KBC 15: ਅਮਿਤਾਭ ਬੱਚਨ ਹਮੇਸ਼ਾ ਜੇਬ 'ਚ ਰੱਖਦੇ ਹੱਥ, KBC 15 ਵਿੱਚ ਬਿੱਗ ਬੀ ਨੇ ਦੱਸਿਆ ਇਸ ਨਾਲ ਜੁੜਿਆ ਡੂੰਘਾ ਰਾਜ਼
Kaun Banega Crorepati 15: 'ਕੌਨ ਬਣੇਗਾ ਕਰੋੜਪਤੀ' ਦਾ ਸੀਜ਼ਨ 15 ਟਾਕ ਆਫ ਦ ਟਾਊਨ ਬਣਿਆ ਹੋਇਆ ਹੈ। ਜਿੱਥੇ ਹੁਣ ਤੱਕ ਇਸ ਸ਼ੋਅ 'ਚ ਕਈ ਪ੍ਰਤੀਯੋਗੀ ਹੌਟ ਸੀਟ 'ਤੇ ਪਹੁੰਚ ਕੇ ਲੱਖਾਂ ਰੁਪਏ ਘਰ ਲੈ ਜਾ ਚੁੱਕੇ ਹਨ
Kaun Banega Crorepati 15: 'ਕੌਨ ਬਣੇਗਾ ਕਰੋੜਪਤੀ' ਦਾ ਸੀਜ਼ਨ 15 ਟਾਕ ਆਫ ਦ ਟਾਊਨ ਬਣਿਆ ਹੋਇਆ ਹੈ। ਜਿੱਥੇ ਹੁਣ ਤੱਕ ਇਸ ਸ਼ੋਅ 'ਚ ਕਈ ਪ੍ਰਤੀਯੋਗੀ ਹੌਟ ਸੀਟ 'ਤੇ ਪਹੁੰਚ ਕੇ ਲੱਖਾਂ ਰੁਪਏ ਘਰ ਲੈ ਜਾ ਚੁੱਕੇ ਹਨ, ਉੱਥੇ ਹੀ ਸੀਜ਼ਨ ਨੂੰ ਉਸਦਾ ਪਹਿਲਾ ਕਰੋੜਪਤੀ ਮਿਲ ਚੁੱਕਿਆ ਹੈ। ਇਸ ਸਭ ਦੇ ਵਿਚਕਾਰ 'ਕੇਬੀਸੀ 15' ਦੇ ਹੋਸਟ ਅਤੇ ਬਾਲੀਵੁੱਡ ਦੇ ਬਾਦਸ਼ਾਹ ਅਮਿਤਾਭ ਬੱਚਨ ਨਾਲ ਜੁੜੀਆਂ ਕਈ ਅਣਸੁਣੀਆਂ ਕਹਾਣੀਆਂ ਵੀ ਸੁਣਨ ਨੂੰ ਮਿਲ ਰਹੀਆਂ ਹਨ। ਪਿਛਲੇ ਐਪੀਸੋਡ ਵਿੱਚ ਵੀ ਅਮਿਤਾਭ ਬੱਚਨ ਨੇ ਆਪਣੇ ਬਚਪਨ ਦੀ ਇੱਕ ਮਜ਼ਾਕੀਆ ਕਹਾਣੀ ਸੁਣਾਈ ਸੀ।
ਅਮਿਤਾਭ ਬੱਚਨ ਨੇ ਡੱਡੂ ਨਾਲ ਸਬੰਧਤ ਕਿੱਸਾ ਸੁਣਾਇਆ
'ਕੌਨ ਬਣੇਗਾ ਕਰੋੜਪਤੀ 15' ਦੇ ਤਾਜ਼ਾ ਐਪੀਸੋਡ ਵਿੱਚ, ਹੋਸਟ ਅਮਿਤਾਭ ਬੱਚਨ ਨੇ ਮੁਕਾਬਲੇਬਾਜ਼ ਇਸ਼ਿਤਾ ਗੋਇਲ ਨੂੰ ਪੁੱਛਿਆ ਸੀ ਕਿ ਕਿਹੜਾ ਜਾਨਵਰ ਆਪਣੀ ਜੀਭ ਨਾਲ ਆਪਣੇ ਸ਼ਿਕਾਰ ਨੂੰ ਫੜਦਾ ਹੈ। ਉਸਨੂੰ ਏ- ਸ਼ਾਰਕ, ਬੀ- ਕੈਟ, ਸੀ- ਈਗਲ, ਡੀ- ਡੱਡੂ ਦੇ ਆੱਪਸ਼ਨ ਦਿੱਤੇ ਗਏ ਸਨ। ਇਸ 'ਤੇ ਇਸ਼ਿਤਾ ਨੇ ਸਵਾਲ ਦਾ ਜਵਾਬ ਦੇਣ ਲਈ ਲਾਈਫਲਾਈਨ ਦਾ ਇਸਤੇਮਾਲ ਕੀਤਾ ਅਤੇ ਡੀ-ਡੱਡੂ ਦਾ ਵਿਕਲਪ ਚੁਣਿਆ ਅਤੇ ਇਹ ਸਹੀ ਜਵਾਬ ਸੀ। ਇਸ ਨਾਲ ਉਸ ਨੇ 3,000 ਰੁਪਏ ਜਿੱਤੇ।
