। ਰਿਪੋਰਟ ਅਨੁਸਾਰ, ਰੂਸ-ਯੂਕਰੇਨ ਯੁੱਧ ਤੋਂ ਪੈਦਾ ਹੋਣ ਵਾਲੇ ਭੂ-ਰਾਜਨੀਤਕ ਜੋਖਮ ਖਣਿਜ ਤੇਲ ਤੇ ਗੈਸ, ਰਤਨ ਤੇ ਗਹਿਣੇ, ਖਾਣ ਵਾਲੇ ਤੇਲ ਤੇ ਖਾਦਾਂ ਵਰਗੀਆਂ ਵਸਤੂਆਂ ਦੀਆਂ ਕੀਮਤਾਂ ਨੂੰ ਵਧਾਏਗਾ। ਇਨ੍ਹਾਂ ਚੀਜ਼ਾਂ ਦੀ ਕੀਮਤ ਵਧਣ ਨਾਲ ਭਾਰਤ ਦਾ ਆਯਾਤ ਬਿੱਲ ਮੁੱਖ ਤੌਰ 'ਤੇ ਵਧੇਗਾ।
ਵਿੱਤੀ ਸਾਲ 2021-22 ਵਿੱਚ ਆਯਾਤ ਬਿੱਲ $600 ਨੂੰ ਪਾਰ ਕਰਨ ਦੀ ਉਮੀਦ
ਇਸ ਕਾਰਨ ਵਿੱਤੀ ਸਾਲ 2021-22 'ਚ ਮਾਲ ਦੀ ਦਰਾਮਦ 600 ਅਰਬ ਅਮਰੀਕੀ ਡਾਲਰ ਦੇ ਅੰਕੜੇ ਨੂੰ ਪਾਰ ਕਰ ਸਕਦੀ ਹੈ, ਜੋ ਮੌਜੂਦਾ ਵਿੱਤੀ ਸਾਲ ਦੇ ਪਹਿਲੇ 10 ਮਹੀਨਿਆਂ 'ਚ 492.9 ਅਰਬ ਅਮਰੀਕੀ ਡਾਲਰ ਸੀ। ਕੱਚੇ ਤੇਲ ਦੀਆਂ ਕੀਮਤਾਂ ਲਗਾਤਾਰ ਉਛਾਲ 'ਤੇ ਹੋਣ ਕਾਰਨ ਦਰਾਮਦ ਬਿੱਲ 'ਚ ਕੁਝ ਸਮੇਂ ਤੋਂ ਵਾਧਾ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
ਹੋਰ ਪਹਿਲੂ ਵੀ ਬਦਲ ਜਾਣਗੇ
ਇੰਡੀਆ ਰੇਟਿੰਗ ਦੇ ਮੁੱਖ ਅਰਥ ਸ਼ਾਸਤਰੀ ਦੇਵੇਂਦਰ ਪੰਤ ਨੇ ਰਿਪੋਰਟ 'ਚ ਕਿਹਾ ਕਿ ਇਸ ਨਾਲ ਮਹਿੰਗਾਈ ਵਧੇਗੀ, ਚਾਲੂ ਖਾਤੇ ਦਾ ਘਾਟਾ ਵਧ ਸਕਦਾ ਹੈ ਅਤੇ ਰੁਪਏ ਦੀ ਕੀਮਤ 'ਚ ਗਿਰਾਵਟ ਆ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਕੱਚੇ ਤੇਲ ਦੀ ਕੀਮਤ ਵਿੱਚ 5 ਡਾਲਰ ਪ੍ਰਤੀ ਬੈਰਲ ਵਾਧੇ ਨਾਲ ਵਪਾਰ ਜਾਂ ਚਾਲੂ ਖਾਤੇ ਦਾ ਘਾਟਾ 6.6 ਬਿਲੀਅਨ ਡਾਲਰ ਵਧ ਜਾਂਦਾ ਹੈ।
ਇਹ ਵੀ ਪੜ੍ਹੋ: ਘਰ ਬੈਠੇ Google Maps ਤੋਂ ਵੀ ਕਰ ਸਕਦੇ ਹੋ ਮੋਟੀ ਕਮਾਈ, ਘੰਟਿਆਂ ਦੇ ਹਿਸਾਬ ਨਾਲ ਮਿਲਣਗੇ ਪੈਸੇ; ਜਾਣੋ ਕਿਵੇਂ?
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
