'Animal' 'ਚ ਬੌਬੀ ਦਿਓਲ ਦੀ ਅਦਾਕਾਰੀ ਨੇ ਧਰਮਿੰਦਰ ਦਾ ਜਿੱਤਿਆ ਦਿਲ, ਪਿਤਾ ਨੇ ਬੇਟੇ ਦੀ ਇਨ੍ਹਾਂ ਸ਼ਬਦਾਂ 'ਚ ਕੀਤੀ ਤਾਰੀਫ਼
Dharmendra On Bobby Deol Animal: ਸੰਦੀਪ ਰੈਡੀ ਵਾਂਗਾ ਦੁਆਰਾ ਨਿਰਦੇਸ਼ਿਤ 'ਐਨੀਮਲ' ਬਾਕਸ ਆਫਿਸ 'ਤੇ ਤਹਿਲਕਾ ਮਚਾ ਰਹੀ ਹੈ। ਇਹ ਫਿਲਮ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ ਅਤੇ ਰਣਬੀਰ ਕਪੂਰ-ਬੌਬੀ
Dharmendra On Bobby Deol Animal: ਸੰਦੀਪ ਰੈਡੀ ਵਾਂਗਾ ਦੁਆਰਾ ਨਿਰਦੇਸ਼ਿਤ 'ਐਨੀਮਲ' ਬਾਕਸ ਆਫਿਸ 'ਤੇ ਤਹਿਲਕਾ ਮਚਾ ਰਹੀ ਹੈ। ਇਹ ਫਿਲਮ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ ਅਤੇ ਰਣਬੀਰ ਕਪੂਰ-ਬੌਬੀ ਦਿਓਲ ਸਟਾਰਰ ਇਸ ਫਿਲਮ ਨੇ ਰਿਲੀਜ਼ ਦੇ ਸਿਰਫ ਤਿੰਨ ਦਿਨਾਂ 'ਚ ਹੀ ਬਾਕਸ ਆਫਿਸ 'ਤੇ 200 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਫਿਲਮ 'ਚ ਜਿੱਥੇ ਰਣਬੀਰ ਦੀ ਐਕਟਿੰਗ ਦੀ ਕਾਫੀ ਤਾਰੀਫ ਹੋ ਰਹੀ ਹੈ, ਉਥੇ ਹੀ ਬੌਬੀ ਦਿਓਲ ਨੂੰ ਵੀ ਫਿਲਮ 'ਚ ਆਪਣੇ ਖਤਰਨਾਕ ਕਿਰਦਾਰ ਲਈ ਕਾਫੀ ਤਾਰੀਫ ਮਿਲ ਰਹੀ ਹੈ। ਹੁਣ ਬੌਬੀ ਦਿਓਲ ਦੇ ਪਿਤਾ ਅਤੇ ਦਿੱਗਜ ਅਭਿਨੇਤਾ ਧਰਮਿੰਦਰ ਦਿਓਲ ਨੇ ਵੀ 'ਐਨੀਮਲ' 'ਚ ਆਪਣੇ ਬੇਟੇ ਦੀ ਅਦਾਕਾਰੀ 'ਤੇ ਮਾਣ ਮਹਿਸੂਸ ਕਰਦੇ ਹੋਏ ਅਦਾਕਾਰ ਦੀ ਤਾਰੀਫ ਕੀਤੀ ਹੈ।
ਧਰਮਿੰਦਰ ਨੇ ਬੌਬੀ ਦੀ ਐਨੀਮਲ ਵਿੱਚ ਪ੍ਰਦਰਸ਼ਨ ਦੀ ਤਾਰੀਫ਼ ਕੀਤੀ
ਧਰਮਿੰਦਰ ਨੂੰ ਆਪਣੇ ਛੋਟੇ ਬੇਟੇ ਬੌਬੀ ਦਿਓਲ 'ਤੇ ਬਹੁਤ ਮਾਣ ਹੈ। ਮਹਾਨ ਅਭਿਨੇਤਾ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਫਿਲਮ 'ਐਨੀਮਲ' ਤੋਂ ਆਪਣੇ ਬੇਟੇ ਦੀ ਸਕ੍ਰੀਨਗ੍ਰੇਬ ਸ਼ੇਅਰ ਕੀਤੀ ਹੈ। ਇਸ ਦੇ ਨਾਲ ਹੀ ਦਿੱਗਜ ਅਭਿਨੇਤਾ ਨੇ ਦਿਲ ਦਾ ਇਮੋਜੀ ਪੋਸਟ ਕੀਤਾ ਅਤੇ ਆਪਣੇ ਬੇਟੇ ਦੀ ਤਾਰੀਫ 'ਚ ਲਿਖਿਆ, 'ਟੇਲੈਂਟਡ ਬੌਬ'।
View this post on Instagram
ਪ੍ਰਸ਼ੰਸਕਾਂ ਨੇ ਵੀ ਬੌਬੀ ਦੀ ਕਾਫੀ ਤਾਰੀਫ ਕੀਤੀ
