ਮਨੋਰੰਜਨ ਦੀ ਖਬਰ, ਸਿਰਫ 2 ਮਿੰਟ 'ਚ

1….ਦੱਖਣ ਭਾਰਤੀ ਅਭਿਨੇਤਰੀ ਮੀਰਾ ਜੈਸਮਿਨ ਮੁਤਾਬਕ ਦੇਸ਼ ਵਿੱਚ ਮਹਿਲਾਵਾਂ ਤੇ ਸਰੀਰਿਕ ਹਮਲੇ ਕਰਨ ਵਾਲੇ ਮਰਦਾਂ ਨੂੰ ਸਜ਼ਾ ਦੇਣ ਦਾ ਇੱਕ ਹੀ ਦਰਦਨਾਕ ਰਾਹ ਹੈ ਕਿ ਉਹਨਾਂ ਨੂੰ ਨੰਪੁਸਕ ਬਣਾ ਦਿੱਤਾ ਜਾਵੇ। ਅਭਿਨੇਤਰੀ ਮੁਤਾਬਕ ਮੌਜੂਦਾ ਕਾਨੂੰਨ ਅਜਿਹੇ ਅਪਰਾਧਾਂ ਨਾਲ ਨਜਿਠਣ ਲਈ ਕਾਫੀ ਨਹੀਂ ਹਨ। 2…ਭਾਰਤੀ ਗੀਤਕਾਰ ਅਤੇ ਰਾਜਸਭਾ ਦੇ ਸਾਬਕਾ ਸਾਂਸਦ ਜਾਵੇਦ ਅਖਤਰ ਮੁਤਾਬਕ ਇਹ ਕਹਿਣਾ 'ਬੇਵਕੂਫੀ' ਹੋਵੇਗੀ ਕਿ ਨੋਟਬੰਦੀ ਕਾਰਨ 'ਰੌਕ ਆਨ 2' ਚੰਗੀ ਕਮਾਈ ਨਹੀਂ ਕਰ ਸਕੀ। ਜਾਵੇਦ ਨੇ ਿਹਾ ਜੇਕਰ ਮੈਂ ਕਿਹਾ ਕਿ ਨੋਟਬੰਦੀ ਕਾਰਨ ਸਿਰਫ ਇੱਕ ਹੀ ਫਿਲਮ ਪ੍ਰਭਾਵਿਤ ਹੋਈ ਤਾਂ ਇਹ 'ਬੇਵਕੂਫੀ' ਵਾਲਾ ਬਿਆਨ ਹੋਵੇਗਾ। 3…ਫਿਲਮਕਾਰ ਮਹੇਸ਼ ਭੱਟ ਗੌਰੀ ਸ਼ਿੰਦੇ ਨਿਰਦੇਸ਼ਿਤ ਫਿਲਮ 'ਡਿਅਰ ਜ਼ਿੰਦਗੀ' ਵਿੱਚ ਆਪਣੀ ਬੇਟੀ ਆਲੀਆ ਦਾ ਕੰਮ ਵੇਖ ਹੈਰਾਨ ਹਨ। ਇੱਕ ਕਿਤਾਬ ਦੀ ਲਾਂਚ ਮੌਕੇ ਉਹਨਾਂ ਕਿਹਾ ਗੌਰੀ ਅਤੇ ਆਲੀਆ ਦਾ ਕੰਮ ਵੇਖ ਹੈਰਾਨ ਹਾਂ ।ਇਹ ਇੱਕ ਅਲਗ ਤਰ੍ਹਾਂ ਦੀ ਫਿਲਮ ਹੈ, 'ਡਿਅਰ ਜ਼ਿੰਦਗੀ' ਭਾਰਤੀ ਸਿਨੇਮਾ ਲਈ ਮਾਣ ਹੈ। 4….ਮਹਿਲਾਵਾਂ ਵਿਰੁੱਧ ਅਪਰਾਧ ਤੇ ਅਧਾਰਿਤ ਮਹਾਨਾਇਕ ਅਮਿਤਾਭ ਬੱਚਨ ਦੀ ਫਿਲਮ 'ਪਿੰਕ' ਨੂੰ ਨਿਊਯਾਰਕ ਵਿੱਚ ਸੰਯੁਕਤ ਰਾਸ਼ਟਰ 'ਚ ਇੱਕ ਵਿਸ਼ੇਸ਼ ਸਕ੍ਰੀਨਿੰਗ ਲਈ ਇਨਵਾਈਟ ਕੀਤਾ ਗਿਆ ਹੈ। ਅਮਿਤਾਭ ਨੇ ਟਵਿੱਟਰ 'ਤੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਹੈ । 5….ਫਿਲਮ 'ਫੋਰਸ 2' ਦੀ ਸਫਲਤਾ ਦੇ ਬਾਅਦ ਅਭਿਨੇਤਾ ਜੌਹਨ ਅਬਰਾਹਿਮ ਨੇ 'ਫੋਰਸ 3' ਲਈ ਡਲਦ ਹੀ ਕੰਮ ਸ਼ੁਰੂ ਕਰਨ ਦੀ ਪੁਸ਼ਟੀ ਕੀਤੀ ਹੈ। ਜੌਹਨ ਅਤੇ ਸੋਨਾਕਸ਼ੀ ਦੀ 'ਫੋਰਸ 2' ਨੇ ਬਾਕਸ ਆਫਿਸ ਤੇ ਚੰਗੀ ਕਮਾਈ ਕੀਤੀ ਹੈ। ਜਿਸਦੀ ਸਕਸੇਸ ਪਾਰਟੀ 'ਚ ਜੌਹਨ ਨੇ ਕਿਹਾ ਅਸੀਂ ਯਕੀਨੀ ਤੌਰ ਤੇ 'ਫੋਰਸ 3' ਬਣਾਵਾਂਗੇ। 