‘ਬਦਲਾ’ ਲੈਣ ਆ ਰਹੇ ਅਮਿਤਾਭ ਤੇ ਤਾਪਸੀ

ਮੁੰਬਈ: ਤਾਪਸੀ ਤੇ ਆਮਿਤਾਭ ਬੱਚਨ ਦੇ ਫੈਨਸ ਲਈ ਖੁਸ਼ਖਬਰੀ ਹੈ ਕਿ ਦੋਵੇਂ ਸਟਾਰਸ ਜਲਦੀ ਹੀ ਇੱਕ ਵਾਰ ਫੇਰ ਸਕਰੀਨ ‘ਤੇ ਨਜ਼ਰ ਆ ਰਹੇ ਹਨ। ਫ਼ਿਲਮ ਹੈ ‘ਬਦਲਾ’ ਜਿਸ ਦੀ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ। ਫਿਲਹਾਲ ਫ਼ਿਲਮ ਸ਼ੂਟਿੰਗ ਸਟੇਜ ‘ਤੇ ਹੈ। ਇਸ ਦਾ ਅਜੇ ਸਿਰਫ ਇੱਕ ਹੀ ਸ਼ੈਡਿਊਲ ਪੂਰਾ ਹੋਇਆ ਹੈ। ਇਸ ਫ਼ਿਲਮ ਦੀ ਸ਼ੂਟਿੰਗ ਗਲਾਸਗੋ ਸ਼ਹਿਰ ‘ਚ ਕੀਤੀ ਗਈ ਹੈ। ਇਸ ਫ਼ਿਲਮ ਦੇ ਸ਼ੂਟ ਨੂੰ ਖ਼ਤਮ ਕਰਕੇ ਬਿੱਗ-ਬੀ ਆਲਿਆ ਭੱਟ ਤੇ ਰਣਬੀਰ ਕਪੂਰ ਦੀ ਫ਼ਿਲਮ ‘ਬ੍ਰਹਮਾਸਤਰ’ ਦੀ ਸ਼ੂਟਿੰਗ ਲਈ ਬੁਲਗਾਰੀਆ ਜਾ ਚੁੱਕੇ ਹਨ। ਇਹ ਫ਼ਿਲਮ ਇੱਕ ਮਰਡਰ ਮਿਸਟਰੀ ਹੈ। ਫ਼ਿਲਮ ਦੇ ਪਲਾਟ ਬਾਰੇ ਅਜੇ ਕੋਈ ਖਾਸ ਜਾਣਕਾਰੀ ਨਹੀਂ। ‘ਬਦਲਾ’ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਬੈਨਰ ਹੇਠ ਬਣ ਰਹੀ ਹੈ। 'ਬਦਲਾ' ਨੂੰ ਸੁਨੀਰ ਖੇਤਰਪਾਲ ਵੀ ਪ੍ਰੋਡਿਊਸ ਕਰ ਰਹੇ ਹਨ। ਹੁਣ ਫ਼ਿਲਮ-ਮੇਕਰਸ ਨੇ ‘ਬਦਲਾ’ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਫ਼ਿਲਮ 8 ਮਾਰਚ, 2019 ਨੂੰ ਰਿਲੀਜ਼ ਹੋ ਰਹੀ ਹੈ। ਤਾਪਸੀ ਅੱਜਕੱਲ੍ਹ ਕਾਫੀ ਬਿਜ਼ੀ ਸਟਾਰ ਹੈ। ਹਾਲ ਹੀ ‘ਚ ਤਾਪਸੀ ਦੀ ਦਿਲਜੀਤ ਨਾਲ ਫ਼ਿਲਮ ‘ਸੂਰਮਾ’ ਰਿਲੀਜ਼ ਹੋਈ ਹੈ ਜਿਸ ਨੂੰ ਔਡੀਅੰਸ ਨ ਕਾਫੀ ਚੰਗਾ ਹੁੰਗਾਰਾ ਦਿੱਤਾ ਹੈ। ਇਸ ਤੋਂ ਇਲਾਵਾ ਆਪਸੀ ਦੀ ਫ਼ਿਲਮ ‘ਮੁਲਕ’ ਵੀ ਰਿਲੀਜ਼ ਲਈ ਤਿਆਰ ਹੈ ਜਿਸ ‘ਚ ਉਹ ਰਿਸ਼ੀ ਕਪੁਰ ਨਾਲ ਸਕਰੀਨ ਸ਼ੇਅਰ ਕਰਦੀ ਨਜ਼ਰ ਆਵੇਗੀ।