Dhanshree Verma Networth: ਕਰੋੜਾਂ ਦੀ ਮਾਲਕਿਨ ਹੈ ਧਨਸ਼ਰੀ, ਫਿਰ ਵੀ ਯੁਜਵੇਂਦਰ ਚਾਹਲ ਨਾਲੋਂ ਘੱਟ ਨੈੱਟਵਰਥ...ਜਾਣੋ ਕਿਹੜੇ-ਕਿਹੜੇ ਢੰਗਾਂ ਨਾਲ ਕਰਦੀ ਕਮਾਈ
ਸੋਸ਼ਲ ਮੀਡੀਆ ਉੱਤੇ ਯੁਜਵੇਂਦਰ ਚਾਹਲ ਅਤੇ ਧਨਸ਼ਰੀ ਵਰਮਾ ਤਲਾਕ ਕਾਫੀ ਟ੍ਰੈਂਡ ਕਰ ਰਿਹਾ ਹੈ। 20 ਮਾਰਚ ਨੂੰ ਦੋਵਾਂ ਆਫਿਸ਼ਿਅਲ ਤੌਰ 'ਤੇ ਤਲਾਕ ਹੋ ਗਿਆ। ਦੋਵੇਂ ਬਾਂਦਰਾ ਫੈਮਿਲੀ ਕੋਰਟ 'ਚ ਮੈਜਿਸਟਰੇਟ ਸਾਹਮਣੇ ਪੇਸ਼ ਹੋਏ ਅਤੇ ਉਨ੍ਹਾਂ ਨੂੰ ਤਲਾਕ
ਭਾਰਤੀ ਕ੍ਰਿਕਟ ਟੀਮ (Team India) ਦੇ ਸਟਾਰ ਸਪਿੰਨਰ ਯੁਜਵੇਂਦਰ ਚਾਹਲ ਅਤੇ ਧਨਸ਼ਰੀ ਵਰਮਾ ਦਾ ਵੀਰਵਾਰ (20 ਮਾਰਚ) ਨੂੰ ਆਧਿਕਾਰਕ ਤੌਰ 'ਤੇ ਤਲਾਕ ਹੋ ਗਿਆ। ਦੋਵੇਂ ਬਾਂਦਰਾ ਫੈਮਿਲੀ ਕੋਰਟ 'ਚ ਮੈਜਿਸਟਰੇਟ ਸਾਹਮਣੇ ਪੇਸ਼ ਹੋਏ ਅਤੇ ਉਨ੍ਹਾਂ ਨੂੰ ਤਲਾਕ ਦੇ ਦਿੱਤਾ ਗਿਆ। ਦੱਸਣਯੋਗ ਹੈ ਕਿ ਯੁਜਵੇਂਦਰ ਚਾਹਲ, ਧਨਸ਼ਰੀ ਨੂੰ 4.75 ਕਰੋੜ ਰੁਪਏ ਐਲੀਮਨੀ ਦੇਣਗੇ। ਇਹ ਵੀ ਦੱਸਣਾ ਜ਼ਰੂਰੀ ਹੈ ਕਿ ਕਮਾਈ ਅਤੇ ਜਾਇਦਾਦ ਦੇ ਮਾਮਲੇ 'ਚ ਧਨਸ਼ਰੀ ਵੀ ਚਾਹਲ ਤੋਂ ਘੱਟ ਨਹੀਂ ਹਨ ਅਤੇ ਉਨ੍ਹਾਂ ਦੀ ਨੈੱਟਵਰਥ ਵੀ ਕਰੋੜਾਂ 'ਚ ਹੈ।
ਧਨਸ਼ਰੀ ਵਰਮਾ ਨੇ ਕੀਤੀ ਡਾਕਟਰੀ ਦੀ ਪੜਾਈ, ਫਿਰ ਬਣ ਗਈ ਕੋਰੀਓਗ੍ਰਾਫਰ
ਧਨਸ਼ਰੀ ਵਰਮਾ ਦਾ ਜਨਮ ਦੁਬਈ ਵਿੱਚ ਹੋਇਆ ਸੀ ਪਰ ਉਹ ਭਾਰਤ ਵਿੱਚ ਹੀ ਉਸਦਾ ਪਾਲਣ-ਪੋਸ਼ਣ ਹੋਇਆ। ਉਨ੍ਹਾਂ ਨੇ ਡਾਕਟਰੀ ਦੀ ਪੜਾਈ ਕੀਤੀ ਹੈ ਅਤੇ ਉਹ ਇੱਕ ਡੈਂਟਿਸਟ ਹਨ। ਹਾਲਾਂਕਿ ਉਨ੍ਹਾਂ ਨੇ ਇਸ ਪੇਸ਼ੇ ਤੋਂ ਦੂਰੀ ਬਣਾਉਂਦਿਆਂ ਕੁਝ ਵੱਖਰਾ ਕਰਨ ਦਾ ਸੋਚਿਆ ਅਤੇ ਸੋਸ਼ਲ ਮੀਡੀਆ ਇੰਫਲੂਐਂਸਰ ਬਣਨ ਦੇ ਨਾਲ-ਨਾਲ ਕੋਰੀਓਗ੍ਰਾਫੀ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਨੂੰ ਇਸ ਖੇਤਰ ਵਿੱਚ ਕਾਫੀ ਲੋਕਪ੍ਰਿਯਤਾ ਮਿਲੀ, ਜਿਸਦਾ ਅੰਦਾਜਾ ਉਨ੍ਹਾਂ ਦੇ ਸੋਸ਼ਲ ਮੀਡੀਆ ਸਟਾਰਡਮ ਤੋਂ ਲਾਇਆ ਜਾ ਸਕਦਾ ਹੈ। ਧਨਸ਼ਰੀ ਵਰਮਾ ਦੇ ਇੰਸਟਾਗ੍ਰਾਮ 'ਤੇ 5.3 ਮਿਲੀਅਨ ਤੋਂ ਵੱਧ ਫਾਲੋਅਰ ਹਨ, ਜਦਕਿ Youtube 'ਤੇ ਉਨ੍ਹਾਂ ਦੇ ਚੈਨਲ ਨੂੰ 2.5 ਮਿਲੀਅਨ ਲੋਕਾਂ ਵੱਲੋਂ ਫਾਲੋ ਕੀਤਾ ਜਾਂਦਾ ਹੈ।
ਧਨਸ਼ਰੀ ਦੀ ਨੈੱਟਵਰਥ ਇੰਨੀ ਹੋਈ
ਰਿਪੋਰਟਾਂ ਮੁਤਾਬਕ ਯੁਜਵੇਂਦਰ ਚਾਹਲ ਤੋਂ ਅਲੱਗ ਹੋਈ ਧਨਸ਼ਰੀ ਵਰਮਾ ਦੀ ਨੈੱਟਵਰਥ ਲਗਭਗ 3 ਮਿਲੀਅਨ ਡਾਲਰ (ਲਗਭਗ 24 ਕਰੋੜ ਰੁਪਏ) ਦੱਸੀ ਜਾਂਦੀ ਹੈ। ਉਨ੍ਹਾਂ ਦੀ ਜਾਇਦਾਦ ਵਿੱਚ ਕੋਰੀਓਗ੍ਰਾਫੀ ਅਤੇ Youtube ਚੈਨਲ ਤੋਂ ਹੋਣ ਵਾਲੀ ਕਮਾਈ ਦੇ ਨਾਲ-ਨਾਲ ਬ੍ਰਾਂਡ ਐਂਡੋਰਸਮੈਂਟ ਤੋਂ ਆਉਣ ਵਾਲੀ ਆਮਦਨ ਵੀ ਇੱਕ ਵੱਡਾ ਹਿੱਸਾ ਹੈ।
ਧਨਸ਼ਰੀ ਵਰਮਾ ਸੋਸ਼ਲ ਮੀਡੀਆ ’ਤੇ ਕਾਫੀ ਐਕਟਿਵ ਰਹਿੰਦੀਆਂ ਹਨ ਅਤੇ ਉਨ੍ਹਾਂ ਦੀ ਆਪਣੀ ਇਕ ਡਾਂਸ ਕੰਪਨੀ ਵੀ ਹੈ। ਕੋਰੀਓਗ੍ਰਾਫੀ ਦੀ ਦੁਨੀਆ ’ਚ ਉਨ੍ਹਾਂ ਦਾ ਨਾਮ ਜਾਣਿਆ-ਪਛਾਣਿਆ ਹੈ। ਇਸਦੇ ਨਾਲ-ਨਾਲ ਧਨਸ਼ਰੀ ਬਾਲੀਵੁੱਡ ਗੀਤਾਂ ਨੂੰ ਰਿਕ੍ਰੀਏਟ ਵੀ ਕਰਦੀਆਂ ਹਨ। ਹਾਲਾਂਕਿ ਜਾਇਦਾਦ ਦੇ ਮਾਮਲੇ ’ਚ ਯੁਜਵੇਂਦਰ ਚਾਹਲ ਧਨਸ਼ਰੀ ਨਾਲੋਂ ਅੱਗੇ ਹਨ।
ਯੁਜਵੇਂਦਰ ਚਾਹਲ ਦੀ ਨੈੱਟਵਰਥ
