Mansoor Ali Khan: ਮੰਸੂਰ ਅਲੀ ਖਾਨ ਨੂੰ ਭਰਨਾ ਪਏਗਾ 1 ਲੱਖ ਦਾ ਜੁਰਮਾਨਾ, ਜਾਣੋ ਸਾਉਥ ਅਦਾਕਾਰਾ ਤ੍ਰਿਸ਼ਾ ਕ੍ਰਿਸ਼ਣਨ ਨਾਲ ਕਿਉਂ ਵਧਿਆ ਵਿਵਾਦ ?
Mansoor Ali Khan Case: ਮੰਸੂਰ ਅਲੀ ਖਾਨ ਨੂੰ ਮਦਰਾਸ ਹਾਈਕੋਰਟ ਤੋਂ ਵੱਡਾ ਝਟਕਾ ਲੱਗਾ ਹੈ। ਅਦਾਲਤ ਨੇ ਅਭਿਨੇਤਾ 'ਤੇ 1 ਲੱਖ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਹੈ ਅਤੇ ਉਹ ਹੁਣ ਅਭਿਨੇਤਰੀ ਤ੍ਰਿਸ਼ਾ ਕ੍ਰਿਸ਼ਣਨ ਦੇ ਖਿਲਾਫ ਮਾਣਹਾਨੀ ਦਾ ਕੇਸ ਦਾਇਰ ਨਹ
Mansoor Ali Khan Case: ਮੰਸੂਰ ਅਲੀ ਖਾਨ ਨੂੰ ਮਦਰਾਸ ਹਾਈਕੋਰਟ ਤੋਂ ਵੱਡਾ ਝਟਕਾ ਲੱਗਾ ਹੈ। ਅਦਾਲਤ ਨੇ ਅਭਿਨੇਤਾ 'ਤੇ 1 ਲੱਖ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਹੈ ਅਤੇ ਉਹ ਹੁਣ ਅਭਿਨੇਤਰੀ ਤ੍ਰਿਸ਼ਾ ਕ੍ਰਿਸ਼ਣਨ ਦੇ ਖਿਲਾਫ ਮਾਣਹਾਨੀ ਦਾ ਕੇਸ ਦਾਇਰ ਨਹੀਂ ਕਰ ਸਕੇਗਾ। ਦੱਸ ਦੇਈਏ ਕਿ ਮਨਸੂਰ ਅਲੀ ਖਾਨ ਨੇ ਕਿਹਾ ਸੀ ਕਿ ਉਹ ਤ੍ਰਿਸ਼ਾ, ਚਿਰੰਜੀਵੀ ਅਤੇ ਖੁਸ਼ਬੂ ਸੁੰਦਰ ਦੇ ਖਿਲਾਫ ਮਾਣਹਾਨੀ ਦਾ ਕੇਸ ਦਾਇਰ ਕਰਨਗੇ। ਪਰ ਹੁਣ ਸ਼ੁੱਕਰਵਾਰ ਨੂੰ ਮਦਰਾਸ ਹਾਈ ਕੋਰਟ ਨੇ ਉਨ੍ਹਾਂ ਨੂੰ ਇਸ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਬਾਰ ਅਤੇ ਬੈਂਚ ਦਾ ਕਹਿਣਾ ਹੈ ਕਿ ਮਾਣਹਾਨੀ ਦਾ ਮੁਕੱਦਮਾ ਇੱਕ ਪਬਲੀਸਿਟੀ ਸਟੰਟ ਲੱਗਦਾ ਹੈ।
ਹਿੰਦੁਸਤਾਨ ਟਾਈਮਜ਼ 'ਚ ਛਪੀ ਰਿਪੋਰਟ ਮੁਤਾਬਕ ਅਦਾਲਤ ਵੱਲੋਂ ਮੰਸੂਰ 'ਤੇ ਲਗਾਇਆ ਗਿਆ ਜੁਰਮਾਨਾ ਚੇਨਈ ਦੇ ਅਦਿਆਰ ਕੈਂਸਰ ਇੰਸਟੀਚਿਊਟ 'ਚ ਜਮ੍ਹਾ ਕਰਵਾਉਣਾ ਹੋਵੇਗਾ। ਅਦਾਲਤ ਨੇ ਇਹ ਵੀ ਕਿਹਾ ਕਿ ਜਿਸ ਤਰ੍ਹਾਂ ਤ੍ਰਿਸ਼ਾ ਅਤੇ ਹੋਰ ਲੋਕਾਂ ਨੇ ਮੰਸੂਰ ਦੇ ਬਿਆਨ 'ਤੇ ਪ੍ਰਤੀਕਿਰਿਆ ਦਿੱਤੀ, ਕੋਈ ਵੀ ਆਮ ਆਦਮੀ ਵੀ ਉਸੇ ਤਰ੍ਹਾਂ ਦੀ ਪ੍ਰਤੀਕਿਰਿਆ ਦਏਗਾ। ਦੱਸ ਦੇਈਏ ਕਿ ਆਪਣੀ ਫਿਲਮ ਲਿਓ ਦੇ ਪ੍ਰਮੋਸ਼ਨ ਦੌਰਾਨ ਮੰਸੂਰ ਨੇ ਤ੍ਰਿਸ਼ਾ ਨੂੰ ਲੈ ਕੇ ਅਪਮਾਨਜਨਕ ਟਿੱਪਣੀਆਂ ਕੀਤੀਆਂ ਸਨ।
