Pathaan Teaser: ਸ਼ਾਹਰੁਖ ਖਾਨ ਨੇ ਕੀਤੀ ਧਮਾਕੇਦਾਰ ਵਾਪਸੀ, ਫ਼ਿਲਮ 'ਪਠਾਨ' ਦਾ ਟੀਜ਼ਰ ਸ਼ੇਅਰ ਕਰਕੇ ਰਿਲੀਜ਼ ਡੇਟ ਦਾ ਕੀਤਾ ਐਲਾਨ
ਦੇਰ ਹੀ ਸਹੀ ਪਰ ਇਕ ਵਾਰ ਫਿਰ ਬਾਲੀਵੁੱਡ ਦੇ ਕਿੰਗ ਖਾਨ ਪਰਦੇ 'ਤੇ ਵਾਪਸੀ ਕਰਨ ਲਈ ਤਿਆਰ ਹਨ। ਹਾਲ ਹੀ 'ਚ ਪਠਾਨ ਦਾ ਟੀਜ਼ਰ ਰਿਲੀਜ਼ ਕਰਦੇ ਹੋਏ ਸ਼ਾਹਰੁਖ ਖਾਨ (Shah Rukh Khan) ਨੇ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਹੈ।
Pathaan Teaser: ਦੇਰ ਹੀ ਸਹੀ ਪਰ ਇਕ ਵਾਰ ਫਿਰ ਬਾਲੀਵੁੱਡ ਦੇ ਕਿੰਗ ਖਾਨ (King Khan) ਪਰਦੇ 'ਤੇ ਵਾਪਸੀ ਕਰਨ ਲਈ ਤਿਆਰ ਹਨ। ਹਾਲ ਹੀ 'ਚ ਪਠਾਨ (Pathaan) ਦਾ ਟੀਜ਼ਰ ਰਿਲੀਜ਼ ਕਰਦੇ ਹੋਏ ਸ਼ਾਹਰੁਖ ਖਾਨ (Shah Rukh Khan) ਨੇ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਇੱਕ ਹਲਕੀ ਜਿਹੀ ਝਲਕ ਆਪਣੇ ਲੁੱਕ ਦੀ ਵੀ ਦਿਖਾਈ ਹੈ। ਇਸ ਫ਼ਿਲਮ 'ਚ ਸ਼ਾਹਰੁਖ ਖਾਨ ਦੇ ਕਿਰਦਾਰ ਨੂੰ ਦੀਪਿਕਾ ਪਾਦੂਕੋਣ (Deepika Padukone) ਤੇ ਜਾਨ ਅਬ੍ਰਾਹਮ (John Abraham) ਨੇ ਇਕੱਠੇ ਪੇਸ਼ ਕੀਤਾ ਹੈ।
ਸ਼ਾਹਰੁਖ ਨੇ ਹਲਕੀ ਜਿਹੀ ਝਲਕ ਦਿਖਾ ਕੇ ਆਪਣੇ ਫ਼ੈਨਜ ਦਾ ਉਤਸ਼ਾਹ ਵਧਾ ਦਿੱਤਾ ਹੈ। ਇਸ ਪੋਸਟ ਨੂੰ ਸ਼ੇਅਰ ਕਰਦੇ ਹੋਏ ਸ਼ਾਹਰੁਖ ਖਾਨ ਨੇ ਕਮੈਂਟ 'ਚ ਲਿਖਿਆ- ਮੈਂ ਮੰਨਦਾ ਹਾਂ ਕਿ ਥੋੜ੍ਹੀ ਦੇਰੀ ਹੋਈ ਹੈ ਪਰ ਇਸ ਤਰੀਕ ਨੂੰ ਯਾਦ ਰੱਖੋ, ਪਠਾਨ ਦਾ ਵਕਤ ਹੁਣ ਸ਼ੁਰੂ ਹੁੰਦਾ ਹੈ, 25 ਜਨਵਰੀ 2023 ਨੂੰ ਸਿਨੇਮਾ ਘਰਾਂ 'ਚ ਮਿਲਾਂਗੇ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਮਲਟੀਸਟਾਰਰ ਫ਼ਿਲਮ ਤਿੰਨ ਭਾਸ਼ਾਵਾਂ ਹਿੰਦੀ, ਤਾਮਿਲ ਤੇ ਤੇਲਗੂ ਵਿੱਚ ਰਿਲੀਜ਼ ਹੋਵੇਗੀ। ਯਸ਼ਰਾਜ ਬੈਨਰ ਦੇ 50 ਸਾਲ ਪੂਰੇ ਹੋਣ 'ਤੇ ਸ਼ਾਹਰੁਖ ਖਾਨ ਦੀ ਵਾਪਸੀ ਦੇ ਨਾਲ ਪਠਾਨ ਨੂੰ ਸੈਲੀਬ੍ਰੇਟ ਕੀਤਾ ਜਾਵੇਗਾ।
