Brahmastra: ਆਲੀਆ-ਰਣਬੀਰ ਦੀ ਫ਼ਿਲਮ `ਬ੍ਰਹਮਾਸਤਰ` ਨੇ ਕੀਤਾ 100 ਕਰੋੜ ਦਾ ਅੰਕੜਾ ਪਾਰ, ਤਿੰਨ ਦਿਨਾਂ `ਚ ਇੰਨੀਂ ਕਮਾਈ
Brahmastra Box Office Collection: ਰਣਬੀਰ ਕਪੂਰ-ਆਲੀਆ ਭੱਟ ਦੀ ਫਿਲਮ ਦਾ ਜਾਦੂ ਹਰ ਕਿਸੇ ਦਾ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਫਿਲਮ ਦਾ ਤੀਜੇ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆ ਗਿਆ ਹੈ। ਜਿਸ ਨੂੰ ਜਾਣ ਕੇ ਤੁਸੀਂ ਵੀ ਹੈਰਾਨ ਹੋ ਜਾਓਗੇ।
Brahmastra Box Office Collection Day 3: ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ ਫਿਲਮ ਬ੍ਰਹਮਾਸਤਰ ਬਾਕਸ ਆਫਿਸ 'ਤੇ ਧਮਾਲ ਮਚਾ ਰਹੀ ਹੈ। ਫਿਲਮ ਦਾ ਹਰ ਸ਼ੋਅ ਹਾਊਸਫੁੱਲ ਜਾ ਰਿਹਾ ਹੈ। ਬ੍ਰਹਮਾਸਤਰ ਬਾਲੀਵੁੱਡ ਦੇ ਸੋਕੇ ਨੂੰ ਖਤਮ ਕਰਨ ਵਿੱਚ ਸਫਲ ਸਾਬਤ ਹੋਈ ਹੈ। ਇਸ ਫਿਲਮ ਨੇ ਆਪਣੇ ਦੇਸ਼ ਵਿੱਚ ਹੀ ਨਹੀਂ ਬਲਕਿ ਪੂਰੀ ਦੁਨੀਆ ਵਿੱਚ ਹਿੱਟ ਦਾ ਝੰਡਾ ਬੁਲੰਦ ਕੀਤਾ ਹੈ।ਬ੍ਰਹਮਾਸਤਰ ਤਿੰਨ ਦਿਨਾਂ ਵਿੱਚ 100 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਗਈ ਹੈ। ਫਿਲਮ ਦਾ ਤੀਜੇ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆ ਗਿਆ ਹੈ। ਜਿਸ ਨੂੰ ਦੇਖਦੇ ਹੋਏ ਕਿਹਾ ਜਾ ਸਕਦਾ ਹੈ ਕਿ ਕੁਝ ਹੀ ਦਿਨਾਂ 'ਚ ਇਹ ਫਿਲਮ 200 ਕਰੋੜ ਦਾ ਅੰਕੜਾ ਵੀ ਪਾਰ ਕਰ ਲਵੇਗੀ।
ਰਣਬੀਰ ਕਪੂਰ ਨੇ ਆਪਣੀਆਂ ਸਾਰੀਆਂ ਫਿਲਮਾਂ ਦੇ ਰਿਕਾਰਡ ਤੋੜ ਦਿੱਤੇ ਹਨ। ਹਾਲਾਂਕਿ ਇਹ ਫ਼ਿਲਮ ਅਜਿਹੇ ਦਿਨ ਰਿਲੀਜ਼ ਹੋਈ ਸੀ, ਜਦੋਂ ਨਾ ਕੋਈ ਦਿਨ ਤਿਓਹਾਰ ਸੀ ਤੇ ਨਾ ਹੀ ਕੋਈ ਛੁੱਟੀ। ਫ਼ਿਰ ਵੀ ਫ਼ਿਲਮ ਦੀ ਕਮਾਈ ਦਾ ਅੰਕੜਾ ਜ਼ਬਰਦਸਤ ਹੈ। ਰਣਬੀਰ ਨੇ ਆਪਣੀ ਫਿਲਮ ਸੰਜੂ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਇਹ ਵੀਕੈਂਡ ਰਣਬੀਰ ਲਈ ਸਭ ਤੋਂ ਵੱਡੀ ਓਪਨਿੰਗ ਰਿਹਾ ਹੈ।
