2020 ਨੇ ਦਿੱਤਾ ਬਾਲੀਵੁੱਡ ਨੂੰ ਇਕ ਹੋਰ ਝਟਕਾ

ਰਜਤ ਮੁਖਰਜੀ ਸ਼ਨੀਵਾਰ ਆਪਣਾ ਡਾਇਲਸਿਸ ਕਰਵਾ ਕੇ ਹਸਪਤਾਲ ਤੋਂ ਘਰ ਪਰਤੇ ਸਨ ਪਰ ਰਾਤ ਨੂੰ ਘਰ ਅਚਾਨਕ ਉਨ੍ਹਾਂ ਦੀ ਸਿਹਤ ਖ਼ਰਾਬ ਹੋ ਗਈ ਤੇ ਹਸਪਤਾਲ ਲਿਜਾਣ ਤੋਂ ਪਹਿਲਾਂ ਹੀ ਉਨ੍ਹਾਂ ਦੀ ਮੌਤ ਹੋ ਗਈ।

ਮੁੰਬਈ: ਸਾਲ 2020 ਬਾਲੀਵੁੱਡ ਜਗਤ ਲਈ ਕਾਫੀ ਦੁਖਦਾਈ ਸਾਬਿਤ ਹੋਇਆ। ਕਈ ਨਾਮੀ ਹਸਤੀਆਂ ਨੇ ਇਸ ਦੁਨੀਆਂ ਨੂੰ ਅਲਵਿਦਾ ਕਿਹਾ। ਹੁਣ 'ਰੋਡ' ਅਤੇ 'ਪਿਆਰ ਤੂਨੇ ਕਯਾ ਕੀਆ' ਜਿਹੀਆਂ ਫਿਲਮਾਂ ਦੇ ਨਿਰਦੇਸ਼ਕ ਰਜਤ ਮੁਖਰਜੀ ਨੇ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਦਿੱਤਾ। ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਸਾਹਮਣੇ ਆਉਂਦਿਆਂ ਬਾਲੀਵੁੱਡ ਦੇ ਕਈ ਨਾਮੀ ਚਿਹਰਿਆਂ ਨੇ ਉਨ੍ਹਾਂ ਨੂੰ ਯਾਦ ਕੀਤਾ ਤੇ ਸ਼ਰਧਾਂਜਲੀ ਦਿੱਤੀ।

ਰਜਤ ਮੁਖਰਜੀ ਦਾ ਦੇਹਾਂਤ ਜੈਪੁਰ 'ਚ ਹੋਇਆ। ਉਹ ਪਿਛਲੇ ਕੁਝ ਸਮੇਂ ਤੋਂ ਕਿਡਨੀ ਦੀ ਬਿਮਾਰੀ ਤੋਂ ਪਰੇਸ਼ਾਨ ਸਨ ਅਤੇ ਵਾਇਰਸ ਦੇ ਚੱਲਦਿਆਂ ਪਿਛਲੇ ਮਹੀਨੇ ਡਾਕਟਰਾਂ ਨੂੰ ਉਨ੍ਹਾਂ ਦੀ ਇਕ ਕਿਡਨੀ ਕੱਢਣੀ ਪਈ ਸੀ। ਰਜਤ ਕਪੂਰ ਨੇ ਉਰਮਿਲਾ ਮਾਤੋਂਡਕਰ ਤੇ ਫਰਦੀਨ ਖ਼ਾਨ ਨਾਲ 'ਪਿਆਰ ਤੂਨੇ ਕਯਾ ਕੀਆ', ਮਨੋਜ ਬਾਜਪਾਈ, ਵਿਵੇਕ ਓਬਰਾਏ ਤੇ ਅੰਤਰਾ ਮਾਲੀ ਨਾਲ ਰੋਡ ਅਤੇ ਸੋਨੂੰ ਨਿਗਮ ਤੇ ਫਲੋਰਾ ਸੈਨੀ ਨਾਲ 'ਲਵ ਇਨ ਨੇਪਾਲ' ਜਿਹੀਆਂ ਫ਼ਿਲਮਾਂ ਨਿਰਦੇਸ਼ ਕੀਤੀਆਂ ਸਨ।

ਰਜਤ ਮੁਖਰਜੀ ਦੇ ਖ਼ਾਸ ਦੋਸਤ ਅਨੀਸ਼ ਰੰਜਨ ਨੇ ਦੱਸਿਆ ਕਿ ਆਪਣੀ ਕਿਡਨੀ ਦਾ ਇਲਾਜ ਕਰਵਾ ਰਹੇ ਰਜਤ ਮੁਖਰਜੀ ਸ਼ਨੀਵਾਰ ਆਪਣਾ ਡਾਇਲਸਿਸ ਕਰਵਾ ਕੇ ਹਸਪਤਾਲ ਤੋਂ ਘਰ ਪਰਤੇ ਸਨ ਪਰ ਰਾਤ ਨੂੰ ਘਰ ਅਚਾਨਕ ਉਨ੍ਹਾਂ ਦੀ ਸਿਹਤ ਖ਼ਰਾਬ ਹੋ ਗਈ ਤੇ ਹਸਪਤਾਲ ਲਿਜਾਣ ਤੋਂ ਪਹਿਲਾਂ ਹੀ ਉਨ੍ਹਾਂ ਦੀ ਮੌਤ ਹੋ ਗਈ।

My friend and director of Road ,Rajat Mukherjee passed away in the early hours today in Jaipur after a long battle with illness!!! Rest in peace Rajat !!Still can’t believe that we will never meet or discuss our work ever again.khush reh jaha bhi reh.🙏🙏🙏

— manoj bajpayee (@BajpayeeManoj) July 19, 2020

ਮਨੋਜ ਬਾਜਪਾਈ ਨੇ ਉਨ੍ਹਾਂ ਨੂੰ ਯਾਦ ਕਰਦਿਆਂ ਟਵੀਟ ਕੀਤਾ ਕਿ "ਮੈਨੂੰ ਯਕੀਨ ਨਹੀਂ ਹੋ ਰਿਹਾ ਕਿ ਅਸੀਂ ਫਿਰ ਮਿਲ ਕੇ ਆਪਣੇ ਕੰਮ ਬਾਰੇ ਗੱਲਬਾਤ ਕਰ ਸਕਾਂਗੇ।"

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