Ram Mandir Role in Economy: 5 ਟ੍ਰਿਲੀਅਨ ਡਾਲਰ ਇਕੋਨਾਮੀ ਦੇ ਟੀਚੇ 'ਚ ਵੱਡੀ ਭੂਮਿਕਾ ਨਿਭਾਏਗਾ ਉੱਤਰ ਪ੍ਰਦੇਸ਼, ਰਾਮ ਮੰਦਰ ਨਾਲ ਬਣੇਗਾ 'ਆਸਥਾ ਦਾ ਅਰਥਸ਼ਾਸਤਰ'
Ram Mandir Role in Economy: ਭਵਿੱਖ ਵਿੱਚ, ਰਾਮ ਮੰਦਰ ਅਯੁੱਧਿਆ ਤੇ ਉੱਤਰ ਪ੍ਰਦੇਸ਼ ਦੀ ਆਰਥਿਕਤਾ ਵਿੱਚ ਇੱਕ ਬਹੁਤ ਮਜ਼ਬੂਤ ਥੰਮ ਵਜੋਂ ਉਭਰਨ ਜਾ ਰਿਹਾ ਹੈ ਜੋ ਭਾਰਤ ਦੇ 5 ਟ੍ਰਿਲੀਅਨ ਡਾਲਰ ਦੀ ਆਰਥਿਕਤਾ ਦੇ ਟੀਚੇ ਵਿੱਚ ਵੱਡੀ ਭੂਮਿਕਾ ਨਿਭਾਏਗਾ।
Ayodhya Ram Mandir: ਰਾਮ ਮੰਦਰ (Ram temple) ਦਾ ਉਦਘਾਟਨ 22 ਜਨਵਰੀ 2024 ਨੂੰ ਹੋਇਆ ਸੀ ਅਤੇ 23 ਜਨਵਰੀ ਭਾਵ ਮੰਗਲਵਾਰ ਤੋਂ ਅਯੁੱਧਿਆ (Ayodhya) ਦਾ ਰਾਮ ਮੰਦਰ ਆਮ ਲੋਕਾਂ ਲਈ ਖੁੱਲ੍ਹ ਗਿਆ ਹੈ। ਰਾਮ ਭਗਤਾਂ ਦੀ ਗਿਣਤੀ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਜਦੋਂ ਮੰਗਲਵਾਰ ਦੁਪਹਿਰ ਤੱਕ 3 ਲੱਖ ਲੋਕ ਰਾਮ ਮੰਦਰ ਦੇ ਦਰਸ਼ਨ ਕਰ ਚੁੱਕੇ ਸਨ ਅਤੇ ਰਾਤ ਤੱਕ 5 ਲੱਖ ਸ਼ਰਧਾਲੂ ਰਾਮ ਮੰਦਰ ਦੇ ਦਰਸ਼ਨ ਕਰ ਚੁੱਕੇ ਸਨ। ਇਹ ਅੰਕੜੇ ਇਸ ਗੱਲ ਦੀ ਪੁਸ਼ਟੀ ਕਰ ਰਹੇ ਹਨ ਕਿ ਰਾਮ ਲੱਲਾ ਨਾ ਸਿਰਫ਼ ਵਿਸ਼ਾਲ ਦਰਬਾਰ ਵਿੱਚ ਬਿਰਾਜਮਾਨ ਹੋਇਆ ਹੈ ਸਗੋਂ ਰਾਮ ਮੰਦਰ ਦੇ ਜ਼ਰੀਏ ਅਯੁੱਧਿਆ ਸ਼ਹਿਰ ਦੇ ਕਈ ਮੀਲ ਦੀ ਤਸਵੀਰ ਬਦਲ ਗਈ ਹੈ। ਕਈ ਕੰਪਨੀਆਂ ਕਾਰੋਬਾਰ (businesses) ਸ਼ੁਰੂ ਕਰਨ ਜਾ ਰਹੀਆਂ ਹਨ ਅਤੇ ਕਈ ਕਾਰੋਬਾਰ ਇੱਥੇ ਵਧ-ਫੁੱਲ ਰਹੇ ਹਨ।
ਸਟੇਟ ਬੈਂਕ ਆਫ ਇੰਡਿਆ ਦੀ ਰਿਪੋਰਟ ਤੋਂ ਮਿਲਿਆ ਯੂਪੀ ਲਈ ਸ਼ਾਨਦਾਰ ਅਨੁਮਾਨ
ਸਟੇਟ ਬੈਂਕ ਆਫ਼ ਇੰਡੀਆ (State Bank of India) ਵੱਲੋਂ ਜਾਰੀ ਅਯੁੱਧਿਆ ਬਾਰੇ ਤਾਜ਼ਾ ਰਿਪੋਰਟ ਅਨੁਸਾਰ ਅਯੁੱਧਿਆ ਵਿਸ਼ਵ ਵਿੱਚ ਇੱਕ ਪ੍ਰਮੁੱਖ ਤੀਰਥ ਸਥਾਨ ਵਜੋਂ ਉੱਭਰਿਆ ਹੈ। ਪ੍ਰਾਣ ਪ੍ਰਤਿਸ਼ਠਾ ਤੋਂ ਇਕ ਦਿਨ ਪਹਿਲਾਂ 21 ਜਨਵਰੀ ਨੂੰ ਜਾਰੀ ਇਸ ਰਿਪੋਰਟ ਮੁਤਾਬਕ ਉੱਤਰ ਪ੍ਰਦੇਸ਼ ਸਰਕਾਰ ਨੂੰ ਰਾਮ ਮੰਦਰ ਅਤੇ ਰਾਜ ਦੀ ਸੈਰ-ਸਪਾਟਾ ਯੋਜਨਾ ਦੇ ਕਾਰਨ ਵੱਡੀ ਕਮਾਈ ਹੋਵੇਗੀ। ਪ੍ਰਧਾਨ ਮੰਤਰੀ ਮੋਦੀ ਨੇ ਸਾਲ 2028 ਤੱਕ ਭਾਰਤ ਨੂੰ 5 ਟ੍ਰਿਲੀਅਨ ਡਾਲਰ ਦੀ ਅਰਥਵਿਵਸਥਾ ਬਣਾਉਣ ਦੀ ਗੱਲ ਕੀਤੀ ਹੈ। ਐਸਬੀਆਈ ਦੀ ਰਿਪੋਰਟ ਵਿੱਚ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ ਉੱਤਰ ਪ੍ਰਦੇਸ਼ 5 ਟ੍ਰਿਲੀਅਨ ਡਾਲਰ ਦੀ ਅਰਥਵਿਵਸਥਾ ਵਿੱਚ ਵੱਡੀ ਭੂਮਿਕਾ ਨਿਭਾਉਣ ਜਾ ਰਿਹਾ ਹੈ ਅਤੇ ਅਯੁੱਧਿਆ ਸ਼ਹਿਰ ਵੀ ਇਸ ਵਿੱਚ ਵੱਡਾ ਭਾਈਵਾਲ ਬਣੇਗਾ।
ਜਾਣੋ ਰਿਪੋਰਟ ਦੀਆਂ Points
- ਯੂਪੀ ਸਰਕਾਰ ਨੂੰ ਵਿੱਤੀ ਸਾਲ 2025 ਵਿੱਚ 20 ਤੋਂ 25 ਹਜ਼ਾਰ ਕਰੋੜ ਰੁਪਏ ਦੀ ਵਾਧੂ ਆਮਦਨ ਹੋ ਸਕਦੀ ਹੈ।
- ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਯੂਪੀ ਵਿੱਚ ਸੈਲਾਨੀਆਂ ਦਾ ਖਰਚ 2022 ਦੇ ਮੁਕਾਬਲੇ 2024 ਵਿੱਚ ਲਗਭਗ ਦੁੱਗਣਾ ਹੋ ਸਕਦਾ ਹੈ।
- ਯੂਪੀ ਵਿੱਚ ਦੇਸੀ ਅਤੇ ਵਿਦੇਸ਼ੀ ਸੈਲਾਨੀਆਂ ਦਾ ਖਰਚਾ 4 ਲੱਖ ਕਰੋੜ ਰੁਪਏ ਦੇ ਅੰਕੜੇ ਨੂੰ ਪਾਰ ਕਰ ਸਕਦਾ ਹੈ।
- ਅਮਿਤਾਭ ਬੱਚਨ ਵਰਗੇ ਵੱਡੇ ਬਾਲੀਵੁੱਡ ਸਿਤਾਰੇ ਅਯੁੱਧਿਆ 'ਚ ਜ਼ਮੀਨ ਖਰੀਦ ਰਹੇ ਹਨ ਅਤੇ ਕਈ ਲੋਕ ਨੇੜੇ-ਤੇੜੇ ਜ਼ਮੀਨ, ਘਰ, ਦੁਕਾਨਾਂ ਖਰੀਦਣਗੇ।
ਦੇਸ਼-ਵਿਦੇਸ਼ ਤੋਂ ਮਹਿਮਾਨ ਆ ਕੇ ਆਪਣੇ ਨਾਲ ਰੁਜ਼ਗਾਰ ਲੈ ਕੇ ਆਉਣਗੇ
ਰਾਮ ਮੰਦਰ 'ਚ 'ਪ੍ਰਾਣ ਪ੍ਰਤੀਸਥਾ' ਸਮਾਰੋਹ ਤੋਂ ਪਹਿਲਾਂ ਹੀ ਸੈਰ-ਸਪਾਟਾ ਉਦਯੋਗ ਨੇ 20,000 ਨੌਕਰੀਆਂ ਦੇ ਮੌਕੇ ਪੈਦਾ ਕੀਤੇ ਹਨ। ਨੇਪਾਲ, ਸ਼੍ਰੀਲੰਕਾ, ਦੱਖਣੀ ਕੋਰੀਆ ਅਤੇ ਥਾਈਲੈਂਡ ਸਮੇਤ ਕਈ ਦੇਸ਼ਾਂ ਨੇ ਅਯੁੱਧਿਆ 'ਚ ਗੈਸਟ ਹਾਊਸ ਖੋਲ੍ਹਣ 'ਚ ਦਿਲਚਸਪੀ ਦਿਖਾਈ ਹੈ। EaseMyTrip ਨੇ ਪਹਿਲਾਂ ਹੀ ਅੰਦਾਜ਼ਾ ਲਾਇਆ ਸੀ ਕਿ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਹਰ ਰੋਜ਼ ਲਗਭਗ 3 ਤੋਂ 5 ਲੱਖ ਮਹਿਮਾਨ ਆਉਣਗੇ। ਸਪੱਸ਼ਟ ਹੈ ਕਿ ਜਦੋਂ ਮਹਿਮਾਨ ਆਉਣਗੇ ਤਾਂ ਉਹ ਆਪਣੇ ਨਾਲ ਰੁਜ਼ਗਾਰ ਦੇ ਮੌਕੇ ਵੀ ਲੈ ਕੇ ਆਉਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