ਤੀਜੇ ਦਿਨ ਕੀਤਾ ਇੰਨਾ ਕਾਰੋਬਾਰ
'ਬ੍ਰਹਮਾਸਤਰ' ਨੇ ਪਹਿਲੇ ਹੀ ਦਿਨ 37 ਕਰੋੜ ਦੀ ਕਮਾਈ ਕੀਤੀ ਸੀ। ਬਾਲੀਵੁੱਡ ਹੰਗਾਮਾ ਦੀ ਰਿਪੋਰਟ ਮੁਤਾਬਕ ਫਿਲਮ ਨੇ ਦੂਜੇ ਦਿਨ 42 ਕਰੋੜ ਅਤੇ ਤੀਜੇ ਦਿਨ 46 ਕਰੋੜ ਦਾ ਕਾਰੋਬਾਰ ਕੀਤਾ ਹੈ। ਜੀ ਹਾਂ, ਐਤਵਾਰ ਨੂੰ ਬ੍ਰਹਮਾਸਤਰ ਨੇ ਬਹੁਤ ਕਮਾਈ ਕੀਤੀ ਹੈ। ਜਿਸ ਤੋਂ ਬਾਅਦ ਫਿਲਮ ਦੀ ਕੁੱਲ ਕਮਾਈ 125 ਕਰੋੜ ਦੇ ਕਰੀਬ ਹੋ ਗਈ ਹੈ। ਤਿੰਨ ਦਿਨਾਂ 'ਚ 125 ਕਰੋੜ ਦੀ ਕਮਾਈ ਕਰਨ ਤੋਂ ਬਾਅਦ ਇਸ ਫਿਲਮ ਨੇ ਲੋਕਾਂ ਦੀਆਂ ਉਮੀਦਾਂ ਵਧਾ ਦਿੱਤੀਆਂ ਹਨ।
ਬ੍ਰਹਮਾਸਤਰ ਨੂੰ ਦਰਸ਼ਕਾਂ ਅਤੇ ਆਲੋਚਕਾਂ ਤੋਂ ਮਿਲੀ-ਜੁਲੀ ਸਮੀਖਿਆ ਮਿਲੀ ਹੈ। ਕੁਝ ਲੋਕ ਇਸ ਫਿਲਮ ਨੂੰ ਬਹੁਤ ਬੇਕਾਰ ਦੱਸ ਰਹੇ ਹਨ, ਜਦੋਂ ਕਿ ਕੁਝ ਇਸ ਦੇ VFX ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਮਿਸ਼ਰਤ ਸਮੀਖਿਆਵਾਂ ਦੇ ਵਿਚਕਾਰ ਵੀ, ਬ੍ਰਹਮਾਸਤਰ ਦੁਨੀਆ 'ਤੇ ਹਾਵੀ ਹੈ। ਵਰਲਡ ਵਾਈਡ ਇਸ ਫਿਲਮ ਨੇ 3 ਦਿਨਾਂ 'ਚ 160 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ।
ਸ਼ਾਹਰੁਖ-ਦੀਪਿਕਾ ਕੈਮਿਓ
'ਬ੍ਰਹਮਾਸਤਰ' 'ਚ ਰਣਬੀਰ-ਆਲੀਆ ਦੇ ਨਾਲ ਅਮਿਤਾਭ ਬੱਚਨ, ਨਾਗਾਰਜੁਨ, ਮੌਨੀ ਰਾਏ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆ ਚੁੱਕੇ ਹਨ। ਮੌਨੀ ਰਾਏ ਦੇ ਨੈਗੇਟਿਵ ਕਿਰਦਾਰ ਦੀ ਕਾਫੀ ਤਾਰੀਫ ਹੋ ਰਹੀ ਹੈ। ਉਨ੍ਹਾਂ ਦੀ ਐਕਟਿੰਗ ਨੂੰ ਹਰ ਕੋਈ ਕਾਫੀ ਪਸੰਦ ਕਰ ਰਿਹਾ ਹੈ। ਸ਼ਾਹਰੁਖ ਖਾਨ ਅਤੇ ਦੀਪਿਕਾ ਪਾਦੁਕੋਣ ਦਾ ਕੈਮਿਓ ਵੀ ਤੁਹਾਨੂੰ ਇਸ ਫ਼ਿਲਮ `ਚ ਦੇਖਣ ਨੂੰ ਮਿਲੇਗਾ।
Before You Go
CM Mann's order? No NOC! — Majithia's big claim
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
