![ABP Premium](https://cdn.abplive.com/imagebank/Premium-ad-Icon.png)
Karan Aujla: ਪ੍ਰਸਿੱਧ ਅਮਰੀਕੀ ਗਾਇਕ ਟਾਇਰੇਸ ਗਿਬਸਨ ਨੇ ਕਰਨ ਔਜਲਾ ਦੇ ਗਾਣੇ 'ਸੌਫਟਲੀ' 'ਤੇ ਕੀਤਾ ਡਾਂਸ, ਵੀਡੀਓ ਵਾਇਰਲ
Karan Aujla Softly: ਅਮਰੀਕੀ ਸਿੰਗਰ ਤੇ ਐਕਟਰ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਜ਼ਬਰਦਸਤ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਉਹ ਕਰਨ ਔਜਲਾ ਦੇ ਗਾਣੇ 'ਸੌਫਟਲੀ' 'ਤੇ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ।
![Karan Aujla: ਪ੍ਰਸਿੱਧ ਅਮਰੀਕੀ ਗਾਇਕ ਟਾਇਰੇਸ ਗਿਬਸਨ ਨੇ ਕਰਨ ਔਜਲਾ ਦੇ ਗਾਣੇ 'ਸੌਫਟਲੀ' 'ਤੇ ਕੀਤਾ ਡਾਂਸ, ਵੀਡੀਓ ਵਾਇਰਲ american pop singer and hollywood actor tyrese gibson dances on karan aujla softly song video gone viral watch here Karan Aujla: ਪ੍ਰਸਿੱਧ ਅਮਰੀਕੀ ਗਾਇਕ ਟਾਇਰੇਸ ਗਿਬਸਨ ਨੇ ਕਰਨ ਔਜਲਾ ਦੇ ਗਾਣੇ 'ਸੌਫਟਲੀ' 'ਤੇ ਕੀਤਾ ਡਾਂਸ, ਵੀਡੀਓ ਵਾਇਰਲ](https://feeds.abplive.com/onecms/images/uploaded-images/2023/12/19/71433623ca05495d87c1adee46dd77bc1702998754181469_original.png?impolicy=abp_cdn&imwidth=1200&height=675)
Tyrese Gibson Dance On Karan Aujla Song Softly: ਕਰਨ ਔਜਲਾ ਪੰਜਾਬੀ ਇੰਡਸਟਰੀ ਦਾ ਟੌਪ ਗਾਇਕ ਹੈ। ਸਾਲ 2023 ਔਜਲਾ ਲਈ ਬਹੁਤ ਹੀ ਖਾਸ ਰਿਹਾ ਹੈ। ਇਸ ਸਾਲ ਕਰਨ ਨੇ ਵਿਆਹ ਕਰਾਇਆ ਸੀ। ਇਸੇ ਸਾਲ ਕਰਨ ਕੈਨੇਡਾ ਛੱਡ ਦੁਬਈ ਸ਼ਿਫਟ ਹੋਇਆ ਸੀ। ਇਹੀ ਨਹੀਂ ਕਰਨ ਔਜਲਾ ਦੀ ਐਲਬਮ 'ਮੇਕਿੰਗ ਮੈਮੋਰੀਜ਼' ਜ਼ਬਰਦਸਤ ਹਿੱਟ ਹੋਈ ਅਤੇ ਪੂਰੀ ਦੁਨੀਆ 'ਚ ਉਸ ਦੀ ਇਸ ਐਲਬਮ ਦੇ ਗੀਤਾਂ ਨੇ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾਇਆ। ਇਸ ਦਾ ਸਬੂਤ ਇੱਥੋਂ ਮਿਲਦਾ ਹੈ ਕਿ ਵਿਦੇਸ਼ੀ ਗੋਰੇ ਵੀ ਔਜਲਾ ਦੇ ਗੀਤਾਂ 'ਤੇ ਖੂਬ ਥਿਰਕਦੇ ਨਜ਼ਰ ਆਏ ਸੀ।
ਇਸ ਤੋਂ ਬਾਅਦ ਹੁਣ ਅਮਰੀਕੀ ਸਿੰਗਰ ਤੇ ਐਕਟਰ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਜ਼ਬਰਦਸਤ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਉਹ ਕਰਨ ਔਜਲਾ ਦੇ ਗਾਣੇ 'ਸੌਫਟਲੀ' 'ਤੇ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਇਹ ਸਿੰਗਰ ਤੇ ਐਕਟਰ ਕੋਈ ਹੋਰ ਨਹੀਂ, ਬਲਕਿ ਟਾਇਰੇਸ ਗਿਬਸਨ ਹੈ, ਜਿਨ੍ਹਾਂ ਦੇ ਗੀਤਾਂ ਦੀ ਪੂਰੀ ਦੁਨੀਆ ਦੀਵਾਨੀ ਹੈ। ਜਿਸ ਦੀ ਪੂਰੀ ਦੁਨੀਆ ਦੀਵਾਨੀ ਹੈ, ਉਹ ਖੁਦ ਕਰਨ ਔਜਲਾ ਦੇ ਇਸ ਗਾਣੇ 'ਤੇ ਦਿਲ ਹਾਰ ਬੈਠੇ ਹਨ। ਉਨ੍ਹਾਂ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਹ 'ਸੌਫਟਲੀ' 'ਤੇ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਟਾਇਰੇਸ ਨੇ ਕੈਪਸ਼ਨ ਲਿਖੀ, 'ਮੈਂ 45 ਦਾ ਹੋ ਗਿਆ, ਕੌਣ ਕਹਿੰਦਾ ਹੈ ਕਿ ਮੈਂ ਡਾਂਸ ਨਹੀਂ ਕਰ ਸਕਦਾ।' ਦੇਖੋ ਇਹ ਵੀਡੀਓ:
View this post on Instagram
ਕਿਲੀ ਪੌਲ ਨੇ ਵੀ ਬਣਾਈ ਸੀ ਔਜਲਾ ਦੇ ਗਾਣੇ 'ਤੇ ਰੀਲ
ਇੰਟਰਨੈੱਟ ਸਨਸਨੀ ਕਿਲੀ ਪੌਲ ਵੀ ਪੰਜਾਬੀ ਗੀਤਾਂ 'ਤੇ ਅਕਸਰ ਰੀਲਾਂ ਬਣਾਉਂਦਾ ਰਹਿੰਦਾ ਹੈ। ਕਿਲੀ ਪੌਲ ਨੇ 'ਸੌਫਟਲੀ' ਗਾਣੇ 'ਤੇ ਆਪਣੀ ਭੈਣ ਨੀਮਾ ਪੌਲ ਦੇ ਨਾਲ ਜ਼ਬਰਦਸਤ ਡਾਂਸ ਕੀਤਾ ਸੀ। ਇਸ ਦਾ ਵੀਡੀਓ ਖੂਬ ਪਸੰਦ ਕਤਿਾ ਗਿਆ ਸੀ।
View this post on Instagram
ਕਾਬਿਲੇਗ਼ੌਰ ਹੈ ਕਿ ਕਰਨ ਔਜਲਾ ਦੀ ਐਲਬਮ 'ਮੇਕਿੰਗ ਮੈਮੋਰੀਜ਼' 18 ਅਗਸਤ ਨੂੰ ਰਿਲੀਜ਼ ਹੋਈ ਸੀ। ਇਸ ਐਲਬਮ ਨੂੰ ਪੂਰੀ ਦੁਨੀਆ 'ਚ ਬੇਸ਼ੁਮਾਰ ਪਿਆਰ ਮਿਿਲਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)