ਬਿੱਗਬੌਸ: ਹਿਮਾਂਸ਼ੀ ਦੀ ਐਂਟਰੀ ਨਾਲ ਸ਼ਹਿਨਾਜ਼ ਦੀ ਹਾਲਤ ਖਰਾਬ

ਬਾਅਦ ਵਿੱਚ ਹਿਮਾਂਸ਼ੀ ਕੈਮਰੇ ਵਿੱਚ ਕਹਿੰਦੀ ਹੈ ਕਿ ਜੇ ਸ਼ਹਿਨਾਜ਼ ਨੈਸ਼ਨਲ ਟੀਵੀ 'ਤੇ ਉਸ ਦੇ ਮਾਪਿਆਂ ਕੋਲੋਂ ਮੁਆਫੀ ਮੰਗੇ ਤਾਂ ਉਹ ਉਸ ਨੂੰ ਮੁਆਫ ਕਰਨ ਬਾਰੇ ਸੋਚ ਸਕਦੀ ਹੈ।

ਹਿਮਾਂਸ਼ੀ ਨੇ ਕਿਹਾ ਕਿ ਉਹ ਸਹਿਜ ਨਹੀਂ, ਕਿਉਂਕਿ ਸ਼ਹਿਨਾਜ਼ ਨੇ ਪਹਿਲਾਂ ਉਸ ਦੇ ਮਾਪਿਆਂ ਬਾਰੇ ਬਹੁਤ ਮਾੜੀਆਂ ਗੱਲਾਂ ਬੋਲੀਆਂ ਹਨ, ਇਸ ਲਈ ਉਹ ਆਸਾਨੀ ਨਾਲ ਮੁਆਫ ਨਹੀਂ ਕਰ ਸਕਦੀ।

ਸ਼ਹਿਨਾਜ਼ ਨੇ ਕਈ ਮੌਕਿਆਂ 'ਤੇ ਹਿਮਾਂਸ਼ੀ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਹਿਮਾਂਸ਼ੀ ਨੇ ਉਸ ਵੱਲ ਧਿਆਨ ਨਹੀਂ ਦਿੱਤਾ।

ਆਰਤੀ ਨਾਲ ਗੱਲਬਾਤ ਦੌਰਾਨ ਸ਼ਹਿਨਾਜ਼ ਨੇ ਖ਼ੁਲਾਸਾ ਕੀਤਾ ਕਿ ਉਹ ਇਸ ਵਿਵਾਦ ਤੋਂ ਬਾਅਦ ਪੰਜਾਬੀ ਇੰਡਸਟਰੀ ਦੀ ਸਭ ਤੋਂ ਜ਼ਿਆਦਾ ਨਾਪਸੰਦ ਕੀਤੀ ਜਾਣ ਵਾਲੀ ਸੈਲਿਬ੍ਰਿਟੀ ਬਣ ਗਈ ਹੈ।

ਹਾਲਾਂਕਿ ਆਰਤੀ ਨੇ ਇਸ ਬਾਰੇ ਜਾਣਨਾ ਚਾਹਿਆ ਤਾਂ ਸ਼ਹਿਨਾਜ਼ ਨੇ ਦੱਸਿਆ ਕਿ ਹਿਮਾਂਸ਼ੀ ਨਾਲ ਉਸ ਦਾ ਵੱਡਾ ਵਿਵਾਦ ਚੱਲਿਆ ਸੀ।

ਹਿਮਾਂਸ਼ੀ ਦੀ ਐਂਟਰੀ ਤੋਂ ਪਹਿਲਾਂ ਸ਼ਹਿਨਾਜ਼ ਆਰਤੀ ਸਿੰਘ ਨਾਲ ਆਪਣੀ ਲੜਾਈ ਬਾਰੇ ਗੱਲ ਕਬੂਲ ਕਰਦੀ ਨਜ਼ਰ ਆਈ ਸੀ। ਪਹਿਲਾਂ ਉਹ ਆਪਣੇ ਵਿਵਾਦ ਬਾਰੇ ਗੱਲ ਕਰਨੋਂ ਝਿਜਕ ਰਹੀ ਸੀ।

ਸ਼ਹਿਨਾਜ਼ ਨੂੰ ਇਹ ਗੱਲ ਕਾਫੀ ਚੁਭੀ ਕਿ ਹਿਮਾਂਸ਼ੀ ਨੇ ਘਰ ਵਿੱਚ ਆਉਂਦਿਆਂ ਹੀ ਉਸ ਤੋਂ ਮੂੰਹ ਮੋੜ ਲਿਆ।

ਦਰਅਸਲ ਦੋਵਾਂ ਵਿਚਾਲੇ ਪੁਰਾਣੀ ਦੁਸ਼ਮਣੀ ਹੈ।

ਹਿਮਾਂਸ਼ੀ ਦੀ ਐਂਟਰੀ ਨਾਲ ਪੰਜਾਬ ਦੀ ਕੈਟਰੀਨਾ ਸ਼ਹਿਨਾਜ਼ ਗਿੱਲ ਨੂੰ ਵੱਡਾ ਝਟਕਾ ਲੱਗਾ ਹੈ।

ਪੰਜਾਬ ਦੀ ਮਕਬੂਲ ਮਾਡਲ ਤੇ ਸਿੰਗਰ ਹਿਮਾਂਸ਼ੀ ਖੁਰਾਨਾ ਇਨ੍ਹੀਂ ਦਿਨੀਂ ਬਿੱਗਬੌਸ ਵਿੱਚ ਵਾਈਲਡ ਕਾਰਡ ਐਂਟਰੀ ਕਰਕੇ ਸੁਰਖੀਆਂ ਵਿੱਚ ਹੈ। ਸੋਸ਼ਲ ਮੀਡੀਆ 'ਤੇ ਹਿਮਾਂਸ਼ੀ ਦੇ ਕਾਫੀ ਫੈਨਜ਼ ਹਨ।