ਇਸ ਸ਼ੋਅ ਨੂੰ ਵੇਖਣ ਲਈ ਐਕਸਾਈਟਡ ਹੋਏ Sidharth-Shehnaaz ਨੂੰ ਮਿਲਿਆ ਮਨੋਜ ਵਾਜਪਾਈ ਦਾ ਸਾਥ, ਜਾਣੋ ਪੂਰਾ ਮਾਮਲਾ
ਦਿੱਗਜ ਅਦਾਕਾਰ ਮਨੋਜ ਬਾਜਪਾਈ ਜਲਦੀ ਹੀ 'ਦ ਫੈਮਲੀ ਮੈਨ' ਦੇ ਦੂਜੇ ਸੀਜ਼ਨ 'ਚ ਨਜ਼ਰ ਆਉਣਗੇ। ਹਾਲ ਹੀ 'ਚ 'ਦ ਫੈਮਿਲੀ ਮੈਨ 2 'ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ, ਜਿਸ ਨੂੰ ਫੈਨਸ ਨੇ ਕਾਫੀ ਪਿਆਰ ਦਿੱਤਾ।
ਚੰਡੀਗੜ੍ਹ: ਦਿੱਗਜ ਅਦਾਕਾਰ ਮਨੋਜ ਬਾਜਪਾਈ ਜਲਦੀ ਹੀ 'ਦ ਫੈਮਲੀ ਮੈਨ' ਦੇ ਦੂਜੇ ਸੀਜ਼ਨ 'ਚ ਨਜ਼ਰ ਆਉਣਗੇ। ਹਾਲ ਹੀ 'ਚ 'ਦ ਫੈਮਿਲੀ ਮੈਨ 2 'ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ, ਜਿਸ ਨੂੰ ਫੈਨਸ ਨੇ ਕਾਫੀ ਪਿਆਰ ਦਿੱਤਾ। ਅਜਿਹੀ ਸਥਿਤੀ ਵਿਚ ਸ਼ਹਿਨਾਜ਼ ਗਿੱਲ ਨੇ ਵੀ ਸੋਸ਼ਲ ਮੀਡੀਆ ‘ਤੇ ਆਪਣੀ ਰਾਏ ਦਿੱਤੀ ਤਾਂ ਸਿਧਾਰਥ ਸ਼ੁਕਲਾ ਨੇ ਵੀ ਉਸ ਦਾ ਸਮਰਥਨ ਕੀਤਾ। ਇਸ ਦੇ ਨਾਲ ਹੀ ਮਨੋਜ ਬਾਜਪਾਈ ਨੇ ਵੀ ਦੋਵਾਂ ਨੂੰ ਜਵਾਬ ਦਿੱਤਾ।
ਕੀ ਹੈ ਸ਼ਹਿਨਾਜ਼ ਦਾ ਟਵੀਟ
ਸ਼ਹਿਨਾਜ਼ ਗਿੱਲ ਨੇ ਦ ਫੈਮਲੀ ਮੈਨ 2 ਦਾ ਟ੍ਰੇਲਰ ਵੇਖਣ ਤੋਂ ਬਾਅਦ ਟਵੀਟ ਕੀਤਾ। ਸ਼ਹਿਨਾਜ਼ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, "ਫੈਮਲੀ ਮੈਨ 2 ਦੇ ਟ੍ਰੇਲਰ ਨੂੰ ਵੇਖ ਕੇ ਮਜ਼ਾ ਆਇਆ।" ਇਸ ਤੋਂ ਬਾਅਦ ਸਿਧਾਰਥ ਸ਼ੁਕਲਾ ਨੂੰ ਟੈਗ ਕਰਦੇ ਹੋਏ ਸ਼ਹਿਨਾਜ਼ ਨੇ ਅੱਗੇ ਲਿਖਿਆ- 'ਸੀਜ਼ਨ 1 ਮੁੜ ਵੇਖਣਾ ਤਾਂ ਬਣਦਾ ਹੈ, ਤੁਸੀਂ ਕੀ ਕਹਿੰਦੇ ਹੋ?"
