World Most Expensive Number Plate: ਅਰਬਾਂ 'ਚ ਵਿਕਣ ਵਾਲੀ ਦੁਨੀਆ ਦੀ ਸਭ ਤੋਂ ਮਹਿੰਗੀ ਕਾਰ ਨੰਬਰ ਪਲੇਟ, ਖਰੀਦਦਾਰ ਨੇ ਰੱਖੀ ਇਹ ਸ਼ਰਤ
Most Expensive Number Plate in World: ਦੁਨੀਆ ਦੀ ਸਭ ਤੋਂ ਮਹਿੰਗੀ ਕਾਰ ਨੰਬਰ ਪਲੇਟ ਪੀ7 ਅਰਬਾਂ ਦੀ ਕੀਮਤ ਵਿਚ ਵਿਕੀ ਹੈ। ਇਸ ਨੂੰ ਖਰੀਦਣ ਲਈ ਕਈ ਬੋਲੀਆਂ ਲੱਗੀਆਂ। ਉੱਥੇ ਹੀ ਕੁੱਝ ਵੀਆਈਪੀ ਨੰਬਰਜ਼ ਵੀ ਕਰੋੜਾਂ ਰੁਪਏ ਵਿਚ ਵੇਚੇ ਗਏ।
Most Noble Number: ਹਰ ਵਾਹਨ ਦੀ ਨੰਬਰ ਪਲੇਟ ਹੁੰਦੀ ਹੈ, ਜਿਸ ਦੀ ਵਰਤੋਂ ਵਾਹਨ ਦੀ ਪਛਾਣ ਵਜੋਂ ਕੀਤੀ ਜਾਂਦੀ ਹੈ। ਭਾਰਤ ਵਿੱਚ ਆਰਟੀਓ ਦਫ਼ਤਰ ਦੇ ਅਧੀਨ ਵਾਹਨਾਂ ਵਿੱਚ ਨੰਬਰ ਪਲੇਟਾਂ ਜਾਰੀ ਕੀਤੀਆਂ ਜਾਂਦੀਆਂ ਹਨ, ਜਿਸ ਲਈ ਕੁਝ ਰੁਪਏ ਵਸੂਲੇ ਜਾਂਦੇ ਹਨ ਪਰ ਕੀ ਤੁਸੀਂ ਸੁਣਿਆ ਹੈ ਕਿ ਇੱਕ ਨੰਬਰ ਪਲੇਟ ਕਰੋੜਾਂ ਵਿੱਚ ਵਿਕਦੀ ਹੈ? ਅੱਜ ਅਸੀਂ ਇੱਕ ਅਜਿਹੀ ਨੰਬਰ ਪਲੇਟ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਕਰੋੜਾਂ ਰੁਪਏ ਵਿੱਚ ਵਿਕ ਚੁੱਕੀ ਹੈ।
ਦਰਅਸਲ, ਦੁਬਈ ਵਿੱਚ ਮੋਸਟ ਨੋਬਲ ਨੰਬਰਾਂ ਦੀ ਨਿਲਾਮੀ ਹੋਈ ਸੀ, ਜਿਸ ਵਿੱਚ ਕਈ ਨੰਬਰ ਲੱਖਾਂ ਕਰੋੜਾਂ ਵਿੱਚ ਵਿਕ ਗਏ ਸਨ। ਇਸ ਨਿਲਾਮੀ ਵਿੱਚ ਪੀ7 ਨੰਬਰ ਪਲੇਟ ਸਭ ਤੋਂ ਵੱਧ ਕੀਮਤ ਵਿੱਚ ਵਿਕ ਗਈ ਹੈ। ਇਸ ਦੀ ਕੀਮਤ ਇੰਨੀ ਜ਼ਿਆਦਾ ਹੈ ਕਿ ਮੁੰਬਈ ਦੇ ਪੌਸ਼ ਇਲਾਕਿਆਂ 'ਚ ਅਰਬਾਂ ਰੁਪਏ ਦਾ ਫਲੈਟ ਵੀ ਖਰੀਦਿਆ ਜਾ ਸਕਦਾ ਹੈ।
P7 ਨੰਬਰ ਪਲੇਟ ਕਿੰਨੇ ਵਿੱਚ ਹੈ ਵਿਕਦੀ
ਦੁਬਈ ਵਿੱਚ ਸਭ ਤੋਂ ਵੱਧ ਨੋਬਲ ਨੰਬਰਾਂ ਦੀ ਨਿਲਾਮੀ ਦੌਰਾਨ, ਕਾਰ ਦੀ ਨੰਬਰ ਪਲੇਟ P7 ਰਿਕਾਰਡ 55 ਮਿਲੀਅਨ ਦਿਰਹਮ ਜਾਂ ਲਗਭਗ 1,22,61,44,700 ਰੁਪਏ ਵਿੱਚ ਵਿਕ ਗਈ। ਸ਼ਨੀਵਾਰ ਰਾਤ ਨੂੰ ਹੋਈ ਨਿਲਾਮੀ ਵਿੱਚ ਇਸ ਦੀ ਬੋਲੀ 15 ਮਿਲੀਅਨ ਦਿਰਹਮ ਵਿੱਚ ਸ਼ੁਰੂ ਹੋਈ। ਕੁਝ ਸਕਿੰਟਾਂ ਵਿੱਚ, ਬੋਲੀ 30 ਮਿਲੀਅਨ ਦਿਰਹਮ ਨੂੰ ਪਾਰ ਕਰ ਗਈ। ਹਾਲਾਂਕਿ ਇਹ ਬੋਲੀ 35 