(Source: ECI/ABP News/ABP Majha)
Kapil Sharma Show: 'ਔਰਤ ਘੱਟ, ਮਰਦ ਜ਼ਿਆਦਾ' ਲੱਗਦੀ... ਕਮੈਂਟ ਤੇ ਭੜਕੀ ਅਰਚਨਾ ਪੂਰਨ ਸਿੰਘ, ਯੂਜ਼ਰ ਨੂੰ ਇੰਝ ਸਿਖਾਇਆ ਸਬਕ
Archana Puran Singh Instagram Post: ਬਾਲੀਵੁੱਡ ਦੀਆਂ ਕਈ ਫਿਲਮਾਂ 'ਚ ਆਪਣਾ ਜਲਵਾ ਬਿਖੇਰਨ ਤੋਂ ਬਾਅਦ ਇਨ੍ਹੀਂ ਦਿਨੀਂ ਅਰਚਨਾ ਪੂਰਨ 'ਦ ਕਪਿਲ ਸ਼ਰਮਾ ਸ਼ੋਅ' 'ਚ ਨਜ਼ਰ ਆ ਰਹੀ ਹੈ। ਸ਼ੋਅ 'ਚ ਆਪਣੇ ਹਾਸੇ ਨਾਲ ਸਾਰਿਆਂ ਨੂੰ ਹਸਾਉਣ
Archana Puran Singh Instagram Post: ਬਾਲੀਵੁੱਡ ਦੀਆਂ ਕਈ ਫਿਲਮਾਂ 'ਚ ਆਪਣਾ ਜਲਵਾ ਬਿਖੇਰਨ ਤੋਂ ਬਾਅਦ ਇਨ੍ਹੀਂ ਦਿਨੀਂ ਅਰਚਨਾ ਪੂਰਨ 'ਦ ਕਪਿਲ ਸ਼ਰਮਾ ਸ਼ੋਅ' 'ਚ ਨਜ਼ਰ ਆ ਰਹੀ ਹੈ। ਸ਼ੋਅ 'ਚ ਆਪਣੇ ਹਾਸੇ ਨਾਲ ਸਾਰਿਆਂ ਨੂੰ ਹਸਾਉਣ ਵਾਲੀ ਅਰਚਨਾ ਪੂਰਨ ਸਿੰਘ ਨੂੰ ਹਾਲ ਹੀ 'ਚ ਇੱਕ ਯੂਜ਼ਰ 'ਤੇ ਭੜਾਸ ਕੱਢਦੇ ਹੋੇਏ ਦੇਖਿਆ ਗਿਆ। ਦਰਅਸਲ ਯੂਜ਼ਰ ਨੇ ਅਰਚਨਾ ਦੀ ਥ੍ਰੋਬੈਕ ਤਸਵੀਰ 'ਤੇ ਗੰਦੀ ਟਿੱਪਣੀ ਕੀਤੀ ਸੀ। ਜਿਸ ਦਾ ਹੁਣ ਅਦਾਕਾਰਾ ਨੇ ਕਰਾਰਾ ਜਵਾਬ ਦਿੱਤਾ ਹੈ।
ਅਰਚਨਾ ਨੇ ਪਰਮੀਤ ਨਾਲ ਤਸਵੀਰ ਸ਼ੇਅਰ ਕੀਤੀ
ਦਰਅਸਲ, ਅਰਚਨਾ ਪੂਰਨ ਸਿੰਘ ਨੇ ਹਾਲ ਹੀ ਵਿੱਚ ਆਪਣੇ ਪਤੀ ਅਤੇ ਅਦਾਕਾਰ ਪਰਮੀਤ ਸੇਠੀ ਨਾਲ ਇੱਕ ਥ੍ਰੋਬੈਕ ਤਸਵੀਰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਹ ਤਸਵੀਰ ਜੋੜੇ ਦੇ ਸਵਿਟਜ਼ਰਲੈਂਡ ਦੀਆਂ ਛੁੱਟੀਆਂ ਦੀ ਹੈ। ਜਿਸ ਨੂੰ ਸ਼ੇਅਰ ਕਰਦੇ ਹੋਏ ਅਰਚਨਾ ਨੇ ਲਿਖਿਆ- "Google ਸਾਨੂੰ ਯਾਦ ਦਿਵਾਉਂਦਾ ਰਹਿੰਦਾ ਹੈ ਕਿ ਸਾਡੀ ਜ਼ਿੰਦਗੀ ਕਿੰਨੀ ਚੰਗੀ ਹੈ.." ਫੋਟੋ ਵਿੱਚ ਅਰਚਨਾ ਬਿਨਾਂ ਮੇਕਅੱਪ ਲੁੱਕ ਵਿੱਚ ਪਰਮੀਤ ਨਾਲ ਸੈਲਫੀ ਲੈਂਦੀ ਨਜ਼ਰ ਆ ਰਹੀ ਹੈ।
