Deepika Padukone: ਦੀਪਿਕਾ ਪਾਦੂਕੋਣ ਨੇ ਬਾਲੀਵੁੱਡ 'ਚ ਪੂਰੇ ਕੀਤੇ 15 ਸਾਲ, ਰਣਵੀਰ ਸਿੰਘ ਨੇ ਕਹੀ ਇਹ ਗੱਲ
Deepika Padukone 15 Years: ਦੀਪਿਕਾ ਪਾਦੁਕੋਣ ਨੇ ਸ਼ਾਹਰੁਖ ਖਾਨ ਦੇ ਨਾਲ ਫਿਲਮ 'ਓਮ ਸ਼ਾਂਤੀ ਓਮ' ਨਾਲ ਆਪਣਾ ਡੈਬਿਊ ਕੀਤਾ ਸੀ। ਇਹ ਫਿਲਮ ਬਲਾਕਬਸਟਰ ਹਿੱਟ ਰਹੀ ਸੀ
Deepika Padukone Completed 15 Years In Bollywood: ਬਾਲੀਵੁੱਡ ਦੀ ਬਿਊਟੀ ਕੁਈਨ, ਫੈਸ਼ਨ ਆਈਕਨ ਅਤੇ ਦਮਦਾਰ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਆਪਣੇ ਕਰੀਅਰ ਦੇ 15 ਸਾਲ ਪੂਰੇ ਕਰ ਲਏ ਹਨ। ਫਿਲਮ 'ਓਮ ਸ਼ਾਂਤੀ ਓਮ' ਨਾਲ ਡੈਬਿਊ ਕਰਨ ਵਾਲੀ ਦੀਪਿਕਾ ਅੱਜ ਚੋਟੀ ਦੀ ਅਭਿਨੇਤਰੀ ਹੈ। 'ਓਮ ਸ਼ਾਂਤੀ ਓਮ' 'ਚ ਸ਼ਾਹਰੁਖ ਖਾਨ ਦੇ ਉਲਟ ਦੀਪਿਕਾ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ ਸੀ। ਇਸ ਫਿਲਮ ਦੇ 15 ਸਾਲ ਪੂਰੇ ਹੋਣ 'ਤੇ ਦੀਪਿਕਾ ਨੇ ਹਿੰਦੀ ਸਿਨੇਮਾ 'ਚ ਵੀ 15 ਸਾਲ ਪੂਰੇ ਕਰ ਲਏ ਹਨ।
ਇਸ ਮੌਕੇ 'ਤੇ ਦੀਪਿਕਾ ਪਾਦੂਕੋਣ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ। ਦੀਪਿਕਾ ਨੇ ਇੱਕ ਵੀਡੀਓ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਜੁੜੇ ਰਹਿਣ ਦੀ ਅਪੀਲ ਕੀਤੀ, ਇਸ ਵੀਡੀਓ ਵਿੱਚ ਅਦਾਕਾਰਾ ਬਹੁਤ ਹੀ ਗਲੈਮਰਸ ਅਵਤਾਰ ਵਿੱਚ ਨਜ਼ਰ ਆ ਰਹੀ ਹੈ, ਅਤੇ ਲਿਖਿਆ, "ਇਹ ਸਮਾਂ ਪੂਰਬ ਵੱਲ ਦੇਖਣ ਦਾ ਹੈ.." ਦੀਪਿਕਾ ਦੀ ਇਸ ਪੋਸਟ 'ਤੇ ਉਨ੍ਹਾਂ ਦੇ ਪਤੀ ਅਤੇ ਪਾਵਰਪੈਕ ਐਕਟਰ ਰਣਵੀਰ ਸਿੰਘ ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
View this post on Instagram
ਖੂਬਸੂਰਤ ਪਤਨੀ ਦੀਪਿਕਾ ਦੇ ਇਸ ਵੀਡੀਓ ਦੇ ਕਮੈਂਟ ਬਾਕਸ 'ਚ ਰਣਵੀਰ ਸਿੰਘ ਰੋਮਾਂਟਿਕ ਹੋ ਗਏ ਅਤੇ ਅਦਾਕਾਰ ਨੇ ਦੀਪਿਕਾ ਦੇ ਕਰੀਅਰ ਦੇ 15ਵੇਂ ਸਾਲ 'ਤੇ ਜਸ਼ਨ ਵਜੋਂ ਆਪਣੀ ਪਤਨੀ ਤੋਂ ਕਿੱਸ ਦੀ ਮੰਗ ਕੀਤੀ। ਰਣਵੀਰ ਨੇ ਲਿਖਿਆ, "ਇਹ ਮੈਨੂੰ ਚੁੰਮਣ ਦਾ ਸਮਾਂ ਹੈ..." ਕਮੈਂਟ ਦੇ ਨਾਲ, ਰਣਵੀਰ ਨੇ ਚੁੰਮਣ ਵਾਲੇ ਇਮੋਜੀ ਵੀ ਸਾਂਝੇ ਕੀਤੇ।
ਹਾਲ ਹੀ 'ਚ ਰਣਵੀਰ ਅਤੇ ਦੀਪਿਕਾ ਦੇ ਵੱਖ ਹੋਣ ਦੀ ਖਬਰ ਕਾਫੀ ਵਾਇਰਲ ਹੋਈ ਸੀ। ਹਾਲਾਂਕਿ, ਜੋੜੇ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਦੂਜੇ ਲਈ ਪਿਆਰ ਦਾ ਇਜ਼ਹਾਰ ਕਰਨਾ ਬੰਦ ਨਹੀਂ ਕੀਤਾ ਹੈ। ਰਣਵੀਰ ਕਮੈਂਟ 'ਚ ਦੀਪਿਕਾ ਦੀਆਂ ਤਾਰੀਫਾਂ ਦੇ ਪੁਲ ਬੰਨ੍ਹਦੇ ਨਜ਼ਰ ਆ ਰਹੇ ਹਨ।
ਦੀਪਿਕਾ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਨੇ ਮਾਡਲਿੰਗ ਤੋਂ ਫਿਲਮੀ ਦੁਨੀਆ 'ਚ ਕਦਮ ਰੱਖਿਆ ਸੀ। ਦੀਪਿਕਾ ਦੀ ਪਹਿਲੀ ਫਿਲਮ 'ਓਮ ਸ਼ਾਂਤੀ ਓਮ' 9 ਨਵੰਬਰ 2007 ਨੂੰ ਰਿਲੀਜ਼ ਹੋਈ ਸੀ। ਫਰਾਹ ਖਾਨ ਨੇ ਮਲਾਇਕਾ ਅਰੋੜਾ ਦੇ ਸੁਝਾਅ 'ਤੇ ਦੀਪਿਕਾ ਪਾਦੂਕੋਣ ਨੂੰ ਨਵੇਂ ਚਿਹਰੇ ਵਜੋਂ ਕਾਸਟ ਕੀਤਾ ਸੀ। ਸਿਰਫ 35 ਕਰੋੜ ਦੇ ਬਜਟ 'ਚ ਬਣੀ 'ਓਮ ਸ਼ਾਂਤੀ ਓਮ' ਨੇ 149 ਕਰੋੜ ਦੀ ਬੰਪਰ ਕਮਾਈ ਕਰਕੇ ਝੰਡੇ ਗੱਡੇ ਸਨ। ਫਿਲਮ ਦੇ ਗੀਤ ਅੱਜ ਵੀ ਸੁਪਰਹਿੱਟ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
