Bigg Boss 16: ਬਿੱਗ ਬੌਸ 16 `ਚ ਹਿੱਸਾ ਲੈਣਗੇ ਆਮਿਰ ਖਾਨ ਦੇ ਭਰਾ ਫ਼ੈਜ਼ਲ? ਵੀਡੀਓ ਸ਼ੇਅਰ ਕਰ ਕੀਤਾ ਖੁਲਾਸਾ
Aamir Khan Brother Faisal Khan: ਹਾਲ ਹੀ ਵਿੱਚ ਮੇਲਾ ਫੇਮ ਅਭਿਨੇਤਾ ਫੈਜ਼ਲ ਖਾਨ ਨੇ ਸਲਮਾਨ ਖਾਨ ਦੇ ਸ਼ੋਅ 'ਬਿੱਗ ਬੌਸ 16' ਵਿੱਚ ਹਿੱਸਾ ਲੈਣ 'ਤੇ ਆਪਣੀ ਚੁੱਪੀ ਤੋੜੀ ਹੈ।
Faisal Khan On Bigg Boss 16: ਫਿਲਮ 'ਮੇਲਾ' ਨਾਲ ਮਸ਼ਹੂਰ ਹੋਏ ਅਭਿਨੇਤਾ ਫੈਜ਼ਲ ਖਾਨ ਕੁਝ ਸਾਲ ਇੰਡਸਟਰੀ ਤੋਂ ਦੂਰ ਰਹੇ ਅਤੇ ਫਿਰ ਸਾਲ 2021 'ਚ ਫਿਲਮ ਫੈਕਟਰੀ ਨਾਲ ਨਿਰਦੇਸ਼ਕ ਦੇ ਰੂਪ 'ਚ ਵਾਪਸੀ ਕੀਤੀ। ਖਾਨ ਆਪਣੇ ਮਿਸਟਰ ਪਰਫੈਕਸ਼ਨਿਸਟ ਭਰਾ ਆਮਿਰ ਖਾਨ ਵਾਂਗ ਸਫਲਤਾ ਹਾਸਲ ਨਹੀਂ ਕਰ ਸਕੇ। ਉਨ੍ਹਾਂ ਨੇ ਕੁਝ ਫ਼ਿਲਮਾਂ ਵਿੱਚ ਕੰਮ ਕੀਤਾ, ਪਰ ‘ਮੇਲਾ’ ਤੋਂ ਇਲਾਵਾ ਹੋਰ ਫ਼ਿਲਮਾਂ ਵਿੱਚ ਉਨ੍ਹਾਂ ਨੂੰ ਬਹੁਤੀ ਪਛਾਣ ਨਹੀਂ ਮਿਲੀ। ਹਾਲਾਂਕਿ ਇਸ ਤੋਂ ਇਲਾਵਾ ਉਹ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ 'ਚ ਰਹੇ। ਹਾਲਾਂਕਿ ਪਿਛਲੇ ਦਿਨੀਂ ਅਜਿਹੀਆਂ ਖਬਰਾਂ ਆਈਆਂ ਸਨ ਕਿ ਉਹ ਵਿਵਾਦਿਤ ਸ਼ੋਅ 'ਬਿੱਗ ਬੌਸ 16' 'ਚ ਨਜ਼ਰ ਆਉਣਗੇ।
ਸਲਮਾਨ ਖਾਨ ਦੇ ਵਿਵਾਦਿਤ ਸ਼ੋਅ 'ਚ ਫੈਜ਼ਲ ਖਾਨ ਦੇ ਆਉਣ ਨਾਲ ਇਹ ਗੇਮ ਕੁਝ ਹੋਰ ਦਿਲਚਸਪ ਹੋ ਸਕਦੀ ਸੀ, ਪਰ ਹੁਣ ਅਜਿਹਾ ਨਹੀਂ ਹੋਵੇਗਾ, ਕਿਉਂਕਿ ਅਦਾਕਾਰ ਨੇ ਸ਼ੋਅ ਦਾ ਹਿੱਸਾ ਬਣਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਜੀ ਹਾਂ, ਅਭਿਨੇਤਾ ਨੂੰ 'ਬਿੱਗ ਬੌਸ 16' ਦੀ ਪੇਸ਼ਕਸ਼ ਕੀਤੀ ਗਈ ਸੀ, ਪਰ ਉਨ੍ਹਾਂ ਨੇ ਇਸ ਨੂੰ ਠੁਕਰਾ ਦਿੱਤਾ ਸੀ। ਕੁਝ ਸਮਾਂ ਪਹਿਲਾਂ ਫੈਜ਼ਲ ਨੇ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਰਾਹੀਂ ਇਸ ਗੱਲ ਦਾ ਐਲਾਨ ਕੀਤਾ ਸੀ।
