ਪਿੰਡ ਭੁਟਾਲ ਕਲਾਂ ਦੇ ਮੈਰਿਜ ਪੈਲਸ ਦਾ ਨਾਮ ਬਦਲਣ 'ਤੇ ਸਰਪੰਚ ਖਿਲਾਫ਼ ਮਾਮਲਾ ਦਰਜ , ਪਿੰਡ ਵਾਸੀਆਂ ਨੇ ਕੀਤਾ ਰੋਸ ਪ੍ਰਦਰਸ਼ਨ
Sangrur News : ਕੇਂਦਰੀ ਪੇਂਡੂ ਵਿਕਾਸ ਤੇ ਪੰਚਾਇਤ ਮੰਤਰਾਲੇ ਤੋਂ ਦੀਨਦਿਆਲ ਉਪਾਧਿਆਏ ਐਵਾਰਡ ਲੈਣ ਵਾਲੇ ਲਹਿਰਾਗਾਗਾ ਦੇ ਪਿੰਡ ਭੁਟਾਲ ਕਲਾਂ ਦੇ ਸਰਪੰਚ ਗੁਰਵਿੰਦਰ ਸਿੰਘ ਬੱਗਡ਼ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਕਮਿਊਨਿਟੀ ਸੈਂਟਰ ਦਾ ਨਾਂ ਬਦਲਣ ਦੇ ਦੋਸ਼
ਸਰਪੰਚ ਖ਼ਿਲਾਫ਼ ਧਾਰਾ 420, 467, 68, 477 ਤਹਿਤ ਕੇਸ ਦਰਜ ਕਰ ਲਿਆ ਗਿਆ ਹੈ। ਪਿੰਡ ਵਾਸੀਆਂ ਨੇ ਕਿਹਾ ਕਿ ਸਰਪੰਚ ਖ਼ਿਲਾਫ਼ ਝੂਠਾ ਕੇਸ ਦਰਜ ਕੀਤਾ ਗਿਆ ਹੈ। ਲਹਿਰਾਗਾਗਾ ਦੇ ਪਿੰਡ ਭੁਟਾਲ ਕਲਾਂ ਦੇ ਸਰਪੰਚ ਕਾਰਨ ਇਸ ਪਿੰਡ ਨੂੰ ਕੌਮੀ ਪੱਧਰ ਦਾ ਐਵਾਰਡ ਵੀ ਮਿਲ ਚੁੱਕਾ ਹੈ, ਹੁਣ ਪੁਲੀਸ ਨੇ ਪਿੰਡ ਦੇ ਸਰਪੰਚ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਜਿਸ ਨੂੰ ਲੈ ਕੇ ਅੱਜ ਡੀਐਸਪੀ ਦਫ਼ਤਰ ਦੇ ਬਾਹਰ ਪਿੰਡ ਵਾਸੀਆਂ ਨੇ ਪੰਜਾਬ ਪੁਲੀਸ ਤੇ ਪ੍ਰਸ਼ਾਸਨ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ।
ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ 'ਚ ਬਣੇ ਮੈਰਿਜ ਪੈਲੇਸ ਦਾ ਨਾਂ ਬਦਲਣ ਨੂੰ ਲੈ ਕੇ ਸਰਪੰਚ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। 2016 'ਚ ਜਦੋਂ ਮੈਰਿਜ ਪੈਲੇਸ ਲਈ ਗ੍ਰਾਂਟ ਕ੍ਰਿਸ਼ਨ ਦੇਵ ਭੂਟਾਲ ਕਲਾਂ ਕਮਿਊਨਿਟੀ ਸੈਂਟਰ ਦੇ ਨਾਂ 'ਤੇ ਆਈ ਤਾਂ ਪਿੰਡ ਦੇ ਸਰਪੰਚ ਨੇ 2022 ਵਿੱਚ ਇਸ ਦਾ ਨਾਂ ਬਦਲ ਕੇ ਬੀ.ਕੇ.ਮੈਰਿਜ ਪੈਲੇਸ ਭੁਟਾਲ ਕਲਾਂ ਰੱਖ ਦਿੱਤਾ ਸੀ , ਜਿਸ ਨੂੰ ਲੈ ਕੇ ਮਰਹੂਮ ਕ੍ਰਿਸ਼ਨ ਦੇਵ ਦੇ ਦੋਹਤੇ ਹਰਪ੍ਰੀਤ ਸਿੰਘ ਸਿੱਧੂ ਨੇ ਇਸ ਦੀ ਸ਼ਿਕਾਇਤ ਦਿੱਤੀ ਸੀ, ਜਿਸ ਵਿੱਚ ਉਨ੍ਹਾਂ ਲਿਖਿਆ ਸੀ ਕਿ ਇਸ ਪੈਲੇਸ ਦੀ ਗਰਾਂਟ ਮੇਰੇ ਨਾਨੇ ਦੇ ਨਾਂ ’ਤੇ ਆਈ ਸੀ ਅਤੇ ਪਿੰਡ ਦੇ ਸਰਪੰਚ ਨੇ ਇਸ ਦਾ ਨਾਂ ਬਦਲ ਦਿੱਤਾ , ਜਿਸ ਤੋਂ ਬਾਅਦ ਮਾਮਲਾ ਦਰਜ ਕੀਤਾ ਗਿਆ।
ਪਿੰਡ ਵਾਸੀਆਂ, ਸਰਪੰਚ ਦੀ ਮਾਤਾ ਅਤੇ ਪੰਚਾਇਤ ਯੂਨੀਅਨ ਪੰਜਾਬ ਦੇ ਪ੍ਰਧਾਨ ਰਵਿੰਦਰ ਰਿੰਕੂ ਨੇ ਦੱਸਿਆ ਕਿ ਸਾਡੇ ਪਿੰਡ ਨੂੰ ਨੈਸ਼ਨਲ ਐਵਾਰਡ ਦਿਵਾਉਣ ਵਾਲੇ ਸਰਪੰਚ ਗੁਰਵਿੰਦਰ ਸਿੰਘ 'ਤੇ ਪੰਜਾਬ ਪੁਲਸ ਨੇ ਮੈਰਿਜ ਪੈਲੇਸ ਦਾ ਨਾਂ ਬਦਲਣ ਦਾ ਮਾਮਲਾ ਦਰਜ ਕੀਤਾ ਹੈ। ਦੂਜੇ ਪਾਸੇ ਜਦੋਂ ਇਸ ਸਬੰਧੀ ਡੀ.ਐਸ.ਪੀ.ਪੁਸ਼ਪਿੰਦਰ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਸਾਨੂੰ ਪਿੰਡ ਵਿੱਚ ਬਣੇ ਮੈਰਿਜ ਪੈਲੇਸ ਦਾ ਨਾਮ ਬਦਲਣ ਦੀ ਸ਼ਿਕਾਇਤ ਮ੍ਰਿਤਕ ਕ੍ਰਿਸ਼ਨ ਦੇਵ ਭੁਟਾਲ ਵਾਸੀ ਦੋਹਤੇ ਹਰਪ੍ਰੀਤ ਸਿੰਘ ਨੇ ਦਿੱਤੀ ਸੀ, ਜਿਸ ਦੀ ਪੜਤਾਲ ਕਰਨ ਉਪਰੰਤ ਇਹ ਮਾਮਲਾ ਦਰਜ ਕੀਤਾ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
