Kafeel Khan: ਗੋਰਖਪੁਰ ਦੇ ਡਾਕਟਰ ਕਫੀਲ ਨੇ ਸ਼ਾਹਰੁਖ ਖਾਨ ਦੇ ਨਾਂਅ ਲਿਖੀ ਚਿੱਠੀ, ਫਿਲਮ ਜਵਾਨ 'ਚ ਦਿਖਾਈ ਘਟਨਾ ਦਾ ਖੋਲ੍ਹਿਆ ਰਾਜ਼
Kafeel Khan letter to Shah Rukh Khan: 'ਜਵਾਨ' 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ ਅਤੇ ਹੁਣ ਫਿਲਮ ਨੂੰ ਰਿਲੀਜ਼ ਹੋਏ ਇਕ ਮਹੀਨਾ ਹੋ ਗਿਆ ਹੈ। ਫਿਲਮ ਨੇ ਹੁਣ ਤੱਕ ਕਈ ਰਿਕਾਰਡ ਬਣਾਏ ਹਨ
Kafeel Khan letter to Shah Rukh Khan: 'ਜਵਾਨ' 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ ਅਤੇ ਹੁਣ ਫਿਲਮ ਨੂੰ ਰਿਲੀਜ਼ ਹੋਏ ਇਕ ਮਹੀਨਾ ਹੋ ਗਿਆ ਹੈ। ਫਿਲਮ ਨੇ ਹੁਣ ਤੱਕ ਕਈ ਰਿਕਾਰਡ ਬਣਾਏ ਹਨ। ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਫਿਲਮੀ ਸਿਤਾਰਿਆਂ ਵੱਲੋਂ ਵੀ ਇਸਦੀ ਰੱਜ ਕੇ ਤਾਰੀਫ ਕੀਤੀ ਜਾ ਰਹੀ ਹੈ। ਇਸ ਵਿਚਾਲੇ ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਸਥਿਤ ਹਸਪਤਾਲ 'ਚ ਬੱਚਿਆਂ ਦੀ ਮੌਤ ਦੇ ਮਾਮਲੇ ਕਾਰਨ ਸੁਰਖੀਆਂ 'ਚ ਆਏ ਡਾਕਟਰ ਕਫੀਲ ਖਾਨ ਨੇ ਸ਼ਾਹਰੁਖ ਖਾਨ ਨੂੰ ਚਿੱਠੀ ਲਿਖੀ ਹੈ। ਉਨ੍ਹਾਂ ਨੇ ਇਹ ਚਿੱਠੀ ਸ਼ਾਹਰੁਖ ਦੇ ਬਾਂਦਰਾ ਸਥਿਤ ਘਰ 'ਮੰਨਤ' ਦੇ ਪਤੇ 'ਤੇ ਭੇਜੀ ਹੈ।
ਦਰਅਸਲ, ਇਸ ਚਿੱਠੀ ਵਿੱਚ 'ਚ ਕਫੀਲ ਖਾਨ ਨੇ ਫਿਲਮ 'ਜਵਾਨ' ਲਈ ਸ਼ਾਹਰੁਖ ਦਾ ਧੰਨਵਾਦ ਕੀਤਾ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਫਿਲਮ ‘ਜਵਾਨ’ ਦੀ ਕਹਾਣੀ ਉਨ੍ਹਾਂ ਨਾਲ ਮੇਲ ਖਾਂਦੀ ਹੈ। ਕਫੀਲ ਨੇ ਸ਼ਾਹਰੁਖ ਖਾਨ ਅਤੇ ਫਿਲਮ ਨਿਰਦੇਸ਼ਕ ਨੂੰ ਮਿਲਣ ਦੀ ਇੱਛਾ ਜਤਾਈ ਹੈ। ਕਫੀਲ ਖਾਨ ਨੇ ਸ਼ਾਹਰੁਖ ਖਾਨ ਨੂੰ ਚਿੱਠੀ ਭੇਜਣ ਵਾਲੀ ਗੱਲ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਸ਼ੇਅਰ ਕੀਤੀ ਹੈ। ਸ਼ਾਹਰੁਖ ਖਾਨ ਨੂੰ ਸੰਬੋਧਿਤ ਇਸ ਪੱਤਰ ਵਿੱਚ, ਕਫੀਲ ਖਾਨ ਨੇ ਲਿਖਿਆ ਹੈ- ਬਦਕਿਸਮਤੀ ਨਾਲ, ਮੈਨੂੰ ਤੁਹਾਡੀ ਈਮੇਲ ਨਹੀਂ ਮਿਲ ਸਕੀ। ਨਤੀਜੇ ਵਜੋਂ ਮੈਂ ਇਹ ਪੱਤਰ ਡਾਕ ਰਾਹੀਂ ਭੇਜਿਆ ਹੈ ਅਤੇ ਇੱਥੇ ਵੀ ਪੋਸਟ ਕਰ ਰਿਹਾ ਹਾਂ।
Unfortunately, I wasn't able to obtain your email address, @iamsrk sir .
