ਇੰਗਲੈਂਡ ਦੇ ਸਿੱਖ ਬੌਕਸਰ ਤਲ ਸਿੰਘ ਦੀ ਅਸਲ ‘ਸਪੀਡ ਤੇ ਪਾਵਰ’ ਸਕ੍ਰੀਨ ’ਤੇ ਵਿਖਾ ਸਕਣਗੇ ਆਮਿਰ ਖ਼ਾਨ?
ਆਮਿਰ ਖ਼ਾਨ ਨੇ ਇਹ ਵੀ ਕਿਹਾ ਕਿ ਬਾਕਸਿੰਗ ਵਿੱਚ ਕੋਈ ਸਿੱਖ ਵਰਲਡ ਚੈਂਪੀਅਨ ਨਹੀਂ ਬਣਿਆ ਤੇ ਤਲ ਸਿੰਘ ਵਿੱਚ ਅਜਿਹਾ ਪਹਿਲਾ ਚੈਂਪੀਅਨ ਬਣਨ ਦੇ ਸਾਰੇ ਗੁਣ ਹਨ।
ਮਹਿਤਾਬ-ਉਦ-ਦੀਨ
ਚੰਡੀਗੜ੍ਹ: ਫ਼ਿਲਮਾਂ ’ਚ ਸਦਾ ਖ਼ਾਸ ਤਰ੍ਹਾਂ ਦੇ ਰੋਲ ਕਰਨ ਲਈ ਜਾਣੇ ਜਾਂਦੇ ਬਾਲੀਵੁੱਡ ਦੇ ਬਹੁਚਰਚਿਤ ਅਦਾਕਾਰ ਆਮਿਰ ਖ਼ਾਨ ਹੁਣ ਇੰਗਲੈਂਡ ਦੇ ਸਿੱਖ ਬੌਕਸਰ ਤਲ ਸਿੰਘ ਦਾ ਰੋਲ ਕਰਨ ਜਾ ਰਹੇ ਹਨ। ਖ਼ੁਦ ਆਮਿਰ ਖ਼ਾਨ ਦਾ ਕਹਿਣਾ ਹੈ ਕਿ ਤਲ ਸਿੰਘ ਕੋਲ ਵਿਸ਼ਵ ਦਾ ਪਹਿਲਾ ਸਿੱਖ ਵਰਲਡ ਚੈਂਪੀਅਨ ਬਣਨ ਦੀ ‘ਸਪੀਡ ਤੇ ਪਾਵਰ’ ਹੈ।
ਦੱਸ ਦੇਈਏ ਕਿ ਆਮਿਰ ਖ਼ਾਨ ਹੁਣ ਇੰਗਲੈਂਡ ਦੇ 26 ਸਾਲਾ ਐਮੇਚਿਓਰ ਚੈਂਪੀਅਨ ਤਲ ਸਿੰਘ ਦਾ ਰੋਲ ਅਦਾ ਕਰਨ ਜਾ ਰਹੇ ਹਨ। ਦਰਅਸਲ, ਤਲ ਸਿੰਘ ਇਸ ਵਰ੍ਹੇ ਪਹਿਲੀ ਵਾਰ ਪ੍ਰੋਫ਼ੈਸ਼ਨਲ ਰੈਂਕਸ ਵਿੱਚ ਆ ਹਨ। ਆਮਿਰ ਖ਼ਾਨ ਅੱਜਕੱਲ੍ਹ ਆਪਣੇ ਜਿਮ ਵਿੱਚ ਆਪਣੀ ਇਸ ਅਗਲੀ ਫ਼ਿਲਮ ਦੀ ਤਿਆਰੀ ਕਰ ਰਹੇ ਹਨ। ‘ਸਕਾਈ ਸਪੋਰਟਸ’ ਦੀ ਰਿਪੋਰਟ ਮੁਤਾਬਕ ਆਮਿਰ ਖ਼ਾਨ ਦਾ ਮੰਨਣਾ ਹੈ ਕਿ ਤਲ ਸਿੰਘ ਵਿੱਚ ਵਰਲਡ ਚੈਂਪੀਅਨ ਬਣਨ ਦੇ ਸਾਰੇ ਗੁਣ ਹਨ।
<blockquote class="twitter-tweet"><p lang="en" dir="ltr">Excited to announce that I have signed an exclusive long term advisory/management deal with future boxing champion <a href="https://twitter.com/Tal_Singh?ref_src=twsrc%5Etfw" rel='nofollow'>@tal_singh</a> and will now be looking after Tal’s professional boxing career moving forward. <a