Chandigarh News: ਚੰਡੀਗੜ੍ਹ ਦੀ ਲੇਜ਼ਰ ਵੈਲੀ 'ਚ ਰੌਣਕਾਂ, ਤਿੰਨ ਦਿਨ ਚੱਲੇਗਾ ਕਾਰਨੀਵਲ, ਪੁਲਿਸ ਵੱਲੋਂ ਐਡਵਾਈਜ਼ਰੀ
Chandigarh News: ਚੰਡੀਗੜ੍ਹ ਦੇ ਸੈਕਟਰ-10 ਸਥਿਤ ਲੇਜ਼ਰ ਵੈਲੀ ਵਿਖੇ ਅੱਜ ਤੋਂ ਤਿੰਨ ਰੋਜ਼ਾ ਕਾਰਨੀਵਲ ਸ਼ੁਰੂ ਹੋ ਰਿਹਾ ਹੈ। ਪੰਜਾਬ ਦੇ ਰਾਜਪਾਲ ਤੇ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਬਨਵਾਰੀ ਲਾਲ ਪੁਰੋਹਿਤ ਦੁਪਹਿਰ 12 ਵਜੇ ਕਾਰਨੀਵਲ
Chandigarh News: ਚੰਡੀਗੜ੍ਹ ਦੇ ਸੈਕਟਰ-10 ਸਥਿਤ ਲੇਜ਼ਰ ਵੈਲੀ ਵਿਖੇ ਅੱਜ ਤੋਂ ਤਿੰਨ ਰੋਜ਼ਾ ਕਾਰਨੀਵਲ ਸ਼ੁਰੂ ਹੋ ਰਿਹਾ ਹੈ। ਪੰਜਾਬ ਦੇ ਰਾਜਪਾਲ ਤੇ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਬਨਵਾਰੀ ਲਾਲ ਪੁਰੋਹਿਤ ਦੁਪਹਿਰ 12 ਵਜੇ ਕਾਰਨੀਵਲ ਦਾ ਉਦਘਾਟਨ ਕਰਨਗੇ। ਉਹ ਕਾਰਨੀਵਲ ਪਰੇਡ ਤੇ ਵਿਕਾਸ ਭਾਰਤ ਸੰਕਲਪ ਯਾਤਰਾ ਨੂੰ ਵੀ ਹਰੀ ਝੰਡੀ ਦੇ ਕੇ ਰਵਾਨਾ ਕਰਨਗੇ।
ਦੱਸ ਦਈਏ ਕਿ ਤਿੰਨ ਦਿਨ ਚੱਲਣ ਵਾਲੇ ਇਸ ਸਮਾਗਮ ਲਈ ਚੰਡੀਗੜ੍ਹ ਪੁਲਿਸ ਨੇ ਵਾਹਨ ਪਾਰਕਿੰਗ ਤੇ ਪਿਕ ਡਰਾਪ ਲਈ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਹੈ। ਸੈਕਟਰ-10 ਦੇ ਆਲੇ-ਦੁਆਲੇ ਤਿੰਨ ਦਿਨਾਂ ਤੱਕ ਟ੍ਰੈਫਿਕ ਜਾਮ ਹੋ ਸਕਦਾ ਹੈ। ਇਸ ਲਈ ਪੁਲਿਸ ਨੇ ਆਮ ਲੋਕਾਂ ਨੂੰ ਇਧਰ ਆਉਣ ਤੋਂ ਗੁਰੇਜ਼ ਕਰਨ ਦੀ ਸਲਾਹ ਦਿੱਤੀ ਹੈ।
ਇਸ ਵਾਰ ਦਾ ਕਾਰਨੀਵਲ ਬੱਚਿਆਂ ਲਈ ਖਾਸ ਹੋਣ ਵਾਲਾ ਹੈ, ਕਿਉਂਕਿ ਇਸ ਦੀ ਸਜਾਵਟ ਕੈਂਡੀ ਲੈਂਡ ਥੀਮ 'ਤੇ ਕੀਤੀ ਗਈ ਹੈ। ਇਸ ਸਬੰਧੀ ਸਾਰੇ ਵਿਭਾਗਾਂ ਨੇ ਤਿਆਰੀਆਂ ਕਰ ਲਈਆਂ ਹਨ। ਕਾਰਨੀਵਲ ਵਿੱਚ ਤਿੰਨ ਦਿਨ ਸੰਗੀਤਕ ਰਾਤਾਂ ਹੋਣਗੀਆਂ। ਇਸ ਵਿੱਚ ਸ਼ੁੱਕਰਵਾਰ ਨੂੰ ਹਿਮਾਚਲ ਪੁਲਿਸ ਆਰਕੈਸਟਰਾ ਬੈਂਡ, ਸ਼ਨੀਵਾਰ ਨੂੰ ਕੈਲਾਸ਼ ਖੇਰ ਤੇ ਐਤਵਾਰ ਨੂੰ ਬੱਬਲੀ ਮਾਨ, ਬੱਬੂ ਮਾਨ ਪਰਫਾਰਮ ਕਰਨਗੇ।
