Tiger Shroff: ਰਿਤਿਕ ਰੋਸ਼ਨ ਦੀ ਭੈਣ ਪਸ਼ਮੀਨਾ ਨਾਲ ਰੋਮਾਂਸ ਕਰਦੇ ਨਜ਼ਰ ਆਉਣਗੇ ਟਾਈਗਰ ਸ਼ਰਾਫ, ਸਾਰਾ ਅਲੀ ਖਾਨ ਵੀ ਦਿਖਾਏਗੀ ਜਲਵਾ
Pashmina Roshan In Hero No. 1: ਰਿਤਿਕ ਰੋਸ਼ਨ ਦੀ ਭੈਣ ਪਸ਼ਮੀਨਾ ਰੋਸ਼ਨ ਬਾਲੀਵੁੱਡ 'ਚ ਐਂਟਰੀ ਕਰਨ ਜਾ ਰਹੀ ਹੈ। ਪਸ਼ਮੀਨਾ ਫਿਲਮ 'ਇਸ਼ਕ ਵਿਸ਼ਕ' ਨਾਲ ਇੰਡਸਟਰੀ 'ਚ ਐਂਟਰੀ ਕਰੇਗੀ। ਪਸ਼ਮੀਨਾ ਦੀ ਪਹਿਲੀ ਫ਼ਿਲਮ
Pashmina Roshan In Hero No. 1: ਰਿਤਿਕ ਰੋਸ਼ਨ ਦੀ ਭੈਣ ਪਸ਼ਮੀਨਾ ਰੋਸ਼ਨ ਬਾਲੀਵੁੱਡ 'ਚ ਐਂਟਰੀ ਕਰਨ ਜਾ ਰਹੀ ਹੈ। ਪਸ਼ਮੀਨਾ ਫਿਲਮ 'ਇਸ਼ਕ ਵਿਸ਼ਕ' ਨਾਲ ਇੰਡਸਟਰੀ 'ਚ ਐਂਟਰੀ ਕਰੇਗੀ। ਪਸ਼ਮੀਨਾ ਦੀ ਪਹਿਲੀ ਫ਼ਿਲਮ ਰਿਲੀਜ਼ ਨਹੀਂ ਹੋਈ ਸੀ ਤੇ ਉਸ ਦੇ ਹੱਥ ਇੱਕ ਹੋਰ ਫ਼ਿਲਮ ਲੱਗ ਗਈ ਹੈ। ਜੀ ਹਾਂ, ਪਸ਼ਮੀਨਾ ਨੂੰ ਇੱਕ ਹੋਰ ਪ੍ਰੋਜੈਕਟ ਮਿਲਿਆ ਹੈ। ਉਹ ਇਸ ਫਿਲਮ 'ਚ ਟਾਈਗਰ ਸ਼ਰਾਫ ਨਾਲ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ਦਾ ਨਾਂ ਹੀਰੋ ਨੰਬਰ 1 ਹੈ ਅਤੇ ਇਸ ਵਿੱਚ ਇੱਕ ਨਹੀਂ ਸਗੋਂ ਦੋ ਅਭਿਨੇਤਰੀਆਂ ਸ਼ਾਮਿਲ ਹੋਣਗੀਆਂ। ਇਸ ਵਿੱਚ ਟਾਈਗਰ ਦੇ ਨਾਲ ਪਸ਼ਮੀਨਾ ਅਤੇ ਸਾਰਾ ਅਲੀ ਖਾਨ ਨਜ਼ਰ ਆਉਣਗੀਆਂ।
ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਇਹ ਫਿਲਮ ਐਕਸ਼ਨ ਡਰਾਮੇ ਨਾਲ ਭਰਪੂਰ ਹੋਣ ਜਾ ਰਹੀ ਹੈ। ਫਿਲਮ 'ਚ ਟਾਈਗਰ ਪਸ਼ਮੀਨਾ ਨਾਲ ਰੋਮਾਂਸ ਕਰਦੇ ਨਜ਼ਰ ਆਉਣਗੇ। ਟਾਈਗਰ ਅਤੇ ਪਸ਼ਮੀਨਾ ਦੀ ਜੋੜੀ ਨੂੰ ਦੇਖਣ ਲਈ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹੋਣਗੇ।
ਇਹ ਕਿਸੇ ਫਿਲਮ ਦਾ ਰੀਮੇਕ ਨਹੀਂ...