— Dr Kafeel Khan (@drkafeelkhan) October 5, 2023
Consequently, I sent the letter by post, but that also showing in transit even after many days .Therefore posting it here 🙏🏾
To
The Honourable Mr. Shah Rukh Khan
Indian actor and film producer
Mannat,… pic.twitter.com/9OxtzHQJ5M
ਡਾਕਟਰ ਕਫੀਲ ਖਾਨ ਨੇ ਅੱਗੇ ਲਿਖਿਆ- ਮੈਨੂੰ ਹਾਲ ਹੀ ਵਿੱਚ ਤੁਹਾਡੀ ਫਿਲਮ 'ਜਵਾਨ' ਦੇਖਣ ਦਾ ਮੌਕਾ ਮਿਲਿਆ। ਜਿਸ ਤੋਂ ਬਾਅਦ ਮੈਂ ਮਹੱਤਵਪੂਰਨ ਸਮਾਜਿਕ-ਰਾਜਨੀਤਿਕ ਮੁੱਦਿਆਂ ਨੂੰ ਹੱਲ ਕਰਨ ਦੇ ਸਾਧਨ ਵਜੋਂ ਸਿਨੇਮਾ ਦੀ ਵਰਤੋਂ ਕਰਨ ਲਈ ਤੁਹਾਡੀ ਅਸਾਧਾਰਣ ਪ੍ਰਤੀਬੱਧਤਾ ਲਈ ਆਪਣੀ ਡੂੰਘੀ ਪ੍ਰਸ਼ੰਸਾ ਪ੍ਰਗਟ ਕਰਨ ਲਈ ਮਜਬੂਰ ਹੋ ਗਿਆ।
ਕਫੀਲ ਖਾਨ ਦੇ ਅਨੁਸਾਰ- ਫਿਲਮ ਵਿੱਚ ਦਰਦਨਾਕ ਗੋਰਖਪੁਰ ਇਨਸੇਫਲਾਈਟਿਸ ਘਟਨਾ ਦੇ ਮਾਮੂਲੀ ਚਿੱਤਰਣ ਨੇ ਮੇਰੇ ਦਿਲ 'ਤੇ ਅਮਿੱਟ ਛਾਪ ਛੱਡੀ ਹੈ। ਇੱਕ ਵਿਅਕਤੀ ਦੇ ਤੌਰ 'ਤੇ ਜਿਸਦਾ ਘਟਨਾ ਅਤੇ ਇਸਦੇ ਬਾਅਦ ਦੇ ਨਾਲ ਇੱਕ ਨਿੱਜੀ ਸਬੰਧ ਹੈ, ਮੈਂ ਇਸ ਕਹਾਣੀ ਨੂੰ ਪਰਦੇ 'ਤੇ ਲਿਆਉਣ ਦੇ ਤੁਹਾਡੇ ਫੈਸਲੇ ਤੋਂ ਬਹੁਤ ਪ੍ਰਭਾਵਿਤ ਹੋਇਆ ਹਾਂ। ਹਾਲਾਂਕਿ, ਮੈਨੂੰ ਪਤਾ ਹੈ ਕਿ 'ਜਵਾਨ' ਇੱਕ ਕਾਲਪਨਿਕ ਹੈ, ਪਰ ਇਸ ਦੀ ਗੋਰਖਪੁਰ ਹਸਪਤਾਲ ਦੀ ਘਟਨਾ ਨਾਲ ਕਾਫੀ ਮਿਲਦੀ-ਜੁਲਦੀ ਹੈ। ਉਨ੍ਹਾਂ ਕਿਹਾ ਕਿ 'ਜਵਾਨ' ਫ਼ਿਲਮ 'ਚ ਤਾਂ ਅਸਲੀ ਅਪਰਾਧੀ ਫੜਿਆ ਗਿਆ ਸੀ ਪਰ ਅਸਲ ਜ਼ਿੰਦਗੀ 'ਚ ਅਸਲ ਅਪਰਾਧੀ ਖੁੱਲ੍ਹੇਆਮ ਘੁੰਮ ਰਹੇ ਹਨ। ਮੈਂ ਅਜੇ ਵੀ ਆਪਣੀ ਨੌਕਰੀ ਵਾਪਸ ਲੈਣ ਲਈ ਲੜ ਰਿਹਾ ਹਾਂ। ਫਿਲਹਾਲ, ਮੈਂ ਤੁਹਾਨੂੰ ਭਰੋਸਾ ਦਿਵਾਉਣਾ ਚਾਹੁੰਦਾ ਹਾਂ ਕਿ ਦੇਸ਼ਵਾਸੀਆਂ ਦੀ ਸੇਵਾ ਪ੍ਰਤੀ ਮੇਰੀ ਸ਼ੁੱਧਤਾ, ਸਮਰਪਣ ਅਤੇ ਦ੍ਰਿੜਤਾ ਜਾਰੀ ਰਹੇਗੀ। ਉਮੀਦ ਦੀ ਕਿਰਨ ਬਣਾਉਣ ਲਈ ਧੰਨਵਾਦ। ਮੈਂ ਤੁਹਾਡੇ ਜਵਾਬ ਦੀ ਉਡੀਕ ਕਰ ਰਿਹਾ ਹਾਂ।
ਕਾਬਿਲੇਗੌਰ ਹੈ ਕਿ ਯੂਪੀ ਸਰਕਾਰ ਨੇ ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਦੇ ਬੀਆਰਡੀ ਮੈਡੀਕਲ ਕਾਲਜ ਵਿੱਚ ਬੱਚਿਆਂ ਦੀ ਮੌਤ ਦੇ ਮਾਮਲੇ ਵਿੱਚ ਦੋਸ਼ੀ ਡਾਕਟਰ ਕਫੀਲ ਖਾਨ ਨੂੰ ਬਰਖਾਸਤ ਕਰ ਦਿੱਤਾ ਸੀ। ਬਾਅਦ ਵਿੱਚ ਉਸ ਨੂੰ ਜੇਲ੍ਹ ਵੀ ਜਾਣਾ ਪਿਆ। ਇਸ ਤੋਂ ਬਾਅਦ ਡਾਕਟਰ ਕਫੀਲ ਬਾਹਰ ਆਏ ਅਤੇ ਕਿਹਾ ਕਿ ਮੈਂ ਇਨਸਾਫ਼ ਲਈ ਆਪਣੀ ਲੜਾਈ ਜਾਰੀ ਰੱਖਾਂਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