6…. ਫਿਲਮ 'ਵਜ੍ਹਾ ਤੁਮ ਹੋ' ਦੀ ਰਿਲੀਜ਼ ਲਈ ਤਿਆਰ ਫਿਲਮਕਾਰ ਵਿਸ਼ਾਲ ਪਾਂਡਿਆ ਨੇ ਦੱਸਿਆ ਕਿ ਲੋਕ ਮੇਰੇ ਕੋਲ ਆ ਕੇ ਕਹਿੰਦੇ ਹਨ ਕਿ ਇਹ ਬੋਲਡ ਵਿਸ਼ੇ ਤੇ ਅਧਾਰਿਤ ਬੋਲਡ ਫਿਲਮ ਹੈ ਪਰ ਮੈਂ ਸਪੱਸ਼ਟ ਕਰ ਦਵਾਂ ਕਿ ਇਸ ਵਿੱਚ ਮਹਿਜ਼ ਇੱਕ ਮਿਨਟ ਦਾ ਬੋਲਡ ਸੀਨ ਹੈ ਬਾਕੀ ਦੀ ਫਿਲਮ ਥ੍ਰਿਲਰ ਨਾਲ ਇੱਕ ਮਜ਼ਬੂਤ ਕਹਾਣੀ ਹੈ। 7…ਅਦਾਕਾਰਾ ਨਰਗਿਸ ਫਾਖਰੀ ਨੇ ਚੰਡੀਗਡ਼ ਵਿੱਚ ਇੰਡੋ ਅਮਰੀਕਨ ਫਿਲਮ '5 ਵੈਡਿੰਗਸ' ਦੀ ਸ਼ੂਟਿੰਗ ਕੀਤੀ। ਜਿਸ ਦੌਰਾਨ ਨਰਗਿਸ ਇੱਕ ਪੰਜਾਬੀ ਦੁਲਹਨ ਬਣੀ ਵਖਾਈ ਦਿੱਤੀ। ਫਿਲਮ ਵਿੱਚ ਫਾਖਰੀ ਦੇ ਨਾਲ ਰਾਜ ਕੁਮਾਰ ਰਾਓ ਦਿਖਣਗੇ। 8...ਬਾਕਸ ਆਫਿਸ ‘ਤੇ ਫਿਲਮ ‘ਡਿਅਰ ਜ਼ਿੰਦਗੀ’ ਨੇ ਪਹਿਲੇ ਦਿਨ ਚੰਗੀ ਸ਼ੁਰੂਆਤ ਕੀਤੀ ਹੈ। ਫਿਲਮ ਨੇ ਪਹਿਲੇ ਦਿਨ 8.75 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਸ ਫਿਲਮ ਤੇ ਵੀ ਨੋਟਬੰਦੀ ਦਾ ਅਸਰ ਪੈਣ ਦਾ ਖਦਸ਼ਾ ਸੀ ਪਰ ਬਾਕਸ ਆਫਿਸ ਕੁਲੈਕਸ਼ਨ ਕੁਝ ਹੋਰ ਹੀ ਕਹਾਣੀ ਦੱਸ ਰਹੀ ਹੈ। 9….ਬੀਨੂੰ ਢਿੱਲੋਂ ਨੇ ਇਕ ਤਸਵੀਰ ਫੇਸਬੁੱਕ 'ਤੇ ਸਾਂਝੀ ਕੀਤੀ ਹੈ, ਜਿਸ 'ਚ ਉਨ੍ਹਾਂ ਦੇ ਨਾਲ ਐਮੀ ਵਿਰਕ ਨਜ਼ਰ ਆ ਰਹੇ ਹਨ ਤੇ ਤਸਵੀਰ 'ਚ ਲਿਖਿਆ ਹੈ, 'ਆਉਣ ਵਾਲੀ 14 ਜੁਲਾਈ 2017 ਨੂੰ ਲੈ ਕੇ ਆ ਰਹੇ ਹਾਂ ਤੁਹਾਡੇ ਲਈ ਬਹੁਤ ਵੱਡਾ ਤੋਹਫਾ'। ਕਿਆਸ ਲਗਾ ਜਾ ਰਹੇ ਹਨ ਕਿ ਇਹ 'ਬੰਬੂਕਾਟ 2' ਦੀ ਰਿਲੀਜ਼ ਡੇਟ ਹੋ ਸਕਦੀ ਹੈ। 10….ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਦੀ ਆਗਾਮੀ ਫਿਲਮ 'ਰਈਸ' ਦਾ ਟ੍ਰੇਲਰ 7 ਦਸੰਬਰ ਨੂੰ 9 ਸ਼ਹਿਰਾਂ ਵਿੱਚ ਰਿਲੀਜ਼ ਕੀਤਾ ਜਾਵੇਗਾ। ਜਿਸ ਦੌਰਾਨ ਸ਼ਾਹਰੁਖ ਆਪਣੇ ਫੈਨਜ਼ ਨਾਲ ਗਲ ਵੀ ਕਰਨਗੇ। ਟ੍ਰੇਲਰ ਨੂੰ 3500 ਸਕ੍ਰੀਨਸ ਤੇ ਦਿਖਾਇਆ ਜਾਵੇਗਾ। ਪਹਿਲੀ ਵਾਰ ਇੰਨੀਆਂ ਸਕ੍ਰੀਨਜ਼ ਤੇ ਕਿਸੇ ਫਿਲਮ ਦਾ ਟ੍ਰੇਲਰ ਦਿਖੇਗਾ।