ਸਿਧਾਰਥ ਨੇ ਦਿੱਤਾ ਇਹ ਜਵਾਬ
ਸਿਧਾਰਥ ਸ਼ੁਕਲਾ ਨੇ ਵੀ ਸ਼ਹਿਨਾਜ਼ ਗਿੱਲ ਦੇ ਟਵੀਟ ਦਾ ਜਵਾਬ ਦਿੱਤਾ। ਸਿਧਾਰਥ ਨੇ ਆਪਣੇ ਟਵੀਟ ਵਿਚ ਲਿਖਿਆ, 'ਸ਼੍ਰੀ, ਸ਼੍ਰੀ, ਸ਼੍ਰੀਕਾਂਤ ਜੀ ... ਨੌਟ ਸੋ ਮਿਨਿਮਮ ਆਦਮੀ ਨੂੰ ਮੁੜ ਦੇਖਣਾ ਹੀ ਪਏਗਾ। ਸ਼ਹਿਨਾਜ਼ ਪੂਰੀ ਤਰ੍ਹਾਂ ਤੁਹਾਡੇ ਨਾਲ ਸਹਿਮਤ ਹਾਂ।" ਇਸ ਤੋਂ ਬਾਅਦ ਸਿਧਾਰਥ ਨੇ ਅੱਗੇ ਆਪਣੇ ਟਵੀਟ ਵਿੱਚ ਲਿਖਿਆ- ‘ਮਨੋਜ ਬਾਜਪਾਈ, ਕਿੰਨਾ ਜ਼ਬਰਦਸਤ ਟ੍ਰੇਲਰ ਹੈ।" ਸਿਧਾਰਥ ਅਤੇ ਸ਼ਹਿਨਾਜ਼ ਦੇ ਇਸ ਟਵੀਟ ਨੂੰ ਪ੍ਰਸ਼ੰਸਕ ਬਹੁਤ ਪਸੰਦ ਕਰ ਰਹੇ ਹਨ।
ਮਨੋਜ ਬਾਜਪਾਈ ਨੇ ਦਿੱਤਾ ਜਵਾਬ
ਮਨੋਜ ਬਾਜਪਾਈ ਨੇ ਇਨ੍ਹਾਂ ਸੋਸ਼ਲ ਮੀਡੀਆ ਪੋਸਟਾਂ 'ਤੇ ਸ਼ਹਿਨਾਜ਼ ਗਿੱਲ ਅਤੇ ਸਿਧਾਰਥ ਸ਼ੁਕਲਾ ਦੀ ਪੋਸਟ 'ਤੇ ਕੁਮੈਂਟ ਕੀਤਾ। ਮਨੋਜ ਨੇ ਆਪਣੇ ਟਵੀਟ ਵਿਚ ਲਿਖਿਆ, 'ਮੈਂ ਤੁਹਾਡੀਆਂ ਯੋਜਨਾਵਾਂ ਸੁਣਨ ਤੋਂ ਬਾਅਦ ਫੋਮੋ, ਲੋਲੋ, ਰੋਫਲੋ ਹੋ ਰਿਹਾ ਹਾਂ... ਮੈਂ ਵੀ ਆ ਰਿਹਾ ਹਾਂ ਦੋਸਤੋ.. ਮੇਰਾ ਇੰਤਜ਼ਾਰ ਕਰੋ।'
ਦੱਸ ਦਈਏ ਕਿ ਦ ਫੈਮਲੀ ਮੈਨ 2 ਦੇ ਨਿਰਮਾਤਾਵਾਂ ਵਲੋਂ ਜਾਰੀ ਅੰਕੜਿਆਂ ਮੁਤਾਬਕ, ਦੂਜੇ ਸੀਜ਼ਨ ਦੇ ਟ੍ਰੇਲਰ ਨੂੰ 4 ਦਿਨਾਂ ਵਿੱਚ 40 ਮਿਲੀਅਨ (4 ਕਰੋੜ) ਵਿਊਜ਼ ਮਿਲੇ। ਜਿੱਥੇ ਪ੍ਰਸ਼ੰਸਕ ਇਸ ਦੇ ਟ੍ਰੇਲਰ ਨੂੰ ਬਹੁਤ ਪਸੰਦ ਕਰ ਰਹੇ ਹਨ, ਉਧਰ ਇਹ ਕੁਝ ਕਾਰਨਾਂ ਕਰਕੇ ਵਿਵਾਦਾਂ ਵਿੱਚ ਵੀ ਆਇਆ ਹੈ। ਖਾਸ ਗੱਲ ਇਹ ਹੈ ਕਿ ਦੂਜੇ ਸੀਜ਼ਨ ਵਿੱਚ ਦੱਖਣੀ ਭਾਰਤੀ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਸਮੰਥਾ ਅਕਿਨੈਨੀ ਇੱਕ ਨਕਾਰਾਤਮਕ ਭੂਮਿਕਾ ਵਿੱਚ ਨਜ਼ਰ ਆਵੇਗੀ।
ਇਹ ਵੀ ਪੜ੍ਹੋ: ਮਿਲੋ Zoya Agarwal ਨੂੰ... ਜਿਸ ਨੇ ਸਭ ਤੋਂ ਲੰਬੇ ਹਵਾਈ ਮਾਰਗ 'ਤੇ ਉਡਾਣ ਭਰ ਕੇ ਇਤਿਹਾਸ ਰਚਿਆ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
