![ABP Premium](https://cdn.abplive.com/imagebank/Premium-ad-Icon.png)
Congress Rally: ਵੜਿੰਗ ਨੇ ਇਕੱਲੇ ਚੋਣਾਂ ਲੜਣ ਦਾ ਠੋਕਿਆ ਦਾਅਵਾ, ਬਾਜਵਾ ਨੇ ਖੜਗੇ ਅੱਗੇ ਰੱਖੀਆਂ 3 ਮੰਗਾਂ
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਰਾਜਾ ਵੜਿੰਗ ਨੇ ਕਿਹਾ- ਜਦੋਂ ਉਨ੍ਹਾਂ ਨੂੰ ਕਮਾਨ ਸੌਂਪੀ ਗਈ ਸੀ ਤਾਂ ਕਾਂਗਰਸ 80 ਸੀਟਾਂ ਤੋਂ ਘੱਟ ਕੇ 18 ਸੀਟਾਂ 'ਤੇ ਆ ਗਈ ਸੀ। ਪੰਜਾਬ 'ਚ ਹਾਰ ਕਾਰਨ ਉਨ੍ਹਾਂ ਨੂੰ ਚਿੰਤਾ ਸੀ ਕਿ ਕਾਂਗਰਸ ਦਾ ਕੀ ਬਣੇਗਾ।
![Congress Rally: ਵੜਿੰਗ ਨੇ ਇਕੱਲੇ ਚੋਣਾਂ ਲੜਣ ਦਾ ਠੋਕਿਆ ਦਾਅਵਾ, ਬਾਜਵਾ ਨੇ ਖੜਗੇ ਅੱਗੇ ਰੱਖੀਆਂ 3 ਮੰਗਾਂ AAP will announce the candidate but only Congress will win 13 out of 13 seats says raja warring Congress Rally: ਵੜਿੰਗ ਨੇ ਇਕੱਲੇ ਚੋਣਾਂ ਲੜਣ ਦਾ ਠੋਕਿਆ ਦਾਅਵਾ, ਬਾਜਵਾ ਨੇ ਖੜਗੇ ਅੱਗੇ ਰੱਖੀਆਂ 3 ਮੰਗਾਂ](https://feeds.abplive.com/onecms/images/uploaded-images/2024/02/11/406fb94f849f6b3570656d2e911c9dee1707642953834674_original.jpg?impolicy=abp_cdn&imwidth=1200&height=675)
Congress Rally: ਆਲ ਇੰਡੀਆ ਕਾਂਗਰਸ ਕਮੇਟੀ (AICC) ਦੇ ਰਾਸ਼ਟਰੀ ਪ੍ਰਧਾਨ ਬਣਨ ਤੋਂ ਬਾਅਦ ਮਲਿਕਾਅਰਜੁਨ ਖੜਗੇ ਪਹਿਲੀ ਵਾਰ ਰੈਲੀ ਲਈ ਪੰਜਾਬ ਦੇ ਲੁਧਿਆਣਾ ਪਹੁੰਚੇ ਹਨ। ਸੂਬਾਈ ਆਗੂਆਂ ਤੋਂ ਇਲਾਵਾ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ (PPCC) ਦੇ ਇੰਚਾਰਜ ਦੇਵੇਂਦਰ ਯਾਦਵ ਕੋਲ ਵੀ ਆਪਣੀ ਤਾਕਤ ਦਿਖਾਉਣ ਦਾ ਮੌਕਾ ਹੈ। ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਇੱਕ ਵਾਰ ਫਿਰ ਪਾਰਟੀ ਪ੍ਰੋਗਰਾਮ ਤੋਂ ਦੂਰੀ ਬਣਾ ਲਈ ਹੈ।