ਧਰਮਿੰਦਰ ਵੱਲੋਂ ਪੋਸਟ ਸ਼ੇਅਰ ਕਰਨ ਦੇ ਕੁਝ ਹੀ ਮਿੰਟਾਂ ਵਿੱਚ ਸਾਰੇ ਪ੍ਰਸ਼ੰਸਕਾਂ ਅਤੇ ਫਾਲੋਅਰਜ਼ ਨੇ ਫਿਲਮ ਵਿੱਚ ਬੌਬੀ ਦਿਓਲ ਦੀ ਅਦਾਕਾਰੀ ਦੀ ਤਾਰੀਫ਼ ਵੀ ਕੀਤੀ। ਇੱਕ ਪ੍ਰਸ਼ੰਸਕ ਨੇ ਲਿਖਿਆ, "Bomb ਪਰਫਾਰਮਸ, ਡਾਇਲਾਗਸ ਦੀ ਬਜਾਏ, ਅੱਖਾਂ ਨੇ ਬਹੁਤ ਗੱਲਾਂ ਕੀਤੀਆਂ।" ਇੱਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, “ਪ੍ਰਤਿਭਾ ਵਿਰਾਸਤ ਵਿੱਚ ਮਿਲੀ ਹੈ… ਡੀਐਨਏ ਵਿੱਚ ਮਿਕਸ ਹੈ ਧਰਮ ਜੀ, ” ਇੱਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, “ਇਹ ਸਾਲ DEOL ਕਮਬੈਕ ਦੇ ਨਾਂਅ ਹੈ। ਅਜਿਹਾ ਕਰੋ ਤਾਂ ਜੋ ਦੁਨੀਆਂ ਯਾਦ ਰੱਖੇ।"
ਸੰਨੀ ਦਿਓਲ ਨੇ ਵੀ ਬੌਬੀ ਦਿਓਲ ਦੀ ਤਾਰੀਫ ਕੀਤੀ
ਇਸ ਤੋਂ ਪਹਿਲਾਂ ਸੰਨੀ ਦਿਓਲ ਨੇ ਵੀ ਆਪਣੇ ਭਰਾ ਬੌਬੀ ਨਾਲ ਆਪਣੀ ਤਸਵੀਰ ਸ਼ੇਅਰ ਕੀਤੀ ਸੀ ਅਤੇ ਐਨੀਮਲ 'ਚ ਉਨ੍ਹਾਂ ਦੀ ਐਕਟਿੰਗ ਦੀ ਤਾਰੀਫ ਕੀਤੀ ਸੀ। ਫੋਟੋ ਸ਼ੇਅਰ ਕਰਦੇ ਹੋਏ ਸੰਨੀ ਨੇ ਕੈਪਸ਼ਨ 'ਚ ਲਿਖਿਆ, "ਮੇਰੇ ਛੋਟੇ ਭਰਾ ਨੇ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿੱਤਾ। ਆੱਲ ਗਨ ਫਾਇਰਿੰਗ ਸਕਸੈਸ ਟੂ ਐਨੀਮਲ"
'ਐਨੀਮਲ' ਨੇ ਤਿੰਨ ਦਿਨਾਂ 'ਚ 200 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ
ਰਣਬੀਰ ਕਪੂਰ ਦੀ ਐਨੀਮਲ ਨੇ ਆਪਣੀ ਰਿਲੀਜ਼ ਦੇ ਤਿੰਨ ਦਿਨਾਂ ਵਿੱਚ ਹੀ 200 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਇਸ ਨਾਲ ਇਹ ਫਿਲਮ ਸਿਰਫ ਤਿੰਨ ਦਿਨਾਂ 'ਚ ਇਹ ਅੰਕੜਾ ਪਾਰ ਕਰਨ ਵਾਲੀ ਜਵਾਨ ਤੋਂ ਬਾਅਦ ਦੂਜੀ ਫਿਲਮ ਬਣ ਗਈ ਹੈ। ਇਸ ਰਿਕਾਰਡ ਦੇ ਨਾਲ ਇਸ ਫਿਲਮ ਨੇ ਪਠਾਨ ਅਤੇ ਗਦਰ 2 ਦਾ ਰਿਕਾਰਡ ਤੋੜ ਦਿੱਤਾ ਹੈ। ਐਨੀਮਲ ਦੀ ਸਟਾਰ ਕਾਸਟ ਦੀ ਗੱਲ ਕਰੀਏ ਤਾਂ ਫਿਲਮ ਵਿੱਚ ਰਣਬੀਰ ਕਪੂਰ ਤੋਂ ਇਲਾਵਾ ਬੌਬੀ ਦਿਓਲ, ਰਸ਼ਮਿਕਾ ਮੰਡਾਨਾ ਅਤੇ ਅਨਿਲ ਕਪੂਰ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