ਤ੍ਰਿਸ਼ਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ
ਜਿਸ 'ਤੇ ਚਿਰੰਜੀਵੀ, ਖੁਸ਼ਬੂ, ਤ੍ਰਿਸ਼ਾ ਅਤੇ ਲਿਓ ਦੇ ਮੇਕਰਸ ਨੇ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਨਿੰਦਾ ਕੀਤੀ ਸੀ। ਤ੍ਰਿਸ਼ਾ ਨੇ ਆਪਣੇ ਐਕਸ 'ਤੇ ਪੋਸਟ ਕਰਦੇ ਹੋਏ ਲਿਖਿਆ ਸੀ, 'ਹਾਲ ਹੀ 'ਚ ਇੱਕ ਵੀਡੀਓ ਮੇਰੇ ਸਾਹਮਣੇ ਆਈ ਹੈ, ਜਿਸ 'ਚ ਮਨਸੂਰ ਅਲੀ ਖਾਨ ਨੇ ਮੇਰੇ ਬਾਰੇ 'ਚ ਗਲਤ ਅਤੇ ਭੱਦੀ ਗੱਲ ਕੀਤੀ ਹੈ। ਮੈਂ ਇਸ ਦੀ ਸਖ਼ਤ ਨਿੰਦਾ ਕਰਦੀ ਹਾਂ ਅਤੇ ਇਸਨੂੰ ਲਿੰਗੀ, ਅਪਮਾਨਜਨਕ, ਔਰਤਾਂ ਵਿਰੋਧੀ ਅਤੇ ਘਿਣਾਉਣੀ ਮੰਨਦੀ ਹਾਂ।
ਤ੍ਰਿਸ਼ਾ ਨੇ ਮੰਸੂਰ ਨੂੰ ਮਾਰਿਆ ਤਾਅਨਾ
ਤ੍ਰਿਸ਼ਾ ਨੇ ਅੱਗੇ ਲਿਖਿਆ, 'ਉਹ ਸੋਚ ਸਕਦੇ ਹਨ ਪਰ ਮੈਂ ਸ਼ੁਕਰਗੁਜ਼ਾਰ ਹਾਂ ਕਿ ਮੈਂ ਉਸ ਵਰਗੇ ਬੁਰੇ ਵਿਅਕਤੀ ਨਾਲ ਕਦੇ ਸਕ੍ਰੀਨ ਸ਼ੇਅਰ ਨਹੀਂ ਕੀਤੀ ਅਤੇ ਮੈਂ ਇਸ ਗੱਲ ਦਾ ਧਿਆਨ ਰੱਖਾਂਗੀ ਕਿ ਮੇਰੇ ਬਾਕੀ ਫਿਲਮੀ ਕਰੀਅਰ 'ਚ ਅਜਿਹਾ ਕਦੇ ਨਾ ਹੋਵੇ। ਉਸ ਵਰਗੇ ਲੋਕ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰ ਦਿੰਦੇ ਹਨ।
ਮਨਸੂਰ ਮਾਣਹਾਨੀ ਦਾ ਕੇਸ ਦਰਜ ਕਰਨਾ ਚਾਹੁੰਦਾ ਸੀ
ਹਾਲ ਹੀ 'ਚ ਮੰਸੂਰ ਨੇ ਤ੍ਰਿਸ਼ਾ, ਚਿਰੰਜੀਵੀ ਅਤੇ ਖੁਸ਼ਬੂ ਦੇ ਖਿਲਾਫ ਸਿਵਲ ਮਾਣਹਾਨੀ ਦਾ ਕੇਸ ਦਾਇਰ ਕਰਨ ਦੀ ਇਜਾਜ਼ਤ ਮੰਗੀ ਸੀ। ਉਸ ਨੇ ਦਾਅਵਾ ਕੀਤਾ ਸੀ ਕਿ ਉਸ ਦੇ ਮਜ਼ਾਕ ਨੂੰ ਗਲਤ ਸਮਝਿਆ ਗਿਆ ਸੀ ਅਤੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਉਸ ਵਿਰੁੱਧ ਅਪਮਾਨਜਨਕ ਟਿੱਪਣੀਆਂ ਕੀਤੀਆਂ ਗਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