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਰਾਜਾ ਵੜਿੰਗ ਨੇ ਕਿਹਾ- ਜਦੋਂ ਉਨ੍ਹਾਂ ਨੂੰ ਕਮਾਨ ਸੌਂਪੀ ਗਈ ਸੀ ਤਾਂ ਕਾਂਗਰਸ 80 ਸੀਟਾਂ ਤੋਂ ਘੱਟ ਕੇ 18 ਸੀਟਾਂ 'ਤੇ ਆ ਗਈ ਸੀ। ਪੰਜਾਬ 'ਚ ਹਾਰ ਕਾਰਨ ਉਨ੍ਹਾਂ ਨੂੰ ਚਿੰਤਾ ਸੀ ਕਿ ਕਾਂਗਰਸ ਦਾ ਕੀ ਬਣੇਗਾ। ਹੁਣ ਸਟੇਜ 'ਤੇ ਮੌਜੂਦ ਆਗੂਆਂ ਨੇ ਮੁੜ ਕਾਂਗਰਸ ਨੂੰ ਖੜਾ ਕਰ ਦਿੱਤਾ ਹੈ।
ਆਮ ਆਦਮੀ ਪਾਰਟੀ ਨੂੰ ਬਿਨਾਂ ਸ਼ੱਕ ਉਮੀਦਵਾਰ ਦਾ ਐਲਾਨ ਕਰਨਾ ਚਾਹੀਦਾ ਹੈ। ਕਾਂਗਰਸ 13 'ਚੋਂ 13 ਸੀਟਾਂ 'ਤੇ ਜਿੱਤ ਹਾਸਲ ਕਰੇਗੀ। ਭਾਜਪਾ ਅਕਾਲੀ ਦਲ ਨਾਲ ਮਿਲ ਕੇ ਚੋਣ ਲੜ ਰਹੀ ਹੈ, ਸਮਝੌਤਾ ਹੋ ਗਿਆ ਹੈ। ਮੈਂ ਉਨ੍ਹਾਂ ਨੂੰ ਪੁੱਛਣਾ ਚਾਹੁੰਦਾ ਹਾਂ ਕਿ ਕਿਸਾਨਾਂ ਦਾ ਮਸਲਾ ਕਿੱਥੇ ਹੈ, ਚੰਡੀਗੜ੍ਹ ਦਾ ਮਸਲਾ ਕਿੱਥੇ ਹੈ?
ਬਾਜਵਾ ਨੇ ਖੜਗੇ ਅੱਗੇ 3 ਮੰਗਾਂ ਰੱਖੀਆਂ
ਇਸ ਮੌਕੇ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੇ ਖੜਗੇ ਅੱਗੇ 3 ਮੰਗਾਂ ਰੱਖੀਆਂ। ਬਾਜਵਾ ਨੇ ਵਾਅਦਾ ਕਰਨ ਲਈ ਕਿਹਾ ਕਿ ਕਾਂਗਰਸ ਦੀ ਸਰਕਾਰ ਬਣਦਿਆਂ ਹੀ ਅਟਾਰੀ ਬਾਰਡਰ ਖੋਲ੍ਹਿਆ ਜਾਵੇਗਾ, ਕਿਸਾਨਾਂ ਲਈ ਸਵਾਮੀਨਾਥਨ ਰਿਪੋਰਟ ਲਾਗੂ ਕੀਤੀ ਜਾਵੇਗੀ ਅਤੇ ਪੰਜਾਬ ਤੋਂ ਪਹਿਲਾਂ ਵਾਂਗ ਫੌਜ ਦੀ ਭਰਤੀ ਕੀਤੀ ਜਾਵੇਗੀ।
ਜ਼ਿਕਰ ਕਰ ਦਈਏ ਕਿ ਇਹ ਰੈਲੀ ਪੰਜਾਬ ਕਾਂਗਰਸ ਲਈ ਪ੍ਰੀ ਇਮਤਿਹਾਨ ਵਾਂਗ ਹੈ। ਪੰਜਾਬ ਕਾਂਗਰਸ ਨੇ ਹਾਈਕਮਾਂਡ ਨਾਲ ਟੱਕਰ ਲੈਂਦੇ ਹੋਏ ਇੰਡੀਆ ਗਠਜੋੜ ਨੂੰ ਛੱਡ ਕੇ ਇਕੱਲਿਆਂ ਹੀ ਚੋਣ ਲੜਨ ਦੀ ਗੱਲ ਕਹੀ ਹੈ। ਆਪਸੀ ਕਲੇਸ਼ ਦੇ ਦੌਰਾਨ ਜੇਕਰ ਪ੍ਰਧਾਨ ਖੜਗੇ ਪੰਜਾਬ ਵਿਚ ਸੂਬਾ ਇਕਾਈ ਲਈ ਮਜ਼ਬੂਤ ਦਾਅਵੇਦਾਰੀ ਨਹੀਂ ਦੇਖਦੇ ਤਾਂ ਹਾਈਕਮਾਂਡ ਗਠਜੋੜ 'ਤੇ ਮੁੜ ਵਿਚਾਰ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ-Congress Rally: ਪੰਜਾਬ 'ਚ ਕਾਂਗਰਸ ਦਾ ਭਵਿੱਖ ਤੈਅ ਕਰੇਗੀ ਖੜਗੇ ਦੀ ਰੈਲੀ ? ਸਿੱਧੂ ਦੀ 'ਚੁੱਪੀ' ਦਾ ਪਵੇਗਾ ਰੌਲਾ !
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)