View this post on Instagram
ਯੂਜ਼ਰਸ ਨੇ ਅਰਚਨਾ ਦੇ ਲੁੱਕ ਦਾ ਮਜ਼ਾਕ ਉਡਾਇਆ
ਜਿੱਥੇ ਅਭਿਨੇਤਰੀ ਦੇ ਫੈਨ ਨੇ ਉਸ ਫੋਟੋ 'ਤੇ ਕਾਫੀ ਪਿਆਰ ਦੀ ਵਰਖਾ ਕੀਤੀ। ਇਸ ਦੇ ਨਾਲ ਹੀ ਇਕ ਯੂਜ਼ਰ ਨੇ ਇਸ 'ਤੇ ਕਮੈਂਟ ਕਰਦੇ ਹੋਏ ਲਿਖਿਆ, ''ਔਰਤ ਘੱਟ ਮਰਦ ਜ਼ਿਆਦਾ ਲੱਗ ਰਹੀ ਆ.. ਕਪਿਲ ਦਾ ਕਹਿਣਾ ਸਹੀ ਹੈ ਕਿ ਤੁਹਾਨੂੰ ਕਾਫੀ ਸਮਾਂ ਲੱਗਦਾ ਹੋਵੇਗਾ ਰੂਪ ਬਦਲਣ 'ਚ।'' ਅਰਚਨਾ ਨੂੰ ਇਹ ਬਿਲਕੁਲ ਵੀ ਪਸੰਦ ਨਹੀਂ ਆਇਆ, ਇਸ ਲਈ ਉਸ ਨੇ ਇਸ 'ਤੇ ਯੂਜ਼ਰਸ ਨੂੰ ਝਿੜਕਿਆ।
ਅਰਚਨਾ ਨੇ ਯੂਜ਼ਰ ਨੂੰ ਕਰਾਰਾ ਜਵਾਬ ਦਿੱਤਾ
ਇਸ ਟਿੱਪਣੀ ਦਾ ਜਵਾਬ ਦਿੰਦੇ ਹੋਏ ਅਰਚਨਾ ਪੂਰਨ ਨੇ ਲਿਖਿਆ – “ਤੁਸੀਂ ਇੰਨੀ ਛੋਟੀ ਉਮਰ ਵਿੱਚ ਕਿੰਨੀ ਮਾੜੀ ਸੋਚ ਰੱਖਦੇ ਹੋ.. ਜੇਕਰ ਥੋੜਾ ਪੜ੍ਹ ਲਿਖ ਲੈਂਦੀ ਤਾਂ ਤੁਹਾਨੂੰ ਸ਼ਾਇਦ ਪਤਾ ਹੁੰਦਾ ਕਿ ਆਪਣੇ ਤੋਂ ਵੱਡੇ ਲੋਕਾਂ ਨਾਲ ਕਿਵੇਂ ਗੱਲ ਕਰਨੀ ਹੈ... ਕਿਰਪਾ ਕਰਕੇ ਹਰ ਉਮਰ, ਸ਼ੇਪ ਅਤੇ ਸਾਈਜ਼ ਦੀਆਂ ਔਰਤਾਂ ਦਾ ਸਤਿਕਾਰ ਕਰਨਾ ਸਿੱਖੋ। ਤੁਸੀਂ ਮਰਦਾਂ ਤੋਂ ਇੱਜ਼ਤ ਦੀ ਉਮੀਦ ਕਿਵੇਂ ਕਰ ਸਕਦੇ ਹੋ, ਜਦੋਂ ਤੁਸੀਂ ਖੁਦ ਕਿਸੇ ਔਰਤ ਦੀ ਇੱਜ਼ਤ ਨਹੀਂ ਕਰ ਰਹੇ ਹੋ।'' ਜਿਸ ਤੋਂ ਬਾਅਦ ਔਰਤ ਨੇ ਆਪਣਾ ਕਮੈਂਟ ਡਿਲੀਟ ਕਰ ਦਿੱਤਾ।
ਅਰਚਨਾ-ਪਰਮੀਤ ਦਾ ਵਿਆਹ ਸਾਲ 1992 ਵਿੱਚ ਹੋਇਆ
ਦੱਸ ਦੇਈਏ ਕਿ ਸਾਲ 1992 ਵਿੱਚ ਅਰਚਨਾ ਪੂਰਨ ਸਿੰਘ ਨੇ ਪਰਮੀਤ ਸੇਠੀ ਨਾਲ ਸੱਤ ਫੇਰੇ ਲਏ ਸਨ। ਦੋਹਾਂ ਨੇ ਮੰਦਰ 'ਚ ਗੁਪਤ ਵਿਆਹ ਕਰਵਾਇਆ ਸੀ। ਜਿਸ ਨੂੰ ਉਸਨੇ ਕਈ ਸਾਲਾਂ ਤੱਕ ਸਾਰਿਆਂ ਤੋਂ ਲੁਕੋ ਕੇ ਰੱਖਿਆ ਸੀ। ਹੁਣ ਇਹ ਜੋੜਾ ਦੋ ਬੇਟਿਆਂ ਆਰਿਆਮਨ ਅਤੇ ਆਯੁਸ਼ਮਾਨ ਦੇ ਮਾਤਾ-ਪਿਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
