(Source: ECI/ABP News)
Shah Rukh Khan: ਸ਼ਾਹਰੁਖ ਖਾਨ ਦੀ 'ਜਵਾਨ' 'ਤੇ ਵੀ ਚੱਲੀ ਸੈਂਸਰ ਬੋਰਡ ਦੀ ਕੈਂਚੀ, ਫਿਲਮ ਦੇ 7 ਸੀਨਜ਼ 'ਤੇ ਕੀਤੇ ਗਏ ਵੱਡੇ ਬਦਲਾਅ
Jawan Movie: ਅਭਿਨੇਤਾ ਸ਼ਾਹਰੁਖ ਖਾਨ ਦੇ ਜਵਾਨ ਨੂੰ ਵੀ ਸੈਂਸਰ ਸਰਟੀਫਿਕੇਟ ਮਿਲ ਚੁੱਕਾ ਹੈ। ਇਹ ਫਿਲਮ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਜਵਾਨ ਨੂੰ ਯੂ/ਏ ਸਰਟੀਫਿਕੇਟ ਮਿਲਿਆ ਹੈ।
Shah Rukh Khan Jawan: ਅਭਿਨੇਤਾ ਸ਼ਾਹਰੁਖ ਖਾਨ ਦੇ ਜਵਾਨ ਨੂੰ ਵੀ ਸੈਂਸਰ ਬੋਰਡ ਤੋਂ ਸਰਟੀਫਿਕੇਟ ਮਿਲ ਚੁੱਕਾ ਹੈ। ਇਹ ਫਿਲਮ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਜਵਾਨ ਨੂੰ ਯੂ/ਏ ਸਰਟੀਫਿਕੇਟ ਮਿਲਿਆ ਹੈ। ਇਸ ਸਰਟੀਫਿਕੇਟ ਦਾ ਮਤਲਬ ਹੈ ਕਿ ਹਰ ਉਮਰ ਦੇ ਲੋਕ ਇਸ ਫਿਲਮ ਨੂੰ ਦੇਖ ਸਕਦੇ ਹਨ, ਪਰ 12 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਮਾਪਿਆਂ ਦੀ ਨਿਗਰਾਨੀ ਜ਼ਰੂਰੀ ਹੈ। ਇਸ ਦਰਮਿਆਨ ਇੱਕ ਹੋਰ ਅਪਡੇਟ ਫਿਲਮ ਬਾਰੇ ਸਾਹਮਣੇ ਆ ਰਹੀ ਹੈ, ਉਹ ਇਹ ਹੈ ਕਿ ਸ਼ਾਹਰੁਖ ਦੀ ਫਿਲਮ 'ਤੇ ਸੈਂਸਰ ਬੋਰਡ ਦੀ ਕੈਂਚੀ ਚੱਲੀ ਹੈ। ਫਿਲਮ ਦੇ 7 ਸੀਨਾਂ 'ਚ ਵੱਡੇ ਬਦਲਾਅ ਕੀਤੇ ਗਏ ਹਨ। ਇਹ ਫਿਲਮ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ, ਜਿਸ 'ਚ ਸ਼ਾਹਰੁਖ ਤੋਂ ਇਲਾਵਾ ਨਯਨਤਾਰਾ, ਦੀਪਿਕਾ ਪਾਦੁਕੋਣ, ਵਿਜੇ ਸੇਤੂਪਤੀ ਅਤੇ ਰਿਧੀ ਡੋਗਰਾ ਵਰਗੇ ਸਿਤਾਰੇ ਹਨ।
ਇਨ੍ਹਾਂ ਸੀਨਜ਼ 'ਚ ਹੋਏ ਬਦਲਾਅ
ਫਿਲਮ ਦੇ ਇੱਕ ਸੀਨ ਵਿੱਚ ਆਤਮ ਹੱਤਿਆ ਦੇ ਵਿਜ਼ੁਅਲ ਨੂੰ ਘਟਾਇਆ ਗਿਆ ਹੈ। ਸਿਰ ਕਟੀਆਂ ਲਾਸ਼ਾਂ ਵਾਲੇ ਵਿਜ਼ੂਅਲ ਨੂੰ ਵੀ ਹਟਾਉਣ ਦੀ ਸਲਾਹ ਦਿੱਤੀ ਗਈ ਹੈ। ਇੱਕ ਸੀਨ ਵਿੱਚ ਦੇਸ਼ ਦੇ ਰਾਸ਼ਟਰਪਤੀ ਦਾ ਜ਼ਿਕਰ ਹੈ। ਉਸ ਦ੍ਰਿਸ਼ ਵਿੱਚ, ਰਾਸ਼ਟਰਪਤੀ ਦੀ ਬਜਾਏ ਰਾਜ ਦੇ ਮੁਖੀ ਸ਼ਬਦ ਦੀ ਵਰਤੋਂ ਕਰਨ ਲਈ ਕਿਹਾ ਗਿਆ ਹੈ। 'ਤਬ ਤਕ ਬੇਟਾ ਵੋਟ ਡਾਲਨੇ' ਵਾਲੇ ਡਾਇਲੌਗ 'ਚੋਂ 'ਪੈਦਾ ਹੋਕੇ' ਲਫਜ਼ ਨੂੰ ਹਟਾਇਆ ਗਿਆ ਹੈ। ਇਕ ਹੋਰ ਵਾਰਤਾਲਾਪ ਵਿਚ 'ਉਂਗਲੀ ਕਰਨਾ' ਦੀ ਥਾਂ 'ਉਸ ਨੂੰ ਯੂਜ਼ ਕਰੋ' ਦੀ ਵਰਤੋਂ ਕੀਤੀ ਗਈ ਹੈ।
ਇਨ੍ਹਾਂ ਸਭ ਤੋਂ ਇਲਾਵਾ 'ਘਰ ਪੈਸਾ' ਡਾਇਲੌਗ 'ਚ ਸੰਪਰਦਾ ਸ਼ਬਦ ਜੋੜਿਆ ਗਿਆ। ਡਾਇਲਾਗ 'ਕਿਉਂਕਿ ਵਿਦੇਸ਼ੀ ਭਾਸ਼ਾ...' 'ਚ ਵੀ ਬਦਲਾਅ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ NSG ਨੂੰ ਬਦਲ ਕੇ IISG ਕਰ ਦਿੱਤਾ ਗਿਆ ਹੈ। ਹੁਣ ਜਵਾਨ ਦੀ ਰਿਲੀਜ਼ 'ਚ ਕੁਝ ਹੀ ਦਿਨ ਬਚੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਮੇਕਰਜ਼ ਜਲਦ ਹੀ ਇਸ ਦਾ ਟ੍ਰੇਲਰ ਰਿਲੀਜ਼ ਕਰਨ ਜਾ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਫਿਲਮ ਦਾ ਇੱਕ ਨਵਾਂ ਗੀਤ ਵੀ ਰਿਲੀਜ਼ ਹੋਣ ਜਾ ਰਿਹਾ ਹੈ। ਹੁਣ ਤੱਕ ਫਿਲਮ ਦੇ ਦੋਵੇਂ ਗੀਤ (ਜ਼ਿੰਦਾ ਬੰਦਾ ਅਤੇ ਚਲਿਆ ਤੇਰੀ ਓਰੇ) ਰਿਲੀਜ਼ ਹੋ ਚੁੱਕੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