ਇਸ ਫਿਲਮ ਦਾ ਨਾਂ ਹੀਰੋ ਨੰਬਰ 1 ਹੈ, ਜੋ ਸਾਨੂੰ ਗੋਵਿੰਦਾ ਦੀ ਫਿਲਮ ਦੀ ਯਾਦ ਦਿਵਾਉਂਦਾ ਹੈ। ਖਬਰਾਂ ਦੀ ਮੰਨੀਏ ਤਾਂ ਇਹ ਨਾ ਤਾਂ ਹੀਰੋ ਨੰਬਰ 1 ਦਾ ਰੀਮੇਕ ਹੈ ਅਤੇ ਨਾ ਹੀ ਸੀਕਵਲ। ਇਸ ਦੀ ਕਹਾਣੀ ਵੱਖਰੀ ਹੋਵੇਗੀ।
ਹੀਰੋ ਨੰਬਰ 1 ਨੂੰ ਜਗਨ ਸ਼ਕਤੀ ਡਾਇਰੈਕਟ ਕਰਨ ਜਾ ਰਹੇ ਹਨ। ਜਗਨ ਨੇ ਮਿਸ਼ਨ ਮੰਗਲ ਦਾ ਨਿਰਦੇਸ਼ਨ ਕੀਤਾ ਸੀ। ਫਿਲਮ ਦੀ ਸ਼ੂਟਿੰਗ 2024 'ਚ ਲੰਡਨ 'ਚ ਸ਼ੁਰੂ ਹੋਵੇਗੀ। ਟਾਈਗਰ ਨੇ ਫਿਲਮ ਲਈ ਐਕਸ਼ਨ ਸੀਨ ਸ਼ੂਟ ਕੀਤੇ ਹਨ। ਪਸ਼ਮੀਨਾ ਅਤੇ ਸਾਰਾ ਅਗਲੇ ਸਾਲ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨਗੀਆਂ।
ਟਾਈਗਰ ਸ਼ਰਾਫ ਦਾ ਵਾਸੂ ਭਗਨਾਨੀ ਦੇ ਨਾਲ ਇਹ ਤੀਜਾ ਪ੍ਰੋਜੈਕਟ ਹੋਣ ਜਾ ਰਿਹਾ ਹੈ। ਗਣਪਤ, ਬੜੇ ਮੀਆ ਛੋਟੇ ਮੀਆਂ ਤੋਂ ਬਾਅਦ ਇਹ ਤੀਜੀ ਫਿਲਮ ਹੀਰੋ ਨੰਬਰ 1 ਹੈ।
ਪਸ਼ਮੀਨਾ ਦੀ ਪਹਿਲੀ ਫਿਲਮ ਦੀ ਗੱਲ ਕਰੀਏ ਤਾਂ ਇਸ 'ਚ ਉਸ ਨਾਲ ਰੋਹਿਤ ਸਰਾਫ, ਜਿਬਰਾਨ ਖਾਨ ਅਤੇ ਨਾਇਲਾ ਗਰੇਵਾਲ ਨਜ਼ਰ ਆਉਣ ਵਾਲੇ ਹਨ। ਫਿਲਮ ਦੀ ਰਿਲੀਜ਼ ਡੇਟ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ ਹੈ। ਇਹ ਸ਼ਾਹਿਦ ਕਪੂਰ ਦੀ 2003 ਵਿੱਚ ਆਈ ਫਿਲਮ ਇਸ਼ਕ ਵਿਸ਼ਕ ਦਾ ਰੀਮੇਕ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