View this post on Instagram
ਫੈਜ਼ਲ ਸ਼ੇਖ ਨੇ ਠੁਕਰਾਇਆ ਬਿੱਗ ਬੌਸ 16 ਦਾ ਆਫ਼ਰ
ਫੈਜ਼ਲ ਸ਼ੇਖ ਨੇ ਆਪਣੀ ਵੀਡੀਓ 'ਚ ਦੱਸਿਆ ਕਿ, ਕੁਝ ਸਮੇਂ ਤੋਂ ਉਨ੍ਹਾਂ ਨੂੰ ਬੁਖਾਰ ਸੀ, ਜਿਸ ਕਾਰਨ ਉਹ ਸੋਸ਼ਲ ਮੀਡੀਆ ਤੋਂ ਗਾਇਬ ਸੀ। ਇਸ ਤੋਂ ਬਾਅਦ ਫੈਜ਼ਲ ਨੇ ਦੱਸਿਆ ਕਿ, ਉਨ੍ਹਾਂ ਨੂੰ ਬਿੱਗ ਬੌਸ ਤੋਂ ਦੋ ਆਫਰ ਆਏ ਹਨ, ਜਿਸ ਨੂੰ ਉਨ੍ਹਾਂ ਨੇ ਠੁਕਰਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਸ਼ੇਖ ਨੂੰ ਇੱਕ ਟੀਵੀ ਸੀਰੀਅਲ ਦਾ ਆਫ਼ਰ ਵੀ ਮਿਲਿਆ ਸੀ। ਪਰ ਉਨ੍ਹਾਂ ਨੇ ਇਸ ਸੀਰੀਅਲ `ਚ ਵੀ ਕੰਮ ਕਰਨ ਤੋਂ ਮਨਾ ਕਰ ਦਿਤਾ। ਹਾਲਾਂਕਿ, ਉਨ੍ਹਾਂ ਨੇ ਦੋਵੇਂ ਪੇਸ਼ਕਸ਼ਾਂ ਨੂੰ ਸਵੀਕਾਰ ਨਹੀਂ ਕੀਤਾ। ਫੈਜ਼ਲ ਖਾਨ ਨੇ ਦੱਸਿਆ ਕਿ, ਉਹ ਬਹੁਤ ਖੁਸ਼ ਹੈ ਕਿ ਲੋਕ ਉਸ ਵੱਲ ਧਿਆਨ ਦੇ ਰਹੇ ਹਨ, ਪਰ ਉਹ ਚੰਗੇ ਆਫਰ ਦੀ ਤਲਾਸ਼ ਕਰ ਰਹੇ ਹਨ। ਅਦਾਕਾਰ ਨੇ ਇਹ ਵੀ ਕਿਹਾ ਕਿ ਉਹ ਵੈੱਬ ਸੀਰੀਜ਼ ਅਤੇ ਫਿਲਮਾਂ ਰਾਹੀਂ ਲੋਕਾਂ ਦਾ ਮਨੋਰੰਜਨ ਕਰਨਾ ਚਾਹੁੰਦੇ ਹਨ।
ਫੈਜ਼ਲ ਖਾਨ ਦੀਆਂ ਫਿਲਮਾਂ
ਆਮਿਰ ਖਾਨ ਸਟਾਰਰ ਫਿਲਮ 'ਮੇਲਾ' ਤੋਂ ਇਲਾਵਾ ਫੈਜ਼ਲ ਖਾਨ 'ਬਾਰਡਰ ਹਿੰਦੁਸਤਾਨ ਕਾ', 'ਆਂਧੀ', 'ਚਾਂਦ ਬੁਝ ਗਿਆ' ਅਤੇ 'ਚੀਨਾਰ ਦਾਸਤਾਨ-ਏ-ਇਸ਼ਕ' ਸਮੇਤ ਕਈ ਬਾਲੀਵੁੱਡ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