ਸ਼ਾਹਰੁਖ ਖਾਨ ਦੇ ਕਿਰਦਾਰ ਦੀ ਜਾਣ-ਪਛਾਣ ਦਿੰਦੇ ਹੋਏ ਦੀਪਿਕਾ ਪਾਦੂਕੋਣ ਅਤੇ ਜਾਨ ਅਬ੍ਰਾਹਮ ਨੇ ਕੁਝ ਲਾਈਨਾਂ 'ਚ ਕਿੰਗ ਖਾਨ ਦੀ ਵਾਪਸੀ ਦਾ ਐਲਾਨ ਕਰ ਦਿੱਤਾ ਹੈ। ਜੌਨ ਅਬ੍ਰਾਹਮ ਨੇ ਕਿਹਾ - ਸਾਡੇ ਦੇਸ਼ 'ਚ ਅਸੀਂ ਨਾਮ ਰੱਖਦੇ ਹਾਂ ਆਪਣੇ ਧਰਮ ਜਾਂ ਜਾਤ ਤੋਂ , ਪਰ ਇਨ੍ਹਾਂ ਕੋਲ ਇਨ੍ਹਾਂ 'ਚੋਂ ਕੁੱਝ ਵੀ ਨਹੀਂ ਸੀ... ਦੀਪਿਕਾ ਪਾਦੂਕੋਣ ਨੇ ਕਿਹਾ- ਉਨ੍ਹਾਂ ਕੋਲ ਵੀ ਨਾਮ ਰੱਖਣ ਲਈ ਕੋਈ ਨਹੀਂ ਸੀ, ਜੇਕਰ ਕੁਝ ਸੀ ਤਾਂ ਸਿਰਫ ਇਹ ਦੇਸ਼, ਇੰਡੀਆ ... .
View this post on Instagram
ਇਨ੍ਹਾਂ ਦੋਵਾਂ ਤੋਂ ਬਾਅਦ ਟੀਜ਼ਰ 'ਚ ਫ਼ਿਰ ਸ਼ਾਹਰੁਖ ਦੀ ਆਵਾਜ਼ ਸੁਣਾਈ ਦਿੰਦੀ ਹੈ, ਜਿਸ 'ਚ ਕਿੰਗ ਖਾਨ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਆਪਣੇ ਦੇਸ਼ ਨੂੰ ਆਪਣਾ ਧਰਮ ਮੰਨ ਲਿਆ ਹੈ ਅਤੇ ਦੇਸ਼ ਦੀ ਰੱਖਿਆ ਨੂੰ ਹੀ ਆਪਣਾ ਕਰਮ ਅਤੇ ਜਿਨ੍ਹਾਂ ਦਾ ਨਾਮ ਨਹੀਂ ਹੁੰਦਾ ,ਉਨ੍ਹਾਂ ਦਾ ਨਾਮਕਰਣ ਉਨ੍ਹਾਂ ਦੇ ਨਾਲ ਹੀ ਕਰ ਦਿੰਦੇ ਹਾਂ ਪਰ ਇਹ ਨਾਂ ਕਿਉਂ ਪਿਆ, ਕਿਵੇਂ ਪਿਆ , ਇਸ ਦੇ ਲਈ ਥੋੜਾ ਇੰਤਜ਼ਾਰ ਕਰਨ ਹੋਵੇਗਾ, ਜਲਦੀ ਮਿਲਦੇ ਹਾਂ ਪਠਾਨ ਨਾਲ ...
ਇਸ ਟੀਜ਼ਰ ਨਾਲ ਸ਼ਾਹਰੁਖ ਖਾਨ ਨੇ ਆਪਣੀ ਜ਼ਬਰਦਸਤ ਵਾਪਸੀ ਦੀ ਝਲਕ ਦਿਖਾਈ ਹੈ। ਹੁਣ ਸਿਰਫ ਸਾਲ 2023 ਦੀ ਉਸ ਤਰੀਕ ਦਾ ਇੰਤਜ਼ਾਰ ਹੈ ,ਜਦੋਂ ਸ਼ਾਹਰੁਖ ਖਾਨ ਦੀ ਵਾਪਸੀ ਸਿਨੇਮਾਘਰਾਂ 'ਚ ਫਿਰ ਤੋਂ ਨਜ਼ਰ ਆਵੇਗੀ। 25 ਜਨਵਰੀ ਨੂੰ ਇਹ ਫਿਲਮ ਸਿਨੇਮਾ ਘਰਾਂ 'ਚ ਤਹਿਲਕਾ ਮਚਾਉਂਦੀ ਨਜ਼ਰ ਆਵੇਗੀ।
ਇਹ ਵੀ ਪੜ੍ਹੋ : ਸ਼ੇਅਰ ਬਾਜ਼ਾਰ 'ਤੇ ਜੰਗ ਦਾ ਸਾਇਆ! Sensex 900 ਅੰਕ ਡਿੱਗਿਆ, ਨਿਫਟੀ ਵੀ 16600 ਤੋਂ ਹੇਠਾਂ; ਨਿਵੇਸ਼ਕਾਂ ਦੇ 1 ਲੱਖ ਕਰੋੜ ਡੁੱਬੇ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
