ਉਦਾਸ ਕਰਨਗੀਆਂ ਹੈਪੀ ਰਾਏਕੋਟੀ ਦੀਆਂ ‘ਅੱਖੀਆਂ’ 

ਚੰਡੀਗੜ੍ਹ: ਉਂਝ ਤਾਂ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਕਾਫੀ ਟੈਲੇਂਟਡ ਲੋਕਾਂ ਨਾਲ ਭਰੀ ਹੋਈ ਹੈ ਪਰ ਹੈਪੀ ਰਾਏਕੋਟੀ ਪੰਜਾਬੀ ਅਜਿਹੀ ਸ਼ਖ਼ਸੀਅਤ ਹੈ ਜਿਨ੍ਹਾਂ ਨੇ ਪਹਿਲਾਂ ਤਾਂ ਆਪਣੀ ਕਲਮ ਨਾਲ ਲੋਕਾਂ ਦਾ ਦਿਲ ਜਿੱਤਿਆ ਤੇ ਫਿਰ ਸਿੰਗਰ ਵਜੋਂ।   ਇੰਡਸਟਰੀ ਦੇ ਕਾਮਯਾਬ ਗੀਤਕਾਰ ਹੈਪੀ ਰਾਏਕੋਟੀ ਦਾ ਇਸੇ ਮਹੀਨੇ ਗਾਣਾ ‘ਨਿੱਕੇ-ਨਿੱਕੇ ਖੁਆਬ’ ਔਡੀਅੰਸ ਸਾਹਮਣੇ ਆਇਆ ਹੈ। ਇਸ ਨੂੰ ਲੋਕਾਂ ਨੇ ਖੂਬ ਪਸੰਦ ਵੀ ਕੀਤਾ ਹੈ। ਹੁਣ ਹੈਪੀ ਆਪਣੇ ਫੈਨਸ ਲਈ ਇੱਕ ਹੋਰ ਨਵਾਂ ਗਾਣਾ ਲੈ ਕੇ ਆ ਰਹੇ ਹਨ। [embed] ਇਸ ਗਾਣੇ ਦਾ ਕੁਝ ਦਿਨ ਪਹਿਲਾਂ ਹੀ ਪੋਸਟਰ ਰਿਲੀਜ਼ ਕੀਤਾ ਗਿਆ ਸੀ। ਹੁਣ ਗਾਣੇ ਦਾ ਟੀਜ਼ਰ ਰਿਲੀਜ਼ ਕੀਤਾ ਗਿਆ ਹੈ। ਇਸ ਗਾਣੇ ਦਾ ਟਾਈਟਲ ਹੈ ‘ਅੱਖੀਆਂ’। ‘ਅੱਖੀਆਂ’ ਗਾਣੇ ਦੇ ਵੀਡੀਓ ਦੇਖਣ ਨੂੰ ਕਾਫੀ ਪ੍ਰੋਮੀਸਿੰਗ ਲੱਗ ਰਹੀ ਹੈ। ਗਾਣਾ ਸੈਡ ਸੌਂਗ ਹੈ ਜਿਸ ਨੂੰ ਲੋਕਾਂ ਦਾ ਪਿਆਰ ਜ਼ਰੂਰ ਮਿਲੇਗਾ। ‘ਅੱਖੀਆਂ’ ਗਾਣੇ ਨੂੰ ਲਿਖਿਆ ਤੇ ਗਾਇਆ ਹੈਪੀ ਰਾਏਕੋਟੀ ਨੇ ਹੈ ਜਦੋਂਕਿ ਇਸ ਨੂੰ ਮਿਊਜ਼ਿਕ ਦਿੱਤਾ ਹੈ ਗੋਲ-ਬੁਆਏ ਨੇ। ਇਸ ਪ੍ਰੋਜੈਕਟ ਨੂੰ ਪ੍ਰੋਡਿਊਸ ਕੀਤਾ ਹੈ ਗੁਨਬੀਰ ਸਿੰਘ ਸਿੱਧੂ ਤੇ ਮਨਮੁਰਦ ਸਿੱਧੂ ਨੇ ਤੇ ਸੌਂਗ ਦੀ ਵੀਡੀਓ ਨੂੰ ਡਾਇਰੈਕਟ ਕੀਤਾ ਹੈ ਬਲਜੀਤ ਸਿੰਘ ਦਿਓ ਨੇ। ਗਾਣੇ ‘ਚ ਹੈਪੀ ਦੇ ਨਾਲ ਮਾਡਲ ਨਵਪ੍ਰੀਤ ਬੰਗਾ ਨਜ਼ਰ ਆ ਰਹੀ ਹੈ ਤੇ ਇਹ ਗਾਣਾ 27 ਜੁਲਾਈ ਨੂੰ ਰਿਲੀਜ਼ ਹੋ ਰਿਹਾ ਹੈ।