ਇਸ ਤੋਂ ਬਾਅਦ ਅਮਿਤਾਭ ਬੱਚਨ ਨੇ ਦਰਸ਼ਕਾਂ ਨੂੰ ਇਲਾਹਾਬਾਦ (ਹੁਣ ਪ੍ਰਯਾਗਰਾਜ ਵਜੋਂ ਜਾਣਿਆ ਜਾਂਦਾ ਹੈ) ਵਿੱਚ ਆਪਣੇ ਬਚਪਨ ਦਾ ਇੱਕ ਕਿੱਸਾ ਸੁਣਾਇਆ, ਉਸਨੇ ਕਿਹਾ, "ਜਦੋਂ ਮੈਂ ਇਲਾਹਾਬਾਦ ਵਿੱਚ ਛੋਟਾ ਬੱਚਾ ਸੀ ਤਾਂ ਗਰਮੀਆਂ ਵਿੱਚ ਅਸੀਂ ਬਾਹਰ ਸੌਂਦੇ ਸੀ ਕਿਉਂਕਿ ਬਹੁਤ ਗਰਮੀ ਹੁੰਦੀ ਸੀ ਅਤੇ ਮੇਰਾ ਹੱਥ ਬਿਸਤਰੇ ਤੋਂ ਬਹੁਤ ਦੂਰ ਜਾ ਰਿਹਾ ਸੀ। ਫਿਰ ਅਚਾਨਕ ਇੱਕ ਡੱਡੂ ਮੇਰੇ ਹੱਥ ਉੱਪਰ ਆਇਆ ਉਸਨੇ ਇਹ ਸਮਝਿਆ ਕਿ ਇਹ ਕੋਈ ਜਾਨਵਰ ਹੈ ਅਤੇ ਉਸਨੇ ਖਾਣ ਲਈ ਆਪਣੀ ਜੀਭ ਨੂੰ ਬਾਹਰ ਕੱਢਿਆ, ਤਾਂ ਮੈਂ ਸਮਝ ਗਿਆ ਕਿ ਡੱਡੂ ਆਮ ਤੌਰ 'ਤੇ ਕੁਝ ਖਾਣ ਲਈ ਆਪਣੀ ਜੀਭ ਬਾਹਰ ਕੱਢਦੇ ਹਨ। ਉਦੋਂ ਤੋਂ ਮੈਂ ਕਦੇ ਵੀ ਆਪਣੇ ਹੱਥ ਬਾਹਰ ਨਹੀਂ ਕੱਢੇ, ਹਮੇਸ਼ਾ ਆਪਣੀ ਜੇਬ ਵਿੱਚ ਰੱਖਦਾ ਹਾਂ।
ਬਿੱਗ ਬੀ ਨੇ ਹਲਦੀ ਦੇ ਫਾਇਦੇ ਵੀ ਦੱਸੇ
ਸ਼ੋਅ ਦੌਰਾਨ ਬਿੱਗ ਬੀ ਨੇ ਇਹ ਵੀ ਦੱਸਿਆ ਕਿ ਹਲਦੀ ਵਿੱਚ ਚੰਗੇ ਔਸ਼ਧੀ ਗੁਣ ਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਪਾਣੀ ਵਿੱਚ ਹਲਦੀ ਮਿਲਾ ਕੇ ਇਸ ਨੂੰ ਨਿਯਮਿਤ ਰੂਪ ਵਿੱਚ ਪੀਂਦਾ ਹੈ ਤਾਂ ਉਸ ਦੀ ਸਿਹਤ ਬਹੁਤ ਵਧੀਆ ਰਹਿੰਦੀ ਹੈ। ਉਸਨੇ ਇਹ ਵੀ ਕਿਹਾ ਕਿ 'ਮੈਂ ਤੁਹਾਨੂੰ ਇਹ ਕਿਉਂ ਦੱਸ ਰਿਹਾ ਹਾਂ ਕਿਉਂਕਿ ਮੈਂ ਇਸਨੂੰ ਹਰ ਰੋਜ਼ ਸੌਣ ਤੋਂ ਪਹਿਲਾਂ ਲੈਂਦਾ ਹਾਂ।' ਦੱਸ ਦੇਈਏ ਕਿ ਮੁਕਾਬਲੇਬਾਜ਼ ਨੇ ਸ਼ੋਅ ਤੋਂ 3 ਲੱਖ 20 ਹਜ਼ਾਰ ਰੁਪਏ ਜਿੱਤੇ ਸਨ। ਬਾਅਦ ਵਿੱਚ, ਫਾਸਟੈਸਟ ਫਿੰਗਰ ਫਸਟ ਦੇ ਇੱਕ ਹੋਰ ਰਾਊਂਡ ਦੇ ਨਾਲ, ਸ਼ੁਭਮ ਗੰਗੜੇ ਨੂੰ ਹੌਟ ਸੀਟ 'ਤੇ ਬੈਠਣ ਦਾ ਮੌਕਾ ਮਿਲਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