ਕਾਰਨੀਵਲ ਫੈਸਟੀਵਲ ਨੂੰ ਲੈ ਕੇ ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਵੱਲੋਂ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਗਈ ਹੈ। ਪੁਲਿਸ ਨੇ ਲੋਕਾਂ ਦੇ ਵਾਹਨ ਪਾਰਕ ਕਰਨ ਲਈ ਜਗ੍ਹਾ ਨਿਰਧਾਰਤ ਕੀਤੀ ਹੈ। ਟੈਕਸੀਆਂ ਤੇ ਆਟੋ ਲਈ ਵੀ ਪਿਕ ਐਂਡ ਡਰਾਪ ਪੁਆਇੰਟ ਬਣਾਏ ਗਏ ਹਨ। ਇਸ ਵਿੱਚ ਸੈਕਟਰ-9 ਚੰਡੀਗੜ੍ਹ ਤੇ ਸਲਿਪ ਰੋਡ ਬੈਕ ਸਾਈਡ ਸਕੇਟਿੰਗ ਰਿੰਗ ਸੈਕਟਰ-10 ਦੇ ਪਿੱਛੇ ਦਫ਼ਤਰ ਰੱਖੇ ਗਏ ਹਨ।
ਕਾਰਨੀਵਲ ਫੈਸਟੀਵਲ ਵਿੱਚ ਆਉਣ ਵਾਲੇ ਦਰਸ਼ਕਾਂ ਲਈ ਆਰਮੀ ਟੈਂਕ ਪਾਰਕਿੰਗ ਸੈਕਟਰ-10, ਸਕੇਟਿੰਗ ਰਿੰਗ ਗਰਾਊਂਡ ਸੈਕਟਰ-10, ਯੂਟੀ ਪੁਲਿਸ ਹੈੱਡਕੁਆਰਟਰ ਦੇ ਪਿੱਛੇ ਪਾਰਕਿੰਗ, ਯੂਟੀ ਸਕੱਤਰੇਤ ਤੇ ਚੰਡੀਗੜ੍ਹ ਹਾਊਸਿੰਗ ਬੋਰਡ 9, ਕੇਂਦਰੀ ਸਦਨ ਸੈਕਟਰ 9 ਤੱਕ ਪੰਜਾਬ ਪੁਲਿਸ ਹੈੱਡਕੁਆਰਟਰ ਦੇ ਪਿੱਛੇ ਪਾਰਕਿੰਗ, ਸੈਕਟਰ-9 ਵਿੱਚ ਪਾਰਕਿੰਗ।
ਇਸੇ ਤਰ੍ਹਾਂ ਮੱਧ ਮਾਰਗ 'ਤੇ ਐਸਸੀਓ ਸੈਕਟਰ-9 ਦੇ ਸਾਹਮਣੇ, ਰੋਜ਼ ਗਾਰਡਨ ਸੈਕਟਰ-16 ਦੇ ਮੁੱਖ ਗੇਟ ਦੇ ਸਾਹਮਣੇ ਪਾਰਕਿੰਗ, ਰੋਜ਼ ਗਾਰਡਨ ਸੈਕਟਰ-16 ਦੇ ਪਿੱਛੇ ਪਾਰਕਿੰਗ, ਹੋਟਲ ਤਾਜ ਸੈਕਟਰ-17 ਦੇ ਸਾਹਮਣੇ ਪਾਰਕਿੰਗ, ਟੀਡੀਆਈ ਮਾਲ ਸੈਕਟਰ-17 ਦੇ ਸਾਹਮਣੇ ਪਾਰਕਿੰਗ। ਮਲਟੀ ਲੈਵਲ ਪਾਰਕਿੰਗ, ਸੈਕਟਰ-17 ਤੇ ਸੈਕਟਰ 17 ਦੀ ਮਾਰਕੀਟ ਦੀਆਂ ਪਾਰਕਿੰਗਾਂ ਲਈ ਥਾਂਵਾਂ ਨਿਰਧਾਰਿਤ ਕੀਤੀਆਂ ਗਈਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