ਮਿਲੀਅਨ ਦਿਰਹਮ 'ਚ ਜਾਣ ਤੋਂ ਬਾਅਦ ਕੁਝ ਸਮੇਂ ਲਈ ਰੋਕ ਦਿੱਤੀ ਗਈ ਸੀ। ਇਸ ਤੋਂ ਬਾਅਦ ਬੋਲੀ 55 ਮਿਲੀਅਨ ਦਿਰਹਮ ਤੱਕ ਪਹੁੰਚ ਗਈ ਅਤੇ ਇਹ ਬੋਲੀ ਪੈਨਲ ਸੱਤ ਦੇ ਵਿਅਕਤੀ ਦੁਆਰਾ ਲਾਈ ਗਈ, ਜਿਸ ਨੇ ਬੋਲੀ ਨੂੰ ਗੁਪਤ ਰੱਖਣ ਦੀ ਸ਼ਰਤ ਰੱਖੀ। ਹਰ ਬੋਲੀ 'ਤੇ ਲੋਕਾਂ 'ਚ ਉਤਸ਼ਾਹ ਦੇਖਿਆ ਜਾ ਸਕਦਾ ਸੀ।
ਇਹ ਨੰਬਰ ਵੀ ਵਿਕਦੇ ਹਨ ਕਰੋੜਾਂ 'ਚ
ਜੁਮੇਰਾਹ ਦੇ ਫੋਰ ਸੀਜ਼ਨ ਹੋਟਲ ਵਿੱਚ ਆਯੋਜਿਤ ਸਮਾਗਮ ਵਿੱਚ ਕਈ ਹੋਰ ਵੀਆਈਪੀ ਨੰਬਰ ਪਲੇਟਾਂ ਤੇ ਫੋਨ ਨੰਬਰਾਂ ਦੀ ਵੀ ਨਿਲਾਮੀ ਕੀਤੀ ਗਈ। ਨਿਲਾਮੀ ਤੋਂ ਲਗਭਗ 100 ਮਿਲੀਅਨ ਦਿਰਹਾਮ (27 ਮਿਲੀਅਨ ਡਾਲਰ) ਇਕੱਠੇ ਕੀਤੇ ਗਏ ਸਨ, ਜੋ ਰਮਜ਼ਾਨ ਦੌਰਾਨ ਲੋਕਾਂ ਨੂੰ ਭੋਜਨ ਦੇਣ ਲਈ ਦਿੱਤੇ ਜਾਣਗੇ। ਕਾਰਾਂ ਦੀਆਂ ਪਲੇਟਾਂ ਅਤੇ ਵਿਸ਼ੇਸ਼ ਮੋਬਾਈਲ ਨੰਬਰਾਂ ਦੀ ਨਿਲਾਮੀ ਤੋਂ ਕੁੱਲ 9.792 ਕਰੋੜ ਦਿਰਹਾਮ ਮਿਲੇ ਹਨ।
ਕਿਸ ਨੇ ਕਰਵਾਈ ਨਿਲਾਮੀ
ਇਸ ਨਿਲਾਮੀ ਦਾ ਆਯੋਜਨ ਅਮੀਰਾਤ ਨਿਲਾਮੀ, ਦੁਬਈ ਦੀ ਰੋਡਜ਼ ਐਂਡ ਟਰਾਂਸਪੋਰਟ ਅਥਾਰਟੀ ਅਤੇ ਦੂਰਸੰਚਾਰ ਕੰਪਨੀਆਂ ਏਤਿਸਲਾਤ ਅਤੇ ਡੂ ਦੁਆਰਾ ਕੀਤਾ ਗਿਆ ਸੀ। ਇਸ ਨਿਲਾਮੀ ਦੌਰਾਨ P7 ਸਭ ਤੋਂ ਉੱਪਰ ਰਿਹਾ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 2008 ਵਿੱਚ ਇੱਕ ਕਾਰੋਬਾਰੀ ਨੇ ਅਬੂ ਧਾਬੀ ਦੀ ਨੰਬਰ 1 ਪਲੇਟ ਲਈ 5.22 ਕਰੋੜ ਦਿਰਹਮ ਵਿੱਚ ਬੋਲੀ ਲਾਈ ਸੀ।
ਕਿਸ ਨੂੰ ਬੋਲੀ ਦੇ ਦਿੱਤੇ ਜਾਣਗੇ ਪੈਸੇ
ਇਸ ਨਿਲਾਮੀ ਦਾ ਸਾਰਾ ਪੈਸਾ 'ਵਨ ਬਿਲੀਅਨ ਮੀਲਜ਼' ਮੁਹਿੰਮ ਨੂੰ ਸੌਂਪਿਆ ਜਾਵੇਗਾ, ਜਿਸ ਦੀ ਸਥਾਪਨਾ ਵਿਸ਼ਵਵਿਆਪੀ ਭੁੱਖਮਰੀ ਦਾ ਮੁਕਾਬਲਾ ਕਰਨ ਦੇ ਉਦੇਸ਼ ਨਾਲ ਕੀਤੀ ਗਈ ਸੀ। ਦੁਬਈ ਦੇ ਉਪ ਰਾਸ਼ਟਰਪਤੀ ਅਤੇ ਸ਼ਾਸਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਨੇ ਰਮਜ਼ਾਨ ਦੌਰਾਨ ਦਾਨ ਦੀ ਭਾਵਨਾ ਨਾਲ ਇਹ ਪ੍ਰਸਤਾਵ ਰੱਖਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