ਹੁਣ ਗੱਲ ਕਰੀਏ ਯੁਜਵੇਂਦਰ ਚਾਹਲ ਦੀ ਨੈੱਟਵਰਥ (Yuzvendra Chahal Networth) ਬਾਰੇ, ਤਾਂ ਰਿਪੋਰਟਾਂ ਅਨੁਸਾਰ ਇਹ ਲਗਭਗ 45 ਕਰੋੜ ਰੁਪਏ ਦੇ ਆਸ-ਪਾਸ ਹੈ। ਇਸ ਵਿੱਚ BCCI ਦਾ ਕਾਂਟ੍ਰੈਕਟ, ਇੰਡੀਆਨ ਪ੍ਰੀਮੀਅਰ ਲੀਗ (IPL), ਬ੍ਰਾਂਡ ਐਂਡੋਰਸਮੈਂਟ ਅਤੇ ਨਿਵੇਸ਼ ਰਾਹੀਂ ਹੋਣ ਵਾਲੀ ਕਮਾਈ ਸ਼ਾਮਲ ਹੈ।
ਯੁਜਵੇਂਦਰ ਚਾਹਲ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨਾਲ ਗਰੇਡ C ਦੇ ਕਾਂਟ੍ਰੈਕਟ ’ਚ ਹਨ, ਜਿਸ ਤੋਂ ਉਨ੍ਹਾਂ ਨੂੰ ਸਾਲਾਨਾ 1 ਕਰੋੜ ਰੁਪਏ ਮਿਲਦੇ ਹਨ। ਇਨ੍ਹਾਂ ਦੇ ਇਲਾਵਾ IPL ’ਚ ਉਨ੍ਹਾਂ ਦੀ ਕਾਫੀ ਮੰਗ ਹੈ। ਇਸਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ IPL 2025 ਦੀ ਮੇਗਾ ਨੀਲਾਮੀ ਵਿੱਚ ਪੰਜਾਬ ਕਿੰਗਜ਼ ਨੇ ਉਨ੍ਹਾਂ ਨੂੰ 18 ਕਰੋੜ ਰੁਪਏ ’ਚ ਖਰੀਦਿਆ। ਹੁਣ ਤੱਕ IPL ਰਾਹੀਂ ਉਨ੍ਹਾਂ ਦੀ ਨੈੱਟਵਰਥ ’ਚ ਲਗਭਗ 37 ਕਰੋੜ ਰੁਪਏ ਆ ਚੁੱਕੇ ਹਨ।
ਯੁਜਵੇਂਦਰ ਚਾਹਲ ਅਤੇ ਧਨਸ਼ਰੀ ਵਰਮਾ ਦੀ ਵਿਆਹ 22 ਦਸੰਬਰ 2020 ਨੂੰ ਦਿੱਲੀ ਵਿੱਚ ਹੋਈ ਸੀ ਅਤੇ ਹੁਣ 2025 ਵਿੱਚ ਉਨ੍ਹਾਂ ਦਾ ਤਲਾਕ ਹੋਇਆ ਹੈ। ਪਿਛਲੇ ਮਹੀਨੇ 5 ਫਰਵਰੀ ਨੂੰ ਦੋਹਾਂ ਨੇ ਬਾਂਦਰਾ ਫੈਮਿਲੀ ਕੋਰਟ ਵਿੱਚ ਆਪਸੀ ਸਹਿਮਤੀ ਨਾਲ ਤਲਾਕ ਲਈ ਅਰਜ਼ੀ ਦਾਇਰ ਕੀਤੀ ਸੀ। ਹਾਲਾਂਕਿ, ਫੈਮਿਲੀ ਕੋਰਟ ਨੇ 6 ਮਹੀਨੇ ਦੇ ਕੂਲਿੰਗ ਆਫ ਪੀਰੀਅਡ ਨੂੰ ਮਾਫ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