href="https://twitter.com/hashtag/TalSingh?src=hash&ref_src=twsrc%5Etfw" rel='nofollow'>#TalSingh</a> <a href="https://t.co/4hZr82SYrL" rel='nofollow'>pic.twitter.com/4hZr82SYrL</a></p>— Amir Khan (@amirkingkhan) <a href="https://twitter.com/amirkingkhan/status/1374812692272316427?ref_src=twsrc%5Etfw" rel='nofollow'>March 24, 2021</a></blockquote> <script async src="https://platform.twitter.com/widgets.js" charset="utf-8"></script>
ਆਮਿਰ ਖ਼ਾਨ ਨੇ ਇਹ ਵੀ ਕਿਹਾ ਕਿ ਬਾਕਸਿੰਗ ਵਿੱਚ ਕੋਈ ਸਿੱਖ ਵਰਲਡ ਚੈਂਪੀਅਨ ਨਹੀਂ ਬਣਿਆ ਤੇ ਤਲ ਸਿੰਘ ਵਿੱਚ ਅਜਿਹਾ ਪਹਿਲਾ ਚੈਂਪੀਅਨ ਬਣਨ ਦੇ ਸਾਰੇ ਗੁਣ ਹਨ। ਇੱਥੇ ਇਹ ਵੀ ਦੱਸ ਦੇਈਏ ਕਿ ਖ਼ੁਦ ਤਲ ਸਿੰਘ ਅੱਜਕੱਲ੍ਹ ਆਮਿਰ ਖ਼ਾਨ ਨੂੰ ਉਨ੍ਹਾਂ ਦੇ ਜਿਮ ਵਿੱਚ ਸਿਖਾ ਰਹੇ ਹਨ ਕਿ ਫ਼ਿਲਮ ਵਿੱਚ ਪੰਚ ਕਿਵੇਂ ਮਾਰਨੇ ਹਨ ਤੇ ਕਿਹੋ ਜਿਹਾ ਸਟਾਈਲ ਰੱਖਣਾ ਹੈ।
ਉਂਝ ਆਮਿਰ ਖ਼ਾਨ ਖ਼ੁਦ ਵੀ 140 ਪੌਂਡ ਦੇ ਬੈਲਟ ਹੋਲਡਰ ਹਨ ਤੇ ਉਨ੍ਹਾਂ ਨੂੰ ਪਤਾ ਹੈ ਕਿ ਰਿੰਗ ਵਿੱਚ ਕਿਵੇਂ ਵਿਚਰਨਾ ਹੈ। ਆਮਿਰ ਖ਼ਾਨ ਨੇ ਕਿਹਾ ਕਿ ਉਨ੍ਹਾਂ ਬਹੁਤ ਸਾਰੇ ਬਾਕਸਰ ਵੇਖੇ ਹਨ ਪਰ ਕਦੇ ਤਲ ਸਿੰਘ ਜਿਹਾ ਹੁਨਰ ਤੇ ਸਪੀਡ ਨਹੀਂ ਵੇਖੇ। ਉਨ੍ਹਾਂ ਦੱਸਿਆ ਕਿ ਜਿਮ ਵਿੱਚ ਉਨ੍ਹਾਂ ਤਲ ਸਿੰਘ ਨੂੰ ਬਹੁਤ ਚੰਗੀ ਤਰ੍ਹਾਂ ਜਾਣਨ ਦੀ ਕੋਸ਼ਿਸ਼ ਕੀਤੀ ਹੈ।
ਉਨ੍ਹਾਂ ਦੱਸਿਆ ਕਿ ਤਲ ਸਿੰਘ ਦਾ ਨਿਸ਼ਾਨਾ ‘ਵਰਲਡ ਟਾਈਟਲ’ ਜਿੱਤ ਕੇ ਇਤਿਹਾਸ ਰਚਣਾ ਹੈ। ਤਲ ਸਿੰਘ ਨੇ ਵੀ ਉਤਸ਼ਾਹਿਤ ਹੁੰਦਿਆਂ ਕਿਹਾ ਕਿ ਜੇ ਆਮਿਰ ਖ਼ਾਨ ਉਨ੍ਹਾਂ ਵੱਲ ਹਨ, ਤਾਂ ਉਹ ਜ਼ਰੂਰ ਵਰਲਡ ਚੈਂਪੀਅਨ ਬਣਨਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
